譚仔雲南米線 (TKO Spot)

營業中

休息中

今日同BB去單車館玩，1點半先出黎覓食，經過見冇乜人就選擇入去食飯，店員話下載apps手機落單可以有優惠，按要求選擇左自選米線三菜，但因店內網絡太差，遲遲落吾到單，落張單都浪費左D時間，所以都冇時間慢慢睇優惠使用方法，結果埋單時被告知我沒點使用優惠券，所以不能享受該優惠，但凡店內網絡好D都能仔細望下，店員又冇提醒，埋單時店員態度能委婉點，都覺得可以下次再使用，但個店員態度實在惡劣，感覺上當受騙了。

在這店食火鍋米線餮，加配點炸魚皮，當主鍋及所有火鍋料都上齊後，炸魚皮仲未到，它不用煮理應好快先系。之後同侍應跟進終於來，一到見到就很驚喜，只有碎魚皮幾塊，好似食淨甘，問店員話份量系甘。之後無言了，只好念佢賣剩尾只得少量碎片餘下，以後一定唔會再點這個。

呢日係將軍澳因家人清潔屋企.遲咗少少落街找地方吃飯.估唔到將軍澳啲人會咁早食飯.啲食店晚上九時落到去已經行過幾間食肆.都話截咗單.唔再落單.準備關門.喺尚德商場行到《譚仔雲南米線》見到還有人在進食.便入去問吓姐姐先.啲姐姐立即回覆.快快做埋我哋先截單.啲嘢食可以慢慢食.可以遲少少先關門.啲姐姐還很耐心介紹食品給我哋.真係服務態度非常之好！🚶🏻‍♂️👉📌譚仔雲南米線 (將軍澳)將軍澳唐明街2號尚德商場2樓240號舖今晚點餐如下：1. 自選米缐：雞肉/竹笙 X1 $46元 麻辣湯底（小辣）加$1元2. 自選米線：腩肉/鹵水豬大腸 X1 $46元 清湯底3. 自選米缐：竹笙/腐皮 X1 $45元 清湯底.走韭菜。4. 自選米缐：墨九/鹵水豬大腸 X1 $47元 湖南酸辣湯底.加$1元5. 土匪雞翼五隻$33元X2碟 = $66元6. 四川青椒皮蛋 X1 $24元

譚仔米線，係學生同打工仔的幫襯地，快靚正且價格經濟親民。份量够大，午餐時耐不耐我都會來幫襯。環境坐落舒適，干淨明亮。今天就簡單叫了雞肉米線清湯+凉拌麻辣豬耳。雞肉清湯米線，大大碗，米線煮得岩好，唔會太脹太爛，又滑又香，加埋芽菜雞肉，湯更倍鮮甜。豬耳也係此家的招牌菜，好好味。口感又韌又脆，滿滿的膠質，食極都不腻，很開胃。又是飽飽的一餐。

試譚仔新出嘅 雞肉一咬就散，雖然知道不會是新鮮雞，但以雪藏雞來說口感真係好一般。淮山應該是未煮諗，只是飛一飛水，所以仍是實得得。黑蒜清雞湯真係好一般，寧願飲過清湯。整體來說，不會再試。雞肉鮮淮山黑蒜清雞湯米線雞肉一咬就散，雖然知道不會是新鮮雞，但以雪藏雞來說口感真係好一般。淮山應該是未煮諗，只是飛一飛水，所以仍是實得得。黑蒜清雞湯真係好一般，寧願飲過清湯。整體來說，不會再試。

星期六晏食早餐，所以到下午都仲未肚餓。到下午茶時間，就去咗譚仔醫醫肚見佢餐牌有個推介，我就揀咗香茜皮蛋魚湯米線配脆肉鯇，要咗10小辣，加$8要熱檸蜜香茜皮蛋魚湯米線，芫荽好香，魚湯好鮮甜，魚片好大塊好爽脆，整體好好食另外叫咗一碗魚蛋,牛肉蕃茄湯底米線，蕃茄湯底好濃郁，魚蛋好彈牙，都係好好味

冇食一排就會有舖譚仔癮，今次嗌左豆卜雞肉三小辣米線。早前一排食覺得個辣度退步咗（好似亂咁嚟加辣咁）， 湯底又難飲咗。 今次食又進步返喎，個三小辣湯底好飲， 豆卜大大嚿份量夠多， 咬一半再沾啲湯食直程一流。不過雞肉份量太少， 成碗計埋都唔知有冇三四舊。overall正常，不過料嘅份量可以平均d. 哩埋外賣都等咗成四至五個字，有d耐。

