譽麵坊

營業中

休息中

由中學唔係係呢個鋪位，經歷過應該係2次既搬鋪，細細個果陣一放lunch就狗衝落黎食，無他既又係香口野又叫抵食又飽，成班同學都係落黎一齊食，都算係學生哥既必食推介😂😂😂食得呢間，雞球米撈定湯都好，是常識罷，所以根本食佢都係想食雞球既😂😂btw我覺得其實南乳醬先係重點，可以撈埋米線食，一流😂😂😂😂😂😂😂食到而家都重係叫緊南乳雞球米線，都覺得係呢到既名物無之一😂😂😂😂😂好多時食既可能都係一份情懷同回憶🙃

譽麵坊嘅招牌就係南乳雞球米線印象中佢啲雞球係超級大份而且一定要配佢個南乳醬先好食但最近一次去買外賣個雞球份量已經細咗好多同埋竟然比漏咗南乳醬真係極度失望依家南乳雞球米線賣緊💰$42 價錢上唔算好貴但係環境上就坐得唔係幾舒服個空間比較狹窄雖然佢可以坐客人嘅數量唔算少不過實在有啲迫，所以我多數都會買外賣

土瓜灣好出名嘅南乳雞球米線一定要試😎雞球係即叫即炸，所以落完單都要等一陣先有得食🙊南乳醬係另上，可以自己控制份量👍🏻炸雞球好好食😋有肉汁又滑米線配埋雪菜十分好味，我好鐘意食雪菜，所有黎依度依米線就岩唒啦

差點忘了譽麵坊「南乳雞球」的味道，真的很想記起，所以回訪了。這次帶著我先生來試試看，絕對不能錯過土瓜灣的老字號。有我最愛的米線，也有他喜歡的撈粗，滿足各自的口味。有一小碗的湯，是給先生的撈粗的。性價比高，份量十足，我還以為我那碟已是2人份量。隔離飯香之先生那碟撈粗好像更好吃，下次再吃。還有台式飲品可選，可惜那天沒有珍珠、綠茶，不過紅茶也不錯。水蜜桃紅茶，不過甜、不過苦，剛剛好的甜度。最近還有新推出的菜色，例如豬手，有機會一定要試試看。

土瓜灣平民小店譽麵坊☺️呢間鋪頭已經屹立多年😝最出名係南乳炸雞球🔥🐔每碟都份量十足，一碟都已經可以食到勁飽🤤最重要係價錢勁親民，附近唔少街坊都成日嚟幫襯😚📍南乳雞球撈麵 （$42）先介紹佢嘅招牌菜南乳雞球撈麵，雞球炸得非常酥脆，每舊都大大件🥩，入面啲雞肉仲keep到有肉汁， 肉質嫩滑，加上佢嘅味道非常濃郁嘅南乳醬，真係超級好食🤤麵就好有咬口，乾身得嚟煙韌彈牙🍜📍香脆雞翼撈粗（$42）佢嘅雞翼都炸得超脆，但又係可以做到外脆內嫩，而且邊到仲有42蚊大大份麵之餘仲有4隻雞翼咁多😍雞翼🍗仲要唔係細隻，真係好夠份量。唯一美中不足就係雞翼肉唔算好夠味，但如果有叫南乳雞球，配埋南乳醬咁食就完美了🤤最正係你叫撈麵佢仲會送埋是日靚湯，清清地得嚟又好有味，食完炸雞球飲啖湯可以去油膩感☺️📍南乳炸雞球（$37）因為南乳炸雞球太好食，忍唔住額外就咁叫左炸雞球小食，一樣大大份，食埋就真係飽到濟🤣🤣🤣

曾經喺土瓜灣讀過三年中學，經地膽同學仔介紹，話土瓜灣有一間好出名嘅南乳雞球米線，食過之後，每個月都會食幾次，但自從搬咗之後好少會返土瓜灣食，疫情過後，台灣朋友來香港旅遊，所以特登帶台灣嘅朋友黎試一試。-土瓜灣美食街，除咗幾間歷史悠久嘅飲食餐廳仲喺度，其他餐廳都係新開嘅，或者係我太耐冇返嚟既有回憶同時有好有新鮮感，嚟緊會多啲返嚟土瓜灣覓食-叫咗招牌南乳雞球米線面底係鹹鹹地嘅雪菜米線，味道唔錯，米線唔會好林；雞球嘅味道好似冇以前咁好食，顏色偏深色了，今次食有啲KFC嘅味道南乳醬唔錯，食完可以叫職員加～-另外叫埋排骨米線台灣朋友話排骨同機構嘅味道差唔多-可能真係回憶總是回憶，不過味道都好食-真實美食點評，follow我支持支持

