豚王 (新城市廣場) (已結業)

其實我唔係好鍾意食拉麵，嫌佢個湯太鹹太油， 但今日lunch想食啲濕濕地嘅野，所以就同朋友嚟左呢間拉麵店。好彩仲未到中午高峰時間，所以唔使等位。我點左呢個『赤王』，希望會惹味啲。 辣度我揀左四辛，辣粉加肉醬跟湯混和之後，濃度有啲似沾麵，而且因為夠辣，所以我覺得好味。唔知點解食親日本野就好想飲啤酒，覺得好配， 反正係假期前夕，我就點左個啤酒😁。我仲加左至愛嘅豚腩肉，肥美得嚟爽口唔油膩👍。麵底我揀左硬度， 麵條質地還可以。

裏赤王 💲98（限定王）豚王餃子王🥟 💲28❔ 裏赤王比赤王更辣🌶🌶🌶然而店員說好既麻辣味只有少少💬✅ 餃子皮薄餡靚👀煎得岩岩好👅Taste：4/5💰CP值：3/5🙋🏻‍♂️Service：3.5/5👁‍🗨Stylishness：3.5/5

思念左豚王手拉麵，因為真的好耐無食到，加上平時見到都好多人排隊，所以有一日晚上六點多，去沙田的豚王見到無咩人排隊，就入左去食拉麵做晚飯了，豚王拉麵，食下都是保持都水準，肩肉雖然是無咩肥，但食下口時都是肉味好足夠，木耳絲保持一定的爽口，麵質都是唔會有淋的情況，另外我點的赤王，辛辣度都是保持得好惹味~辛辣的肉球，加埋拉麵，真的愈食愈有味道，唔想停~唐心旦都保持到流心的效果，另外點了他們出名的燒叉燒，如果肉質可以濕返D就好食一點，叉燒加埋柚子豉油，可以少左叉燒中的肥的感覺，唔錯~~都唔錯的一餐。

其實已經好一陣子冇去到豚王， 今次就去沙田店啦。 由於我係六點左右去到， 所以係唔需要排隊嘅(笑)朋友叫左個赤王拉麵，麵要普通硬度，一上檯睇到呢個顏色，心諗應該好Q辣 (爆) 點知不出所料，我試味啦～初頭食都唔太覺得咩野，食多幾啖喉嚨俾火燒咁(利申: 我係食少辣嘅人)。 不過如果食得辣嘅，呢個都係唔錯嘅選擇。普通硬度麵剛剛好，湯底唔講啦～飲唔到 XD再黎一個正常版豬骨湯底，個湯都幾濃厚，杰身啲嘅湯底，個湯夠熱，唔會死咸，我要左偏硬麵，因為我食得慢，所以怕食到尾個麵太稔(笑) 正如我所講，食到尾個麵未稔得哂，岩岩好。佢呢塊肉真係不得了，肥瘦適中，入口仍然有咬口，好香呀～但食2塊就覺得好內疚，好肥呀(爆) 溏沁蛋都係必食，個溏沁真心做得好好，入面輕輕有啲醬油味，唔會搶左蛋味，正到爆炸。

在沙田與友人打完球後，大家也在苦惱到底午餐吃甚麼才好呢？最後大家決定到新城市廣場的豚王拉麵店試試看。我們早就聽過豚王的大名，據說它在日本有相當的人氣，而且它在香港也有不少分店。豚王的餐牌完全是日式拉麵店的風格，由湯底到配菜，以至麵質，全都可以由自己作主，非常個人化。我點了翠王硬幼麵配叉燒腩肉多蒜，其餘全是普通。翠王的湯底非常濃郁，芝士粉佈滿半個碗表面，伴好後進食完美，而且蒜香味撲鼻，這大概是由於多蒜關係。麵十分彈牙有咬口，喜歡硬麵朋友必定滿意。叉燒腩肉入口一流，既夠薄片又夠嫰滑，加上少少的脂肪，口感更加正！此外我還特意點了一瓶靜岡縣的綠茶可樂，這個非常新奇的配搭意外地合襯，淡淡的綠茶香伴隨可樂的甜味，非常有趣！同時亦可降低濃郁拉麵湯底帶來的飽膩度。

沙田間豚王都開咗好耐 但一直都冇去試今次朋友叫到話想試 夜晚都幾人排隊下 我地都等咗半個鐘左右你就黎入去前佢會比張紙order 先所以一坐底冇耐 好快就有得食! 速度幾快我今次order 咗 黑王個湯底十分濃 叫返普通得啦 太濃會好咸肩肉好大塊 而且爽口 不過我覺得有啲厚不得不提係佢個叉燒 十分之出色咬落去好入味 我地完全食唔停 不過價錢就真係有啲貴同埋叉燒個味係出面係冇食過既味 好難形容但真心好推薦!

