譚仔雲南米線 (天澤商場)

營業中

休息中

尋日好hea，諗唔到食咩，路過見到譚仔有下午茶就入咗去食喇，下午茶餐全部都係輕盈版，比晚市細碗，啱哂細食之人食brunch 😃每樣餸都有2件，除咗丸類，同晚市過橋米線係差不多，只係米線同餸嘅種類少咗，如果兩個人share食少少當小食都應該夠，我加咗湖南酸辣湯底，埋單就$47，食完勁飽。如果想平平地嘅話，低至三十幾蚊已經有一碗米線連飲品，下午茶嚟講算係咁，因為普通快餐店都要三十幾四十蚊一份下午茶餐，仲有可能係食唔飽。不過下午茶餐只做閒日，weekend係無架

放工肚餓，想食米線，選擇不多，唯有譚仔，過橋套餐，蕃茄湯正，等五分鐘，就有得食，米線彈牙，肉有咬口，加啲炸醬，再加酸菜，十分開胃，丸又彈牙，墨魚第一，牛丸第二，魚蛋唔差，豆卜入味，豬潤夠香，夠哂飽肚，十分抵食。

近年譚仔真係開咗好多間，差不多個個商場都總有一間，有陣時真係冇選擇之下就入去食下米線。這間米線嘅軟硬程度適中，份量也算足夠，所以通常叫一碗米線已可以，不用再叫其他小吃，否則會好飽。

如果趕時間嘅話，譚仔真係一個好好嘅選擇，又快又平，真係好抵食😋😋我次次食譚仔都係揀雞肉竹笙酸辣，呢個組合真係無得輸，雞肉又多，竹笙又爽👍👍佢個酸辣又係啱啱好嫁喎，唔會太辣，唔係好食得辣嘅人都可以食到，個酸味又好開胃，真係趕時間嘅好選擇。

開左咁耐都未試過，點都要幫襯一次，點都要試下咩味道，點知就中伏，不過唔緊要，因為無下次。蒜泥白肉（細）好彩個蒜泥白肉都幾好，肥瘦適中有少少辣，配合蒜蓉幾好食。魚腐米缐，10小辣嘅麻辣湯底。望落湯底似清湯，試一啖湯，有麻辣感覺，不過唔夠香，米缐煮得唔夠透，魚腐過諗，配料又少炸醬酸菜米缐，三小辣蕃茄湯底炸醬比較稀，好彩都有肉味，酸菜酸到啱啱好，米缐一樣唔夠透，蕃茄湯底無乜蕃茄香味，得個辣味好唔好食見人見智，我就試一次就同佢講聲後會無期👋🏼👋🏼

叫左個雞肉重慶中辣外賣自取，一拎返屋企一喝啖湯就出哂事，係清湯味加麻辣，完全無酸味，好明顯係廚房唔記得加酸，真係好難食！！但當時係下午茶一定唔係忙...我就廢事再行返去換食過幾間譚仔，都係華都果間做得最好，次次去食都保持到水準，但天澤呢間比我感覺就求求期期，清湯無清湯味，酸辣無酸味所以我都愈黎愈少幫襯加上今次之後，我唸都唔會再幫襯天澤呢間分店

非繁忙時間叫外賣，都要等30分鐘，自取8未有但自取11有， 如果有雞翼等耐都知，冇雞翼，但都要等成35分鐘都冇見到個外賣吹左兩次，出到16,17號，我先有個外賣，樓面又多個客，唔知想點

今天沒有飲茶，與茶友吃米線。二人點了過橋米線，不是十分大碗，食量大的人一個人可以食得完，但我們剛起床，二人一碗分享便剛剛好。我主要負責食米線，茶友主攻肉類，她最愛是豬潤，51元一大碗，物超所值。

唔知點解近年譚仔炒到咁熱，早幾年只可以係深水埗個頭先食到，依家開分店開到每個區都有咁滯，真係好佩服佢，仲有啊個重慶辣湯同蕃茄湯係我每次必食嘅湯底……今次因為食得太多重慶湯底要食返啲蕃茄湯中和一下，今次嗌咗個墨丸雞肉，每次墨丸都係必嗌嘅，個口感真係彈牙啲同埋有墨魚粒粒，雞肉真係我嘅至愛，蕃茄湯嘅蕃茄底都幾夠味，仲有好多蕃茄肉食。其實係屋企樓下開咗譚仔都幾好，米線癮又可以止下，真係都唔錯嘅選擇，仲有啊，打電話去外賣，再自取都好方便。

終於食到我一直想食肥腸啦 之前去其他分店一直都話賣哂 肥腸夠爽 好有咬口 可惜唔太入味 放落湯到沖走左d辣醬 d肥腸就冇咩味啦 加上d腸有痴埋一舊 成舊食太大舊 有排都咬唔爛 師傅刀工有待改善

身處大西北，離后海灣，深圳已不遠，要外賣米線。原想買米線陣的麻辣蕃茄肥牛魚腐米線，在金鐘買46元，這裏買36元，降價2成。朋友們和其家人都主張買此店。此店索價32元/碗，比灣仔35元售價，只減3元。食完後，朋友多認為此店較感滋味，味蕾感覺有所不同，上述店舖和其他食店出品難比得上。我的感覺是既酸且辛辣，黑沉沉的，有特殊的香氣。魚蛋彈牙，是有鮮味。回家後再比較兩間譚仔的資料，相同是提供重慶酸辣，湖南酸辣，麻辣，清湯4類湯底。三哥多了煳辣湯底，並有齋湯，以麻辣最受歡迎。粗淺分析是三哥以麻辣取勝，此店似乎是重慶酸辣湯底較受歡迎。麻與酸是兩種不同味覺，各有所好。此店在此區可以賣32元（深水埔只賣29元），反映有很大市場。