讚好台灣

營業中

休息中

上次食完「嘆嘆」意猶未盡，好想再食台灣菜，係網上搜索一下發現工作地方附近有間「讚好台灣」口碑唔錯今次一行2️⃣人嚟到食晚餐餐廳租用了兩個舖位，面積頗大裝修呈簡約木系風，感覺舒適店內不停播放著台灣歌手的歌曲餐牌經過用心設計，除咗食物圖片及價錢外，仲有幾頁介紹台北，台中同阿里山的景點設有下午茶時段，價錢非常親民，$3️⃣4️⃣就包1️⃣款迷你版主食，3️⃣款小食及1️⃣杯飲品==========🔹口水香酥排骨乾拌麵 $60豬扒大塊而厚切，以微甜醬油調味，炸得香脆而保留到肉汁又不油膩，肉質嫩彈將麵與肉燥，青瓜絲，蔥花，大量麻醬及口水汁撈勻，醬汁完全地掛上麵條上，麵條彈牙台灣乾拌麵絕對係我最愛的台灣美食之一，香濃的麻醬加上醒胃的口水辣汁完全令味蕾激動亢奮推介指數：9/10==========🔹鮮番茄豐盛牛肉湯麵 $75(金錢牛腱，牛腩，牛筋，花枝丸，貢丸)金錢牛腱比牛腩更腍滑柔嫩，牛味濃郁；牛筋軟彈入味；花枝丸及貢丸質素正常番茄湯底味道調較得不過酸，帶不錯的番茄味；麵條彈滑煙韌推介指數：8.5/10==========🔹牛魔王拼盤 $48(秘製金錢腱，牛腩，香滑牛筋)份量好多，牛肉夠大件配上一件紅蘿蔔及一件蘿蔔，新鮮

下午茶唔想食太飽❔呢間啱晒你🤤我五點幾去到都幾多人喎🥲早兩年試過質素唔錯所以今次又嚟食，仲要冇加過價🤑～A主食選一我揀左小碗麻醬乾麵😍，好濃郁嘅麻醬味，食落好結身，唔會好浠好水～B 小食選三✅必食嘅甘梅脆薯粗身嘅炸蕃薯條🍠，配上梅子粉🤤，好想食多幾條✅木魚炸豆腐呢個炸豆腐外脆內軟，好滑身，配上章魚燒嗰隻汁同木魚，好好食🤤✅滷蛋半顆都幾入味呀，但半隻唔係幾夠喉🥲飲品可以揀台灣奶茶，都幾好飲

讚好鋪位由一變二，每日午市晚市依然會見到大排人龍的台灣菜，店面環境食物音樂都滿滿台風。😋紅燒牛肉飯精緻的台灣便當套餐，有三個前菜茄子，生菜，鹵蛋加菜莆，夠入味。紅燒牛肉多汁軟淋，帶點根的牛腩十分入味，加上紅白蘿蔔配菜，十分多元化。🌟香酥排骨乾拌麵一大片切開上枱，排骨炸得脆香乾身，肉汁鮮嫩可口，乾拌麵加上濃香肉臊和清爽青瓜拌勻醬汁，滿口油香感又不過膩。涼拌小黃瓜台式小黃瓜不酸不辣而帶點甜，輕輕醃製淋身而青瓜的原味依舊，一流小吃。甘梅脆薯炸番薯熱辣辣脆卜卜之餘帶丁點粗粒，口感十分好，甘梅粉甜甜酸酸，與炸物十分匹配。👍🏻🌟五味小茄子新鮮的茄子輕輕炸過，加上酸甜汁，木魚和蔥花，油香十足又惹味，🌟路邊攤拼盤齊集經典台灣夜市必吃小食的一個拼盤。鹽酥雞炸透脆卜卜那種，雞塊厚實，易入口又夠濃味台灣腸和花枝丸同樣炸得出色。熱蜂蜜柚子茶冬天必飲柚子清香加上滋潤蜂蜜，解膩又暖笠笠。冰香芋奶茶奶茶底而香芋味超濃，甜度適中又滑溜，可以和台飲店的質素相比。👌

