豚丼のぶたはげ (德福廣場1期)

營業中

休息中

松葉蟹係日本三大名蟹之一，特色在於細長嘅蟹腳同豐滿嘅蟹肉，肉質緊實且充滿甜味，秋冬正正係松葉蟹當造嘅季節。最近得知豚丼のぶたはげ BUTAHAGE推出松葉蟹menu，一於前往品嚐。佢地嚴選優質松葉蟹折肉起膏，製作成物超所值嘅「松葉蟹丼」同「松葉蟹土鍋飯」。$98起嘅價錢食到新鮮的松葉蟹，真係物超所值。另外亦新出咗秋冬限定嘅一人前鍋物，兩款鍋物選擇，仲可以自選湯底、主食同醬汁，自由度高，想點配搭都得。我地最後叫咗以下食物。1.松葉蟹丼松葉蟹丼用料十分豐富，份量足，當中包括蟹鉗、蟹肉、蟹腳同蟹膏。蟹鉗同蟹腳肉質緊實細膩，蟹膏香濃甘甜，一次過全方位品嚐松葉蟹嘅鮮味，非常滿足！2.松葉蟹士鍋飯熱食版松葉蟹，新鮮嘅松葉蟹搭配高湯同香濃日本米，用土鍋慢煮，每啖都食到濃郁嘅海鮮風味，蟹肉鮮甜嫩滑，正正正。3.陸空三拼鍋物每鍋附有豐富配料，包括野菜、菇菌、炙燒豆腐等。湯底可選鰹魚湯/壽喜燒湯/胡麻擔擔湯；主食可選白飯/烏冬；醬料可選醬胡麻醬/柚子醋，拼出自己最愛嘅滋味。

好耐冇去過九龍灣食嘢，德福廣場呢度都開咗唔少新餐廳，見到呢間評價唔錯，又好似幾多嘢食，就嚟試吓。夜晚7:00嚟到，都唔使排隊，不過就已經話要限時75分鐘。雖然個舖頭名主要係賣豚肉飯，但係都有唔少魚生丼同埋天婦羅食，我哋就叫咗一個天婦羅鍋燒烏冬，一個海鮮丼，加定食係要加錢，定食就包括茶碗蒸、湯、甜品、前菜，甜品係寒天，湯可以揀豚肉湯或者海老湯。特上天婦羅鍋燒烏冬定食 $125真係有個鍋即刻燒住食，好快已經可以熄爐，否則啲烏冬會痴晒底。鍋入面除咗烏冬，仲有油揚、金菇、菜、冬菇、魚片、雞蛋(只有蛋黃沒有蛋白？)。湯底冇乜特別味，烏冬好快已經腍晒。天婦羅全部都冇乜味，魚都冇乜鮮味，不過天婦羅粉唔算厚，幾脆。估唔到海老湯係櫻花蝦，以為都會有隻蝦。帆立貝大赤蝦丼定食 $151帆立貝竟然有6塊，但完全沒有味，沒有腥味也沒有鮮味，赤蝦肉也是完全沒有味，蝦頭的膏就有少少鮮味。另外加$5果茶好甜，藥水味甜品黑糖寒天，寒天本身冇味，全靠黑糖汁。仲有一個問題，就係餐廳非常熱，食到出晒汗，好似冇開冷氣淨係靠商場啲冷氣咁，就算未食烏冬之前已經好熱，食食吓更加係出晒汗。

豚丼のぶたはげ BUTAHAGE 推出冬季限定松葉蟹丼及一人前鍋物適逢秋冬是松葉蟹當造季節，餐廳嚴選優質松葉蟹拆肉起膏製作松葉蟹丼及松葉蟹土鍋飯，品嘗松葉蟹風味一人前鍋物共兩款，雙滿足鍋物及陸空三拼鍋物可以自選湯底、主食和醬料，拼出適合自己的味道✾ 松葉蟹土鍋飯 $108 （升級至味噌湯定食 $133）土鍋連爐一起上桌，即時烹煮再熄火燜焗用蟹鉗造型的隔熱手套打開木蓋陣陣蟹香撲鼻而來，米飯吸滿高湯湯汁搭配新鮮鮮甜松葉蟹肉，加入蟹膏和三文魚籽拌勻後，每一口都充斥濃郁海鮮鮮味和蟹香✾ 雙滿足鍋物定食 $82 （升級至果茶定食 $114）最近天氣漸冷，很適合吃鍋物暖身牛五花｜豬五花｜雞腿肉，肉類三選二搭配野菜、菇菌和炙燒豆腐等食材，相當豐富鰹魚湯清淡鮮香，突顯食材原味道鮮嫩牛五花和柔軟豬五花沾上香濃胡麻醬更滋味最後喜歡將烏冬放入鍋中，吸滿鰹魚湯汁入口煙韌彈牙，吃完真的很滿足！

