豚屋 (已結業)

-10-2011話說10月1號國慶先後去左2個地方同好友食飯相聚,我先同其中一位去左屯門食午餐,屯門開左4間新日本料理,今次去左其中一間豚屋,我未食過呢間.我好鐘意食日本料理,佢係我食過日本料理冶唔太好食一間.呢間一向都唔難搵位.好友叫左吉列豬扒飯.我叫左海鮮飯,好友分左豬扒俾我食些少,吉列豬扒太厚啦,口感好鞋,海鮮飯味道還可以啦,不算太差,味僧湯太咸了,係杯飲品就唔錯.服務都ok味道:我覺得整體一般,係吉列豬扒不太好食賣相:看上去都ok服務;我覺得普通啦價錢:98元-120元左右,其實,屯門呢間食過一次,下次不會再去啦,

上一次在閒日食過這裡的 LUNCH "咖哩雞扒蛋包飯" 套餐四十多元, 覺得很不錯, 今日假期提議朋友來這裡食, 我們15:30 到, 門口仲有放LUNCH 的餐牌, 怎知入到去五款 LUNCH SET 有兩款已售清, 激死早知唔入來食, 仲見到有客人竟然食剩很多吉列, 個心已經涼了一截, 很擔心, 我們看了很久餐牌才揀到食什麼, 我和老公分別要了一個滑蛋蠔定食和鯖魚鰻魚定食, 味道OK, 但一碗飯怎夠飽呢? 老公問可否添飯? 侍應說叫吉列餐才可添飯, 其實個套餐食唔飽, 是否份量有問題呢? 朋友叫了兩個吉列豚肉定食(88元, 另加一), 是兩片豚肉一起炸的, 一個夾紅酒汁, 另一個夾黃色的汁(忘記名稱), 但兩塊豚肉貌相一樣, 中間什麼汁都沒有, 與相片差別甚大 (咁分別是什麼呢?), 切開成塊吉列外層散晒, 全白色的豚肉外露, 見到都唔開胃, 塊肉冇味之餘食落口感好鞋, 仲難食過煲湯豬肉, 這裡是吉列專門店嗎? 質素如此差劣, 價錢亦不便宜, 五個人食了差不多四佰元, 真是食到一肚火, 這餐簡直貼錢買爛售.

在它剛開張的時候來的，當時是亂得很，現在不知怎了，但它的服務+食品，真的是屯門差中之差。最令人反感的是貴，貴過同類的食店，但又差太多。叫了兩個吉列豬柳套餐，加了一隻蝦和蠔。吃個幾間吉列豚的店，這間真的最難吃，但接近150元一份。吉列不香，也不輕脆，肉偏乾和鞋，一點也不JUICY，別店有的佐料它通通沒有，只是沙。律。醬，整個餐只是裝成一個吉列餐，收150元，好求其。甜品也很敷衍，紅豆糕，也是不好吃的。至於蠔不值一提了，又乾又不新鮮又小，比吉之島也廣島蠔更差，但收48元一隻。那蝦也很梅，很小的一隻，說是大蝦，根本不是，又是約4x元一隻。服務亂到死，那蝦蠔漏單催單錯單樣樣齊。不會再去了，期望它早日讓個好位俾其他食店。

本人都去過呢到兩三次,食物質素尚可接受平時去食lunch都幾好架!又大件又低食個滑蛋豬扒 個豬都幾好味 但個蛋就真係咸左d(都唔係d架啦)一個定食有湯有小食有甜品都算平啦 雖然個甜品無味去左兩三次食lunch都係食豬扒都ok,跟住 7 1個日同d家人食飯就出事見到佢地咁旺d餐等耐少少都ok啦(20-25min)不過見到對面張枱d人係咁駡d侍應,佢地都係咁道歉不過我就覺得佢地被人駡得幾唔底,個次好深刻,個經理係到追廚房,但企係個窗口個廚師仲好惡咁同經理講野,雖然唔記得佢講咩但個內容都係話d人唔等得,我地d野食係咁架啦!嘩!!!個廚師連經理都駡真係唔識形容我就坐係附近聽完都好唔舒服個次之後我就無黎lu.我諗個廚師再係咁,應該都無得做

