譽居

營業中

休息中

XO翠玉瓜蝦球$145呢份餐牌上無價錢，埋單先知幾錢，order 左10分鐘左右上菜 ， 蝦球好大粒，味道略淡，平時食開好清淡嘅我都覺得淡味😹白飯一碗$15都算大碗，不過唔熱 ，食左一陣已經凍哂…食冷飯唯一熱嘅就係一坐底就端上嘅茶服務：想落單既時候發現係要用入座紙自助手機下單，但職員無俾我，就請職員現場手寫下單 ，可惜坐收銀位女職員態度好惡劣，好似想嘈交甘話：甘你而家講啦！埋單時態度都唔好 真係食氣食飽 極不推薦

香港真係自己打死自己，今天去青衣有事辦理，去了青衣城譽居叫了碟排骨炒麵，不到三分鐘內麵來了，看來不錯，但是是暖的，我問待應是不是一早炒落，他說是剛炒，他真當我未入過廚房，在我堅持下，於是他拿回廚房，在十分鐘後，他拿了碟熱的炒麵出來，我猜是微波的。叫我們留下消費，根著又騙我們，如果遊客吃了會怎說香港呢。那時並不是繁忙時間，完全不明白我們的飲食從業是怎樣想的。如果我們有己不努力，請不要賴經濟，賴政府了！

拿外賣比原定網上外賣平台遲了20分鐘，詢問幾時有，女職員不理，沒有詢問單號和食物，零跟進，叫我唔好阻住佢，搵位坐，奈何外賣坐位已滿，另一位女職員加入用非常不禮貌言語，叫我等，其實係我後單號已經有了，唯獨我仍未有，過了十分鐘再問，仍不理，兩位女職員仍然用不禮貌態度不詢問單，另一位和食客傾計，之後有了，非常不友善給我！譽居女職員差已經聴聞，冇諗過咁差，特別有鄉音女職員尤其差！仲要同人講生意差咗，有部份原因係食物麻麻和女職員服務態度，這兩位女職員應記一工！

今日全家去完街超攰決定買外賣回家一早order 左諗住去到即刻可以攞點知外賣條隊排長龍兩大兩小叫左魚蛋河牛筋河牛筋又淋又滑魚蛋彈牙仲有卜卜脆炸両小朋友最愛加個揚州炒飯好足料每人平均$50 快靚正！

之前冇諗住會寫食評，所以冇影相。最近嗰幾個月香港經濟非常低位好多餐廳執笠，所以遇到好嘅餐廳都想幫忙一下！我本身住馬灣，青衣城或葵芳新都會都係經常食飯買嘢嘅重點商場。譽居已經食咗好多年，佢個叉燒一路都冇令我失望，性價比非常之高，$48一碗叉燒飯有呢個質素，真係好難得！而家喺外邊一般燒臘舖用呢個價錢一定食唔到，仲有冇可能有佢嘅質素！佢燒味個豉油淨係撈白飯，都可以食半碗飯！同外面嗰啲用平價豉油，得鹹字冇得揮！另外再食咗佢個魚頭粥，本人覺得粥底有用心處理非常好食，再加埋炸過嘅魚頭放落個粥度我2個人就食到舔舔脷！

今日嚟食下午茶，進舖後當時人流稀疏，職員多過客人，我坐下好奈都無問我食什麼，又無派下午茶menu，我就揮手，有一個女職員（直散頭髮剛過肩膀），當時佢掃緊地，又無行過嚟（ 只係幾步之間），態度好惡又好大聲咁問我食乜嘢？我就話無下午茶menu？她就好不耐煩答我，你唔係知道有咩食嘅咩？ 我當堂無言，為有問另一職員攞，見佢刻意對其它客人態度殷勤（係特登想做俾我睇），其實呢個職員平時見佢對客人說話語氣都好差。

去完迪士尼近近地過青衣城食野，朋友推介譽居。茶位每位$5, 有粥粉麵、腸粉、小食、小菜、糖水，好多款式。💟蠔豉瘦肉粥$502塊蠔豉+瘦肉絲，粥同蠔豉瘦肉啲味分開，味精同鹽都重手左，可以食，但唔特別好食。💟豬潤腸粉水$36街都少見，仲要夜晚都有；豬潤蒸出嚟仲係嫩滑，而且無臭味，值得點。💟山渣汁肉排$80比較重油，排骨位置不錯，少少豬”蘇”味，份量中size.💟生磨蛋白杏仁茶 少甜 $35杏仁茶可以叫少甜，仲要勁勁滾咁上枱，杏仁茶真係要滾先好飲。杏仁味唔特濃，但都夠味，蛋白夠多，亦做到少甜，份量一盅亦比平時糖水舖多。大部份菜式都幾好，杏仁茶勁正，可以encore.