【讚好台灣】窮食必選台灣野😋所有野食都好平，仲要幾好味，正👍🏻紅燒牛肉麵🐄啲牛肉好冧 好有牛味 麵質粗身 好有咬口連個湯都好重牛味🐮下午茶⭐️我地叫咗幾款小食🙈麻辣擔擔面。逢甲鹽酥雞。甘薯。木魚豆腐下午茶超級推介！！！多野食，多選擇，而且好好味😋擔擔面小小辣，個辣味好香，花生味夠重，麵質都有咬口鹽酥雞🐥都炸得好脆，甘薯有落小小梅粉，加埋一齊好好食，木魚豆腐都炸得好脆，而且咬落有湯汁，似日本炸豆腐咁多野食份量夠一個女仔食飽，都只係$37想食平啲又想食好食既野 呢個絕對係最佳選擇😆😆

想念台灣的味道，於是就周圍搵台灣餐廳覓食。5:30到達，仲有下午茶餐，價錢好合理，但由於我哋太肚餓，所以揀咗晚餐。豬軟骨牛肉湯底新竹米粉，牛肉湯底有一種陣陣清香，飲完唔會覺得好口渴，豬軟骨份量正常，口感軟腍！媽媽叫的排骨蕃茄湯麵，更加令人奪目，蕃茄湯底好濃郁，感覺好健康，豬扒份量驚人，勁大塊，而且啱啱炸起， 酥脆香口， 必食之選！仲叫咗啲小食，路邊攤少拼盤，每樣都有啲，啱晒花心嘅我哋！豬大腸都好好食，個皮好脆！

到讚好台灣晚餐，位於紅磡湖光街1-7號聯成大廈鴻運閣地下13及14號舖，一聽個名就知道係台灣菜啦😁！ 店內環境比較迫夾，枱與枱之間太近距離，快食快走😆。晚餐🥢 ～ 夜市小香腸滷肉飯$52、 肉燥綜合湯麵$66、 魚酥皮蛋豆腐$32、 冰胚芽奶茶(跟餐價) $10。 ▫️夜市小香腸滷肉飯🍛 ～ 滷肉偏少，香腸有點乾， 整體味道普通。  ▫️肉燥綜合湯麵🍜 ～ 湯底夠濃，配菜小，麵質煙韌。 ▫️魚酥皮蛋豆腐🧈 ～ 豆腐口感滑溜，面層有皮蛋和肉鬆，味道幾好。 ▫️冰胚芽奶茶🥤 ～ 味道正常。 整體食物質素普通， 經過可以一試。🏷️溫馨提示～ 整個用餐體驗均屬個人分享意見， 只作參考😊。

寶𡷊味道超贊坐落在紅磡區的台灣小店讚好，是我幫襯了多年的小店。店舖裝修簡約，走台灣文青格調。我點了豬軟骨飯，紅燒牛肉飯，紅燒牛肉拌麵，台式腸仔，香滑牛筋。紅燒牛肉飯，伴以三個小食，分別有菜脯粒，生菜，豆角，滷蛋。紅燒牛肉飯，牛肉林滑，分量不少。紅燒牛肉拌麵，面底是上海麵底，伴以特製醬汁，都幾好味。這兒的台灣腸，一向質素都是十分優質的，甜甜地， 十分好吃，水準一直保持。香滑牛筋，牛筋十分林滑，入口溶化。阿華田胚芽波波，這杯飲品份量不少，味道香濃，波波充滿黑糖味，軟硬適中， 十分可口。寶𡷊味道超贊

