譽居

營業中

休息中

收銀員服務態度超差 會鬧食客 黑口黑面 忍受到就去食啦 早餐粥品外賣 平靚正 推介皮蛋咸瘦肉粥都算足料 食完不會很口乾同口渴 平時會配炒麵 因最快可提取 但炒麵沒有任何配料 不推介今天配了腸粉 質地不夠滑 及偏厚沒有其他選擇之下 只能選擇"食定唔食"之選

本來表現咁差，加上剛剛游完水出嚟，本應唔可以比自己食咁多嘢😏 #小秘書 本來諗住入 譽居 食完粥就算😅 點知有😈猛話要食 #叉燒飯🍚 我咁nice... 一定會就佢㗎😆明明餐牌上嘅 #叉燒飯 係裝喺個 #食飯碗 上面㗎，點解嚟到會變成咁大碟嘅？望吓張單👀 #服務員 冇落錯單喎... 唯有兩份食啦😅 #小秘書 好鍾意用 #蔥油 嚟撈飯㗎... 呢次話哂都係食 #燒味，當然唔例外😅 大家擾攘咗咁耐，終於輪到主角 #叉燒 出場🤩 #叉燒 淋滑得嚟又有咬口，師傅將 #叉燒 切得厚厚地，口感特別好👍🏻 只可惜我哋食來食去都食唔晒啲 #蔥油白飯... 下次一定記得叫「扣底」呀😏

晚飯度度都等位，又唔想食西餐，所以嚟食中菜！好快就安排左入座，啲檯櫈係實木，好古色古香，不過啲位略嫌窄！點左牛肉粥、燒腩仔飯、鹹蛋叉燒飯丶炒金菇伊麵，樣樣都好好食！燒味真係好出色，我敢講好食過太x，腩仔脆皮㗎！粉紅色肉，一層脂肪一層肉，比例適中，真係好正個粥底又係好綿，牛肉好滑好嫩！忍唔住一口接一口！

店舖位於將軍澳Popcorn商場，早餐時段好易揾位，粥品都唔錯，早餐孖寶揀了蠔豉牛肉粥配鹹肉粽，粥底夠綿帶蠔豉肉香，牛肉嫩滑，羗蔥提升鲜味。鹹肉粽幾足料，鹹蛋黃夠油香，糯米綠豆腍滑，份量相當足夠。

我最鍾意既豬潤地方：譽居親戚住喺將軍澳區 近年將軍澳有好多新嘅商場 其中一個係Popcorn 入邊都好多餐廳有次朝早去搵佢哋食早餐 佢哋就帶咗我去寓居食嗰陣叫咗個豬潤好似雙拼豬紅粥完全食過返尋味 一定要encore喺外面食嘅豬潤不外乎係乾乾地鞋鞋地而譽居嘅豬潤爽爽地好厚實🐷完全唔係乾淨淨果d仲有佢嗰陣味一啲都唔腥係好食嘅唔識形容反正你食個就知三十幾蚊仲送一碟腸粉超級抵當然咁平嘅價錢係呢啲高檔嘅嘅商場 你唔好預計佢好好服務 都係做下街坊生意咁樣 同酒樓阿姐差唔多啦 不過真係好抵食 依家商場入邊嘅嘢食郁一郁都已經要60 70蚊 最慘係快餐店都冇 麥當勞KFC都冇 所以食譽居嘅話可以食得清淡啲又好似健康啲又平都唔錯 下午茶嘅話我就會帶瑤柱牛筋牛腩瀨粉 🐮但就唔會好似豬潤粥食過返尋味不過都好抵食

通常夜食飯都會去呢度開餐，皆因有宵夜時段 (但今晚仲係新春期間，暫停)，但入座率都仍然偏高!呢度有小菜/粥品/炒粉麵供應，歡喜食粥食飯都有得選擇!薑蔥牛肉麵 - 牛肉無梳打粉味，腍中帶少少嚼口，而麵條無梘水味，入口幾爽身，加埋蔥絲一齊食，整體味道幾好味!艇仔粥 - 份量唔細碗，材料豐富: 有魚片、魚肚、魷魚、肉絲、花生等，多種口感，令呢碗粥食起黎無咁單調!  而粥底本身幾綿滑，味道恰當!  食晒成碗都唔會太口渴!呢度另收茶錢，食完野都可以慢慢飲多杯茶先走!

极差！叫了咕嚕肉，肉係涼的，以為煮好沒及時上菜，諗住食D配菜算數，等食完配菜，再食到一塊肉直情凍的，侍應態度极差，竟話食咗成個鐘才叫換，又話肉係熟的……最後唔想同佢理論，更加唔敢再食，即刻返屋企食粒整腸丸穩陣。9折96文走人！店老板，你D咁樣態度、食物質素，好快玩完。補充，我一人食，上菜後，前後食咗10分鐘唔到，唔係成個鐘。

