譚仔雲南米線 (德昌商業大廈)

營業中

休息中

諗住試吓食吓素菜，而家譚仔佢推介嘅素食蒟蒻米線，睇落都好吸引佢嘅材料全部都係我平時鍾意食嘅，竹笙啊姑啊萵筍，蒟蒻米線個口感都同一般米粉差唔多係爽口少少都幾好食，仲有佢嘅素菜卷同埋素菜炸醬都幾出色。唔睇真啲我都都唔知原來佢個炸醬都係素菜。湯底就不過不失。可能轉返做酸辣湯底會好食啲😂反而蕃茄海帶沙律，就一般..可能因為我個人唔鍾意佢將海帶煮成咁嘅質地。所以呢個素菜米線，我覺得都可以食得過🥬🥦🥒🥕🌽🫒

工作過後有點餓了，就去了譚仔吃東西，看菜單發現推出了素食，就決定試試看啦。可以吃得健康欵，吃多點也不怕胖😎。這次去了旺角豉油街店，是家樓上店來的，環境挺舒適。-素菜卷大纖米線 HKD$47素食米線賣相也挺吸引欵，用姬松菇做湯底，味道香濃鮮甜。裡面有素菜卷、萵筍、木耳及竹笙，是個口感爽口有嚼感，又健康的美食😍。另外+$3轉了低卡蒟蒻麵底，質感滑溜溜的挺入味，吃多點也不會胖🤭。-纖營蜜桃多多 +HKD$16送餐是看到真的是益力多欵，還要是低卡版本的，是少糖飲得放心🤭。裡有果肉口感豐富，是杯酸酸甜甜的飲品，感覺清新開胃。-胡麻車厘茄海帶沙律 HKD$16賣相吸引又健康的小吃，堆砌到花花的模樣。先撈拌均勻再吃，味道會較好的。車厘茄爽脆爆汁，海帶有嚼感，拌著開胃醬汁挺惹味。-

系度吃過好幾次，但人手應該算唔夠，繁忙時試過自己落單，過左成十幾分鐘都冇野來，confirm翻先睇到佢摁左下手上部機然後又等左一陣先上餐。還有一次就係叫左佢來落單，然後話來緊來緊又等左足足十分鐘，都冇來，之後應該唔會再來。

不嬲我都好鍾意食譚仔嘅，幾乎每一次都會試一試。咁今次呢就試咗呢一個人蔘湯米線，望一望佢餐單上嘅圖，好吸引呀。但認真嘅，個米線上咗嚟之後，賣相真係有啲認唔到。至於味道方面，個湯係有濃濃嘅人蔘味，我直程喺碗湯入面搵到一支人蔘仔，受唔住人蔘味嘅人應該唔OK隻味，但係我自己都OK。咁我呢就好努力咁樣喺呢兜嘢入邊呢就搵返晒啲餸出嚟，個數量都同張圖上面係一樣咁多嘅，分別有四塊淮山、四粒鵪鶉蛋、四件雞卷，不過就覺得啲食物同埋個湯底個味好似分開晒咁。

旺角呢間分店算係咁多間入邊最乾淨同埋最新嘅一間。平時有啲分店搭地下係好濕或者啲凳既皮開始舊。旺角算光猛同埋坐得舒服。比較食物嘅話，我都覺得旺角算係最靚。佢米線比其他分店都煮得係熱D，新鮮D。雞肉比其他分店好，冇咁碎。我去其他分店嘅時候周不時都有出錯，或者又不滿意。暫時旺角係最滿意嘅一間分店。 呢度嘅每一張枱分隔都會遠少少同埋坐得舒服啲。唔會有種好壓迫嘅感覺或者長期有人喺隔籬聽到我哋傾偈嘅感覺。 D姐姐都幾好人幾勤力不斷清潔。

呢間譚仔比起其他分店嗰個舖頭嘅位係比較細的正路呢，就喺旺角嘅朗晴坊佢呢幢大廈嘅lift特別慢所以你要預咗要等好多時間 ,先至可以搭到lift上到去舖頭就中規中矩啦，都係譚仔嘅味道不過啲Staff就有啲慢嘅今次就叫咗個大份嘅過橋米線 ,有牛肉啦，炸醬啦豬潤啦等等既～ 一般嚟講其實我就覺得譚仔嘅份量咩係比起三哥比較少 ，個碗都特別細過人總而言之我就覺得中規中矩啦呢間譚仔～ 冇乜嘢都可以有下次既 如果真係諗唔到食咩既話

話說早幾日去食譚仔叫咗杯 話梅雙檸梳打特飲，飲飲下覺得奇怪點解會有辣味？😓點知真係見到嘢飲入面有兩粒辣椒🌶️，即刻叫店員過嚟問清楚，佢竟然理直氣壯同我講啲話梅係用辣椒煲既，我眼都突埋🙄🙄再問另一個姐姐，佢都話係呀，係辣㗎！我心諗你個餐單都冇講過佢係辣嘅，同埋我冇預計過呢杯凍飲會係辣嘅，不如唔好叫特飲叫辣飲啦！然後今日去另一間譚仔食嘢，好奇問下姐姐，佢話其實杯嘢唔係辣嘅，真係好嬲！成間舖夾埋耍啲客！😤😡😡

