讚好台灣

營業中

休息中

今晚去了讚好台灣餐廳食晩飯， 食物選擇豐富，無論是主食還是小吃，都能滿足不同的口味需求。服務態度親切，環境舒適，適合聚餐或小聚！ 豐盛牛肉乾拌麵有金錢牛排、牛腩、牛筋、花枝丸及貢丸！麵條彈牙，鮮嫩，湯底濃郁，搭配多樣配料，讓人一口接一口。 鮮蕃茄湯綜合湯麵有肉燥、牛筋、軟骨、大腸及滷蛋。 蕃茄的酸甜平衡了肉類的油膩感，讓整碗湯麵更為開胃。 魚酥皮蛋豆腐皮蛋美味，魚酥的香氣與豆腐的滑順搭配得宜，是一道不可錯過的開胃小菜。 路邊攤小拼盤有鹽酥雞、小香腸及花枝丸多樣的小吃選擇，鹽酥雞香脆可口，小香腸的調味也恰到好處，適合與朋友分享。 珍珠奶茶珍珠Q彈，奶茶香醇，甜度適中。

見到有廣告宣傳就黎試下，之前經過長期都排隊，宜家晚市七點都有吉位。個麵一上枱就好大陣味精味，食落果然係，下次唔食哩個。另外餸料份量偏少，女士都食唔飽飲品（凍）跟餐+$12

朋友話好耐都冇食過台灣嘢， 咁啱今日喺紅磡嘅食街道搵到 一間幾地道嘅台灣食店，而且 價錢親民， 主打牛肉麵🤓👉🏻紅燒豐盛牛肉湯麵（金錢牛腱 , 牛腩 , 牛筋 , 花枝丸 貢丸） 依個combination俾你試到好多款肉 啱曬有選擇困難整嘅朋友， 佢個紅燒湯底比較感覺似鹵水湯底，牛腩同埋牛肩都非常厚肉🤪👉🏻鮮蕃茄綜合湯麵（肉燥 、 牛筋 、 軟骨 、大腸、滷蛋）蕃茄湯底非常之濃郁，依碗就 比較多大腸 如果可以多啲軟骨就好喇🤣👉🏻木魚豆腐 木魚豆腐外皮炸到非常酥脆， 如果再有多啲甜醬就正喇😚👉🏻鹽酥雞 👉🏻冰台灣茉莉綠茶👉🏻冰香芋奶茶食咗咁多嘢 但係一啲都唔貴， 住喺附近嘅話一定經常幫襯👻

香酥排骨乾拌麵呢碗乾拌麵嘅排骨真係香酥可口，外脆內嫩，配上麵條一齊食，味道好豐富💞醬汁仲要麻麻辣辣😎非常好食肉燥三寶乾拌麵肉燥三寶乾拌麵有三種唔同嘅肉，有台灣小香腸花枝丸同貢丸😉肉燥嘅醬汁吸入麵條入面👍🏻涼拌小黃瓜呢個涼拌小黃瓜清新又爽口，食完好開胃，係個好嘅開胃菜💚香滑牛筋牛筋煮得正好😙冰檸檬綠茶呢杯冰檸檬綠茶清涼解渴，檸檬酸酸甜甜，飲完好舒服，正好配埋重口味嘅菜😛冰百香果綠茶冰百香果綠茶味道獨特，香氣十足，百香果嘅甜味正好，真係一杯好飲嘅飲品😄

Nestled in the bustling streets of Whampoa, this affordable Taiwanese restaurant offers a delightful culinary escape that captures the essence of Taiwan's vibrant food scene. The Signature Dishes Beef Dry Noodles are a must-try, featuring a rich bowl of braised beef shank, brisket, tendon, squid balls, and meatballs. The sauce is deeply flavorful, with a perfect balance of spices that warms the soul. The tender beef shank melts in your mouth, while the brisket and tendon add depth to the dish. T

