豐味石磨腸粉 (已結業)

呢兩日天氣無咁熱，落過雨又大風涼左，想食下熱粥，又諗起公司附近啲間石磨腸粉。今日平平試下佢既是日例粥，再加碗穩陣既豬潤腸粉。2樣加埋都係$36，直頭超值。碗例粥平平地，但真材實料，有柴魚、花生、排骨等，啲粥底幾甜，正。

呢間位於將軍澳富康花園既地鋪一開頭以為又係普通小食店點知係食石磨腸粉😛🐷叉燒腸粉同平時食既腸粉好大分別普通個啲係表面好平滑而呢款就好似丫婆皮膚咁 皺晒紋但食落又好滑 另外仲加埋蛋😛😛有陣蛋香🥣菜乾粥粥就每日都唔同 今日就係菜乾粥入面都算多配料而且唔會好水 係食得飽既拎黎送腸粉好夾✨本身仲嗌左個芋頭膏但因為係人手落單方面 漏單情況都幾嚴重😑明明我嗌先 但就將最後一份比左人搞到無得食 係有啲心心不憤所以去食一定要催下單😤😤😤

同事推介午餐粥品新選擇，由於某同事病病地想食粥，今日就有其他同事話富康有間石磨腸粉有粥食，結果就去試新嘢。細細的檔仔，有生滾粥、石磨腸粉、是日例粥。我要左碗皮蛋瘦肉粥、豬潤腸粉。粥底好正，唔似加左米漿/其他腐竹之類，似屋企煮的，而且肉類無味精，清清淡淡，係真正粥，唔係味精水。腸粉好薄，而且啲餸都唔少，盒腸粉雖然要$21，但絕對抵食，真係即拉，亦無落油令佢滑啲，已經夠晒滑。同事要左蛋腸粉，好奇問一下佢好唔好食，因為未聽過有腸粉加蛋，同事話幾新奇又好食，下次可以試試。

之前去係特登去朝聖觀塘某皺紋腸粉名物，點知好似ＢＢ糊咁樣質感，今次行經附近見到又有石蘑腸粉，所以又黎試試。除左腸粉，仲有粥同生滾粥、粽子，米粉等⋯⋯⋯蝦米腸粉 $21- 記得可以免費加生菜🥬啊啊啊啊啊啊啊啊啊啊好鍾意大大片黎嘅腸粉，呢間嘅口感唔錯，唔會太厚或者太糊質地—————————————————檯面可以自己加花生🥜碎、芝麻，甜醬，辣椒醬，醬油下次希望試埋菜乾粥，得星期二四日先會供應啊啊啊啊啊

星期二下午去食，唔使等就有位坐。叫咗個豬潤腸加杯豆漿，等咗3分鐘就有腸粉食。店員姐姐話落花生粒會好食d。就即管試下，仲有最愛嘅芝麻呢！熱騰騰嘅腸粉薄薄地，連焗咗嘅花生碎同豉油食，口感好正！豬潤好滑入味，應該幾新鮮，不過多咗d。如果粉多d,肉少d就perfect!豆漿唔太甜，幾有豆味。店員話係即磨。估唔到店仔細細，可以整咁多嘢！一碟腸粉份量都算多，加埋杯豆漿，已經好飽啦。 p.s.見到同枱叫咗叉燒腸都好吸引。下次再來。

睇雜誌介紹多間石磨腸粉，其中一間喺屋企附近，今日放假就近近哋去試吓石磨腸粉，10点鐘去到，見到舖仔細細，舖外有兩張摺枱已坐滿人，唯有外賣返家慢慢嘆order咗平價套餐牛肉腸粉+柴魚排骨花生旺菜(細)，其實都只是比散叫平$1。眼見都有唔少人叫外賣，等咗大約5分鐘就有得攞啦都算快。大約10分鐘路程返到屋企，好肚餓即刻開動。牛肉腸粉仍然熱，腸粉好滑，但就少了一份黏糯口感，食到係用新鮮牛肉剁碎，牛肉有牛肉味豉油用膠盒仔另外盛裝着，免得耐咗腸粉底部過咸豉油應該是自家調較的，不是出面一般的甜豉油但個人喜歡甜豉油多啲。柴魚排骨花生旺菜卻令我喜出望外，可能因為很足料，細細碗的粥有5粒排骨，除了柴魚亦有豉味(旺菜係似豉類的乾貨)，沒有加味精都很好味，有家的味道。總括而言，石磨腸粉味道是可以的，但不是預期的好味。反而旺菜粥有驚喜，會為旺菜粥再來。

叫左個齋腸外賣，開左一排試下。雖然吾薄又吾厚，叫老闆用我飯盒，仲幫我用熱水6一6，好細心👍🏻帶反屋企都仲暖，本身話吾洗比豉油，老闆都堅持叫我拎。👍🏻👍🏻

真係唔好幫襯！劣食！叫乜冇乜！平日下午茶時段去，另外得一個人幫襯！我等了廿五分鐘！我當佢新鮮即刻整！冇問題嘅我落單果陣已經重複2次要牛肉腸加蛋加生菜！點知等咗二十分鐘先問：你要豬潤腸呀嘛！好快！我已經再三重複要牛肉腸加蛋加生菜佢地啲調味料放枱面，連樽蓋都冇，有烏蠅飛黎飛去就梗㗎啦，連冬天都有幾隻都算，我唔用啲調味料就得！不過見有花生碎，呢點係少見嘅到攞咗外賣，一望盒野白雪雪唔似有蛋有生菜，我再問：有加蛋加生菜？佢扮晒野問一問廚房，跟住話有我一食外賣就知中招，個樣同牛肉腸冇咩分別，但又變咗豬潤嘅眼望啲豬潤都好少，係豬潤碎，不過算，我都成盒扔咗我拎外賣番屋企唔洗5分鐘，已經變咗凍冰冰，唔明我等二十分鐘嘅意義係咩！又要冇蛋冇生菜，仲呃咗我幾蚊黎加蛋，最慘我唔食豬潤，成盒扔咗！好浪費！講咗幾次都錯！又呃錢！絕不幫襯！劣食！