在屯門有吉列豬扒的專門店,無論如何都要試一次才心足一進去的感覺是...這裡的冷氣也太充足了吧,坐了一會,我和我的朋友都要了熱水來暖手才行,不過就坐得舒服~餐牌上的選擇不算多, 大多是一個一個餐的,也有小食,不過主角當然是黑豚肉la很快就決定到oder什麼,朋友要了蜜桃豚西冷,而我就選了肩豚西冷吉烈定食.份蜜桃豚西冷的賣相都很吸引因為豚肉上面有很多芝士,豚肉不會乾巴巴的,煎得很香,又保持到肉汁,加上甜甜的蜜桃,味道配合得不錯,好食肩豚是厚切的,炸得香脆,粉槳的厚度可以接受,但可以再薄多一點點,炸功一般,不過肉質卻一流有濃濃肉味,有肉汁,口感也很好,,配上沙拉醬,正!一口肉味再吃一口飯就最好不過了,飯是用了珍珠米,每一粒都得飽滿,口感軟糯,品質應該有中上.不得不提的是伴菜榔菜絲,清新爽甜,可以用上枱上的醬汁伴混一起吃,我喜歡加那個芝麻醬,比較香一點,另外一個汁是酸酸的,也不妨一試.可以refill飯和菜,這一餐食煎炸的東西,所以要吃多一點的菜,結果refill了很多次菜,不過待應服務依然很有禮地幫我們加椰菜.前菜外表不太吸引,沒有吃.飲品就偏甜,不過味潧湯做得比其他店好味.是日甜品什果je

雖然開了業一段時間，但之前見到有些劣評，有些遲疑，前幾天終於一試！都ok喎！侍應有禮貌，雖然後生但對食物認知都不賴。有好多屯門餐廳侍應既無貌，又十問九不知。呢度算above average!食物亦不俗。叫了套餐，招牌炸豬扒飯。扒有肉汁，不濃不膩，啱啱好。我想呢度最主要較其他屯門餐室貴，人的expectation自然高些。而且份量幾大，易令人覺濟，建議多些健怡餐選擇。但整體算是坐得舒服、食物ok的選擇！

前幾日拎左張 *豚*既 $30現金券!! 之後就同個fd去試下 la !!去到唔洗等位!! 仲有張大卡位坐 (正) 入到去環境都ok既幾舒服下 ^^坐低左之後就叫野食la.....但有好多款豚肉唔知揀咩好 ~.~ 之後就問下個侍應有咩好介紹~佢就介紹左 (大里肌)同(夾心豬)<~~有好多味 -0- 個fd揀左芝士 ~仲加左隻蠔!等待美食來臨 ^^ 太約 10-15分鐘到 2個餐就到左 嘩!!好大件下 !!食落都幾好味~又唔會太乾同埋唔會太"韌"~仲有小小汁 正呀^^個fd果件都好巨型下....d芝士味都幾香..一切仲要有好多芝士流出黎 = =" gd <~~(鐘意芝士既朋友不妨一試) 下次我都要試下佢...最驚嚇時間到la -0-! 就係我加左隻蠔 真係名副其實既珍寶蠔....勁巨型呀!! 睇相真係差唔多有我成隻手咁= =" <~~(唔係炸粉多得濟..一咬落去就係蠔黎..)d野真係幾抵食又大件!!搞到我連飯都冇食過咁濟...正係吃左件蠔都差唔多飽...不過個麵豉湯就"咸"左小小整體黎講都好味既!! 下次要試埋夾心豬先得!!

