讚好台灣

營業中

休息中

一口台灣味一份人情味🥰主打台灣麵，牛肉麵，鹵肉飯和雞肉飯🍛都是一些到台灣必吃的菜式🥢先試推介的滷肉香酥排骨飯🥘配上了珍珠奶茶🧋炸出來的外皮也很薄，排骨灑滿我最愛的五香粉🧂滷肉充滿油香，口感鬆軟，肉味香濃😋排骨配上湯麵也不錯😃綿綿的麵條軟硬適中，非常彈牙，掛湯一流😙牛腩麵的蕃茄湯底濃厚而不油膩🍜酸酸甜甜非常開胃🍅牛腩肉質嫩滑，很有牛味🐮鹽酥雞炸得金黃，熱辣辣🔥口感酥脆，也有大量五香粉，非常惹味😍牛肚滿滿的椒香帶點微辣🌶️吃落Q彈爽口，色香味俱全😊

紅磡一向美食多羅羅，今次黎左呢間食台灣菜好出名嘅小店牛肉乾拌麵 (口水)牛肉質感淋甜, 麵質亦很彈牙, 配上辣汁(口水)一起吃, 刺激味蕾, 更加惹味!豐盛牛肉麵 (蕃茄湯)有金錢牛腱, 牛腩, 牛筋, 花枝丸, 貢丸每樣食材都挺新鮮, 尤其是牛腩, 肉汁juicy, 牛肉味濃郁, 唔會有肥膏~蕃茄湯底也非常濃郁, 每條麵都掛上蕃茄汁, 非常健康養生!路邊攤拼盤有鹽酥雞, 小香腸, 花枝丸聯酥雞口感酥脆, 雞肉挺嫩小香腸烤成皮脆肉嫩花枝丸也很彈牙滷味拼盤有大腸, 滷豆腐, 滷蛋大腸處理得很好, 不會有任何異味~2款滷味醃製得挺入味~熱胚芽奶茶胚芽份量非常充足, 奶茶也很香滑, 茶膽味香濃洛神花茶酸味剛剛好,  前面吃得比較多肉, 喝一口洛神花茶有解膩作用~

住係紅黃土既街坊一定唔會唔識呢間讚好台灣, 開左咁多年仲係咁多人食, 因為水準真係唔錯, 又抵食!HAPPY FRIDAY 懶得煮飯又去到呢到食台灣野, 因為有麵有飯, 呢到個拌麵好好食, 可以揀口水汁/麻醬撈, 麵係用上幼麵, 不過質地滑得黎好彈牙, 又索汁, 口水汁既麻香味好重, 但又唔會太辣, 配菜可以揀鹽酥雞/排骨/牛肉等等, 我揀既鹽酥雞都炸得好香口, 唔會乾, 有大約8-10粒, SHARE就好好!!另1份我地叫左飯, 紅燒牛肉飯, 呢個會跟埋3款配菜, 份量都幾多, 牛肉就係牛肉麵果D牛肉, 所以炆得好淋好入味~另外我地叫左個菜同埋滷味拼盤, 滷味有3款, 有豬腸, 豆腐同埋滷蛋, 我最鐘意食豬腸, 好淋好入味, 又唔會太肥!飲品我地叫左珍珠奶茶同埋蜂蜜檸檬, 少甜都好好飲, 滿足又抵食! 

今日去咗黃埔探朋友，朋友說附近有一間好食的台灣菜，必推牛三寶（牛腱、牛腩及牛筋）。見朋友覺得咁正，去到有依三款牛做送嘅麵食。但係，我又好心思思想食佢嘅滷肉飯，所以朋友就建議不如嗌一個拌麵，一個滷肉飯，然後可以俾我試晒兩種嘅味道，真心知道我想要乜（乜都想試吓），呢啲係真正嘅朋友。🤪最先上菜的是小吃，個人覺得$45有齊三款想食嘅嘢係一種極大滿足，同埋都好抵😆 個皮蛋豆腐仲要係好好食，因為夠多木魚及肉鬆，豆腐亦夠凍。不過，最好食的還是牛三寶，超級「淋」，夠「厚」有口感，又入味，連個蘿蔔都好食，真的沒有介紹錯！其他的則和平時的說差不多，不過，呢度嘅低糖豆漿都好好味，不知道能否在超級市場買到呢？