豚丼のぶたはげ 推出冬季限定松葉蟹土鍋飯🦀一人前鍋物🍲 過一個暖笠笠既冬天❄️日本冬季美食代表有松葉蟹，亦係日本三大名蟹之一，宜家去BUTAHAGE 就可以享用冬季限定嘅松葉蟹丼或者松葉蟹土鍋飯🤤🦀今次我就點咗松葉蟹土鍋飯🦀🦀要先用中火烹煮土鍋飯約15分鐘，熄火燜焗5分鐘。餐廳好貼心會畀一個計時器，又有一個蟹鉗隔熱手套，成件事好Cute!!🦀🤣一打開海鮮嘅鮮味就湧出嚟🥹見到蟹鉗同好多蟹肉鋪係飯面，之後就可以加人個人喜好三文魚籽、蟹味噌撈匀！一定要熱辣辣趁熱食🔥蟹肉好鮮甜，肉質細緻，連啲飯都好鮮甜🥹一人前鍋物都係必食推介💯有雙滿足鍋物、海陸空三拼鍋物兩款，最平只係$78就可以打一個小邊爐🥰我就揀咗雙滿足鍋物，可以自選兩款肉要咗牛五花同雞腿肉，雞腿肉超嫩滑！自選湯底(鰹魚湯/壽喜燒湯/胡麻擔擔湯)、主食(白飯/烏冬)同醬汁(胡麻醬/柚子醋)。鍋物有豐富配料，包括野菜、菇菌、炙燒豆腐等，如果唔夠仲可以升級做套餐，有埋海老味噌湯、副菜、茶碗蒸同甜品。一個人都好夠食，實在大滿足😍🔸松葉蟹土鍋飯🔸雙滿足鍋物📍#豚丼のぶたはげ (#九龍灣美食)#九龍灣 偉業街33號德福廣場1期地下G54A2號舖

今日收工係德福買完聖誕禮物之後，行過見到入面有人揸住個蟹鉗仔好搞笑😂，所以決定會一會佢😆😆＊＊＊＊＊🦐海老味噌湯定食- 松葉蟹土鍋飯 $128🐷豚肉味噌湯定食- 雙滿足鍋物 $129🍣特上刺身 $58松葉蟹土鍋飯有兩大隻蟹鉗，同埋仲係要自己煲嫁，好新穎😍煲完仲有蟹膏蟹子撈埋一齊，成個飯變得好有鮮味、好惹味，食到有煲仔飯個d飯焦，脆卜卜我鍾意食🥰至於豚肉雙滿足鍋物係非常大鍋，有菜又有菇又有豆腐好豐富😋＊＊＊＊＊

源自於北海道十勝帶廣的人氣豚丼專門店🍲以超過八十年歷史的秘製祖傳醬汁聞名💦更提供多款天婦羅丼、御膳、小食及鍋物🥘店面色調參考北海道分店🎏以紅色及木材元素設計。🥘陸空三拼鍋物定食（鰹魚湯底）🥘最新出嘅秋冬一人前鍋物🥢可一次過品嚐豬、牛、雞的美味😃每款也肉質鮮嫩，脂肪分布均勻🥩煮熟後口感豐富，肉汁四溢，風味濃郁🔥每鍋更附有豐富配料🍄‍🟫包括野菜、菇菌和炙燒豆腐😋🦀松葉蟹丼🦀松葉蟹貴為日本三大名蟹之一🏅秋冬更是松葉蟹的當造季節🍂今次試呢個期間限定嘅松葉蟹系列😙新鮮的蟹鉗、蟹肉、蟹腳、蟹膏🦀肉質緊實且充滿甜味🫶蟹膏香濃甘甜、口感滑順🤩🍤上天丼🍤食材包括虎蝦、特大皇帝蟹柳🤤山芋、紫菜及野菜🥬秘製粉漿以多種麵粉混合而成🔄炸出香脆而唔油膩的天婦羅🔥虎蝦大大隻夠彈牙，香脆鬆化🦐皇帝蟹柳外脆內軟，鮮味十足😍