豚王係一間我食完會想再返黎食嘅拉麵舖因為佢d質素真係幾好唔會令人失望今次叫左翠玉因為之前食過綠色醬嘅意粉印象中好好食而呢個口味係其他拉麵舖都比較少見上菜速度好快叫左2分鐘到就上左個拉麵至於餃子佢本menu寫話製作時間要15分鐘但都係10分鐘之內就送上枱拉麵個味幾特別不過d芝士粉最好撈均勻d先食咬左塊椰菜食左成口芝士粉其實我唔鐘意食幼麵下次應該剔返太麵餃子好正常煎得香同脆至於隻蛋蛋味超濃一咬落去成個溏心蛋黃就爆晒出黎超超超好味!一定要叫流心蛋

沙田出名多商場，多人，更多既係食野既地方，今次黎到豚王食拉麵，佢同好多拉麵店一樣，都係有得揀個人口味既，例如湯底，配菜，唐辛醬(佢地自家製既），麵既種類都有得揀，肯定有一款岩你心水。而我就加左隻溏心蛋，個拉麵比我想像中大碗，味道都不錯，可以再戰。

香港既連鎖拉麵店中我最愛豚王同一蘭，質素拍得住日本，但一蘭等得較耐而且分店少，所以我比較多去食豚王。講返味道，佢既湯底超濃豬骨味，（我會揀濃），超好飲，面質又彈牙爽口！最正係另加既溏心蛋，必食！

我人好愛吃拉麵，豚王咁hit當然也試試，但排隊還真挺痛苦。【環境】場內設有幾十個座位，甚有日本街頭味。【食物】我這次選豚原味，份量好多，質到滿哂，豚骨湯多到出哂。絕對真材料底扎煮功。味美，不吃人感到太過膩，拉麵不太軟不算硬，爽口，掛到湯汁，非常不錯。配料：日式叉燒水準好高，肉軟腍好吃，入口即溶，加上少許脂膏，比例適中，肉質好好。流心蛋都好多蛋汁，一咬就爆汁。【服務】員工落單都有問加不加辣，好細心！

同朋友踩完單車後，去咗新城市中心嘅豚王食拉麵🍜。.這間豚王好大，位置都好多，而且間店會播放日文歌同有啲日本🇯🇵嘅燈飾。. 點咗個翠王，$96蚊。個人口味揀咗多醬油，香味油普通，叉燒肉係腩肉，椰菜，同幼麵，而沒揀咗佢嘅自家製辛辣醬，而麵度都揀咗普通。.佢碗麵都幾大下，啲幼麵都幾彈牙，唔會太容易斷，湯的比較澀同濃。可能我揀咗多醬油嘅關係，濃湯🍲隻味都幾好飲，而且啲麵浸落啲湯到都幾入味。而腩肉比較薄身，有少許肥肉（每塊都有肥肉）。但我唔太食肥肉，所以對佢嘅叉燒肉感到一般好多。而椰菜無咩特別，平時食果重椰菜一樣。不過整體還可以，夠飽。

This is one of the best ramen noodle restaurant I ever had before. The soup base is very delicious and thick. You can arrange the ingredients and level of chilli. The service is excellent and the environment is excellent too. Personally I love the black soup base. The shatin ship is easy to get a seat. The spring water egg, seaweed and bbq pork also highly recommended. It worth to go when shopping in Shatin Town Plaza.

一年一度的一田感謝週大減價😂去湊下熱鬧😂然後就去左新城市廣場呢間豚王食拉麵🍜入座6點，唔洗排隊等位，6點半開始就人多啦🤦🏻‍♀️好彩早去😂😂跟據個人口味去選擇湯底，材料，同埋配菜👍🏽湯底可以睇menu選擇～我揀左豚王，友人揀左黑王🤤🤤豚王係豬骨湯底，好濃郁，我仲揀左要椰菜，肩肉。麵質係幼麵，選擇左普通的軟硬度，確實係唔錯，普通的軟硬度，好適中，爽口得黎唔會太林或太硬。我加左右邊既蘋果醋落麵到，食落去會感覺清d，無咁肥膩。朋友揀個個係黑王，黑王湯底味道鮮甜d,比起豚王的濃郁黎講，但兩種湯底我都覺得唔錯。加左黑木耳同溏心蛋，幾好味，溏心蛋做得唔錯。之後朋友唔夠食，再加個麵，同樣選擇普通的軟硬度，但比一開始的麵硬左d，可能係無浸住湯既關係，影響左個軟硬度。再叫左個杏仁豆腐，好濃既杏仁味，感覺食上去似布甸多過豆腐⋯⋯⋯貴唔貴就見仁見智啦😂😂

拉面黎講我覺得豚王 都真係好唔錯我自己好鍾意食佢既叉燒肉質好出色今次同朋友兩個黎試大家都選擇左唔同既湯底我鍾意佢 有得選擇唔同面質我鐘意拉面 硬d湯底亦都好濃 好味道^_^

今日約左朋友在沙田睇戲，睇戲前例牌先醫肚，去到一樓搵食，本來想吃小籠包，但見到隔離有間「豚王」，想起幾個月前看過報導指豚王拉麵店日賣超過2000碗，是香港首三位日式拉麵餐館，於是便即刻改變主意轉吃拉麵。因為時間早，較少客人，店內空間頗大，木造的桌椅很有質感，尤其喜歡它的長椅，女士們將手袋放在身旁既方便又安心。拉麵選擇不多，只有幾款，我點了原味的「豚王」，朋友就選了較濃味的「黑王」，然後再按個人口味選擇不同的配料及麵，假如無乜要求又唔想麻煩的話，可以剔「廚師推薦」，交由廚師為你發辦，而我就當然唔會放棄選擇權啦。不一會，一碗豬骨味香濃的拉麵來到面前，湯頭較稠身，醬油味重，味道稍鹹，但伴著無味的椰菜和麵一起吃就恰到好處，有三數片肩肉部位的叉燒肉，肉質嫩滑亦唔嚡口，又沒有腩肉的肥膏，最合我口味，至於拉麵方面，我就選了硬身的幼麵，吃落有咬口，麵身有點介乎於廣東蛋麵與平日吃的拉麵之間，口感頗特別，難怪日賣過千碗，以後又多一間吃拉麵的好去處了。