譚仔雲南米線 (囍逸)

營業中

休息中

晚上途經粉嶺聯和墟, 就入咗去譚仔呢間食晚餐。餐廳地方唔算好大， 但係都冇話佢有好多人等住排隊食， 唔似上水中心嗰間次次都要排隊， 一入去就坐低咗，叫咗一碗過橋米線一個海帶牛蒡白切肉。海帶牛蒡白切肉唔知係咪新出品呢，之前好似冇見過有呢款食物喺個menu度，對比起蒜泥白肉好鍾意食呢款多啲，佢嘅白切肉唔係成塊成塊上嘅，而係切到一條條細細條咁樣，食完嘢都唔會成口蒜頭味。過橋米線就嗌咗香茜皮蛋魚湯五小辣，不過不失咁啦，下次可以嘗試下三小辣，材料豐富。其實當時已經係差唔多九點嘅時間，最後我食到去9點40分，喺佢哋嘅清場嘅時間，但係食嘅時候佢哋一路都冇吹我哋走，值得表揚。

昨天買了三哥外賣的蒜泥白肉，今天又想再吃，即管試試其他店~譚仔雲南米線的出品作一個比較，到聯和墟喜逸分店自取外賣黃色的背心袋，較新淨吸引大的蒜泥白肉是$39+$1，較三哥貴$1同樣是用一個圓盒盛載，但回家也沒有汁液灟瀉的情況，密實度較好紅油色澤較紅，醬汁也較原汁原味白肉同樣是用肥瘦相間的三層肉，刀工上有分別，此店切得較大片，我較喜歡此店大大片的肉，蒜泥茸較三哥磨得較幼細，但我個人郤喜歡三哥的較粗粒有點咬口，但蒜香味同樣濃郁，譚仔的醬汁，酸和辣度比例剛好，不用再加調味料。價錢: $39+$1，鮮甜的五花肉片沾上蒜味醬油，爽口美味，好吃解饞

今日去到譚仔買米線，加多32蚊食蒜泥白肉細份，平時食開細份都有8-10塊肉，今次唔知係咪貪你外賣睇唔到入面，今次淨係得5塊，仲要用炸醬盒咁細嚟裝，就收我30幾蚊

每次食譚仔，都只係會揀炸醬清湯米炸醬分兜， 寧願畀多一蚊都希望方便啲睇到佢嘅炸醬係咪真係有合理嘅份量。 筲箕灣 旺角 粉嶺中心 到聯和墟， 基本上每一間譚仔出嚟嘅份量 都心中有數， 特別聯和墟呢一間唔止食過一次啲份量亂咁嚟， 今日又叫咗同一樣嘅米線外賣， 打開個外賣又刷新 對聯和墟譚仔既認知，1餸米線餸既量少到難以接受，真係睇圖望下都嬲， 都知道食譚仔唔應該有太大期待但都唔好咁過份三四十蚊個米線比咁既餸。即刻打去問 點解可以出咁嘅份量，經理最後接電話話佢負責呢個外賣係正常，咁都係正常， 呢間一定數一數二譚仔之恥。以前未轉人都冇咁差

今天和朋友吃完下午茶，行了陣街突然肚餓，誤打誤撞入咗譚仔米線，依家分店嘅環境唔錯，環境乾淨裝修新𩓙，人流唔算多等候時間好短。叫咗碗麻辣味嘅過橋米線兩人共享，湯底一如既往夠開胃，竹笙，豬肉，墨魚丸，火腿，等等都不錯，豬潤就煮老了點。唯獨是炸醬和酸菜較其他分店冇咁好食，尤其是叫了凍檸茶沒凍檸蜜都一般般。這點值得改善。

