豆漿大王

營業中

休息中

豆漿大王由細食到大 價錢親民 份量大件📸今次嚟咗位於九龍灣德福廣場嘅分店 一眼睇晒點咗擔擔面湯底🤩 配上韭菜餃 滷水豆腐 先講份量 💯睇相就知道勁大碗 湯同面係成碗滿晒 餃子同豆腐都突晒出嚟 擔擔湯係每次嚟都必食 香濃好多花生碎 仲有香蔥 肉碎 好多配料 韭菜餃大大粒 餡料勁多 一啲都唔會偷工減料 最後就係滷水豆腐 都係十分之大件 睇相就見到重大見過假餃子 最後上海麵份量都好足夠 簡單啲嚟講就係一定飽肚餐廳上餐速度比較快 如果趕時間都冇問題 另外好多食物都可以加錢就有唔同嘅配搭 好啱乜都想試吓嘅朋友

人稱粢飯世一，試試佢先今日唔太餓，所以冇叫飯/麵，簡單叫左個粢飯，小籠包同豆漿🥛雞扒粢飯✨糯米飯入面包住榨菜、肉鬆、油炸鬼同雞扒，層次豐富😍油炸鬼同雞扒都炸得好香脆，夾埋肉鬆榨菜一齊食出奇地夾，果然係世一👍🏻小籠包✨皮薄多汁，黎到熱辣辣，食既時候要留意個皮薄好容易整穿流走晒啲汁😆凍豆漿✨好好飲😋😋😋豆味濃又夠甜🥛

知道九龍灣開左豆漿大王 一直都唔就腳 今日終於黎左食 餐廳設有室內同室外雅座 咁熱嘅天氣我就唔揀室外坐 廢事未食已經出哂汗招牌栥飯一定要叫！仲可以額外加料 肉鬆或者炸菜 亦可以揀原件/切兩下或者三下 栥飯入面個油炸鬼超級脆 糯米唔會過硬或過軟 配合埋炸菜係非常出色！小籠包4粒 呢個我就覺得一般左少少 皮比較厚 煎菜肉包 比較油膩 菜肉饀亦比較少 韭菜煎餃4隻 相反韭菜餃非常之重料 大大粒 亦煎到金黃色豆漿除咗有 有糖/無糖 仲有玉米/紫薯選擇我會覺得一分錢一分貨 食咗咁多嘢都係$100鬆啲找數兩個人

講到豆漿粢飯第一時間我會諗起豆漿大王 而我本身都幫襯過幾次 印象係唔錯 今次黎到淘大分店順便過下口癮先⍥ 雞扒粢飯 ❙ $25淘大分店限定架 同原始既鹹粢飯一樣 都係有油炸鬼 榨菜 肉鬆 另加雞扒 落單時可以選擇對半切 粢飯熱辣辣 有一邊握得唔實散開晒 糯米飯濕潤唔乾 油炸鬼同雞扒都炸到好脆 肉鬆榨菜夠鹹香 食到尾都有餸 唔會好油 係幾好味 不過俾我再揀 應該會食返原味 畢竟加多$5得舊雞扒仔有啲唔抵⍥ 熱豆漿 ❙ $10豆漿少失望 無咩豆香 幾鍾意本身無加糖 可因應自己喜好落多落少 不過黃豆味真係激淡

見好耐冇食所以上網搵下邊到有粢飯，近近地所以試吓依間，星期日下午時間唔使點等位，叫咗傳統粢飯+鹹豆漿，味道正常，上海排骨上海麵不過不失，肉鬆奶脆多幾特別可以一試，酸辣韭菜豬肉餃子有少少辣，樽裝咖啡較細支，環境座位一般般，店內上空不停有啲雜音，分開枱後枱面沒有Menu員工沒有主動遞上。

佢坐位有分室內同室外，但呢排天氣真係太熱，攪唔掂，真係要坐入面🫣我入去嗰陣都多人，所以要搭枱，唔喜愛搭枱嘅朋友仔要留意返！♦️雞扒粢飯+全加料見到佢有雞扒粢飯，決定試吓！原來佢係炸雞扒，本身係冇問題嘅，雞肉都滑嘅，但係加埋油條肉鬆炸菜一齊，口感會太乾，同埋整體比較鬆散！不過我雞扒粢飯再全部加料係好滿足，好飽的😂♦️上海小籠包（每客4個）上枱即食，熱辣辣好好味，皮薄而且好多汁👍🏻♦️淨滷水蛋拼豆腐（每碟）滷水蛋同豆腐都好入汁，過關！♦️冰凍豆漿（有糖）好飲，不過如果可以有得揀無糖我會更開心😆其實仲有好多野想試，不過真係食唔落了，下次再戰😆

