譚仔雲南米線 (囍逸)

營業中

休息中

譚仔都開到去聯和墟呢個咁格攝既地方。見天氣涼涼地，又想食湯麵湯米既野，就入左去食番碗十小辣。呢間鋪既位都唔少，不過地方闊落，坐得都舒服，唔會逼埋哂咁。我諗平日下晝主要做附近學生既生意，放假反而唔算好多人。坐低諗左諗，叫左雞肉冬菇十小辣加個細蒜泥白肉。米線好快就黎左，熱辣辣帶d麻辣湯底既味，即刻增加左口水既分泌。雖然三小二小都食到，但都係唔食咁辣，怕熱氣。蒜泥白肉既蒜泥同個醬汁就好似比其他分店既少d，但其實都好夠。食食下諗起兩檔譚仔都俾丸龜買左，三哥賣米線都賣到發達，都算犀利。再賣番米線就應該冇可能，唔知佢仲會唔會開下其他餐廳定已經退休嘆緊世界？