以前吃宵夜應該是香港人每日的節目之一，由於工作晚，晚上活動多，夜里吃宵夜是正常不過的事。但疫情後，此情不再，夜晚的街頭缺乏人群，很多人都習慣早早回家。這店可提供宵夜是很不錯，確實現時真難找到宵夜吃，放工後跑了十公里，來商場碰碰運氣，有沒有吃的，噢只有這家了。雖然只有這家店有吃的，別無選擇，但有點心、小吃、粥、麵、飯等各品類，價格合理，是非常好的選擇。腸粉更有炸両腸，又新鮮制作，十分美味；相反牛肉腸真沒有一点似牛肉味。炸魚球，又彈口又香口，口感超滿足。雲吞麵更是沒有可以說差的，蝦仁爽口，味道不錯。

今次下午茶，叫左自選雙拼粥。揀左豬潤同豬肚。同埋一碟米皇滑腸粉。呢碗豬潤豬肚粥，感受到粥的滑順口感和米粒的柔軟，同時豬潤同豬肚的香味和鮮嫩口感也會在口中散發出來。呢一碗粥味道濃郁，口感豐富，比到人一種滿足感。絕對值得一試！呢碟米皇滑腸粉，嘅米粉皮的柔軟和滑順口感。雖然口味清淡，但米粉皮的特殊口感配搭甜醬、麻醬等，增加左腸粉的風味層次，令其成為一道獨特而美味的選擇。計埋價錢100蚊有找，仲要大熱天時可以涼住冷氣咁樣食粥，真係冇得彈

晏晝約咗朋友係青衣城黎食飯，因為想揀個坐得舒服啲嘅地方所以揀咗譽居。叫左4樣嘢食—雲吞麵，XO醬翠玉瓜炒蝦，瑤柱竹笙豆腐煲加個通菜炒牛肉雲吞麵啲麵幾爽唔硬，蝦都幾大隻皮唔厚。翠玉瓜炒蝦唔會太鹹，有肉有菜送飯幾好。豆腐煲分量足夠，豆腐夠流。通菜炒牛肉略嫌有少少鹹。服務態度方面有待改善，有時想加茶或者攞多個碗都要等好耐先有人見到。冷氣足夠 唔會太凍或者太熱。整體各方面都ok，食完唔會趕客走，可以坐多一陣休息。

永不幫襯，極無禮貌收錢員態度極差！！因為之前有極不愉快經歷，在食宵夜時段，在埋單時發現自己張單要計埋隔離枱既單比錢，所以之後每次－定要睇單再埋單。今日又一受氣事件，在2023年7月22日中午12:22埋單時，叫極無禮收錢員比張單我睇先，佢表面不滿既様，我等！核對後照單比$102錢，不用找錢，之後就走。被極無禮收銀員大聲呼喝！！發生咩事，我係客人，已比足錢，不能走？？咩叫應有既服務態度！超劣評！永不幫襯-嚇怕咗.

基於生智慧齒嘅關係，食唔到野唯有揀食粥！ 係青衣工作左咁多年，都係第1次呢黎間食lunch~今日叫左碗皮蛋瘦肉粥，味道中規中矩，瘦肉都有少少咸味，皮蛋唔算太少，作為一碗粥，還可以啦！ 同事叫左碟沙嗲牛肉炒河粉，聞到好香沙嗲味，同事都話正常啦！唔會話太差～如果真係要食粥，公司附近都真係得呢間可以選擇嘅！

晚上叫左food panda外賣，結果有加料，附送高蛋白小強 胃口完全沒嗮，食物味道普通我唔介意，但衛生問題係間大事。希望大家如要幫襯，都應該考慮清楚，以免誤食小強

已經下晝三點幾唔想食得太飽簡簡單單嚟譽居食個下午茶叫咗兩個Tea Set⬇️炸兩腸粉皮唔算太薄，油炸鬼都唔係即炸新鮮嗰隻不過想滿足吓食炸兩嘅心癮無咩要求嘅話，大家都可以叫返碟⬇️自選雙拼粥：豬肚豬心豬肚同豬心各有3-4舊，算係好足料兩款豬內臟都爽口彈牙，呢個粥算係唔錯⬇️加$11嘅豉油王炒麵只係加$11就有一碟，好抵食色水唔錯，味道有少少淡但落返啲辣椒醬我都成碟清咗呢度收$5位茶錢，可惜啲茶唔夠熱希望可以留意返唔好太早沖定晒放喺度全部嘢加埋唔駛$100，都算幾抵食

話說今早去買兩份粥餐外賣，如常等左十幾分鐘，有位樓面大媽拎份外賣出嚟叫冧巴，我行近去預備拎份外賣之際（我未掂到份外賣）佢突然放手⋯⋯成包粥餐跌咗落地，膠袋內碗粥倒咗出嚟。之後店員望住我話：＂我冇攞實份外賣＂（意思係我唔小心😡😡😡）仲惡人先告狀！！本身覺得人誰冇錯，但係唔好屈個客囉😡😡店員死話我唔小心拎住，係唔會做過比我兩份粥餐幾多錢呀，本來佢做過份餐比我都算啦…其後櫃台有位疑似主管行過嚟話退番錢比我了事。浪費我時間而且一肚氣🤬又無早餐食，真係不知所謂，以後唔會再幫襯呢間店😡😡