譚仔雲南米線 (宏貿發展大廈)

營業中

休息中

近日又開始暖番，到左中午食飯時間，胃口好似變得麻麻，唔想食飯，所以就第一時間諗到去食譚仔米線，都係因為又平又好食嘛譚仔一直都好受打工仔歡迎，尤其是中午食飯時間，如果多人去食通常都要等，但今次一個人去食，就唔駛等即刻有位，坐彽連餐牌都唔駛睇，就可以即係落單，要碗雞肉，腩肉麻辣十少，再加多杯凍檸茶，每間譚仔的米線水準都有d 參差，十少麻辣食落好似唔夠麻和辣，腩肉同雞肉份量就好足夠，同埋唔知係唔係漏單，等左成十五鐘先有得食

星期六喺尖沙咀要周圍行搵聖誕禮物，晚飯時間冇訂檯又諗住快手食完就行，於是揀去譚仔。米線就唔使多講，只係想食多幾個小食，我想食麻辣豬耳，另一半竟然想試巴蜀生腸，另外喺土匪同麻辣雞翼兩者揀左後者。首先講呢個麻辣雞翼，第一啖食落去主要係辣味，唔覺有麻味，然後愈食愈辣🔥入面啲雞肉好似冇土匪雞翼咁入味。至於麻辣豬耳，我差不多食左成碟。對於唔食得好辣嘅我麻辣味剛好豬耳薄切就唔會有切長條嗰種咁硬，軟骨好爽脆易咬👍🏻呢個生腸我喺其他店唔只一次話賣晒，今次呢間食到。生腸個醬都唔錯，幾香，但蓋唔到生腸嘅「壓」，所以我地食剩半碟

譚仔雲南米線，我估幾乎十個香港人有九個都食過咁滯不過係好食都值得讚下我同朋友一齊黎食，我就叫左，雞肉清湯米線 $31，佢就叫左炸醬清湯米線 $31雞肉清湯米線 $31雞肉幾好，肉質軟滑有雞味我叫左清湯但其實唔駛重口味都好好味，米線又夠爽滑朋友叫左炸醬清湯米線 ，都係$31，佢又同我一樣鐘意清湯唔咁重口味米線夠爽滑，炸醬都幾好食有D人會覺得雲南風味始終要食下辣，不過清湯更加可以感受哂食物原本個鮮味同美味不過希望唔好再加價啦主打地道同平民嘅食店，價錢都應該平民化D嘛

我第一次去，唔次点叫，服务員不帮你，只等你叫。餐牌complicated.第一碗米线要二十分钟，重要追才拿出来。坐我對面的米綫也要十五分钟才到，我寕願去南記，好食好多

因為本人鍾意食辣 所以經常來尖沙咀叻間譚仔食，經典搭配湯底重慶三小辣。上幾個禮拜有一日來到買外賣，要佐份過橋米線套餐，50幾蚊，點知翻到打開發覺淨係得碗湯幾粒丸幾片肉，就連酸菜同肉醬都無。無粉點食？？於是打電話投訴，店長堅持表示只能夠我翻轉頭再拎個粉底，試問係你地工作失誤點解要我承擔責任？之後店長表示下次來到再補翻。咁啱幾個禮拜之後朋友約尖沙咀食譚仔，於是又來到叻間，落單前表明情況，店長表示只能夠送多一份粉底俾我，咁姐係話我今餐要食兩份？？無得減粉底錢，淨係可以加份粉底！！要我一餐食埋幾個禮拜前果餐？咁係咪話有日午餐無食，夜晚果餐食兩份啊？搞笑！擺明唔想解決問題！真系未見過有咁樣噶服務，下次唔會再來！！

成日都食普通酸辣, 今次就試下重慶酸辣湯底~叫左重慶酸辣湯底3小辣, 因為未試過所以唔知有幾辣.湯底顏色都偏紅以為好辣但食落味道偏淡, 無咩味. 沒有重慶酸辣的味道, 下次都會揀番普通酸辣. 除左一碗米線外, 仲叫左皮蛋, 細土匪同蒜泥白肉~ 

搵食兵團隊長B之日常👻最近在譚仔的新寵—蕃茄湯底小辣🍅～雖然蕃茄未煮透，湯底亦唔多覺有幾多蕃茄味😅但甜酸辣的惹味不同於一般落醋的酸辣😌～腐皮韮菜吸透湯底的精華，原來不用重慶酸辣，這個也是很美味😝～絕對係最近新寵~哈哈哈!!! 等下次試下如果蕃茄湯底配中辣會係點先~唔知會唔會更加好食呢!好味指數😋：7/10翻啅指數🙆🏻：7/10人均消費💰：10-99服務態度👨🏼‍🍳：6/10 乾淨指數🌝：6.5/10

因為TST 好多地方食野都貴去返有水準食米線2個人食碗什雜+$2 蓄茄湯底米線蕃茄湯底就第一次叫我就不停飲飲個湯底好在都幾多湯我最LIKE 食土匪雞翼次次都叫差唔多皮蛋好味又醒胃