餐廳裝潢充滿和風感, 卡位坐得幾舒適。𓆹 松葉蟹土鍋飯 $𝟷𝟶𝟾𓆹 雙滿足鍋物 $𝟾𝟸𓆹 海老及稀有豚肉天婦羅 $𝟹𝟻𓆹 海老及南瓜天婦羅 $𝟸𝟶餐廳最近推出咗冬季限定松葉蟹丼, 松葉蟹土鍋飯同一人前鍋物, 我哋揀咗好多人都食梗嘅松葉蟹土鍋飯, 放喺面前煮15分鐘, 然後熄火燜焗5分鐘, 最後加入三文魚籽同蟹味噌拌勻食, 睇住土鍋飯由生煮成熟真係好期待! 土鍋飯裡面充滿蟹腳同蟹肉, 拌勻一齊食味道好鮮甜又有口感, 非常推介!雙滿足鍋物可以揀牛五花/ 豬五花/ 雞腿肉, 我哋揀咗牛五花同豬五花, 除咗肉類可以自選外, 湯㡳同主食一樣可以自由配撘, 配埋野菜, 菇菌, 灸燒豆腐同烏冬一齊食, 味道鮮嫩濃郁, 真係好滿足!

豚丼のぶたはげ BUTAHAGE 最近推出冬季限定菜式🦀松葉蟹丼同一人前鍋物，賣相好吸引，價錢又唔貴，性價比好高！【松葉蟹丼】松葉蟹貴為日本三大名蟹之一，特色在於其細長嘅蟹腳同豐滿嘅蟹肉，肉質緊實且充滿甜味，呢個蟹丼用料好豐富，有齊蟹鉗、蟹肉、蟹腳同蟹膏 ！蟹肉鮮甜嫩滑，松葉蟹拆肉起膏，蟹膏甘甜香濃，用嚟撈飯非常滿足，一次過品嚐松葉蟹嘅鮮味【陸空三拼鍋物】三拼鍋物結合咗牛五花、豬五花同雞腿肉，可以自選湯底、主食及醬汁，彈性度高，可以組合自己喜歡嘅口味，我就揀咗壽喜燒湯、烏冬同胡麻醬，鍋內配料有野菜、菇菌同豆腐等，配上壽喜燒湯汁味道濃郁，冬天食暖笠笠，滋味非常！

去開九龍灣，朋友話想食日本嘢，見到呢間日本過江龍感覺唔錯，有鍋物、天婦羅、丼飯等，加上價錢合理fit晒，今次試佢哋新出嘅冬季限定松葉蟹系列同一人前鍋物。松葉蟹丼定食 $98冇諗到呢個價錢可以食到松葉蟹鉗、蟹腳、蟹肉、蟹膏同三文魚籽😱 仲要份量都唔少㗎。松葉蟹肉鮮甜，蟹腳蟹鉗唔同部位試到晒唔同口感，蟹膏味濃配飯食好滋味❤️。定食嘅漬物都唔錯，同日本食到嘅一樣！陸空三拼鍋物 $92三拼有齊晒雞腿肉、牛五花同豬五花，滿足晒乜都想試嘅朋友。鍋底可以揀壽喜燒/鰹魚湯/胡麻擔擔湯底，配白飯/烏冬，醬汁可以揀柚子醋/胡麻醬。近排想食清少少就揀咗鰹魚湯，又幾入味，蔬菜、菇同豆腐唔洗沾醬都好夠味。雞腿嫩滑、牛五花嘅牛味重，豬五花爽口，幾好食。最後再用胡麻醬撈烏冬食，食完個人暖笠笠。天婦羅五點 $48分別有北海道產帆立貝、海老、春菊、茄子同南瓜。炸衣幾脆，海老本身都幾大隻多肉、南瓜好甜😋 。 第一次食帆立貝天婦羅覺得幾特別👍 點埋天婦羅醬汁唔錯唔錯！帆立貝茶碗蒸 $28蒸蛋滑就不在話下，除咗表面有兩粒帆立貝同冬菇，入面仲有帶子肉，幾有誠意。