今日嚟到黃埔 經過呢間 讚好台灣 本身都鍾意食台灣菜嘅我哋 就決定入去試一試😬 睇睇餐牌 啲嘢食有埋相真係好吸引🤩睇咗一陣終於諗好嗌咩食啦😌 用呢張點菜紙自己落單 好方便😗 珍珠奶茶食台灣嘢必飲珍珠奶茶😬 珍珠煙韌有咬口 煮得啱啱好 唔會好甜👍🏻 奶茶叫咗走甜 配埋微糖珍珠 配合得啱啱好😌 小麥胚芽奶茶呢一杯都揀咗走甜 知道小麥胚芽對健康有益 見到其他枱都有人嗌呢杯 所以就想試吓😆 小麥胚芽好似細粒粒麥皮咁 細細粒食落口咬兩下 都幾特別😇 麻辣豐盛牛肉湯麵呢個湯麵一上枱已經好香！餸菜真係好豐盛 包括有 金錢牛腱、牛腩、牛筋、花枝丸、貢丸 全部牛都炆得好淋軟入味 麵條係粗麵 湯底非常濃郁 麻辣更加係越食越過癮😆 仲有兩嚿蘿蔔 吸晒啲湯汁 好好味🥹 滷肉香酥排骨飯好大塊排骨😍 食落味道啱啱好 望望吓覺得點解個飯有個形狀 原來係台灣形狀 真係好有心思😇仲有滷蛋同埋蔬菜 滷肉半肥瘦 唔會太鹹 米飯粒粒有咬口 配埋一齊食好好味😋 路邊攤小拼盤貪心的小孩咩都想試啲 呢個小拼盤包括有鹽酥雞、小香腸、花枝丸 特別推介小香腸 真係台灣嘅味道😗 甘梅脆薯真係啱啱新鮮熱辣整起😍 外脆內軟 粉皮唔會過厚 入

行過呢間餐廳門口，見職員好熱情細心介紹，幾好笑容，咁啱同屋企人又想食台灣野，於是就入去試吓。紅燒牛肉麵 $63個湯底幾夠香濃，飲落仲帶點微辣，麵的口感都幾煙韌，牛肉好入味，特別係牛筋，真係炆得好淋。滷肉鹽酥雞飯 $52份量好多，除咗鹽酥雞同滷肉飯外，仲有半隻滷水蛋、滷水花生菜、菜酺、青菜，鹽酥雞炸到好酥脆香口，入面仲keep到juicy。酥炸花枝丸 $32有四大粒，面頭有少少椒鹽，入面食得出有啲花枝粒，幾爽口彈牙。夜市小香腸 $32個份量幾多，擺碟做得幾好，中間有好多青瓜絲做伴碟。冰香濃朱古力 (跟餐加$12)大大杯，朱古力味幾夠。熱蜂蜜柚子茶 (跟餐加$12)冬天飲呢個真係覺得好暖胃，又滋潤🥰呢度啲嘢食又幾抵食wo👍👍

去完大酒店近近地搵啲嘢食下，見到呢一間食台灣嘢又靚靚地就入去食！食物質素都唔算差算係好食，不過啲店員服務態度就好差，9:10左右入座，9:13嗌嘢食，店員從來無講9:30截單，10:00閂門！中間有新食客9:20到，9:24已經係咁催人落單，最後新食客被趕到隔離舖用餐！門口同埋Openrice都係標示10:30閂門，但店員話10:00閂門，9:40已催促我地走，最後我地9:47離開，離開時見到店員黑哂面咀妙妙，其實如果唔想做生意，我地入門口講明就可以，我地去第二間食！態度咁差啲嘢幾好食都唔會想再幫襯！

好少會出嚟紅磡所以去咗一條大街，求其搵一間嘢食所以求其搵咗一間嘢食，依家係食台灣嘢嘅賺到好台灣個名都唔錯呀咁佢落單係好似點心至咁嘅自己手畫咁我哋係叫咗兩碗麵同埋兩杯嘢飲嘅盈一碗麵係炸雞粒同牛肉麵杯嘢飲一個珍珠奶茶同埋一杯朱古力味道不過不失嘅朱古力唔算太甜，我覺得幾好飲添台灣牛肉麵都係一般味道啦牛肉味太濃炸雞粒蒜屋企炸得到不過不失嘅最後總結係如果冇嘢食你呢間食都幾好嘅，因為去到八點其實都唔使點等位嘅

#抵食台式下午茶#下午茶時間主食 + 3 款小食 + 飲品只係 HK$36+ 真係幾抵食入去嘆個下午茶順便買埋餸返屋企 ~~揀咗。小碗麻辣擔擔麵 HK$36拼夜市小香腸 + 椒麻牛肚絲 + 木魚炸豆腐配杯凍台灣奶茶 +HK$5台式香腸每次嚟必點椒麻牛肚絲又麻又辣好惹味嘆埋杯凍奶茶就啱啱好喇 ~~** 以上分享是以我的口味、體質和情況作出分享及感受，一試 / 合用與否請自行決定

去完大酒店🏨肚餓🤤想搵食，原本諗住食糖水，點知必嘉街有既甜品🍮店執咗，咁啱俾另一個團契既弟兄姊妹👯‍♀️見到我，就一齊去食讚好台灣，最後一張6人枱俾我地坐。佢地食正餐，我剩係想要甜嘢，叫咗杯凍珍珠奶茶🧋，原價$22，跟餐價$12，有弟兄姊妹齋叫嘢食我就要咗個quota，凍珍珠奶茶珍珠都夠，Q，奶茶🥤味濃，可惜係我之後返屋企成晚失眠

