譚仔雲南米線 (翠怡商場)

營業中

休息中

去完兩個星期多摩洛哥，回來香港的第一頓飯當然要吃譚仔米線！摩洛哥的主食大多是麵包，不會吃麵（除非是吃意大利菜），所以很想念吃湯麵的感覺。不過不知是不是爆發非洲豬瘟的原因，本來想點豬潤作配菜，但待應姐姐說暫不供應。最後點了牛肉雞肉湖南酸辣少米線。之前看新聞有營養師推介吃湖南酸辣，主要用辣椒和香料調味。有辣的味道，但又不會太油！吃得比較健康，適合控制體重的人～自從那一次之後，我便很喜歡吃湖南酸辣。很滿足的一餐。

去完澳門，搭巴士返到香港夜晚成9點幾，最快係屋企附近有野食，而且好想食米線嘅我，就同男朋友去左翠怡間譚仔。呢間唔係經想食，兩三個月先會食一次，唔知平時水準係點。今次叫係其他分店都會食開嘅 （雞肉 蕃茄湯 小辣）雞肉，芽菜，九菜份量正常 味道同平時食開冇咩分別 米線軟硬度偏向硬少少 我個人鍾意 但蕃茄湯呢到真係一般 好淡 而且只係得3-4細小粒蕃茄肉 而且小辣唔係平時食開嘅小辣程度 男朋友叫左都係食開嘅 （雞肉 墨丸 竹笙 三哥酸辣）整體正常，湯底同平時食開差唔多最後叫左大土匪 上枱時候熱辣辣的，味道正常整體感覺：食物方面不過不失，只係蕃茄湯一般。反而，我幾欣賞呢間譚仔嘅服務，我地入座時間差唔多last order ，但店員服務都好好，無趕住收工無趕客嘅感覺，值得一讚👍🏼

公司在附近，有時想不到吃什麼的時候，便會來吃譚仔～如果12點15分左右來到，通常都不用等位，但是12點30後來到的話，通常就要等了！今次是12點30後才來到，等了大約15分鐘才能進去。幸好，通常同事們都很熟悉菜單，不用多想，便可以下單，節省一點時間！我這次點了雞肉韭菜米線（清湯）（$35)和熱奶茶（$7)。另外，點了一份尖椒皮蛋分享來吃。尖椒皮蛋先到，大家不約而同都覺得，皮蛋份量好像比以前少了，可能是皮蛋大小有差？但味道仍然好吃！最近吃了得多次火煱，想吃清淡一點，所以這次火吃辣，只吃清湯米線配雞肉和韭菜。因為怕吃不完，所以點了少米線（-$1)不做大晒鬼！雞肉比較散，口感較差，但韭菜份量很多，這點值得稱讚！

平時係荃灣食開，冇味，米線硬，第一次食翠怡花園這間，又出奇好味，蕃茄湯底濃，過橋米線，料足量多，第一次叫蜀香豬肚絲，非常有驚喜，少麻而香辣，分量比預期多，，而蒜泥白肉則保持水準，翠怡商場譚仔有下次 平靚正!

譚仔個個都有黎過，我都食過好多次了！今次仲要打食評既原因係因為呢個蕃茄湯底因為友人同過我講蕃茄湯底no good ，所以就算我熱愛蕃茄都無食過但係今日唔知咩原因突然想俾個機會佢餸就要㨂左要酸菜～好愛酸菜，而且酸菜同其他餸比個份量係特別多架蕃茄湯底蕃茄唔夠多，得個兩舊。不過蕃茄味好濃，好香甜～個湯唔需要落辣都好夠味（同埋我覺得豬耳d 辣汁好食過佢d 要加錢既辣）加上有好多酸菜，就算share 左俾同行友人都仲有好多食唔曬！蕃茄湯底佢同譚仔其他辣唔同，佢個味道係豐富d，所以可以慳返淨係叫一個餸就夠早知道係咁就一早try try 蕃茄湯底啦

諗住快靚正去食個晏黎到叫左碗雞肉五小辣點知一碗米線竟然等成 半～小～時～途中見到對夫婦唔耐煩走左同埋已經有不少人催單可惜廚房出菜慢同呀姐已經冇能為力仲有個攞籌機又壞左 搞到拎位又要等一輪 最後諗住快手食個晏都要用左成半鐘如果肚餓同趕時間既真係要諗吓