今日係分享家父高度推介比各位小朋友既台灣野食👦🏻 肉燥鹽酥雞麻辣湯新竹米粉 ($55)基本上所有湯麵都可以轉做新竹米粉，米粉掛湯一流，麻辣湯香濃，鹽酥雞另上，鹹香鬆脆，非常惹味。肉燥綜合牛肉湯麵 ($66)綜合配料包括肉燥, 牛筋, 軟骨, 大腸, 滷蛋, 每樣都有啲，好啱想試晒咁多種野食既朋友。最正係牛筋，入口即化，晶瑩通透，仲吸晒牛肉湯，同口感煙韌既湯麵好夾。魚酥皮蛋豆腐 ($32)鋪滿左成塊豆腐的魚酥，鬆脆甘香，加上味道濃郁的皮蛋，同白滑既冷豆腐係絕配，一咸一淡，差不多每次都叫呢款小食。牛魔王拼盤 ($48)好很中意食牛既家父，牛肉麵都未夠喉，於是叫左包括金錢腱、牛腩、牛筋既牛魔王拼盤。金錢腱同牛腩都好入味，肉質鮮嫩軟滑，牛筋更加已經被家父吹奏到上天花板💁🏻‍♂️ 拼盤中仲有吸好吸滿肉汁的蘿蔔，完全係精華所在。熱胚芽奶茶 (餐+$10)大大杯既熱奶茶加上胚芽，係健康有益腸臟之選，個人本身飲奶茶唔會加糖，味道啱啱好，不加糖都好滑。有機低糖豆漿 (餐+$15)豆漿可以揀凍飲或者室溫，豆味香濃唔會過甜，而且無防腐劑/添加劑/人工色素, 飲落都覺得好安心。今次晚餐食完包到反艇，先$226/

呢間絕對係我的紅磡飯堂，一個月總會黎幾次由最初一個舖位，食到依家二個舖位每次來都高朋滿座西門町滷味拼盤有大腸、滷豆腐、滷蛋個人最喜歡滷大腸同蛋，好入味魚酥皮蛋豆腐豆腐好滑，夾埋皮蛋同魚酥，整體幾有味道口水肉燥排骨乾拌麵排骨炸得脆口，帶有紅糟味道，味道似南乳重點夠入味，我每次黎都會叫麻醬加埋口水辣汁，乾拌麵掛汁力強朋友叫口水紅燒牛肉乾拌麵紅燒牛肉有牛筋同埋牛肉，滷得軟淋入味，牛筋幾乎入口即溶小麥胚芽奶茶，冰蜂蜜綠茶飲品都唔錯，大大杯夠解渴

好記得認識呢個品牌係因為住喺大圍嘅朋友經常都會黎黃埔食呢間台灣嘢。非常好奇究竟有乜嘢咁好，就搵咗晚同外父食個晚飯。星期五嘅晚上，高朋滿座，大概都估到係乜嘢質素，的確要講台灣嘢好食嘅又真係好出名，真係唔算好多間，相信人流已經證明咗一切。兩個人，一人一主食，外父點了豐盛牛肉麵，外父唔食辣，點了蕃茄湯，令我想起嘅係番茄師兄，呢度嘅蕃茄湯都幾濃，而呢個牛肉麵都好足料，成碗有好多件牛筋牛腩，佢差唔多食唔晒要打包咁滯。我要的紅燒牛筋湯麵，點了麻辣湯底都算幾辣，牛筋炆到係放入口即刻溶化個隻感覺。朋友D經常推的鹽酥雞，真心幾好食，炸得惹味又乾身，好脆又唔算過份地油。見佢炸野幾好食，酥炸花枝丸又點會差，點知更驚喜，睇埋個內涵你就知道童叟無欺。滷味拼盤中我個人喜歡滷大腸同蛋，唯一要彈嘅係唔知點解叫咗好耐差唔多食晒嘢主食先嚟，成餐飯嘅最大缺點。餐飲加幾蚊就有，熱檸檬紅茶同冰蜂蜜檸檬都唔係求其貨色，以紅磡黃埔區黎講唔算係小店，但係價錢親民又可以食到唔錯幾台灣嘢，怪不得外區客成日會嚟幫襯。

久違了的伊健演唱會總於等到了，每次都係在紅館附近衝衝食完就入場，今日請左半日假可以放慢心情去睇，唸起好耐冇入黃埔，於是過黎睇下有咩新店。在門口大大隻字寫"讚好台灣",就即刻唸到牛肉麵，二話不說就入座，店內播放周董嘅歌，餐桌以木系為主，餐牌除有各款菜式更加插台灣必到打咭位。紅燒牛腩牛筋麵，湯底有濃郁牛骨味，牛腩入口溶化，牛筋夠冧😋😋😋3款小色都好好味，滷水蛋不過不失，炸豆腐外脆內軟，椒麻牛肚絲，麻麻辣辣非常惹味排骨麵-排骨鬆脆嫩滑，保留肉汁，拌麵有青瓜絲，肉碎，香蔥，少少花生醬，味道好夾。