剛好今次去要開始叫取票等位，但店員處理取票等位很亂，票已俾，又叫等等，之後又叫我no.，亂龍到不得了。經常食譚仔的我，真係第一次去到一間店似有分工，但落單的只有2位，落又落唔切，眼又望唔到，幸好已習慣自己落單，先唔使叫人落單，旁邊很多都舉很耐手，都話等等……等等……負責執枱執碗的四眼男員工，有人叫落單，佢就話等其他人落，叫入位時，門口班客係企晒等派位，佢就鬧佢哋「你哋企哂係度塞住晒，我就一個no.都唔叫！」，之後班等位客咪行晒岀去囉。之後落單的又一個落完又叫人等，岀餐係另一個儲埋一車滿先岀，平均都等最少15分鐘先有得食。當日點了 湖南酸辣湯底，無得揀辣度，平常我都食到中辣，都覺得辣到不得了。真係未試過食得咁辛苦。呢間譚仔真係不得了！

朋友要食譚仔，搭上去朗睛坊 3/F，地方不很大，同隔離座位很貼，坐得不舒服，服務員欠專業，點餐後食物也上得慢，湯底和食材很普通，試下最新推介 「人蔘湯底鷄卷米線」，人蔘粉落多了，很苦 😖 鷄卷明顯雪藏味，整碗米線冇咩特別，價錢雖然不貴，但就滿足不到個胃，土匪鷄翼也大不如前，整體用餐體驗很差，離開時店員還把一條路擋了，不會把收碗碟的車推開，要客人兜路行，令人不會想再去幫襯 👎👎👎

看見近來推出新口味，即管試試💪❇️雞肉鮮淮山黑蒜清雞湯米線🍜🌀雞肉嫩滑，易入口，湯內有兩粒黑蒜，餸既份量係足夠，但湯底好鹹，試一次就夠！都係鐘意平時自己揀餸食😅

喺附近番工想食下譚仔，點知。。入到去無人理你都唔緊要，落單要等5分鐘先至有人過嚟，好明顯係超級唔夠人，樓面唔夠收銀又唔夠，又要聽電話落單又要收錢，樓面得2個人行嚟行去執枱落單送餐，邊有可能繁忙時間得兩個人喺出面，啲外賣又多人，我哋得一個鐘食野，落埋單都等左20分鐘先至出到碗野，基本上廚房都好忙，全部都係做外賣先，有無諗下啲打工仔得唔夠一個鐘食飯呢？極速食完仲要行番公司，好心請下人啦。

因為買左飛7:20pm係朗豪坊睇戲，諗住近近地食，所以黎呢度。6點半坐低叫埋野。唔知究竟係邊度出現問題，呢間譚仔肯定係我食過咁多間最最最差既一間！樓面得2個人，出餐唔知點解極奇慢！等左超過半個鐘，唔係三番四次催的話，我諗都唔知要再等幾耐唔講以為自己去左法國餐廳唔明點解呢間分店可以生存咁耐極度不推薦

見母親節限定有蟲草花雞卷米線即管試下呢間譚仔似乎唔係好夠人手拿飛等入座坐低等落單好似長期唔夠人咁😂😂😂朋友話望到廚房仲有十幾碗未出😂😂anyway我地叫左2個蟲草花雞卷米線雞卷意外地好食過平時嘅雞肉幾滑~~不過湯底少少咸都係prefer清湯/魚湯多啲😜叫埋個細土匪譚仔必嗌吧😆不過下次未必去呢間 座位有啲少 要啲時間等😂

譚仔雲南米線 (旺角)-好似一段時間冇食譚仔了，特別掛住佢個土匪雞翼！果然係黎親譚仔必食！😍 平時食開酸辣嘅我，今日諗住清清地食下清湯，再配返個肉醬，另有滋味🤪-🔍 清湯魚片頭肉醬米線🔍 土匪雞翼-📍譚仔雲南米線 (旺角)旺角砵蘭街215號朗晴坊3樓

有人鍾意夏天開大冷氣打邊爐話係天堂一樣，如果夏天開大暖氣食辣嘢… 係咪就會好似地獄咁樣？原來真係😵一個平日嘅下午嚟到朗豪坊隔離呢間譚仔，一入門口已經覺得唔對路；冷氣做乜咁細？入面溫度體感覺得起碼27度但係以為佢係啱啱開店所以照入去，叫咗兩碗10小之後坐低慢慢食，一路食溫度就一路高… 個人又越嚟越熱… 體感溫度27, 8度食住兩碗10小辣，幾經辛苦先食完一碗成個背脊都係汗，同行女伴連1/3都食唔到😵如果邊個想體驗夏天開暖爐食辣嘢，猶如地獄一般嘅感覺，非常推薦！