譚仔雲南米線 (德昌商業大廈)

營業中

休息中

今日同fd係朗豪坊行街 想食米線🍜 於是見到呢間～ 上咗黎食 .九點幾上到來～九點九last order ～經營到十點🕙.過橋米線 HKD | 53因為兩個人share 。於是order咗呢碗 拎咗兩個細碗分～ 米線啱啱好 唔會好淋或太爽。d配料都好味😋 番茄🍅湯底好好味😋.新疆香草🌿雞翼 HKD | 30香草味唔會好濃～ 但烤的唔錯 都係好入味。食譚仔 必點雞翼.唯一唔好就係 太早收工啦。佢last order之後仲有好多人想入黎食。唔記得嘢飲名 但都唔錯～

食咗譚仔十幾年，由佢寂寂無名到而家街知巷聞，先發現冇認真紀錄過，趁去咗少去嘅朗晴坊分店，就分享一下我去譚仔會食啲咩啦～我比較鍾意食麻辣，可以食到小辣，有時會食三小辣，不過其實要十小辣調下味都可以。朋友叫小米，可以減$1🤑朋友以為我叫到成碗都係蔥🤣 其實唔係，係韭菜😛譚仔啲餸嘅份量不嬲都好多，無論係雞絲、墨魚丸、韭菜、冬菇......鋪到成碗都係再加個炸醬，會另外上，咁就可以食到肉類但又唔會太heavy~事關每次去譚仔都必點土匪雞翼！會叫份大嘅（5隻）同朋友share~用孜然粉調製，好香～朋友鍾意食皮蛋，唔食得辣嘅佢都會照食，個醬汁係辣架！！不過係幾美味可口同埋我每次都會叫杯凍檸茶😋朋友叫咗杯咸檸七見到譚仔推出夏日特飲，有龜苓爽粒粒喺飲品裡面

［雞肉生菜清湯米線］$44係香港地食餐lunch要$40-$50蚊已經唔再係新聞，有陣時仲要又貴又唔飽🤣，所縱譚仔一直都係好我呢d窮人嘅恩物🙊生菜數過夾埋多過10塊，算好有良心👍🏻而雞肉亦都無因為叫左兩餸而變少，良心+1 雞肉好好味，夠曬嫩口！另外叫左杯凍檸茶，提提大家一定要叫少甜，因為少甜已經好甜喇🙊

首先講下皮蛋，有少少辣, ，不能吃辣的人要注意。我個人覺得真的不錯。選了清湯底，過橋米線兩人share, 是因為想吃比較健康的食物，可惜有點鹹，如果可以調整一下就更好。麵好充好多，食得飽飽的。

今日寶寶豬終於去左成半年沒去噶譚仔～巧梘棟牙！寶寶豬以前來都會揀糊辣，因為唔洗揀辣度，酸酸地開胃呀～今次照舊，腩肉冬菇墨現～豬朋友揀左蕃茄湯底，寶寶豬想講，好！好！味！第一次試，下次會食，因為有得揀辣度的，好似不過寶寶豬不是嬌生慣養，而係有點潔癖囉～今日對面搭枱有個女人，係咁噶胃氣，對住寶寶豬，大大聲～好可怕呀～大家坐這麼近，講下衛生吖嘛？另外提提大家，少米線減1元！講到底，寶寶豬都係喜歡細佬多d～你地呢？

呢間譚仔係我食過嘅最麻煩最慢嘅鋪頭，我叫外賣等左30分鐘都仲未攞得。係我後面張單係一個女人，佢等得耐就入廚房叫人煮快啲又問得未，跟住又真係比佢攞先過我。。等都算，啲麵一碗勁生，一碗勁淋。。玩野咩。。。

試過分別三次來食過橋米線重慶大辣湯小米線，三次落完單之後都要等超過30分鐘才上到菜。三次都係下午三點至六點左右時間來食，人唔算多，冇坐爆。係香港食過咁多間譚仔以來上菜最慢的分店。

話說其實我一直都好鍾意食譚仔， 曾幾何時佢可以話係我嘅飯堂。而之前去咗成個月美國， 食咗成個月burger炸薯條，返到香港第一件事就梗係食番本土最愛 - 譚仔！今次叫咗三個餸：雞肉，豬肉，魚片頭 (五小辣)，再加個細土匪雞翼同豆漿。第一次嚟譚仔嘅朋友要注意， 譚仔除咗大中小辣之外，仲有一至十小辣，適合啲冇咁食得辣嘅朋友食。餸嘅份量呢度充足，米線硬度適中，食每一啖時連埋少少湯一齊食，真係好完美！ 特別一提，(雖然今次冇嗌) 佢嘅竹笙都好好味！特別係吸左啲湯之後，真係超級入味！另外，每次一個人黎都會嗌一個小食，今次嗌咗土匪雞翼。基本上佢哋個土匪雞翼真係冇失手嘅時候... 食咗成個月美國嘢，可以食返土匪雞翼真係好感動！(絕無誇張😭)話說其實我一直都好鍾意食譚仔， 曾幾何時佢可以話係我嘅飯堂。而之前去咗成個月美國， 食咗成個月burger炸薯條，返到香港第一件事就梗係食番本土最愛 - 譚仔！今次叫咗三個餸：雞肉，豬肉，魚片頭 (五小辣)，再加個細土匪雞翼同豆漿。第一次嚟譚仔嘅朋友要注意， 譚仔除咗大中小辣之外，仲有一至十小辣，適合啲冇咁食得辣嘅朋友食。餸嘅份量呢度充足，米線硬度適中，食每一啖時