大概下就2點幾先去食午餐店內都有一半客人左右即刻叫左個南乳炸雞配米線另外再叫個雙拼撈麵 可揀幼麵或粗麵雙拼係南乳炸雞拼餛飩另外飲品叫左凍檸茶同水果梳打先來兩杯飲品凍檸茶嘅茶底竟然係Earl Grey十分有趣水果梳打就偏甜然後店員先上碗米線等左一陣先上炸雞感覺同時間上會比較好雪菜米線都正正常常味精湯底炸雞同南乳醬係分開的炸雞係熱辣辣炸起香脆可口份量都十分多單拼同雙拼只差5蚊感覺單叫炸雞會食吾曬同油脷所以雙拼都不錯撈麵都係正常水準餛飩多料好食有驚喜總括而言性價比都十分高！抵食！

-是位於土瓜灣的一間麵店路過幾次終於都黎試佐下招牌嘢點佐 南乳雞球撈粗拼墨魚丸比較一般 雞球炸得過於幹 冇乜嘢味反而係個雪菜豬頸肉湯河有dd驚喜 好味另外加咗個小食 椒鹽肉排好香口 反而呢個比雞球好食好多喔 姊姊推薦左凍豆漿 因為口乾又加左兩支咁 係OK噶 下次黎附近如果捻唔到食乜或者都會考慮下啦

講起土瓜灣美食，好多人都可能會諗起依間譽麵坊，佢哋嘅南乳雞球出晒名㗎！ 今次就帶大家去試吓，估唔到平日晚上七點幾八點，都差唔多成間舖頭滿座，一睇就知有幾出名啦！.南乳雞球撈麵 HKD42嚟譽麵坊就必點南乳雞球，雞球熱辣辣，炸得好脆口，入面都唔會好乾柴，依個價錢真係性價比極高。但👩🏻本身以為雞球係用南乳醬醃製完先拎去炸，原來南乳醬係另上，客人可以自己選擇要唔要蘸醬。同想像中有少少🤏岀入，但就無損佢嘅美味！.椒鹽肉排米線 HKD42另外就叫咗份椒鹽肉排米線，米線湯底就一般般，無咩特別，主要都係想試下個椒鹽肉排，同樣都係熱辣辣送上。不過椒鹽份量略少，仲係臨上菜先灑上去，並唔係每一嚿都食到椒鹽味，所以比起南乳雞球就較為遜色啦!

被公司安排到土瓜灣分店幫手，我自己一個人Lunch，我嘅首選梗係譽麵坊，呢間土瓜灣小店，以前一經過附近，一定會幫襯，佢嘅南乳雞球撈麵真係冇得輸。👍👍👍譽麵坊地址：土瓜灣新山道6號地舖🐥南乳雞球撈麵 $42雞球炸得非常脆，雞皮脆卜卜，雞肉肉嫩，超juicy多汁，一d都唔會乾同柴，撈麵又唔會濕笠笠，夠乾身，最重要又唔會乾到哽喉嚨，雞球係另配上南乳醬，簡直令炸雞球昇華到另一層次，本身雞球，已有底味，所以真係可以自行決定點唔點醬食都得。😋😋😋🥛自家制豆漿 $7我冇影到相，細細支，口味冇得揀，只有有糖嘅豆漿，豆味偏淡，有d過甜，感覺似飲緊糖水咁，所以我下次去食，一定會選擇配汽水或支裝茶。🤣🤣🤣整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕環境：🌕🌕🌕地點：🌕🌕🌕🌕回頭率：🌕🌕🌕🌕🌟🌟🌟必食推介：南乳雞球撈麵 🌟🌟🌟我會為大家帶黎煮食、食譜、飲食同資訊分享比大家，請多多支持🥰🥰🥰

