譚仔雲南米線 (宏貿發展大廈)

營業中

休息中

🔅🔅🔅自從上次試左重慶酸辣湯幾日之後心掛掛想食多次今日行經尖沙咀見到譚仔又正是午餐時間心動就不如行動食多次lu~🔸<雞肉墨丸重慶酸辣湯米線> 今次個湯底同上次差不多不過辣油好似再多些少～但一入口又唔會覺得辣～只是有點麻酸的感覺好開胃米線稍微煮過左龍淋左D芽菜韭菜好多好爽口～雞肉嫩滑不柴好鮮甜味仲湯底感覺更加豐富！墨丸彈牙爽口都唔錯～🔹<土匪雞翼> 必點小食之一今次叫左大份～雞翼大大隻焗得好香表面的芝麻脆脆的皮脆肉嫩有肉汁😋🔸好彩有叫到少米線食埋全部雞翼超級飽～🔅🔅🔅

呢幾日天氣無啦啦勁凍，決定搵啲暖嘢返屋企食。 最後揀咗食米線，叫咗個冬菇腩肉米線加埋雲耳小食。 而米線都keep住一貫彈牙，而冬菇都好大隻好好味，但腩肉好似乾咗少少，但暖粒粒嚟食已經好滿足，而雲耳味道可以但份量太少。

自以爲客多就了不起，帶位的、落單的阿姐服務態度非常差，當時我中午12點幾時一個人去，看見很多位都還沒有人座，我照取了票，但沒有人理會，我問其中一個服務阿姐，佢就叫我座在卡位，當我要叫嘢時，竟然落單的阿姐問我點解座卡位，我就話佢同事叫，佢之後就冇理我，又唔落單！我立即起身就走！雖然係接近午市的時候，如果呢個阿姐好聲好氣同我講要轉其他位，我會接受的，但佢好不滿咁態度，非常令人反感，到底我是顧客，來幫襯要受妳哋氣？好想打電話去譚仔投訴，但找了很久都找不到。譚仔現在請的樓面十居其九都係內地來的阿姐，我絕對尊重佢哋，冇歧視不滿，但聲大夾惡冇禮貌的行為，開始慢慢出現了，我沒有途徑可表達不滿，只能才這和各位分享了。

炸醬麻辣-中辣一如既往既味道，夠麻夠辣，不過有時都會懷疑係咪化學麻辣，湯頭都冇麻子....不過係尖沙咀平食又要快，加上食辣，就諗起譚仔。將麵撈落炸醬食比起湯麵好味。

今晚是平安夜，我帶老婆同囡囡坐渡海小輪過尖沙咀碼頭星光大道行街，嗰度有好多表演者係度表演，搞到水泄不通，我哋唯有去第二度周圍行，今晚係節日所以有幾條主要道路都封路，我哋可以喺馬路中間大大步行好過癮。不經不覺行到清真寺附近，覺得有啲肚餓，於是乎周圍搵野食，但係好多餐廳都滿座，好彩喺附近嘅譚仔雲南米線搵到位。我哋一坐低連菜單都唔使睇，就向侍應落單要兩個招牌菜過橋米線套餐加多個土匪雞翼。個套餐好足料，有魚蛋，牛丸，墨魚丸，豬膶，牛肉等等，我哋又點多兩杯凍奶茶，凍檸茶。套餐實在太大碗，我哋食完都要坐多一陣消化一下先至埋單走人。

識食一定係食譚仔堂食兩個人食叫咗一碗麵，小辣炸醬酸菜冬菇加底，亦叫咗大土匪雞翼，蒜泥白肉同埋皮蛋（算係小型譚仔放題哈哈）三碟小食都嚟晒但唔知點解個麵等左十幾分鐘先到，可能因為係尖沙咀夜晚時間多人食。 最好食係個皮蛋同埋雞翼，好食過其他分店！超哂班🤣今次個侍應唔係譚仔阿姐係一個年輕嘅男仔佢好有耐性雖然講嘢有啲唔準但係越來越多客人嘅時候佢都會好有禮貌咁叫佢哋等等又會解釋加水係唔使加錢嘅值得一讚 次次食完譚仔都好滿足 希望遲啲唔會連一杯水都要俾錢啦

最近呢間譚仔開始多左好多遊客令到午餐既繁忙時間變得更繁忙我一個人+一點去到拎位所以唔洗等好耐大約等左5分鐘就有位呢到好忙嫁..佢一比餐牌我即刻落單今日算快..1x分鐘就到叫左雞肉重慶三小個味比之前淡左但食落去有酸味..直覺好似係變左味雞肉好多雞皮米線漲晒好難食可能煮好左冇人拎出黎or煮太耐食左半碗頂唔住唔食啦$32（食淨既分量）