最近番工番開青衣果邊，下午食lunch 為左平平地就去左譚仔食個米線。譚仔愈開愈多，差唔多區區都有，總有一間係你附近，但係有好多連鎖快餐會因愈開愈多而失水準，但今次黎食一食，令我改觀！不但無失水準，就連味道都幾乎同其他鋪一樣！果然係新一代能代表香港既餐廳！難怪近年介紹香港既旅遊書都會介紹譚仔為香港旅遊必食之選！講番野食，因為貪平，無叫野飲，只係叫左個腩肉米線，因為無叫野飲所以選10小辣。同出邊食既味道一模一樣！腩肉唔會老，軟綿綿好好食！d米線軟硬都係剛剛好！配埋芽菜同蔥增加口感，食落充滿香港既味道！真係好正，係外國絕對搵唔到依個味！難怪咁多外國人都慕名而至！不過如果中意食辣既，其實十小辣係完全無感覺，同清湯好似無分別咁譚仔真係平靚正既代表

近日發現青衣原來有譚仔雲南米線，不用等位，當然要光顧一下。青衣店的裝潢簡約，但不失設計感，有吃於其他分店，以白色和青色作主題，令人感覺舒適。本人不太好辣，所以點了清湯米線，配炸醬和豬膶。因為沒有點飲料，在下單時店員主動詢問是否需要清水，很體貼。米線湯底清香，顏色雪白，口感彈牙。附有的腐皮吸收了湯底的味道，十分好吃。略嫌韮芽和腐皮的份量偏少，吃得不滿足。幸好點了兩餸：炸醬和豬膶，才使米線顯得豐富。炸醬一向是我的至愛，咸中帶微辣的肉醬，即使不吃辣的人也易入口，使清淡的湯底變得惹味。豬膶切得偏薄，如果可以厚些便更有口感。

男朋友屋企附近既譚仔終於開左啦，日盼夜盼。二人組即刻出動，試下呢間既水準先。我既雞肉呀，仲有最中２既麻辣。呢間水準都ｏｋ～男朋友話想食麻辣豬耳，其實我第一次食，次次黎都係點雞翼，但呢個又幾好味喎！連平時唔食得辣既男朋友都猛夾黎食，就知道好味。而且最中２呢到有卡位呀，兩個人可以坐得舒舒服服～～

期待咁耐青衣終於開左啦，喜歡食炸醬既我當然要去試一試啦，環境好寬闊，比起平時去餐既譚仔靚好多，坐落去舒服好多，加上唔係圓台，又唔洗搭枱，仲要人多唔洗自己行入去揀位，門口有部機禁飛出來等嗌號碼就得，自從青衣開左，一個星期大約食2至3次，食個早餐就返工，而且都少左去荃灣食譚仔啦，一來唔洗搭車，二來方便！ 

青衣終於開左譚仔，身為fans梗係即刻去試下啦！裝修不錯，很光猛，可能新開張，環境都算乾淨。難得去到仲要有卡位坐，即時加分！跟友人一人點左一碗米線，雞肉同墨魚丸係我地必叫既，我要了小辣，友人要了清湯，水準還是依舊的好。因米線太大碗了，所以每次都會要「少米線」，不用浪費，而且可減$1。可惜此分店離我家不算特別近，但當米線癮發作時，仍然是一個不錯的選擇！

我在葵芳等地區巳經上食過譚仔而住在青衣的我得知譚仔在青衣開店，馬上去試一下 ，首先店內裝潢不錯，我叫了個雞肉 豬肝的米線和一杯涷檸茶少冰，當米線來的時候 一塊生的豬肝映入眼簾，可是當我舉手投訴時 沒有一個服務生理我 那我算了 我喝了一口湯 馬上要喝幾口飲品 ，因為味精太重了，飲品是少冰，感覺上是多冰的融化。總之，我不會再去吃了叫杯飲品和一碗米線都$40了

譚仔米線，對香港人來說已經不再是新鮮的食物，但青衣竟然到5月底才有第一家分店，身為青衣人的我當然要立刻試試。這個店鋪前身是一家面積不大的超級市場，所以本身對他會不會有很多座位已經不會存太大期望，果然不出所料，我約晚上9點到達，要等以下才有座位，而且他鋪面太小，有很多地方歸為廚房及收銀處，坐位不算多，沒有大圓桌，坐得不太舒服，而且有不少位置有冷氣滴水，應多加留意。說回食物，由於每家店一樣水準，所以不會抱太大的期望，並沒有失望。點了米線和凍檸茶，都是足料跟一貫的水準(見圖)，但如果食物溫度熱些會更好。時間方面，要等15分鐘才有得吃（我也要催食物才出來），而且根據我個人觀察，不少人（堂食外賣也是）也要催單下，食物/飲料才到，在樓面人手已經有不少的情況下，可能廚房有延誤，應多加留意。總括來說，以一間集團規模的食店來說，不少方面尚待改進，但一眾譚仔fans來說，就食住先啦(但我不是fans，我會吃其他的了)