「豚丼のぶたはげ BUTAHAGE」最近推出季節限定❣️松葉蟹丼同一人前鍋物📣🔸松葉蟹土鍋飯（$108）➰加配：海老味噌湯定食（+$33）松葉蟹為日本三大名蟹之一，蟹腳細長、蟹肉豐滿，肉質緊實且充滿甜味🦀適逢松葉蟹當造季節，當然要試吓呢度嘅期間限定菜色🥳新鮮嘅松葉蟹搭配高湯同香濃米飯，先喺土鍋中慢煮，再配合燜焗🍲最後加入三文魚籽及蟹味噌拌勻，成為鮮香味美、口感十足嘅松葉蟹土鍋飯👏🏻定食包蒸蛋、味噌湯及甜品，食完大滿足✅🔸陸空三拼鍋物（$98）➰加配：豚肉味噌湯定食（+$33）鍋物結合咗牛五花、豬五花及雞腿肉三款肉類，更有豐富配料作伴，如野菜、菇菌及炙燒豆腐等💥配搭自選湯底 (鰹魚湯/壽喜燒湯)、主食 (白飯/烏冬) 及醬汁 (胡麻醬/柚子醋)，入口盡是濃郁風味，絕對係肉食愛好者嘅恩物✨

晚飯見唔使排隊，好肚餓，就行咗入去啦上菜速度快，初時諗住快餐都係咁㗎啦，估唔到質素唔錯海鮮當新鮮，份量都幾滿足，麵豉湯熬製得好鮮味，唔係普通沖粉。甜品唔Hea，有黑糖冰粉。初時太肚餓，仲叫多個小食（豬扒天婦羅包），最後飽到呢。。。想讚嗰個包都好好味，唔單止天婦羅啱啱炸，連塊菜都好新鮮好脆嫩，飽都想食呢間好似出名食天婦羅，食咗今次，對下次有啲期待。是次晚餐百幾蚊連埋+1。食完之後先知道點解唔使排隊啦，因為返台速度都幾快，一枱接一枱

餐廳好好卡位同隔離枱有距離適合2-4人約會傾計日式餐廳餐單選擇不算太多主要配搭：豚肉，天婦羅，鰻魚，刺身選擇了雜錦刺身丼食材非常新鮮份量十足珍珠米好易飽肚大大碗好有誠意炙燒左口魚三文籽丼期間限定都係大大碗飯又多材料又多好滿足不過少少偏咸+33轉定食加配飲品+茶碗蒸+副菜+甜品茶碗蒸蛋好滑有少少菇菇味好香蛋味唔重調味剛剛好黃豆副菜配紫菜絲拌飯一齊食香口幾夾甜品日式甜品不會太甜一切剛剛好價錢大約80-180食物質素及環境職員態度和價格符合

因為好掛住日本嘅天吉丼，於是搵咗間天婦羅店。我覺得味道唔錯，炸得剛剛好，唔油膩，但係佢default嘅醬汁比較少，有啲太乾，可以叫店員攞extra醬汁比你加落去。舊年試過佢魚生丼，唔係好掂，魚生好薄，都係建議叫天婦羅。

平時係太古見到呢間都無試過，今日係呢頭行開竟然見到有，就入去試下。叫咗個豚肉眼丼，就算叫regular都好多塊，有成5-6塊，如果叫特盛唔知會有幾多🤣可能係肉眼位，食落好腍，唔會乾同咬唔開，配埋啲肥膏食落好香口，加上佢似炙燒，又多咗個燒嘅香味，本身少咗食肥嘢都忍唔住食哂。另外個set仲有茶碗蒸、前菜、同甜品，性價比都幾高，唔駛$100有齊咗多嘢。茶碗蒸都幾滑，甜品亦都幾好食，唔會太甜，下次可以係太古再試。

九龍灣商場新開左一間食丼飯嘅餐廳 作為丼飯愛好者一定要試下😍今次lunch time 時間去 🍚🍴人流唔多 一坐低就已經決定咗要叫招牌「迷你四重海鮮丼」和式擺盤好靚好精緻 ✨打卡一流 📸四款刺生非常新鮮肥美 😏仲有味噌湯 沙律同茶碗蒸 好滿足😌😋: ⭐️⭐️⭐️⭐️💰:⭐️⭐️⭐️如果想知道更多好美食就要記得follow 我哋啦(豚丼のぶたはげ 德福廣場1期) (九龍灣)九龍灣偉業街33號德福廣場1期地下G54A2號舖