食譚仔有十年～ 次次都係食麻辣湯底，今次屎忽痕，決定試下重慶酸辣湯底大辣。第一次去譚仔係食重慶酸辣湯底感覺酸味唔夠，大辣亦無平時麻辣咁辣～ 個人覺得湯底一般，味道唔算話好突出～叫左兩送，例牌必點豬潤同雞肉，雞肉一如以往，滑嫩唔鞋口，所以每次都必叫。但份量我覺得愈來愈少，如果多番啲會好啲。自從睇完報紙，啲營養師成日都話食譚仔揀新鮮肉好啲，所以我而家首選一定係雞肉同次選一定係豬潤，豬潤厚薄岩岩好，夠爽！且夠味～ 份量都係偏少。

Nice place to stuff your tummy. Rice noodles is specialty. Just construct your bowl and here you go. Take a supreme bowl if you are a hard-to-choose

譚仔的雲南米線全港九新界，一定會有間係左近，我也食過數次，我最喜歡的就是這個組合，清湯墨丸炸醬米線米線配料豐富有牙菜九菜和腐皮，腐皮豆味香濃墨丸入口十分彈牙而且還有一粒粒的墨魚肉，至於炸醬真的要讚，是分開上的。你喜歡淨食放湯或撈米線各式其式任你喜歡😉，米線煮得恰到好處不會過硬或太腍非常滑溜已這個價錢和質素我真的不知道還有什麼選擇，希望能保持水準吧！

相信唔少人都食過隔一段時間一定要食一次米線!麻辣 酸辣 都好正份量又足夠最正係炸醬次次都會比一大兜而且會有好多芽菜 加埋湯底 面一齊食一流享受加埋杯凍OT(仲有純正既口音)最正既下午茶

位於尖沙咀的這家譚仔, 都算是店面比較大的一家,主要原因是在遊客區吧!早前分享過一篇食評是譚仔三哥, 這次我又來到招牌是黃色的"譚仔雲南米線", 雖然略略了解譚仔與譚仔三哥背後的故事。但無奈地, 不論是味道還是環境, 我是貫徹始終地喜歡"譚仔雲南米線"。首先說說尖沙咀這家譚仔,環境雖然大, 但有一角落的位置至少多10張檯都經常不設開放, 就算多人至每個檯都有人抬檯時都不頊開放該位置, 其實食客坐得舒服就是用餐其中一個最大的因素, 既然鋪位已經買了, 成本又不會變高, 何不開放呢。不竟譚仔在米線界都算是一個大集團, 於香港數年來火速興起, 各區都有分店, 而且每間分店每一次基本上都不會冷場, 中午晚餐都總有食客光顧。而我和我男朋友, 就是經常來吃的食客。去了那麼多間譚仔, 始終是尖沙咀這間最舒服。我最愛的就是清湯米線, 因為個人一點辣都吃不了, 因此每次都只能吃清湯而我就愛的就有墨丸/雞肉/魚腐, 每次都會選擇其中兩款。尖沙咀分店的味道我覺得是清湯不太咸,剛剛好, 而且份量足夠, 大多數我下單時會指定是"小米線" 這樣一來避免浪費食物, 而且可以減$1 。魚腐米線, 譚仔米線加餸的份量很

譚仔米線都食左好多年了，好像總有一間在左右!午餐、晚餐之選吧！好食在於湯底多選擇吧 ! 清湯：清甜之選麻辣：香口之選我本身唔太食得辣，小小地試下，就通常揀10小辣、有時都食到5小辣、的確幾香！酸辣：開胃之選我都經常點，小小辣，就唔屬於麻的那種，想食有d味道，呢個我都推介，酸酸辣辣，非常開胃！ 土匪雞翼是必食的 ，皮脆脆，肉嫩，最香口係雞翼面上黑椒跟胡椒的味道吧！

本人一向都中意去呢間分店食米線，前兩日第二次去左呢間分店。。。我發誓以後就算其他店執哂都唔會再去，食到我火滾。落到去有人問幾位，答左兩位後，個大姐就好唔願意咁話呢度喇! 都算！落單後唔使5分鐘就有檸檬茶送上，黎到呢度都冇野。。。等緊我碗米線期間都有人買外賣同幫襯，20分鐘過去，我已經覺得太耐，眼見人流唔多，而店員有成10-15人。。。我叫人跟跟張單，因為比我遲15分鐘到既其他客人都已經有得食，店員唔多肯應我之下拎走張單入廚房就冇再拎返黎。。。而我叫既只係兩碗魚腐清湯米線，到我企起身話走，佢地仲好悠閒話：吓，未到咩? 真係火滾到我，大聲同佢講，我等左30分鐘，人地外賣同遲過我都到左，唔知你地廚房係咪趕客。各位以後諗清楚先好去呢間分店，其他分店服務係好好多