星期六晚同老公去左屯門市廣場諗住搵嘢食，點知見到有間新開嘅鋪頭叫豚屋，就諗住入去一試，坐低打開餐牌見到好多款式嘅豚肉，我同老公心大心細之下，我揀左黑椒夾心豬，首先黎左個豚肉麵豉湯，我個人認為同普通麵豉湯無分別，但佢就加多塊豚肉落去，所以覺得無乜驚喜，跟住主菜黎啦！黑椒夾心豬就真係好脆同香口，食落唔會覺得成口油，而我老公因為喉嚨痛，所以唔敢食香口嘢就揀左蜜桃豚肉西冷（跟意大利菜湯），首先老公話呢個意大利菜湯好濃，唔似一般餐湯咁加水稀哂，至於個蜜桃豚肉西冷，老公話正，咁我就試左一舊，入口覺得自己食緊西冷牛扒咁好有口感，加埋蜜桃甜甜地好開胃，食食下有個侍應同我哋講仲需唔需要添加椰菜絲同白飯，跟住餐飲係草莓乳酸，而甜品係雙色奶凍，唔算 太甜，個人口味就覺得麻麻地，最後埋單仲送$30 Coupons, 咁鬼著數，下次可以再去試其他口味

之前睇食評，呢間店既風評好似唔係太好，係咪真係咁差？前幾日放假同女友經過，一於試試吧！裝修不錯，木質裝修感覺幾舒服，到達時尚未到晚飯黃金時段，所以有卡位可坐。會有一杯清水比客人飲用，嗯…以服務而言感覺無咩問題呀？就試試餐牌主打既吉列豚肉吧！點了份大里肌吉列豚肉定食，有味噌湯有白飯有前菜，一人份量而言相當充足！女友不好吉列食品，要了份蜜桃西冷意粉味道不錯，肉質因為不是西冷所以也沒有特別要求，炸粉之前有朋友食評是太厚粉，也許改善了吧？沒想像中的厚，肉汁也剛剛好保存在豚肉裡面，不會成了一般的炸豬扒。而蜜桃西冷用上了大量芝士放面，西冷的肉汁加芝宜的香濃也很好吃！伴碟椰菜絲和白飯也可任意添加，桌上放有一瓶胡麻醬和柚子醋，用以相伴椰菜絲入口。個人比較喜好胡麻醬，滿口都是香香的胡麻味，感覺一流！因女友不能吃豆類和硬殼果類，加了柚子醋，味道也不錯！餐飲方面，特別推介了新增的凍檸檬茶，看餐牌是沒有的，也許是客人要求關係而新增的吧？套餐飯後還有一份甜品，之前食評都是奶凍或是啫哩之類，今次我和女友的甜品卻是紅豆糕。雖然小巧了一點，但作為飯後甜品，能有紅豆糕已經很不錯！總體而言，食品質素我相信是有改進的，而且

今晚約左朋友係屯門食飯,朋友話見到有間新開張既日本嘢應該唔使等位,就嚟左試下,我們三個人點左一份兩人吉列餐及一份意粉餐一齊食,餐牌的圖片都好吸引好豐富.意粉餐跟了忌廉粟米雞粒湯,個湯實在係太結了,好似係醬汁多d,其實係冇咩味道的,真的好怪,料都多,但係如果可以加多一點水會似番一碗湯多d.吉列炸豬扒加海鮮套餐好大份,賣相都好吸引,忍唔住要試下啦,先食炸蝦,大大隻,蝦肉係好爽口的,但個粉醬好厚,唔多鬆化,再試豬扒先,嘩,塊皮同d肉分開左,d豬好多筋,好難咬得開呀,個粉醬一樣太厚,豬係冇咩味道的,真的唔好味!! 蠔我冇食,朋友話係ok的,不過都係一樣粉醬太多太厚,我食左一隻帆立貝,同一個結果就係d粉醬太厚,入面的帆立貝炸到好老好硬,一d鮮味也沒有!!!!!!!!!!!配菜的椰菜絲加埋d麻醬一齊食係ok的,但係好多水!!套餐還跟一份炸芝士獅子狗卷,這個味道都幾好,芝士都係流晒出來的,唔會好油膩呀!!海鮮汁海鮮意粉出場,個賣相都唔多討好,d意粉好結,醬住一舊的,海鮮有好幾隻蝦,帆立貝一隻及青口兩隻,朋友食左一碗話醬住左個口,我都食左少少但係真的很難食落去,蝦其實都冇咩味,真的好唔得喎!!!!!!