香港地食餐晏仔閒閒地都四五十蚊，想食好D分分鍾要六七十，仲要質素唔包有保證！所以小弟都係鍾情譚仔，貪佢平得嚟又飽肚！今日叫左碗「雞肉生菜清湯米線」，湯底十分香口，不過就略嫌咸左少少。雞肉就一般般啦，唔太肥又有D嫩囉，食得譚仔你都唔會對佢有好大期望啦，哈哈！如果唔鍾意食芽菜同韭菜嘅朋友就一定要係落單時叫佢「走芽走韭」，如果唔係就會上好多俾你。另外，都要提埋你，如果想飲清水的話，記得要係落單時叫佢落埋！

去譚仔食米線要加$7先有凍檸茶 其實覺得唔係好抵㗎 要加錢先有嘢飲嘅 不過叫咗個雞肉魚蛋腩肉 小辣 同埋辣豬耳 全部都係辣所以唯有叫個凍飲 如果唔係一定食得唔暢快 雞肉魚蛋腩肉 小辣 好味呀幾好味 其實食譚仔真係冇乜挑剔 因為無論係米線呀配料呀配菜呀 間間都差唔多味道 最緊要送到上枱面嘅時候夠熱就已經幾好味 辣豬耳嘅味道都OK呀 咬落去豬耳嘅骨頭爽脆 辣辣地幾開胃

開頭坐左埋位，等左幾分鐘，唔問都唔比餐牌你。你會見到周圍好多人舉手，但d阿姐明明見到你，都扮睇唔到！之後有幾個客嘈底直接出去收銀嗌佢嗌完野食，等左30分鐘都未有野食，其他遲過我黎既人已經食緊或者食完跟住催左幾次單，都求其敷𧗠你話d野黎緊，最嬲之後碗米線明明整好左，個阿姐將佢擺埋一邊，幾分鐘後先攞過黎，擺明玩野！野食到左唔代表有得食，筷子唔係放枱面，碗野到左，你唔問佢，佢又係唔比筷子你呢間應該係全港最差既譚仔，以後都唔會再黎！

要數三哥同普通譚仔既分別，當然就係憑佢既湯底啦！如果有時候唔太想食辣野，都會偏向選擇譚仔，因為佢既蕃茄湯夠清淡亦入味，而且係全日供應～旺角朗晴坊既譚仔算係比較闊落同坐得舒服，有時收工係附近經過都會上去簡簡單單食餐米線醫肚腩肉蕃茄湯米線 - $32蕃茄湯夠入味，配材亦足料，腩肉夠稔！土匪雞翼（細） - $22有時唔夠喉會叫多份細土匪，個人認為同三哥分別不太大，非常香口！呢間鋪10點就閂門，試過好幾次大約9:30會提前截單同要求客人埋單

感覺上，今年的聖誕節跟去年相比，明顯氣氛差咗，街上人流少了；普遍地，商場都無咁旺。即使來到旺角，都是 “任我行”，莫非，啲人出晒外地過聖誕?行咗一陣，都搵唔到有咩嘢可以買，就去搵啲嘢食，食完就返歸。因為昨晚食咗火鍋放題，所以，今晚決定勒住自己唔可以再食咁多，卒之，去咗食譚仔。平時呢個時間，一定爆晒棚，今日卻好冷清，連檯都唔使搭，真少見。叫咗一碗清湯米線配魚腐、牛丸和魚蛋，另一碗番茄湯米線配酸菜、魚片頭和雞肉，再加五隻香草雞翼。湯底好鮮味，魚蛋、牛丸都大大粒，好有口感，而魚腐嗦透了湯就非常可口。魚片頭好爽口，酸菜好開胃，雞肉就太碎。之前食過土匪雞翼和麻辣雞翼，而香草雞翼就係第一次食。感覺上，呢個香草雞翼比唔上麻辣雞翼或土匪雞翼，因為食落又唔香又唔辣。好少可，喺譚仔竟然可以慢慢食，慢慢坐。呢個聖誕節真不一樣。

我1:30入到座，舉左手5分鐘都冇人理我，啲staff見到都當睇唔到，最後忍唔住自己去收銀拎。然後舉手叫人落單又用左十分鐘都冇人理，d人又係睇到當睇唔到！跟住碗麵等左25分鐘先到，未計食淨等都用左大半個鐘有多！離晒大譜！嬲到我麵都未食已經忍唔住要上黎打食評！完全係大知所謂，雖然啲野係平，但都唔係俾啲咁既服務呀！？唔知以為我差佢錢囉，個個都扮睇唔到，想搵個人都咁難！下次餓死都唔會再黎呢間，不知所謂既服務、員工！

間唔時都會想食譚仔，但近來質素急轉直下...琴日旺角唔知食咩好，上朗晴坊整返碗例牌 - 懶肉莫演，哇，等左成半粒鐘先上，店員粗聲粗氣😡好啦，終於有得食，碗野唔夠熱，米線換左貨，食落個口感極怪，湯底調味都唔知做咩事....🐶🐶也不吃的東西...不會再吃了...