呢日難得胃口大開想食個豐富既中式早餐。特登黎到淘大呢邊既豆漿大王，想飲杯豆漿食個粢飯。呢到既粢飯係即叫即做，所以要啲時間製作。一坐低就即刻落左order叫左份粢飯先。睇佢份menu，見到個肉鬆厚多士既相都好吸引，急不及待咁叫左一份黎試下。啲食物黎到果然無令我失望！雖然食落好邪惡好有罪惡感，不過食落味道好好最多食完番去跑多兩個圈啦。另外仲叫左煎豆腐同啲麵。不過對比起佢既粢飯同埋厚多士，就真係不值一提啦。

咁啱同老公黎淘大買野，買完之後搵野食啦，見到呢間「豆漿大王」就入黎試下啦！我地點咗雞扒粢飯、酸辣湯上海麵、上海排骨上海麵、上海小籠包、紫薯豆漿、椰汁奶茶知道小籠包整要時間即刻嗌咗先，但點知個籠凍嘅，個小籠包都係凍嘅，重點係入面冇汁架！😡😡😡問個店員小籠包係冇汁架咩？佢話係偏乾嘅，特式黎，笑死我🤣🤣🤣跟住酸辣湯上海麵，不酸不辣不特止，仲要啲芡搞唔勻，成舊啫喱狀咁喺返到😡😡🤢雞扒粢飯，用膠袋袋住再直接連膠袋一齊切，感覺超差！！！點會有人連膠袋一齊切架，仲要呢啲咁嘅膠袋🤮，個粢飯散開，口感偏乾上海排骨上海麵椰汁奶茶紫薯奶茶，偏甜，當糖水咁飲，唔會覺得係豆漿另外，竟然冇高力豆沙、豆沙鍋餅😑

豆漿大王，位於九龍灣牛頭角道77號淘大商場2期地下G208-209號舖。 餐廳主打正宗上海家常菜， 款式多，午餐🥢 ～ 咸粢飯$20、 酸辣餃子上海麵$44、炸饅頭$17、 咸豆漿$20、薑汁豆漿$16。   📍咸粢飯 ～ 熱騰騰的粢飯，餡料有炸菜、油條和肉鬆， 油條好香脆，但肉鬆份量就偏少， 粢飯質感有點散。 📍酸辣餃子上海麵 ～ 酸辣湯香辣惹味， 餃子是 韭菜豬肉餡，上海麵質感掛湯，整體味道不錯。 📍炸饅頭 ～ 口感香酥脆爽，又不會很膩，配上煉奶吃，真是特別美味。 📍咸豆漿 ～ 鹹豆漿裏面有大量櫻花蝦葱粒和油條， 豆漿味香濃， 配料豐富。📍薑汁豆漿 ～ 很濃郁的薑汁味， 豆漿入口順滑豆味重， 如果喜歡甜的可以自己加糖。 整體味道不錯，價錢合理。 🏷️溫馨提示～ 整個用餐體驗均屬個人分享意見， 只作參考😊。

唔好以為豆漿大王剩係得早餐先得架，今日我黎食午餐!佢既午市套餐都真係幾抵食，大大碗仲要有餐飲好多年無食過粢飯啦!!專登叫左一個同朋友share試試佢，油炸鬼脆卜卜，糯米又唔會太乾，岩岩好!!酸辣湯粉絲小小辣，唔夠酸，不過可能配上海麵會好食d雞扒上海麵湯底都幾濃，雞扒外皮都好脆好香口酥炸雞翼上海麵雞翼出色，岩岩炸起好好味，有果種生炸雞比既感覺，不過唔知佢係唔係整體黎講都係粢飯最好食!!推介大家可以早午晚都食個粢飯!!