今日一起身又忍不住想食譚仔，一個星期分分鐘有三四日食，每次我都幾乎必點佢既雞肉炸醬豆卜麻辣三少，再配杯凍冷茶係冇得輸既組合阿！ 佢既雞肉肉質鮮嫩，份量亦不少，唔洗擔心得一樣肉而唔夠飽，豆卜浸住係佢招牌麻辣湯底入面，一咬湯汁係口入面bi開，真係冇得頂，而豆卜同雞肉都建議可以放入炸醬入面撈一撈，令口感更加香濃好食，大家亦可以放入面中直接拌拌，簡單講有埋炸醬成個食法提升左，又有多樣性.而覺得太辣既朋友就一定要配杯凍冷茶中和下😆🤷‍♂️

今日中午仍然唔想食飯，公司附近選擇越來越少，結果去左同啲學生一齊迫，食譚仔。成日覺得食譚仔一餸最抵，因為叫2/3餸感覺會減左份量，特別是炸醬。今日叫左個炸醬清湯米線，感覺味道依然，由於病完剛好返唔夠膽食辣，一餸炸醬大大碗，夠晒餸。

譚仔雲南米線已經成為我的其中一個飯堂不用等位下午茶時段, 樓面阿姐好好招呼, 落單後, 好快就有野食送上。今天選了雞肉湯米線同土匪雞翼！雞肉份量不算太多，勝在夠滑嫩米線軟硬度適中，很好吃。麻辣湯底可說是整碗米線的靈魂呢！飲一啖（正）有齊麻、辣同香. 主要我愛它的味道香濃且辣。加上有份量的配料。有芽菜, 腐竹及韮菜, 味道更好,次次都飲埋個湯，飲完成頭都出汗。土匪雞翼是即叫即做的，上碟時熱騰騰的。雞翼很滑很嫩，又有肉汁，好惹味。當然唔少得加有一杯冰凍飲品, 餐牌飲品好多選擇, 今次叫了凍檸檬茶. 味道也好。下午茶食得飽飽...

自己一個食飯，最中意食譚仔，環境舒服好自在今日食豪啲，叫咗個豬耳一直以來都好欣賞佢機切嘅小食，全部都好薄，方便點到多啲汁而且豬耳好有咬口，半透明滑酹酹咁，口感豐富呢個麻辣醬汁除咗辣油，仲有好多薑蓉，整個都好香口豬潤酸辣米林啲，豬潤爽滑粉嫩，同湯底好夾唯一美中不足嘅係煮親豬潤嘅湯都好混濁，外觀真係麻麻

平時譚仔真係經常都食，因為真係好好食！今日下午又去食譚仔啦，平時食過5小辣，今日挑戰小辣叫左豬肉米線，米線份量都多，配菜都多。小辣我覺得都唔算好辣，越食越開胃麻辣豬肚，個辣味好香，好正！

朝早有時都好想食譚仔，可惜冇得食辣不過唔緊要，佢嘅早餐都有米線，不過湯底就係蕃茄叫咗個蕃茄豬潤米線，跟餐熱奶茶熱奶茶先上，都幾香幾滑，落埋細細包糖啱啱好，而且個杯都裝得滿滿嘅早餐嘅蕃茄湯有唔少新鮮切好嘅蕃茄粒，啱哂鐘意食蕃茄嘅我同午市晚市一樣都係有腐皮，韭菜同芽菜成日叫親豬潤做餸，個湯就會好混濁不過唔緊要，譚仔啲豬潤都幾粉唔會鞋烚烚雖然係早餐，但米線嘅份量都幾足，相比起其他餐，呢個真係可以食飽飽所以朝早想食米線過下口癮嘅可以一試

叫員工落單叫極都走（叫同員工2次，居然藉口話沒有筆）「我當時O在嘴」，半小時後一樣野都未出，廚房玩野，枱枱也是如此，終於明白其他食店冇位，而呢間譚仔有咁多位的主要原因

一個人食飯首選譚仔，好食得嚟又坐得自在不過其實食譚仔都要睇時候，揀平日/少人嘅時間真係最好，事因姐姐服務態度會好好多，而且廚房都會俾心機啲煮本人次次食親譚仔都會叫米腍啲，因為超唔鐘意硬/未熟嘅麵線如果多人嘅時候叫米腍啲，同無嗌係冇分別，因為佢根本冇多餘嘅時間幫你煮今次少人，叫咗碗豬潤酸辣米林D，質素好高！豬潤係粉嘅，食落啱啱熟透，仲有少少彈牙米線軟硬程度適中，加埋酸辣湯一齊食真係絕配另外叫咗份口水雞，除咗signature嘅麻辣油之外，仲有好多配料：花生，蔥，芝麻，芫茜雞翼係單骨雞翼，有6件，合返埋啫係共有3隻完整嘅雞翼雞肉同醬汁基本上係分開煮嘅，只係沾嚟食，不過已經好惹味