作為街坊 係譚仔嘅常客次次黎想試吓佢個生腸但次次都無🙃🙂今日有 梗係要試吓啦每次叫小食 都一定會叫少紅油平時覺得佢地落油嘅份量太多生腸爽脆 但只沾到紅油 都係無味係要沾到辣椒’醬’ 夾埋食有先會有d鹹味不過幾好食ge~都係唔試新嘢 酸辣過橋米線今次request多湯上到枱 已經覺得大份咗食落😆😆 餸嘅份量覺得多咗定係Le個先叫standard難度。。平時比少咗我搞到今次我食得好kai心😚😚星期五1930到 爆場爆外賣單無人招呼 自己等位等咗10分鐘到就有位坐低後 侍應姐姐都好快幫手清枱落單我地等咗25分鐘 嘢食先全部到齊平時 不過10分鐘～唔知係咪安撫我 等咗一段時間所以就煮大碗d比我😆

未試過譚仔嘅泡椒酸辣湯底大嗱嗱加$4 平時好少叫因為佢個酸辣湯底 都已經好啱我口味老公突然話想試 咁就試試佢三小辣一上枱就覺得個份量比平時少左就不出老顧客的法眼 米線同肉嘅份量都少咗🥲係咪因為湯裏面多咗啲酸菜所以其他配菜就少咗🥲🥲講講個湯先 泡椒三小辣對我來講 我覺得辣平時食開酸辣二小辣 都唔夠佢辣湯底係唔錯 不過份量少咗就。。岩鹽柚子檸檬可樂 跟餐加$12同老公都覺得 同杯可樂冇分別岩鹽柚子+檸檬 完全唔覺得有味各位可以唔使叫

好懷念大陸嘅川菜🥲唔知大家有冇食過大陸細細包 麻辣魔芋爽同譚仔個新小食 川味黑柏葉個調味好似但可一不可再 食落去第1口有種說不出的感覺 食咗一啖口腔內好似有一層膜咁我老公形容得好好 鈉味好重平時我食麥當勞成個餐可以唔飲嘢出街食飯都好少單叫飲品 除非跟餐有今期譚仔推 綠豆薏米青檸水連米線叫 好似加$10 定唔知$12我老公係叫比自己飲但食咗個黑柏葉之後 我飲咗佢大半杯我特別鍾情 譚仔嘅過橋米線佢呢期推出 炸醬撈米線個餐心諗 會唔會比少咗炸醬我好彩份量冇小到 心感安慰

這間譚仔 算係保持到水準可能我成日攞佢嚟同粉嶺名都嗰間三哥比較搞到我特別鍾意食呢一間譚仔無論湯底同用料 佢真心好食過名都三哥至少粉魚旦墨演牛演 咬落去唔係粉老公都話呢間好食好多今次佢俾返 足夠嘅腩肉😆記得有次去食 得三嚿好細好細好細嘅腩肉搞到食嘅過程都好無心機人家最鍾意食腩肉ga maaaa..🙃🙂酸菜同炸醬嘅份量 一定比起三哥多三哥係無用分隔碟 就咁將呢兩樣載埋一齊每一次都必點嘅土匪雞翼未影相 已經食咗一隻

譚仔的土匪雞翼的的確確係好好味，每次去食米線都一定會叫多個雞翼，但係佢啲飲品真係好唔掂，凍檸檬茶，篤極都冇檸檬味，茶又冇茶味，下次可以慳番8蚊，叫佢俾杯免費嘅水好過。 希望佢會改善下啲飲品嘅質素，要求唔高，可以跟大家樂或大快活嘅程度就好得啦。 完

譚仔都開到去聯和墟呢個咁格攝既地方。見天氣涼涼地，又想食湯麵湯米既野，就入左去食番碗十小辣。呢間鋪既位都唔少，不過地方闊落，坐得都舒服，唔會逼埋哂咁。我諗平日下晝主要做附近學生既生意，放假反而唔算好多人。坐低諗左諗，叫左雞肉冬菇十小辣加個細蒜泥白肉。米線好快就黎左，熱辣辣帶d麻辣湯底既味，即刻增加左口水既分泌。雖然三小二小都食到，但都係唔食咁辣，怕熱氣。蒜泥白肉既蒜泥同個醬汁就好似比其他分店既少d，但其實都好夠。食食下諗起兩檔譚仔都俾丸龜買左，三哥賣米線都賣到發達，都算犀利。再賣番米線就應該冇可能，唔知佢仲會唔會開下其他餐廳定已經退休嘆緊世界？