譚仔雲南米線 (牛頭角下邨廣場)

營業中

休息中

我幾年沒有寫食評了，一般沒有太大問題或驚喜都不會特意來寫食評。今次遇到非常受氣的一餐，就抽點時間給大家一個提醒。一向平民譚仔米線來越受歡迎，忍不住跟老婆來時一次，結果令我們都不好受。這裏的食物味道可以，盡量也可以，但服務態度超級差！點餐的時候問了簡單的問題，服務員顯得非常不耐煩，態度非常差，根本不想回答任何問題。難道生意好了，就不用顧及食客的感受嗎？ ！這樣的生意發展能長久嗎？！咁嘅服務態度，真係唔要得！！

一個月最少要食兩次譚仔🤭小食當中，我個人最鍾意食皮蛋同雞翼😂😂所以最好就係搵埋2 -3個朋友一起食，可以share多啲小食😌譚仔嘅魚腐都好特別，係特別好食😊我覺得係其他地方搵唔到呢種味道嘅漁腐😂魚腐配返個10小辣，正😋😋😋

好耐無食譚仔，一直都偏好譚仔多過3哥，今次行遠d都要來食呢間。次次都要食勁多小食，叫左3個小食，紅油好似配咩都係感好食，少不免要叫皮蛋，蒜泥白肉，加土匪雞翼！一個大米線2個人share食。感凍既天氣，食個熱辣辣米線都係唔錯既選擇！

譚仔同1+2哥 相信每間都有大家既叫法而去譚仔 如果係2個人去食 我會叫套餐搭重3因為重3個湯底 好開胃 次次去食都係呢個架啦不過譚仔有個問題令我百思不解點解叫2款野食 個份量係小左 但價錢貴左每次黎譚仔 皮蛋係必叫既 相信大家都同意今次太肚餓 叫多份白肉 白肉唔係成日食但今次之後 我希望譚仔可以整皮蛋白肉雙拼小食

譚仔度度都有, 但係好食嘅譚仔就唔係間間都係, 而呢一間食過好幾次㗎啦, 次次都保持到水準嘅, 雖然唔係話 特別特別好食, 但係起碼唔會有時啲湯冇味又或者啲辣度不符。 不過呢呢間嗰啲阿姐呢就好麻煩嘅 , 你嗌嘢食要信住佢個模式嗌, 如果唔係呢就會呼喝返你轉頭。 所以如果你心情唔好 係好容易會同啲阿姐開拖嘅。今次兩個人食 一個嗌咗過橋米線, 另外就叫咗一碗魚片頭牛肉米線, 呢碗就要大辣嘅, 不過呢一間嘅大辣都唔係好辣嘅啫 。另外就要咗兩杯凍檸蜜, 另外加咗兩碟小食 一個就係大土匪雞翼啦 另外一個係麻辣豬耳, 最終將所有食物都食曬嘅, 好似大食積咁。真係好大食大辣都唔太辣無咩味既檸蜜如果多兩個人一齊食會好啲,太飽了咁樣都百六啦 真係唔平

我真心懷疑我哋今餐係譚仔放題😂😂😂😂😂😂😂😂😂😂😂平日咁多同事出去食都會食啲少食嘅嘢多！但今日我哋竟然個𠴱都話不如食譚仔😂😂😂其實譚仔係我小學時就有，暴露咗我嘅年齡添😂😂😂😂😂😂個時仲只得一間無咁多分店嫁！但佢嘅湯底真係到宜家都係咁好味😂😂😂食極都唔厭！炸醬係最好味，未搵到其他更好味嘅炸醬！真係超級鍾意食呀！大家下次不妨都叫同事去譚仔放題下，真係會變咗好多嘢食😂😂😂😂😂😂

我絕對係一百分之一百米線fans！今朝去港島上完糖，番屋企果陣想食番碗譚仔米線，就即刻上Openrice揾電謝話打去叫外賣自取，聽人電話嘅姐姐態度好好，仲會溫馨提醒湯分要加1蚊，同埋提示今日比較多人，可能要等多陣，抵讚！今次叫左：炸醬酸辣小米線、雞肉竹笙大辣全走、大白肉、仲有兩杯凍奶茶！辣度足夠，今次冇溝稀左嘅感覺（因為平時夜晚食人多，湯會比較淡），每一啖都好夠辣，拎番屋企一邊嘆冷氣一邊食大辣絕對係一種享受！

譚仔米線真係好正, 次次未行到門口已經聞到個陣味今日我叫左賣拎返公司食, 豬肉米線3小辣, 但其實呢間3小辣好似10小小辣咁, 扣分麻辣雞翼好香, 辣度都係一般.呢個都係唔麻辣.....