去開黃埔行完商場，同朋友行返出街睇下有啲咩小店食埋晚飯，經過見到呢間台灣菜都幾多人幫襯，而且野食幾多選擇，所以就同朋友坐低試下香酥排骨乾拌麵（口水汁） $63排骨炸得金黃酥脆，內裏肉質仲保持嫩滑，醬汁加左口水汁微辣帶麻，混雜花生碎同芝麻嘅香氣，每一條麵都掛滿醬汁，食落好過癮，旁邊仲有少少青瓜絲，清爽解膩，平衡咗整體嘅油香同辣味豐盛牛肉麵 $72湯底嘅牛肉香味濃郁，牛肉炆得軟腍，有牛腱、牛腩、牛筋、花枝丸同貢丸，麵條粗幼適中，彈牙有嚼勁，而且麵份量十足，味道濃而不重，食完好滿足香滑牛筋 $39牛筋炆得軟糯入味，入口即化，帶點Q彈嘅口感，醬汁滲透晒入牛筋，食落滑溜溜，味道好豐富，仲有白蘿蔔平衡咗牛筋嘅濃味滷味拼盤 $45滷味拼盤有豬大腸、豆腐同滷水蛋，滷汁香氣濃郁，滲入每款食材有機低糖豆漿（餐）+$16豆漿帶濃濃嘅黃豆香，唔會太甜，健康又好味冰珍珠奶茶（餐）+$12奶茶茶味濃郁，奶香同茶香平衡得，珍珠煮得Q彈有嚼勁，甜度適中，唔會飲完覺得漏，食台灣菜必點！

呢次喺黃埔「讚好台灣」食飯，試咗幾款台式嘢食，感覺幾正。豐盛牛乾拌麵連口水汁，麵條彈牙，牛肉片嫩，口水汁有啲麻辣同蒜味，撈勻食落去幾開胃。肉燥綜合湯麵，湯底清清地，肉燥好香，加咗豆皮同貢丸，湯麵滑溜，飲落暖笠笠。麻辣湯有花椒味，辣度啱啱好，飲完暖胃。小食方面，夜市小香腸烤到外皮脆，裏面有肉汁，微甜。路邊攤拼盤有鹽酥雞同甜不辣，炸得脆，灑咗胡椒鹽，幾香。飲品飲咗凍胚芽奶茶同凍香芋奶茶，胚芽奶茶有穀物味，奶味夠但唔膩，香芋奶茶有芋頭香，甜度啱啱好。「讚好台灣」嘅環境簡簡單單，木質裝修幾舒服。嘢食味道實在，由麻辣到鹹香再到清甜飲品，配搭得啱，價錢合理，份量都夠。無論同朋友食飯定自己一個嚟，都覺得台灣菜幾溫暖。下次想再試吓其他菜色。

每次想食台灣野一定諗起佢價錢平民，而且大大份有時平日下午黎仲要排隊等位豐盛牛肉拌麵(口水）包括有 金錢牛腱、牛腩、牛筋、花枝丸、貢丸的確好豐盛 牛腩炆得軟淋又入味，仲有唔少酸菜麵質亦很彈牙，配上口水辣汁一起食少少麻辣，更加惹味香酥排骨乾拌麵(口水）排骨炸得乾身香脆灑了胡椒鹽粉 味道更突出最鐘意佢有唔少青瓜絲口感爽啲，感覺健康木魚豆腐（小）豆腐炸得香口加少許青瓜絲，木魚同醬汁口感更加豐富路邊攤拼盤拼盤有鹽酥雞、台灣腸同花枝丸花枝丸口感彈牙點少得珍珠奶茶珍珠煙煙韌韌，好有咬口

《讚好台灣》作為台中區內極具風味的台灣餐廳，確實名不虛傳。今晚與朋友前來品嚐，整體體驗令人回味無窮。小食部分，我們點了魚酥皮蛋豆腐。冷豆腐冰涼細膩，豆香濃郁，搭配糖心皮蛋、木魚花與蔥花，鹹香中帶著清爽，是一份完美的開胃菜。而路邊攤拼盤包含鹽酥雞、小香腸及花枝丸，香口惹味，特別是撒上孜然粉後，呈現出濃濃的台灣街頭風味。主食方面，滷肉鹽酥雞飯令人驚艷。鹽酥雞外皮酥脆，肉質鮮嫩，搭配經典滷肉飯、滷蛋及配菜，味道層次豐富且飽足感十足。而香酥排骨乾伴麵則以彈牙的麵條、鮮嫩的肉燥及爽脆的青瓜組成，搭配酥香多汁的排骨，無論是口感還是味道都非常出色。飲品方面，冷胚芽奶茶及冷珍珠奶茶是絕佳搭配。胚芽奶茶香濃而帶著穀物香氣，令人回味；珍珠奶茶的粒粒珍珠十分煙韌，奶茶絲滑濃郁，口感一流。整體而言，《讚好台灣》無論是食物質素還是餐廳氛圍，都讓人留下深刻印象，是品嚐台式美食的不二之選。