譽麵坊的南乳炸雞球，這個土瓜灣名物都是最近才知。我發現稱得上名物的食物都是有些相通特徵。首先價錢要貼地，不能太貴，要街坊承受得到的定價。大件抵食之餘，味道有一定水準。因為定價不高，賣點都是食物，所以店內環境都不是高檔次或Cafe的裝潢，或者是外賣。這個南乳炸雞球真的稱得上土瓜灣名物。先說價錢：一個南乳炸雞球撈粗才$42。而且非常有份量，一定食得飽。味道：這個炸雞炸得很乾身，沒有多餘的油份在炸雞裡，不會一吃就成口油。雞肉都處理得很好，是去骨雞脾肉，會有些炸得超級脆的雞皮在雞肉上面。不會輸給台灣的炸雞排。炸雞球只有基本醃味，南乳味來自自家調製的黑色醬汁。店內環境：這個只能忍受，賣的是食物，不是賣舒適。我坐的位是背對背客人，大動作都會撞到後邊的客人。總的來說，炸雞份量同味道，在這個價位已超額完成，但要舒適就有其他可以選擇。神級無味食評師-阿偉

#土瓜灣美食 #街頭美食 #土瓜灣🍽南乳炸雞球💰37⭐️譽麵坊📍土瓜灣新山道6號地舖==============================📝平時食炸雞球多數配酸辣醬，今次就試下點南乳醬。味道好難形容，但一食就食得出依陣味，咸咸地又帶有少少花雕酒味。雞球本身薄脆漿，唔厚粉，炸到粒粒金黃色，同時保持到雞汁，食落唔會乾淨淨。點醬食得，就咁食又得，得左😂 Btw 加多$3 可以有埋米線食，不過雞球份量唔知會唔會減少。今次就有5大粒脆雞球😋食完就真係要飲返涼茶下下火😁💫⭐️⭐️⭐️⭐️值得一試

這家麵店的招牌菜是炸雞麵，味道出乎意料的好。炸雞肉鬆脆口感十足，加上配料的調味，讓整道菜品的風味更為豐富。麵條也非常入味，吃起來很有嚼勁，讓人一口接一口。店內的環境很不錯，裝修風格簡約時尚，讓人感到舒適自在。店的地點也很方便，交通便利，不論是用餐或是聚會都是一個不錯的選擇。價格方面也很合理，性價比很高。這家麵店的價格比其他同類型的麵店來得實惠，而且份量也十分足夠。如果你是一個追求實惠用餐的人，這家麵店絕對是一個不錯的選擇。總的來說，這家麵店的炸雞麵絕對值得一試，店內的環境和地點都非常好，價格實惠，很值得再次光顧。如果你是一個喜歡美食的人，這家麵店絕對是不容錯過的好去處。

譽麵坊對我嚟講係尋找回憶嘅餐廳，中學時期晏晝一個禮拜可能會食兩次嘅米線十幾年之後今日再食返，真心覺得冇以前咁好食，但係食嘅係回憶坐低唔使諗一定係食南乳雞球米線，但係一咬個雞球就已經覺得有啲失望，因為雞球炸到好乾，咬都有困難，唔知係因為炸好曬跟住再返炸，定係炸得太耐，質感真係唔係太好，好硬，味道係ok嘅，不過略嫌好似味精多咗少少，唔知係個南乳醬定係個雞球嘅問題，因為食完之後一直都覺得非常之口渴，以前唔會咁樣不過算啦回憶總係美好嘅，食完出嚟見到門口好多人排隊，但係我今次之後應該真係唔會再返去食喇 。。。

譽面坊係我由中學開始就已經好鍾意食嘅米線鋪「炸雞球米」、「炸雞翼撈粗」，就係我哋兩個每次去到必叫嘅食物。接近20年，由佢當日$15一碗麵，加價加到今日大概$40一碗麵我哋都一樣咁支持。成日轉程來回兩個半鐘都專登去土瓜灣食。每一次我哋都唔需要望餐牌，直接叫呢兩款面就可以了。有陣時見到其他人慕名而來，要左諗右諗叫邊款食物，我都好想衝口而出，話俾佢哋聽呢一度最出名就係「炸雞球米」、「炸雞翼撈粗」。唔知會唔會有一日，我會試吓其他餸呢？