食譚仔已經成為我既習慣,每隔一段時間,就會好想食佢, 次次都係要中辣, 今次仲同兩個朋友一齊食,嗌埋其他小食,正! 以前魚片,魚片頭,魚蛋都唔食既,自從有一次人地碗米線有,我就夾舊黎食,食完人地呢舊魚片頭之後,我就已經成日嗌,好香好味呀!加上大辣,好正?蒜泥白肉,食完口臭但又好好味既小食,但我覺得肥得濟。木耳好好味,好香,好鍾意啲x茜,好香呀! 小小酸酸辣辣咁!香辣豬耳,爽,香,辣,好好味呀!而家食個譚仔, 都二百幾蚊埋單,真係唔小野!但好味既!

每個星期都會食的譚仔米線, 三哥同譚仔, 我個人都係會簡譚仔最中意佢的麻辣湯底,大中小辣都試過, 大辣完全係食到無左食物的味道, 得個辣字.而且食到不停流鼻水, 個咀又腫.但辣道有時叫小辣好似中辣咁. 辣道不一不過都係好食, 每星期都好似中左毒咁, 必去的飯堂同埋阿姐D鄉音都係譚仔賣點之一墨魚丸都keep住係彈牙! 麻辣湯底次次食完都會再encore,好似上癮咁價錢合理, 一碗米線$30(加辣多$1),加$7有凍飲最中意的快靚正, 又唔中意食飯的你,係一個好的選擇!小吃方面, 當然要點豬耳仔同土匪雞翼啦咁食法真係譚仔全餐

兩個月冇過嚟食，今次點佐個套餐米線，餸仲係以前一樣多，但係腩肉好似唔同佐，米線份量勁少，仲少過細碗嘅，一個人食都唔夠飽，擺明想你叫多碗，凍檸茶又淡茂茂，好失望，懷念以前大件夾抵食嘅譚仔！兩個月冇過嚟食，今次點佐個套餐米線，餸仲係以前一樣多，但係腩肉好似唔同佐，米線份量勁少，仲少過細碗嘅，一個人食都唔夠飽，擺明想你叫多碗，凍檸茶又淡茂茂，好失望，懷念以前大件夾抵食嘅譚仔！兩個月冇過嚟食，今次點佐個套餐米線，餸仲係以前一樣多，但係腩肉好似唔同佐，米線份量勁少。

今日放假唔洗返工，一訓醒已經係下午茶時間，一枝公懶得自己煮，一諗就諗到食樓下間譚仔坐低已經係下就兩點半，過晒午飯時間，唔洗等位。口淡淡今日叫左個酸辣湯底，不過略嫌唔係好夠辣。餸就有雞肉同酸菜，雞肉嫩滑、酸菜惹味，果然冇令人失望！

夜晚懶得煮飯，第一個搵食的念頭必定係屋企附近的譚仔。今次得我同呀媽兩個人食，踢對拖就落樓喇。我叫的雞肉酸菜酸辣，其實每次食譚仔十次冇九次都係同一個配搭，同一個湯底。雞肉嫰滑，酸菜醒胃，湯底香甜呀媽叫的墨丸酸菜清湯，墨丸爽口彈牙仲有就係必必必點的麻辣豬耳！好爽脆！麻辣汁夠晒香辣！正！

之前Lunch成日都食譚仔, 但最近都無咩點食, 行過決定入去食返碗酸辣米線一坐底餐牌都唔使睇 即刻同阿姐落左一碗雞肉魚腐酸辣米線等左5分鐘左右, 就已經有得食啦一黎就飲返啖酸辣湯先, 非常開胃! 雞肉無咩特別, 魚腐就咬落好淋身, 不過不失米線份量算多, 不過因為太肚餓既關係 成碗都比我清哂!

幫服務阿姐們正式工作喺趕客，粗魯大聲又冇禮貌，今時今日服務態度，唉，唔會有下次幫襯，去三哥好D！感覺三哥D辣好食D，之前一食難忘，開多D分店，不過服務要跟上先好！