影片
港鐵宋皇臺站B3出口, 步行約2分鐘
繼續閱讀
電話號碼
55333453
營業時間
星期一至日
06:30 - 23:00
以上資料只供參考, 請與餐廳確認詳情
去九龍城唔一定要食泰國菜，今次就同屋企人來吃點心！餐廳座位都幾多，估唔到晚上都有好多老友記來一盅兩件!翡翠蘆筍鮮蝦餃，蝦餃皮幾晶瑩剔透，蝦肉彈牙，加入了蘆筍，所以食落有種清新的味道！懷舊灌湯小籠包，這裡的小籠包估唔到咁好食，湯汁好鮮甜，皮薄不會好厚，肉餡都幾大粒，幾美味！足料糯米雞，糯米雞好大隻，內裡有咸蛋黃、雞肉粒、臘腸等，好足料，味道不錯！名醬蒸鳳爪，鳳爪都幾腍身，醬汁美味！蜜汁叉燒包 ，叉燒包餡料都幾多，內餡又不會好肥！山竹牛肉球，牛肉球都幾大粒，牛肉不會整到好霉，加入喼汁，開胃又美味！籠仔馬拉糕，其實我都幾喜歡吃馬拉糕，這裡的馬拉糕一籠咁上，口感軟綿，味道不會好甜！馬蘇里拉芝士蝦春卷，春卷外皮脆卜卜，內裡有芝士和蝦肉，很美味!香茜牛肉腸，腸粉口感幾滑，內裡的牛肉有淡淡的芫茜香味，口感不錯！
繼續閱讀
呢間點心專門店上星期轉新鋪位🤫 容納三十人左右，地方唔大。店員好好~ 比客人自行選擇位置，每張枱已經準備好喼汁、豉油自行調味，比傳統酒樓方便得多上菜速度都挺快，十分鐘左右已經出齊全部食物。*山竹牛肉球 $20牛肉好鮮，無太多肥豬肉同馬蹄，口感軟綿*馬蘇里拉芝士蝦春卷 $26唔會太油膩，放一段時間仍然香脆可口，內餡用蝦膠，不過芝士味唔夠突出*錦繡灌湯餃 $20湯汁清甜，餃皮薄嫩，裹面有澎拜的上湯、雞粒、鮮蝦和豬肉等餡料，口感豐富*香莤牛肉腸 $20布拉腸特別軟滑，粉皮唔厚，牛肉份量超足料，比例接近1:2🥰*流沙奶黃包 $20包鬆軟，咸蛋黃為沙，呈半流狀態，甘香唔會太甜🙊 如果包皮再薄少少更為吸引*譽滿鮮蝦餃 $28晶瑩剔透 ，每粒內餡有2隻鮮蝦，爽口彈牙
繼續閱讀
嚟到九龍城，唔怕無美食，食小小點心頂住心癮先，佢即叫即蒸，仲有好耐無見既大大個懷舊雞仔包🤩 痴線的，大過我手掌🖐️香煎韭菜餃，我最欣賞即炸熱辣辣，脹卜卜餡料豐富👍🏻另外蝦餃上嘅綠色係咪唔知咩嚟呢？其實係Wasabi嚟架🤣其他灌湯小籠包、春卷、生煎包等 🥟個人覺得一般啦，生煎包煎得唔夠香脆，同無煎無咩分別😅總算一間平民價錢嘅點心又係即叫即蒸，總括來講都比較高分如果落九龍城成日食泰國菜覺得厭嘅話可以試吓
繼續閱讀
🇭🇰 譽滿點心專門店🥢九龍城除左泰菜都有其他小店 今次就去左食點心😆晚市都唔少人黎幫襯 Menu 選擇多而且幾特別價錢唔貴 性價比高 特別推薦佢地既糕點😋🥢新彊棗皇糕 (💰$24/4pcs) 👍🏻推薦棗皇糕其實就類似平時食到既紅棗糕但味道比較rich 食到好濃既紅棗香味👍🏻👍🏻口感煙韌 唔會好平時食到既紅棗糕咁過甜🥢青芥末子母蝦餃 (💰$28/3pcs) 👍🏻推薦賣相好得意 子母蝦餃🤣係原本蝦餃上放一粒小蝦餃包住青芥末食落味道特別 青芥末同蝦餃既味道又幾夾😆食落light way 1 點 不錯既組合🥢蜜汁叉燒腸 (💰$22)腸粉本身都幾香特別既係蜜汁叉燒 味道幾較出隔住腸粉都望到好多叉燒 幾足料😍🥢原粒紅豆糕(💰$20/4pcs )👍🏻推薦呢款係凍食既糕點 非常滑身食到椰汁原汁原味 粒粒紅豆既口感而且一樣味道唔會太甜🥢山竹牛肉球(💰$20/3pcs)牛肉球幾大件 顏色比平時食到既淺色一點食落唔會太腍有彈性 大件抵食🥢涼拌黑木耳拼青瓜(💰$19)涼拌帶點微微酸辣 黑木耳 青瓜都係爽口用黎做開胃小食不錯🥢馬蘇里拉芝士蝦春卷 (💰$26/6pcs)春卷一共有6小件春卷皮非常脆身 帶點厚度芝士味唔算好濃-🥢懷舊灌湯小籠包(💰$32/3pcs)小籠包一共有3粒 唔會好易穿味道不過不失-🥢蟹籽蒸燒賣 (💰$27/4pcs)燒賣大小同味道都OK係平時酒樓食到既質素
繼續閱讀
《譽滿點心專門店》我其實幾鍾意食點心！得閒都會口痕想食！今次同屋企人去咗呢間點心餐廳～ 🥢青芥末子母蝦餃(3隻，$28）🥢蜜汁叉燒腸($22)🥢山竹牛肉球($20)🥢鮑汁花生炆鳳爪($32)🥢新疆棗皇糕($24)🥢原粒紅豆糕($20)🥢涼拌黑木耳拼青瓜($19)🫖茶位 ($5)我地總共點咗以上呢幾款點心，個蝦餃幾得意有粒細蝦餃喺大蝦餃上面，咬開原來係芥末嚟！但覺得味道有啲唔夾，都係鍾意食返傳統蝦餃多啲！叉燒腸就普通，因為佢個粉皮好厚～ 牛肉球正常，但唔知點解啲汁好多🤣 鳳爪幾好食🤣 鍾意佢煮到淋淋地好易甩骨！至於2款甜品同前菜就屬正常。嗰日嚟嘢食係小菜+甜品一齊上，之後先熱食，希望可以改善下啦因為如果係咁甜品要擺好耐先食到～ 同埋啲服務態度都係有需要改善。
繼續閱讀