譽麵坊

營業中

休息中

譽麵坊對我嚟講係尋找回憶嘅餐廳，中學時期晏晝一個禮拜可能會食兩次嘅米線十幾年之後今日再食返，真心覺得冇以前咁好食，但係食嘅係回憶坐低唔使諗一定係食南乳雞球米線，但係一咬個雞球就已經覺得有啲失望，因為雞球炸到好乾，咬都有困難，唔知係因為炸好曬跟住再返炸，定係炸得太耐，質感真係唔係太好，好硬，味道係ok嘅，不過略嫌好似味精多咗少少，唔知係個南乳醬定係個雞球嘅問題，因為食完之後一直都覺得非常之口渴，以前唔會咁樣不過算啦回憶總係美好嘅，食完出嚟見到門口好多人排隊，但係我今次之後應該真係唔會再返去食喇 。。。

譽面坊係我由中學開始就已經好鍾意食嘅米線鋪「炸雞球米」、「炸雞翼撈粗」，就係我哋兩個每次去到必叫嘅食物。接近20年，由佢當日$15一碗麵，加價加到今日大概$40一碗麵我哋都一樣咁支持。成日轉程來回兩個半鐘都專登去土瓜灣食。每一次我哋都唔需要望餐牌，直接叫呢兩款面就可以了。有陣時見到其他人慕名而來，要左諗右諗叫邊款食物，我都好想衝口而出，話俾佢哋聽呢一度最出名就係「炸雞球米」、「炸雞翼撈粗」。唔知會唔會有一日，我會試吓其他餸呢？

📷脆口雞球必食咔嚓📷 係雞皮嘅香脆聲平時唔食雞皮嘅我 都默默咁食咗幾啖🐓南乳雞球撈粗 $40粗麵有用油微微撈過 所以食落好順口 但唔油另跟一碗高湯俾你撈鬆啲麵粗麵幾爽口 冇overcook雞球炸完肉汁依然 啖啖肉冇骨雞肉原本有調味 南乳汁酒香強勁輕輕一沾 已經足夠 整體份量足夠🐷 和風豬扒米線 $40豬扒份量同樣十足 但雞球嘅口感會比佢出色豬扒未夠嫩身 但炸粉幾薄身可另加小食 飲品 雙拼等⋯⋯

土瓜灣必食米線 - 譽麵坊中學時期成日去今日再帶朋友黎食就算今日係假日 一樣滿坐menu都唔洗睇必叫南乳雞球！朋友配撈粗雞球炸到好脆卜卜裡面仍然好嫩滑 一啲都唔老我就叫左豬扒米夠厚身啖啖肉！埋單都只係$80抵！

在何文田附近上學的學生一定食過呢一間，必叫南乳雞球呢一款菜餚它配米缐，撈粗or 撈幼都好好味。我記得當時可以加香芋珍珠奶茶，不知道現在還有沒有。-南乳雞球一上到枱，wow，炸過的雞球超級香分量雖然不多，勝在夠大嚿一咬落去，啲雞汁爆出來，very juice地方雖然小小的，但仍然有很多人願意排隊等食。

今日同約咗同事一齊lunch 帶佢嚟食呢間土瓜灣的平價美食——南乳炸雞穿過一堆放飯的學生哥，順利入到店內點餐～事隔兩年冇嚟過食，唔知味道係咪仲keep 到之前係配湯麵，今次就跟網上介紹試下撈麵先-落單後好快就上菜啦哇就咁睇就係一個炸雞山😍賣相幾吸引～炸雞炸得酥脆香口，質嫩多汁再配埋南乳醬多咗份濃烈的咸香，略配就夠撈麵食落彈牙軟韌，鹹甜適中附送的例湯味精味較重，偏鹹可能天氣凍咗關係，食到中途炸雞同麵已經凍哂整體味覺不錯，仲係學生餐價錢，性價比高

一提起土瓜灣 都會諗起呢間。本身都有擔心名物會唔會其實只係食回憶，味道客觀黎講其實好普通？但試咗又覺得真係幾好味。cp值高！！！叫咗米線同撈粗（唔鐘意柬水味嘅人可以試其他）米線偏淋！同埋係有雪菜！係早餐嘅味道！呢個係$40但佢比嘅雞球都相當大隻 ～熱辣辣 ！皮好脆！ 肉唔鞋且都唔多脂肪！其實我覺得唔洗點南乳醬已經好夠調味再點埋對我黎講就有啲太heavy～所以我會覺得係好抵食嘅炸雞球～！食得滿足嘅一餐！！！

米線就正正常常南乳雞球好多舊同埋都好大舊仲要好有南乳味！超正！叫完即刻整俾你！上菜嗰陣，熱辣辣！😋😋😋唔怪得咁多人幫襯個份量都好大！食完啲雞都已經飽咗🤣🤣

之前食過一次一直對個雞球念念不忘今日終於再食到喇～今次嗌咗南乳雞球撈粗勁快上菜 果然早食飯係有好處1️⃣ 南乳雞球撈粗 $40一上枱個心真係「嘩」咗聲啲雞球勁香 勁大嚿食落啲雞皮勁脆 好似薯片咁但入面雞肉依然勁juicy勁嫩 一啲都唔柴仲要有五大嚿但係粗麵就有啲淋 我自己就中意食硬麵多啲粗麵單食會有啲淡口但唔覺有鹼水味湯同南乳醬就有啲咸所以食麵嗰陣淋啲湯同撈少少南乳醬就完美中和返啲雞食得多會有啲膩 但係點返佢個南乳醬就又可以繼續食唔停環境同服務都係普通街坊小店咁啦 不過不失 但性價比極高！