由開業就幫襯的這間食店，昨天發生一件極不愉快的事，實不吐不快，覺得它經營手法極不老實，決定以後不幫襯。事原上年十二月尾，張member card入唔到數，換了張新咭，但舊咭還有16元的credit,佢話約两星期後office會update回新咭。三星期後去幫襯，叫收銀檢查新咭那16元的credit,她己態度惡劣地話:「唔喺比咗你咩？」好彩我有拍下舊咭，唔到佢唔認賬。結果佢揾咗個高级啲嘅，打了個電話，話通知了老闆，會盡快處理。昨日，再幫襯(已過了五個多星期)，結果還未credit 到。當然，再與經理理論。不過，她又以推卻態度:「辦事處唔搞，我都無辦法。」跟本她就不想理，我亦相信office都無處理，好一傅「我唔比，你咬我食」的態度。我話去消委會投訴，佢重話「隨便」。我再話實會在openrice投訴佢地嘅經營態度，佢還未驚過，重話「我哋經常都比啲客鬧，未驚過(咁嘅態度，難怪比人鬧！)。你可以打爛埋啲碗碟添(我至無佢咁低B)」結果，要提高聲浪鬧到成間小店都知，佢至悉事凌人，計番16元(其實我都唔想為咗個十元八塊，搞到咁)。不過，我奉勸若果做member就千期未壞咭。其實不止我投訴這班伙計(由

不是第一次幫襯，食過好幾次，早午晚，都冇咁差，今次差到要比負評同 blacklist 。 今日去食早餐，叫咗個腸粉，食果陣，凍嘅! 暖都算la..仲要係凍! 叫個侍應來話佢知d腸粉係凍，佢話即拉喎，冇可能凍，佢 拎係手話個碟底係暖，就放返低係枱就算，係咁架啦， d態度勁差！佢換都費事， 冇佢咁好氣，算，冇下次! 之後黎左炸兩，又係咁，唔熱。 個皮蛋瘦肉粥都退步左，之前皮蛋係有香味，而家唔係果回事。 d侍應一日到黑係到企埋一邊傾傾傾，大聲到乜咁，唔係咁比你傾，但你地傾到d野食凍晒先比客，真係好唔得。 埋單同收銀講佢地d 野食係凍，叫佢同廚房講下，佢又話即拉喎蒸出來。 我同佢講，你同事話係咁架la... 咁而家碟野係拎到客到凍晒，一係就傳菜有問題，攤左係到太耐先拎出來。 一係就廚房冇整熱啫

平日，在將軍澳Popcorn 商場想吃一餐家常便飯，不作它想便會去這一間，價錢合理，份量適中，服務尚可。今晚我們叫了兩道菜，魚雲和蒸雞。等了二十分鐘，備上時一看賣相有點失望，魚雲擺放雜亂零碎，份量明顯少，煮法有點粗技，味道頗鹹。 蒸雞亦有類似斬碎情況。不知道是今次偶然失手，還是某些原因將份量減少，若是後者就有點失望。 平常便飯稍有令人失望也可原諒，希望下次再次光顧會重拾我們對此店的信心，不然又多一間店要在我們名單刪除。晞月藍 HestonBlue

一家去食個晚飯，場內都唔算full, 但點餐舉手好耐都無人理。終於點到，上白飯都要三催四請。嗌咗個瑤柱豆腐，其他餸到哂等多陣，豆腐都未到，諗住催下啦，佢地話豆腐係要耐啲，好，咁等啦。等到食哂其他餸，白飯同茶都凍哂，我地唯有催多次。點知佢地問一問廚房，先知原來無哂豆腐。個阿姐離遠向我地嗌左聲“無哂豆腐喎” hea我地，問返佢做乜唔早講，佢直程拎開塊面，理都費事理。其他野份量又細又唔熱，不過谷氣都谷到飽。

放假先黎打風，掛左三號風球～所冇周圍去，黎左「譽居」食lunch，有粥飯麵選擇。中式裝置，平日冇咩人，坐位好闊落，可以慢慢嘆茶侍應主動叫我地等多五分鐘，就可以叫下午茶，而我地想食燒味飯所以冇等到叫左雙拼，鹹蛋肉丸粥+錢配油炸鬼粥好綿、食完唔會好口喝，應該唔多味精～鹹蛋分量岩岩好，肉丸有驚喜，有彈牙，似係醃過帶點咸味油炸鬼就好失望，唔脆，有油’益‘味似係放左好耐...建議唔好㨂油炸鬼叉燒燒鵝飯叉燒好夠味，肥瘦適中。而燒鵝甘岩俾左鵝脾，好嫩滑，有肉汁。比起鄰近既茶餐廳好味

不嬲都係常客，不嬲都覺得服務唔好不過野食味道搭救，好想透過lee個平台令佢改善下，可惜冇用，次次叫外賣都搞到潑婦咁，其實收銀既傲慢態度已經令人好激氣，仲要見d員工係度傾計玩電話都冇人處理我個外賣，咩料，我以後都唔會再幫襯

好彩popcorn有呢間野，我真係當左佢係飯堂！因為popcorn間間都排晒隊，貴又唔係特別好食！呢間野D燒味飯好唔錯，叉燒特別好食，唔太肥但唔「鞋」啱啱好！加埋茶位都係50零蚊就食到，係呢區算係經濟得黎好唔錯嘅選擇！

同樣是賣粥粉飯麵，不論係店舖裝潢格局，定係食物賣相，譽居比一般茶記或連鎖粥店都來得精緻同乾淨，價位亦係50-60蚊左右，所以同事們都很常來此食午餐。今日跟大隊黎食左個港式炸醬麵。霎眼看，甜辣紅潤的汁料淋在麵條上很是吸引。 麵條夠爽身ok彈牙無鹼水味，但醬汁不甜只有微辣，而且份量太少。坦白說我食完，個肚仲係有空虛感，返公司無耐仲要去買下午茶食。 奉勸大家如果食量唔係細，一定要揀炒粉麵食，千期唔好揀炸醬麵，唔係一定唔夠飽！p.s. 其實座位都d好迫好埋，隔離枱阿叔食完麵都可以伸長手攞我地枱既牙簽，個一刻我同同事都O晒咀