譽居

營業中

休息中

我知口味嘅嘢個個都唔同，唔知呢間公司嘅高層見唔見到自己公司啲師傅炒嘢咁難食幫襯過譽居好多次，估唔到今次咁差嘅體驗，一個星期五九點後去食叫咗一個茄子炆米$57蚊，麻辣手撕雞$39仲有一個水餃麵，水餃麵好正常冇乜特別。茄子炆米食過好多次，今次真係好伏。唔要求有鑊氣，簡直係亂咁嚟，好似就咁烚咗啲米粉，求其將啲配料炒熱左就咁撈上去，仲有啲豉油喺底。麻辣手撕雞仲特別，份量的骰之餘，完全食唔到麻辣味，甜辣味！作為一個食客，好簡單，希望食到好食嘅嘢就對得住啲食材唔會浪費咗，煮得咁難食，唔係浪費咗係乜嘢。。。

成日食麥當勞，都唔係辦法，所以小編就搵間餐廳食吓飯先！點知又係令人失望！首先服務態度唔係太理想！要落單叫幾聲先過嚟，而且嗰時人都唔係太多！對客人欠缺熱誠。咁算啦！今次用餐，小編就叫咗個海蜇燻蹄飯！分量真係唔算太多，而且食物質素方面屬於中下級！海蜇都係普普通通，有少少似喺超級市場/雜貨店買嗰啲即食海蜇咁，只係冇咗味咁！點嗰啲酷就冇咩特別！最後燻蹄，就比較瘦，肉質比較孩，冇咗嗰隻煙燻味，點解啲醋都唔會入味，所以整體來講都係麻麻地！

見到已經唔想食，半肥瘦叉燒飯 ？淨係見到好L瘦 乾到不得了 冇諗過可以差成咁樣 雖然唔係貴$48但我想講成個飯食咗兩啖就掉咗 真心放唔到入口 今次係我第一次打食評 因為見到個飯真係好嬲

👩🏻‍❤️‍👨🏻：⭐️⭐️⭐️⭐️接咗👰🏻‍♀️放工，最方便又係去青衣城，食得清清地中菜又去譽居。係呀，睇返早幾個post，已經講過。今次唔同嘅係兩個人，所以清清地嗌兩個餸，今次終於記得影相🤦🏻‍♂️👩🏻‍❤️‍👨🏻金蒜銀絲蒸勝瓜 $75上次已經講過，係必揀嘅蔬菜類，又係大大碟，蒸魚豉油配海鮮配蒜蓉一向都係完美配搭，配埋勝瓜，既惹味又健康👩🏻‍❤️‍👨🏻金巢咕嚕肉 $82炸得香口，咕嚕汁甜酸適中，醋味不會太攻鼻，而且唔會太多，剛好包住肉同埋配菜。雀巢夠薄，又香口，食晒都唔會滯

👩🏻‍❤️‍👨🏻：⭐️⭐️⭐️⭐️👰🏻‍♀️🤵🏻‍♂️其實返工真係好忙，間唔中可以喺屋企煮一餐，其他時間都係出街食。住得喺青衣，其實選擇唔太多。青衣城有幾間中菜，有間主打小籠包都成日食，另外兩間成日俾人話污糟，剩返呢間譽居，嘢食其實幾大碟，價錢合理，所以最近都食多咗。今日又係放工食餐飯咁大把，約咗住附近嘅好朋友夫婦，叫咗四個餸，另外兩個唔記得影相，唯有淨係講以下兩個：👩🏻‍❤️‍👨🏻台式三杯雞 $88極度香口，所謂色香味俱全👩🏻‍❤️‍👨🏻金銀蛋浸時菜 $75大碟足料，係其中一樣必揀嘅蔬菜👩🏻‍❤️‍👨🏻金蒜銀絲蒸勝瓜 $75另外一樣必揀嘅蔬菜類，又係大大碟，蒸魚豉油配海鮮配蒜蓉一向都係完美配搭，配埋勝瓜，既惹味又健康👩🏻‍❤️‍👨🏻杏片柚子雞個名同價錢都唔記得清楚，不過用杏片做炸粉嚟炸雞扒真係第一次，炸得非常香口，剩落嚟食杏片都停唔到口。柚子汁另上，可隨喜好控制分量

櫃檯肥呀姐態度令人相當反感 聽聞平時收銀速度已經慢 經常導致人龍出現 加上語氣十分不友善 令人不想再光顧 就算食物尚可 一旦想到結帳時要受她氣 便令人再次光臨的意欲大幅下降 👎🏿

在青衣城恒生銀行辦理網上銀行業務，要等15個號才到我，趁這個時間想去吃點什麼，見銀行對面譽居門口貼了一張下午茶特價，鮮蝦雲吞面29元。譽居里面有卡位和小圓台，設計和擺設有點古典的味道，有點蘇洲式的格調，自己找了個卡位，服務員送來一壺茶，我點了海鮮雲吞面。海鮮雲吞面，熱辣辣，面很滑很爽，帶點鹼水味，雲吞有三粒，雲吞皮够薄，餡里面有蝦和肉， 味道很鮮很夾，咬下去感覺蝦是有一定比例的，大大粒，很爽甜，味道很好。.