📍讚好台灣紅磡真係好多小店有勁多餐廳可以選擇‼️‼️‼️路過發現有間台灣餐廳有好多人排隊試試佢先🧐🐥滷肉鹽酥雞飯 （$52）呢個滷肉飯特登用返台灣地圖既形式擺盤好有心思‼️🫶🏻滷肉飯肉汁好多飯量亦都好多🍚鹽酥雞新鮮炸起好脆好juicy😋😋下午茶 （$36）呢個下午茶可以揀唔同款式既小食同埋主食主食揀左小碗家鄉滷肉飯🍚滷肉飯好多滷肉🐷滷肉唔會好肥肉汁撈飯一流💯小食揀左逢甲鹽酥雞🐥甘梅脆薯🍠夜市小香腸🌭鹽酥雞同脆薯新鮮炸好好脆😆小香腸就係一般既台灣腸$36有咁多野食幾抵食👍🏻👍🏻👍🏻

1 唔抵食2 份量少，味道普通3 向店員反映，態度差 ，又串 ，4 講左只是反映 ，希望有改善，大媽級店員2名，態度亳不接受意見 。5 唔會再食當日同朋友食午餐 ，我叫左午餐：台式肉燥鹽酥雞飯，價錢$58元普通一個午餐價格，不多不少 。重點戲 ：店員向我一遞上午餐，我見到 有（2,3粒肉燥粒 ）+汁，同6,7小鹽酥雞 ，即刻問店員係咪俾少左台式肉燥 ？佢態度衍敷：不嬲都係甘 ，啲汁係得甘少 。我直接講 ：你個飯係台式肉燥鹽酥雞飯，唔係寫肉燥汁鹽酥雞飯，會唔會可以俾多小小肉燥？店員直接話唔得。我再向另一個店員反映：你地個午餐份量真係小得好離譜，希望下次可以改善下 。大媽店員2 又係串 ：不嬲都係甘 ，得汁 ，如果要加肉燥，你再加$15蚊喇 我同佢唔駛喇 我仲加咪白痴 ，73蚊食個 8粒鹽琳雞飯 ，我下次唔嚟食喇 。其他在場食客聽到都 笑 。希望東主 見到 ，會檢討下 改善下 否則不看好前景

去完獸醫診所喺附近搵野食，幾年前食過一次，印象ok，今次再試吓好唔好食✨豐盛牛肉麵✨好古怪地明明叫豐盛牛肉麵，但會有貢丸同墨丸喺入面😅湯底比較一般，無乜牛味✨蕃茄排骨湯麵✨忘記左影相，但碗麵係好人工既紅色，蕃茄味都係人工味黎，好失望🥲炸排骨反而ok，雖然薄薄一塊但炸得脆身，同埋粉漿都炸到熟透唔會成口粉.✨路邊攤小拼盤✨有鹽酥雞、花枝丸、台灣腸，食落似係炸起左一大堆擺凍左，如果翻炸返會好食d✨芋香戀奶茶✨雖然係人工芋頭味，但係係好飲既懷舊芋頭奶茶味，情懷100分

讚好台灣 是日下午茶揀左讚好台灣 價廉物美 相當抵食 自選1款主食 +3款小食 配飲品兩個人叫左兩個套餐 主食 試左 麻辣擔擔麵 （小辣 譚仔10小辣既程度）麻醬乾麵 （唔辣 正正常常）小食方面試左1. 逄甲盬酥雞 （ok 好食既）2. 甘梅脆薯 （推介 加梅粉 成件事好台灣！👍🏽）3. 夜市小香腸 （正常台灣腸）4. 椒麻牛肚絲 （稍辣 有譚仔5少辣既感覺）飲品揀左1. 特調咖啡 （正常 一般咖啡 ）2. 香芋奶茶！！ （市面上好少見但本人極愛既一款台式飲品！！ 👍🏽👍🏽👍🏽）下午茶時間唔使排隊 店員仲會企門口yo人入去 好好招呼 推介👍🏽

經常路過，門口阿姐非常熱情，但今日先第一次食。行到門口已經係將近夜晚9點，門口阿姐仲喺度招呼客人入座。店內裝修同門面皆以淺色木料為主，配以黃色燈光，恰到好處。地板應該係有多年歷史。阿姐送來餐牌同落單用嘅紙筆。好快就決定嗌一份滷肉香酥排骨飯試試水。等候時未見有飛蟲曱甴之類，衛生條件唔錯。店內客人較多，等餐大概用時十五分鐘。應該係即叫即整，唔係流水線作業。餐來咗就先試吓炸豬排骨。新鮮熱辣，炸得啱啱好。外皮酥脆，內部多汁。豬排骨係甜口嘅，粉皮嘅味道仲有啲似菠蘿飛餅，真係好好味。食嘅時候諗起好多過往嘅美好回憶。炸豬排骨唔算係咩高級菜式，一般茶記，小食檔有，大酒家，日料店亦都有。自己都有時喺屋企自己整。但今次嘅水準真係遠超預期。可能係我今生今世食過嘅最好食嘅炸豬排骨。但就唔知算係個例定係日常。有待觀察。會再試多幾次。至於滷肉都幾好味，菜脯脆卜卜，滷蛋同生菜就係正常水準。亦有紅蘿蔔絲配餐。顏色都幾豐富。美中不足係茶水欠奉，要係有就更加好。