屯門近排開間新食店「豚屋」，外面望入去，會見到有隻飛豬，女友叫了個芝士吉列豚肉套餐，包前菜,、味噌湯、白飯、甜品（得個樣，無內涵）、飲品（甜到漏），菜可以無限加添，但菜有大量積水，初時無汁俾我撈，諗住問經理之時，開始有員工派醬料，一切就爆出芝士我好似叫了吉列大肩里肌豚肉套餐加炸蠔炸蠔係大隻，但係難吃了，炸皮太厚，豚肉結實，少d牙力都好難征服牠。環境都幾黑，經理好緊張，員工服務可以，如果要抄人地，就抄足d喇。而家搞到不倫不類，我下次都不會來。

ob]前排聽d.fd講屯門市廣場有間新野開左...話d野貴又唔好食....見今日放假就走去試下囉.....入到去裝修ok.. 坐低過陣真係驚自己會後悔..坐左一陣我就叫左個叫咩黑毛豚肉薄紙吉列定食同追加3隻珍寶豪同2隻帆立具...等左大約20分鐘...個餐終於黎點知個餐一落台 件扒大到.................驚自己食唔晒 個味到還可以 心諗:都唔係佢地講到咁既之後食到一半兩隻我以為係炸雞搥既物體落低係我面前 我仲以為係佢地落錯台一問之下原來係我追加既兩隻珍寶豪 真係大隻到嚇親我 抵食.值得再返黎食其他野

見個門面幾好入去試下，點知上哂當，一坐低已經覺得唔好坐，環境又唔好，又貴又唔好味，可以話用劣o黎形容佢D豚肉，炸得唔好味之餘肉味又淡，快餐店都好過佢，一定唔會再食!

見到屯門北海道活個位無左，變左間新既豚屋，諗住同CWB..TST個d豚差唔多，所以入去試下..........叫左四個餐.......分別有簿豚，厚豚，豚肉卷同海鮮拼盤.......薄既豚肉.....薄得黎無味.......厚既豚肉.....叫做已經最好味.......但係其實同普通吉列豬扒差唔多........豚肉蘆筍卷......好有咬口..........= =......好柴.......海鮮有帶子，有蠔，有蝦，好大塊~~!!!都ok既.....d甜品係一個好怪既布甸.........都唔知叫好食定唔好食未試過既朋友....如果好想試下唔同地方既豬扒都可以去試下，但係如果唔係太鐘意d吉列野...就可以去第2間試下啦 ^^一個餐平均係120蚊~~~

父親節一家人出去食飯，見有新開張既日式食肆，裝修又唔錯，一於試下啦，點知就出事！因為知道好多人會出街食飯，已經預早食飯時間，去到唔算等左好耐，好快有位。雖然迫少少，都算啦！打開餐牌，見有唔同種類吉列豚肉定食，又包飯又包前菜飲品之類，諗住應該可以啦，就叫左幾個吉列定食同兩個西式定食，有飯有意粉大人細路都無問題。點知先係問題既開始！叫左個凱撒沙律，我唔知係我叫錯定係點，點解份沙律只得生菜麵包糠煙肉碎芝士粉四樣野？！OK你話用芝士碎都算，芝士粉？咁我同食田園沙律有咩分別？你個價仲收我幾十蚊？咁我叫田園汾律價錢平一截你係咪比草我食？！有無搞錯？等左好耐，差唔多半個幾鐘，無一份定食上枱！係無一份！叫侍應去追，佢地好緊張係咁問廚房(我地坐正廚房對面，乜都聽到)，但都係要等！果下真係火都黎！我黎食飯架！等成個鐘都無！我仲有兩個係意粉黎咋！一個鐘我響屋企煮既話食埋喇！我落去食壽司可能已經成餐食完啦？追完又追，終於等到個定食黎！應該係負責送餐既兩個男仔侍應係咁道歉，我心諗唔係你地既錯！我聽住你地係咁追餐架喇！要比我鬧果個應該係廚房入面果班！食完到個甜品，布甸？Sorry我真係唔知呢個邊度似布甸，奶味？無