食中式早餐，唔想去飲茶，簡簡單單去譽居食碗粥，中式早餐套餐有粥有麵，而且好抵食，叫咗葱花炸兩腸粉跟白粥，油條仲係脆，而且白粥粥底綿滑有米香，生滚豬潤肉丸粥，粥底夠熱，豬潤恰到好處嘅熟度同手打豬肉弹牙，中段小插曲喺落錯單，但員工好有禮貌幫我地換過，呢個價錢有咁既招呼近期少見抵讚!仲有不收茶錢提供壼装茶，諗起食粥一定會再嚟呢度

今日和友行完山，回到青衣城時都已經七點半近八點，内裡的食肆都已經人頭湧湧，朋友介紹到譽居去試吓，雖然是主打粥品，但亦都有小菜菜式供應，因此舖面不太但很多食客，都要等了一會才進得去，今次各人都點些小菜，不用我一個人來發版。炆牛腩是這店的拿手菜之一，煮得很淋和入味，尤其是牛腩汁用嚟撈飯非常可口，真的飯都可以食多幾碗。薑蔥魚腩煲的魚腩都炸得乾身夠硬淨，薑蔥味道亦不錯，但遺憾的是魚塊覺得有些腥，可能未夠新鮮之故。芥蘭牛肉的牛肉都算炒得夠淋，但選材就不太好，有些牛肉有筋連著，作為配角的芥蘭反倒夠爽脆有咬口。黑醋排骨的黑醋特別惹味，提昇了排骨的肉味，而且每一塊排骨的黑醋汁都均勻夠晒入味。蜆蚧鯪魚球，非常惹味的一個小菜，蜆介的鹹香味帶出了酥炸鯪魚球的鮮味，將鯪魚球醮上蜆蚧汁來吃，真的夠滋味和回味無窮。西芹雞柳相對以上的菜式， 就變得遜色，雞柳雖然說是雪藏貨欠缺鮮雞味，相信是醃得不夠入味，没有什麼味道，西芹亦沒有爽口感。

譽居 (青衣) G03B, G/F, 青衣城 1鮮鯇魚腩粥 $58★★★✩✩近幾天腸胃不適，晚上便來到青衣城的譽居吃粥，隨意點了一碗鮮鯇魚腩粥嚐一嚐。我很喜歡粥的質感，口感粘稠，喝起來軟綿順滑，十分暖胃；然而鯇魚腩的份量雖算多，卻煮起來有點老柴，好像並不新鮮。不過以這個價錢來講整體質素算是中規中矩吧！

左阿女返仲有時間食早餐，想食中式早餐又趕唔切嘆茶，我都會去譽居，裝修都係中國風，有湯麵套餐或者粥品套餐選擇，我地叫左兩個粥品套餐連腸粉。荔灣艇仔粥-比出面較為正宗，入面唔係碎牛肉，而係魚片，豬皮，魷魚🦑，同脆花生。皮蛋魚片粥-呢個係自選雙拼，另外仲有好多選擇，例如肉丸，咸蛋，肉類，豬腰等等。炸兩-多數都會叫黎食，腸粉有蔥同蝦米，夠晒薄，油炸鬼唔淋，係脆既。齋腸粉-腸粉夠滑，再點埋麻醬同甜醬，一流。

今早來青衣譽居吃早餐，落單時被一位女侍應(女士黑色西裝，長髮扎馬尾)訓斥，感到非常不快:因睇唔明menu上一道菜(我很少食呢D小食，沒見過)，以為是新品就禮貌地詢問，呢位女侍應就很大聲很不耐煩地對我說:”你睇唔睇得明中文啊!”大庭廣眾下令我感到非常尷尬，也很難受。睇佢服飾，可能屬於領班人員，如此傲慢地訓斥顧客，真是少見。其他服務人員都可以。我理解服務員很辛苦，但在人並唔多的情況下如此rude，令我一大早好好心情就被訓斥，真的很無奈。

嘢食好耐冇到，問侍應，個侍居然講：唔關我事㗎喎！係個廚房煮㗎喎！我落單㗎咋喎！等啦！嘢食到咗放落嚟嘅時候一個手踭撞落我個頭度，一句對唔住都冇。記住！係兩個唔同嘅侍應，一定冇下次永世唔會再嚟！希望呢間餐廳嘅負責人見得到自己落嚟親身體驗下。

我嚟親呢度食都一定係宵夜時間☺️ 因為真係好抵！我通常會叫叉燒鹹蛋飯或者燒肉，加個粥。佢啲叉燒同燒肉都好好食，粥都好棉，好入味另外佢啲咕嚕肉都好好食，外面脆，口感好好！但係就略貴，呢個唔係宵夜時間餐牌☺️

叉燒好味，食物ok, 價錢加茶錢再加一之後，偏少貴。 今次服務幾好，有時有幾位有鄉音的阿姐侍應就麻麻，後生嗰幾個侍應就幾有禮貌。 街坊熟客，其實大家都要客氣有禮貌，做嘢嘅開心，食嘢嘅又開心。今日冇食叉燒，有叫去骨海南雞飯，但冇乜肉，一般水準。唔記得影相。下邊相片菜式算OK，近近地有得食，要求唔高。鮑魚雞煲幾好味，做緊特價＄148咕嚕肉都算幾好，蜂巢就唔好食。豉椒牛肉炒河改咗炒米，希望冇咁肥，味道還可以。