晚餐相聚，不想吃麵飯，愛好小食的我，於是來到這間小店，選了幾樣小食，十分經濟，吃到飽還打包呢！#酸辣湯，足料，不太辣。#滷豆腐，五香肉骨，紅油抄手，煎餃。豆腐好入味，分量大大的。五香肉骨，肉十分淋。紅油炒手就皮較厚一般。煎餃熱味呼呼的好吃。

每次去豆漿大王都一定要搭枱，因為都真係幾多人。今次叫咗一款紫色嘅紫薯豆漿。豆漿同埋紫薯味都比較淡。亦叫咗佢哋嘅樽仔奶茶，個感覺比較似茶餐廳同埋珍珠奶茶嘅混合體。我哋叫咗雞肉粢飯，肉鬆同埋雞肉好夾好味。之後再叫咗炸饅頭，配煉奶，熱辣辣咁樣食，好好味。不過要小心啲食肉鬆嘅時候唔好講嘢，好容易會咳。

晏就個陣突然心血來潮想食粢飯就去咗食豆漿大王叫咗個招牌正宗上海咸粢飯入邊有榨菜 肉鬆 同脆卜卜嘅油炸鬼 雖然只係幾樣簡單嘅食材但唔係度度都整得好食呢度嘅粢飯一拎上手仲係熱辣辣咖$20嚟講性價比真係好高另外仲叫咗個肉鬆奶脆多 d肉鬆多到好似唔洗錢咁 再配埋煉奶食味道一流

呢個粢飯 係全港數一數二出色最足料 油炸鬼脆 肉鬆多！！！🍜招牌鹹粢飯 (榨菜、油炸鬼、肉鬆)🍜酸辣湯雲吞🍜榨菜五香肉骨粉絲🌟平時午餐一個粢飯加一碗熱豆漿已經好飽，今日突然之間想飲酸辣湯，依間餐廳嘅酸辣湯比起其他正宗上海舖煮得更好味👍🏻入面有豬紅、豬皮、筍絲等配料，酸辣度啱啱好，加埋大大粒足料菜肉雲吞，滿足感UP⬆️粢飯就當然必叫啦，除咗最常見鹹粢飯，仲有甜味(砂糖加油炸鬼)、加料版雞扒粢飯，而小妹覺得最重要最重要就係入面嘅油炸鬼要新鮮，脆卜卜先襯得起舊粢飯😎今次試咗榨菜五香肉骨，有啲似豬軟骨，有秘製香味，加上麵底一定要轉粉絲，先可以吸晒啲肉同湯味！

中午放飯無意試食到呢間小店，平民價錢得嚟又大份，事後先發現原來新蒲崗主店已經連續三年米芝蓮推介，今次嚟九龍灣分店就唔使排隊。🍴滷水蛋豆腐飯 $𝟯𝟵用咗硬豆腐嚟煎，食落香脆有咬口，幾鍾意佢配搭梅菜，令人好開胃，最重要呢個𝗟𝘂𝗻𝗰𝗵 𝗦𝗲𝘁幾乎有兩碗飯咁多，真係份量爆登，仲包埋凍或者熱飲豆漿，相當抵食。📝 ：𝟴.𝟱/𝟭𝟬🍴肉鬆奶脆多 $𝟮𝟮 包身外脆內軟，肉鬆又係多到放題咁，同煉奶𝗺𝗮𝘁𝗰𝗵埋一齊帶鹹配甜，好有驚喜。📝 ：𝟵/𝟭𝟬🍴上海小籠包 $𝟮𝟵外皮有些少厚身，豬肉餡料食落鮮甜，不過四隻小籠包上盤都痴埋咗喺一齊，一夾就穿，令到啲汁漏哂出嚟。📝 ：𝟱/𝟭𝟬🍴豆腐花(跟餐+$𝟴)味道唔錯，同坊間嘅豆腐花大致相約，𝟴蚊嚟講又想食下甜品過口癮都好抵試，一樣會裝到滿比你。📝 ：𝟳.𝟱/𝟭𝟬🍴凍/熱豆漿(跟餐免費)比較推介大家簡熱豆漿，最大分別係可以自己落糖控制甜度，豆味更加出，另外用碗裝嘅份量都多過杯裝嘅凍飲。📝 ：𝟳.𝟱/𝟭𝟬✍🏻其他分數📝環境：𝟱/𝟭𝟬📝性價比：𝟭𝟬/𝟭𝟬