今次呢間真係有驚喜！**手工五香肉卷飯**絕對係必試之選，肉卷外皮煎得香脆，內裡嘅五香肉餡調味恰到好處，鹹香得嚟帶少少甜味，配埋滷肉汁撈飯真係無得頂！另一個主角**豐盛牛乾拌麵**都唔輸蝕，麵條彈牙有咬口，拌勻特製醬汁後每條麵都掛滿濃郁牛肉香。牛肉份量十足，仲有爽口嘅青瓜絲平衡油膩感，成個組合好完美。小食方面，**滷蛋**入味非常，蛋黃完全吸收晒滷水精華，係拌飯拌麵嘅最佳配角。飲品揀咗**冰蜂蜜柚子茶**，少甜少冰嘅設定好貼心，柚子清香解膩，同濃味主食好夾。**路邊攤拼盤**，一次過可以試勻多款台灣街頭小食！拼盤有齊鹽酥雞、甜不辣同花枝丸，炸得金黃酥脆又唔油膩，點埋特製椒鹽粉更加惹味。特別鍾意佢哋嘅甜不辣，魚漿味濃郁，口感彈牙。另一道驚喜係**魚酥皮蛋豆腐**，凍豆腐滑溜，皮蛋香濃，加埋脆口嘅魚酥同特製醬汁，冷熱交融嘅口感好特別。飲品**冰百香果綠茶**，少甜少冰嘅設定剛剛好，百香果嘅酸甜同綠茶清香平衡得好好

平日晚上同同朋友一齊約食飯，朋友話想食台灣野，我地喺附近搵左間台灣野 讚好台灣，8點幾都有唔少食客。我地兩個人叫左個麵同小食share。肉燥三寶乾拌麵三寶係台灣腸，貢丸同花枝丸配上青瓜絲 麻醬，份量都幾大份麻醬味道香，掛到麵。清新香脆青瓜絲加落拌麵更有口感，麵質煙韌。台灣腸用料實在，外皮香脆，滿滿肉饀，仲好juicy,啖啖夜市味道。貢丸彈牙，咬落有啖啖香菇味。花枝丸有咬口，味道都唔錯。小食試左台灣經典 甘梅脆薯金黃炸蕃薯同梅子粉真係好夾，酸酸甜甜，好開胃，外皮好香脆，綿密嘅蕃薯好清甜。飲品叫左杯 凍珍珠奶茶 走甜少冰茶底味香濃，奶茶質感幼滑，珍珠都好有咬口。餐廳坐得舒服，店員有禮，食物都幾好食，值得再訪。

朋友話以前讀poly個陣成日都過嚟食呢間台灣野 今日終於帶咗我嚟試下了 睇咗餐牌價錢唔算貴 份量夠大都幾抵食夜市小香腸滷肉飯滷肉鋪係飯上面令到每一啖飯都吸收哂肉汁嘅精華 小香腸食落帶點微甜 同係台灣食嘅味好相似滷肉香酥排骨飯排骨外皮夠薄同時肉質好厚實 食落亦唔會好油膩 2個飯嘅配料都有半隻滷蛋 生菜 花生同菜脯 呢個份量女仔絕對夠食有突! 路邊攤小拼盤分別有鹽酥雞 小香腸同花枝丸 鹽酥雞唔會乾柴同keep到肉汁 最鍾意係花枝丸 口感彈牙而且食落唔會成舊粉咁甘梅脆薯 (大)外皮炸到金黃酥脆 番薯中心則保留咗綿密嘅口感 再灑上甘梅粉咁食好開胃高山冷泡烏龍入口有淡淡嘅茉莉香 食咗咁多炸野飲返枝冷泡茶中和返啱哂珍珠奶茶珍珠好煙韌 奶茶都唔會太甜

