豐昌茶餐廳

營業中

休息中

由Elements 圓方行過嚟佐敦呢邊，諗住簡簡單單食個茶餐廳做午餐就算啦，點知真係估計唔到咁差嘅質素。平日中午1點多啲，其實就方便我泊車停車，見到間餐廳有位，又好似睇到部車睇抄牌果啲，就叫同事一齊入去呢間度食啦，諗住返正就輕輕鬆鬆解決午膳問題。入到去係有好多選擇嘅，我都叫咗一樣（以為）幾穩陣嘅碟頭飯。🤬支竹牛腩飯 - $54 （包例湯、配凍飲） - 食落口，舊牛腩又硬又唔淋，煮得一定未夠火候啦 - 牛腩食落一啲味道都無，我明白用嘅係雪藏肉，但都起碼俾啲誠意去醃肉有啲味啦呢個餐廳座位好狹迫，洗手間環境不算太好。🤢🤢🤢總結呢間餐廳真係好難頂

難得早放工又未過下午茶時間，為食既我去咗文英樓附近搵下午茶食🤩其實都無咩邊間茶餐廳想入去食，只係好想食炸雞髀薯條，飲番杯凍奶茶就好滿足🥳炸雞髀出乎我意料之外，竟然唔係上粉炸反而係生炸，薯條好鬆脆熱辣辣，好好味奶茶好柔滑，飲得太急，唔記得咗影相

來食懷舊嘅味道，呢間餐廳起八文樓都算屹立左好耐，司機嘅大本營，平時都見唔少的士泊起附近，星期日朝早總會見到一群電單車手同一排飛鈴，幾特別嘅景象成日都覺得司機有幾個輪，會識搵野食，食好嘢，跟佢地食就無錯今次LUNCH就嗌左🍽<滑蛋叉燒飯>一碟好傳統港式小炒風味，雖然無新式冰室茶記嘅香濃奶香，但擁有越來越少嘅家嘅風味，調味得當，叉燒夠份量，飽肚一流，跟餐仲有薏米冬瓜懷舊中式靚湯，正啊，加多杯習慣嘅凍鴦提提神

一個好食嘅芙蓉蛋飯除咗要足料之外，就係唔可以太乾身，因為好食嘅芙蓉蛋飯係要外脆內軟。呢間茶餐廳嘅芙蓉蛋飯出色嘅地方在於裏面係有蛋汁，豉油唔會太多，同蛋汁相映成趣，絕對唔會搶咗焦點。

今日喺佐敦渡船街做完嘢，又喺午後之輕食嘅時間！叫咗個全日特價餐，沙爹牛肉腸仔麵！其實食得茶記都預咗唔叫好食，但第一次食到凍嘅沙爹牛肉，依樣嘢真喺差咗啲！腸仔就正常煎熟，公仔麵都啱啱好！餐飲菜蜜都叫 ok，但唔算好特別！一句講哂，冇 heart！24 蚊茶餐，算啦，隻眼開隻眼閉！

正月中旬‧晴這裡竟然沒有人留過食評，作為一間舊店子，難令人置信。是日下午想跟杯熱奶茶，來了這裡。茶夠滑也有茶香，厚身不錯。也要了個叉蛋菠蘿包，菠蘿包是叮熱了的，面頭的椰蓉皮也變得油油的，甚嚇人。反而叉蛋很不錯，蛋還不是全熟的，很嫩滑。在卡位好好休息一下，再出發。