朋友公司有啲urgent野要我幫手，所以一大清早我就去咗尖沙咀，幫佢攪咗半日，終於可以食飯啦，不過時間有限，就係附近搵D快餐食。行咗一陣，朋友就話不如去食譚仔雲南米線。呢間店都好大，不過可能星期日下午1:00唔係太多人，有部份位置都冇開放，本來要坐門口位😪，好在剛剛有食客走咗可以坐番卡位😆。我地今日叫左兩個米線，一個配墨丸、炸醬，另一個配韮菜。話名快餐，好快就到，但我朋友個炸醬就吾知點解等左一段時間都未到😅

譚仔應該冇香港人係唔識, 一係就好唔中意食, 一係就好中意食, 而我就係中意到上瘾個種, 本身自己好中意食辣, 由中學開始一直都係食中辣, 但宜家人大左,佢又多口味左, 就發覺重慶酸辣加中辣都唔錯, 辣得黎有少少酸, 岩岩好

8點有多,係尖沙咀離開番屋企又好似太晏,但係又唔係好肚餓,行到地鐵站,有d口痕,不如食碗譚仔啦,呢間都唔係第一次黎,貪佢少人又多位,唔會好似旺角區果d咁趕亂衝亂撞,今日如常叫個腩肉小辣,估唔到覆單既係一個小妹妹,譚仔阿姐呢?原來全部都係大堂到吹水,唯獨是譚仔阿妹幫我落單抹枱,應該係暑期工黎既,等左大概10分鐘,米線送上,米線都係一如以往既味道,呢間譚仔既阿姐平日雖然都會講二句,有時都幾好人會比水我飲,但如果趕時間既,就唔好過黎😂佢地做野都幾有性格既,我通常唔會係rush hour過黎囉

I was invited by my colleagues to have lunch together. They brought me to this shop which I tried it long time ago. The shop is located downstairs, and I found it quite big down there. It made a very relaxing area for lunch or for chattingI ordered the beef ball and the fried bean sauce which were recommended by my dear colleagues Having waited for around 5 minutes, there came the noodle I felt tasty for the sauce with the noodle. It’s a little bit spicy but it’s appropriate for me to avoid bein

久唔久就會想食下米線，譚仔分店夠多，所以久唔久都會食返次呢日叫左個竹笙酸菜三小辣，味道同平日食既都無乜分別啦我仲要左三隻雞翼做餸，惹味又香口，不過依家好似又加左價啦......跟餐加錢飲凍檸茶，爽（呢間啲呀姐有啲燥，所以個日啲態度就）------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨(5✨最好)服務態度：🌟🌟(5🌟最佳)整體評分：❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

米線我食左好多間，而譚仔都係全香港有好多好多間分店，我都食過吾同地區既分店味道，作個小總結黎講，鍾意佢地既餸菜算新鮮，有質素，起碼好食過好多吾同大大小小既米線專門店，但佢地既湯底應該真係好多味精，話說食咁多次都會覺得食完之後要狂飲水，會令人覺得好口渴，就算食佢地既清湯底一樣會口渴。而佢地既特式係湯底好夠入味，米線都幾大碗而且餸菜都算份量合理，驚吾夠飽既朋友仲可以試佢地既過橋米線，會有晒咁多樣餸菜，岩岩鍾意食多幾樣野，心大心細既你！

尖沙咀一向人多，午餐時間嚟到，好多人排隊。由於入面所有數量較多，所以好快就入去坐。點左碗酸辣雞肉米線，本人偏好硬身米線，米線有咬口，湯亦夠濃，不過不失。lunch既好選擇

下午2點鐘、黎到地庫哩間既譚仔米線，由於避過人潮既午市時間，所以黎到已經有位坐，唔需要拎飛等位。黎到譚仔，當然要叫例牌雞肉，炸醬清湯米線啦⋯⋯咁多間米線店黎講，我最鐘意就係譚仔既炸醬啦，唔會太辣，太咸，味道適中，加上清湯，雖然係清湯，但又唔會淡而無味。。。岩岩好。。。一匙米線，夾小小炸醬上去，又係另一種風味2個餸，食到飽飽，$40有找。。。果然係單人之選。。。雖然譚仔轉左人，但味道依然無變。。正呀