💭呢排黎多左土瓜灣呢邊食飯，好多朋友都話呢間餐廳係附近學校既學生lunch必食既餐廳黎！入到餐廳見到個餐牌，哇！價錢真係算好抵～average 40 蚊度就有一個粉麵🍜🍜🍜見到呢間餐廳野食既份量都大大份，難怪咁多學生黎呢度食lunch 啦💕🌸南乳雞球撈粗 HKD40 🌟 🌟 🌟 🌟 🌟40蚊既麵本身以為得幾粒雞粒啦，上到檯係一堆炸雞球係個撈麵上面！仲配埋個好香南乳味既汁一齊💖炸雞球熱辣辣， 咬到雞皮位脆卜卜！連埋個南乳汁一齊食真係好邪惡😈撈麵底夠味同夠大份！40蚊食到我捧住個肚出餐廳！推薦！

🐻之前住過一排土瓜灣，發現個頭都有唔少好食既小店，其中一間係男友成日提住，話有中學回憶咁話 😯 咁多年都仲頂住，應該有好西留住大家既心，當然係人人皆知既南乳雞球🐔🤤⁡🐻の試食‼️✨南乳雞球米線 $40✨自製墨魚丸爽滑豬頸肉米線 $46 ✨珍珠奶茶 $18⁡南乳雞球果然係招牌✨即叫即炸，大大舊，皮超脆肉juicy，有趣既係南乳汁是另上，味道偏咸，同平日食既南乳味道好唔同嘅 ☺️ 但連埋有雪菜既米線食真係好夾啊❗️另外佢哋既墨丸超大粒，但口感較為鬆散，豬頸肉真係超爽滑，但🐻都係覺得雞球正啲 😝 珍珠奶茶🧋幾有仙跡岩既回憶味道，不妨叫杯試吓🤤⁡

👹好多年前由舊鋪食到依家一直都係佢嘅常客，覺得佢又平又好食，🤣入邊嘅姐姐可以話係睇住我大！💕超級推介俾大家!.#南乳雞球米線 👅9/10 $40✨雞球每一次都係即叫即炸保證熱辣辣，🤞🏻每舊雞肉都好入味，份量亦都好足，🤪出邊嘅雞皮超級脆。😚朋友就鍾意加埋南乳醬一齊食但係自己就鍾意就咁食。🥳另外米線嘅份量都係超級多，每次食完都飽到上心口🥸，鍾意可以叫姐姐加埋腩汁💕，會被清湯更加濃味。.#郊外油菜 $18 😂叫咗生菜全走，就係普通嘅白灼生菜。🫶🏻不過$18有成半個生菜，出邊食來講真係算幾抵💕.#水蜜桃紅茶 👅7/10 $16✨唔係必嗌但係$16來講如果平日食飯鍾意叫嘢飲嘅話都可以試吓，🙆🏻‍♀️建議少甜少冰。.

睇到IG介紹即刻走去試。黎都唔使點排隊好快入到去。8:00左右。冷氣好涼仲有啲凍😄睇咗一輪當然係叫南乳炸雞撈粗。但係竟然冇粗賣晒喎。冇計啦唯有食幼面下次再食粗，再叫一個咖喱牛腩撈面。炸墨魚餅。椒鹽炸肉排。豆漿。個人認為下次可以放棄炸墨魚餅因為林治治冇乜墨魚味，但係佢層皮又揸得幾好食😂😂，唔食墨魚餅可以叫魷魚鬚試下，椒鹽炸肉排正常味道都OK好吃，炸雞就唔使講一定係必食，好味我覺得。個南乳醬真係一個靈魂。我覺得好惹味。牛腩有咖喱味，不過真係炸雞好食好多，又見到人哋食豬扒係超級勁大塊。下次再試😂

土瓜灣名物 南乳雞球米線 咁就一試風彩 見大家都講到咁好食 黎到土瓜灣又點可以唔試下呢朋友點左一份 南乳雞球米線  咁話明試野 緊係叫埋其他野黎試下朋友都稱 南乳雞球米線 為神級好食，因為係佢地由細食到大既食物我覺得係 土瓜灣既人吹奏得太勁 又或者係佢既水準跌左而我試完反而覺得一般 達唔到好好好食 可能因為對佢既期望過高。 但朋友事鬲多年再食 亦表示以前好食啲，而家食番都唔覺得好似以前咁好食，但依然算是好味而我就叫左個豬手米線，豬手都好入味 以小店黎講，佢都算係唔錯

中學lunch成日食譽麵坊今日心血來潮，無啦啦想去食味道都係同以前一樣🤤今日叫咗雞球拼雞翼一樣都係俾咗勁多雞球😋大滿足 3隻雞翼 都係46蚊仲有經典嘅玉露 回憶嘅味道出返晒嚟☺️