滿滿既台灣味❤️‍🔥紅磡都可以食到裝修都係走日式風格～好寬敞坐得好舒服👍🏻去既時候已經係夜晚9點～都仲有幾枱客人幫襯～相信係一間受歡迎既小店🫶🏻Menu一目了然～剔低哂想食既野然後交比職員就可以～岩哂我依啲I人😆紅燒牛筋腩麵 $63湯頭濃郁～有滿滿既牛肉精華麵質煙韌 牛筋腩炆得軟腍 好味😝充滿膠質🥰路邊攤拼盤 $45選擇困難人士揀拼盤就岩哂啦😋有齊鹽酥雞、台灣香腸、花枝丸😍好滿足食台灣野點少得珍珠奶茶！！（跟餐+$12）味道同係台灣飲既一樣👍🏻偏重奶味既奶茶仲可以另外備註走甜 好貼心呢～一個人食左$120 ～ 飽住走😆好滿足

不時都會約老表出嚟食飯、聚舊吹吓水，不過，早排佢就病咗一輪，其實都係啲小病，但唔斷尾，依家佢好番晒，就約佢過嚟紅磡嘅「鑽好台灣」食吓台灣嘢，因為佢都幾鍾意食台灣菜，當然小弟都鍾意啦！餐廳嘅格局都幾特別，睇門面以為喺一個大舖位，但喺原來左右兩邊喺唔互通嘅。而裡面嘅裝修都幾骨子，一室淺木色系，簡約得嚟又有份雅致感。餐牌印刷精美，更有唔少台灣唔同景點嘅介紹，睇見都想去番轉台灣呀！由於好多頁，都有啲難影，幸好落單以剔紙仔形式，一大張落單紙就睇晒有咩食，包括台式便當、湯麵、特色乾拌麵、多種台式小吃，台式飲品又可用優惠價加配，點餐紙右下角更特別介紹咩叫做台灣嘅味道，非常有意思。其實睇完個餐牌，真喺好多嘢都想試，因為一向都幾鍾意台灣嘢，咁兩個麻甩佬食量都喺有限，所以就一人揀一款主食，另外加啲特色台式小吃試試，而飲品有優惠，當然唔可以錯過啦。上菜速度都幾快，眨下眼就一枱都喺美食。魚酥皮蛋豆腐 $35魚酥即喺啲木魚碎，呢道冷盤簡簡單單將豆腐、皮蛋放埋一齊，淋上醬油再灑下大量木魚碎同蔥花。雖然簡單，但味道豐富，啲豆腐又夠嫩滑，皮蛋爽口，蛋黃好綿密，木魚碎又添了幾分鹹香味，有畫龍點晴之效。路邊攤小拼盤 $4

路過紅磡做野，見到有間裝修幾靚，Lunch稍後時間都仲幾多人既台灣餐廳。紅燒牛筋腩麵搭配軟嫩的牛筋和腩肉，湯頭仲可以揀大骨湯/牛湯/麻辣湯濃郁。我揀咗牛湯味道醇厚，好味。牛腩牛筋非常入味又淋，四塊大大塊都唔夠喉。麵條係幼麵，有彈有嚼勁，整體非常滿足。 肉燥綜合湯麵今次湯底揀咗大骨湯，比較清爽，肉燥的香氣與大骨湯好夾。配料多樣化，有牛筋，軟骨，大腸滷蛋，一次過可以試幾種。佢又的確樣樣都幾入味，唔錯。珍珠奶茶 &熱胚芽奶茶奶茶奶味同茶味都平衡嘅係我鍾意嘅茶味濃少少嘅配搭。胚芽奶茶有驚喜，有淡淡的穀物香氣，熱飲的溫暖感覺令人放鬆。 路邊攤拼盤見唔見小食就當然嗌拼盤，樣樣都可以試又唔會份量太多。鹽酥雞，小香腸，炸墨魚，全部都係做得幾地道，滿足到口腹之欲之餘，就真係少吃多滋味，適合兩個人分享甘梅脆薯（小）店員推介呢款小食，用番薯炸到外脆內軟，再灑上甘梅粉，好特別。推薦！整體而言，各道菜品都唔錯，有台灣風味，店舖亦都簡潔明亮坐得舒服。