呢間讚好台灣係本區都相當有名, 今晚想食碗麵, 就黎左呢到! 好難得今日早左少少, 唔洗等位~我叫左個蕃茄湯麵, 我好鐘意呢到既麵質, 幼滑得黎帶煙韌感, 浸耐D都唔會糊左!!3寶湯麵有花枝丸, 貢丸, 同台灣腸, 台灣腸最好食!另外叫左個豬軟骨飯, 豬軟骨好入味, 醬汁帶甜, 好好送飯, 而且食便當仲會有3小碟, 好豐富!我地再加左2款小食, 1個係鹽酥雞, 另1個係生菜, 鹽酥雞雖然叫左細份, 不過都比想像中大份, 而且炸得好香口, 又唔會好乾, 淡淡肉無骨食得好爽!生菜就正正常常, 新鮮!

當日下午3點去到，呢個一間有台灣裝潢的餐廳，去到時已經沒有位，要係出面等左一陣先入到去。2個人點了5樣路邊小吃，分別係甘梅脆薯，魚酥皮蛋豆腐，五味小茄子，椒麻牛肚絲同路邊攤小拼盤下午茶餐就點了家鄉滷肉飯同麻醬乾麵，配黑糖波波鮮奶同朱古力咖啡波波先講一講路邊小吃，甘梅脆薯外面係一個啱啱炸好咗嘅脆皮，一食落去就覺得係一個台灣特色嘅炸物。魚酥皮蛋豆腐，佢有一整隻切開左既皮蛋鋪喺豆腐上面，豆腐好滑，不錯。五味小茄子經過應該係煎炸過，再加上佢既五味醬真係一個幾好嘅配搭，令人食唔停口。椒麻牛肚絲係我最鍾意嘅路邊小吃，佢唔係太辣粉同埋佢牛肚絲好有口感路邊小拼盤其實係幾款小吃拼埋一齊，分別有鹽酥雞香腸同埋炸丸，不錯最後講埋嗰兩個下午茶滷肉飯份量剛剛好，麻醬乾麵既麻醬好香口每一條麵線到沾醬剛剛好嘅麻醬，好食飲品我地點了黑糖波波鮮奶少甜，覺得甜度剛剛好如果鍾意咖啡嘅可以試下朱古力咖啡波波，感覺好新鮮呢間餐廳我覺得性價比很高，價錢親民貴但係食物質素好好值得推介

必定要試紅燒牛肉麵，甘梅脆薯，魚酥皮蛋豆腐，五味小茄子，椒麻牛肚絲同路邊攤小拼盤.  台灣風味下午茶餐點了麻醬乾麵, 麻醬好香口每一條麵線到沾醬剛剛好嘅麻醬，好好食飲品我地點了黑糖波波鮮奶少甜，覺得甜度剛剛好, 感覺好新鮮呢間黃埔餐廳我覺得性價比很高，價錢親民貴但係食物質素好好值得推介

正值3點3🕒下午茶時間 呢間台灣嘢竟然仲有人龍😲😲等我八卦吓有幾好食先👀==============================🍛家郷滷肉飯 下午茶套餐可以揀一個煮食+3個小食😍樣樣可以試到少少 啱晒我呢啲選擇困難症嘅人🤪講返個主食先 滷肉飯肉燥個味道整得好好🍘用嚟撈飯一流😗🍗逢甲鹽酥雞 鹽酥雞都有三件咁多㗎🤩炸得好香脆 👍🏻係台灣夜市嘅味道🥺🥬醬油青菜 💯💯💯🌭夜市小香腸 台灣腸本人一向非常鍾情 呢款都好對胃口🉐🥤洛神花茶 酸酸甜甜好開胃🤓🧊魚酥皮蛋豆腐 另外叫咗個小食皮蛋豆腐上面加咗好多肉鬆同埋木魚碎🍽️口感勁豐富🥣食落去清新又冇罪惡感😋