豚豚食堂

營業中

休息中

今日帶小朋友嚟呢綠楊坊試堂，之後就見到呢間豚豚食堂入黎食過午飯。午餐都幾多選擇，有拉麵，咖哩，定食同丼飯等。我就揀咗個豚軟骨拉麵，小朋友就揀咗個吉列豬扒奄列咖哩飯呢度嘅拉麵可以揀札幌或者豚骨味道，我呢款係豚骨湯底。拉麵煮得啱啱好時間，食落Qq唔會過腍。另外豚軟骨亦都炆得好入味，啖啖肉仲有少少軟骨個下口癒。拉麵配料有甘筍，木耳絲，香蔥同埋溏心蛋，夠晒正宗，口感豐富，好味道！套餐仲跟一款小食，揀左多春魚。至於個咖哩飯，奄列煎得好夠嫩滑，吉列豬扒亦都炸得夠香脆，入面豬扒唔會鞋，日式咖哩汁本身就係好送飯，話咁快一個咁有份量嘅咖哩飯都食曬。呢度位置便利而且坐得舒服，會再光顧！

一間新開不久嘅餐廳，每次行過見到客人都不多，見今日星期日放假去試食下，結果真的很伏，未食過一條咁難食嘅鯖魚，好韌，麵豉湯咸到唔可以接受，午餐$ 7 2再加一既貴價劣食餐。咖哩豬扒定食，豬扒又係好韌，套餐完全似用微波爐翻熱再出嚟嘅效果，真係食美心／大家樂一定好過佢。送餐的員工倒了幾滴豉油喺座位上，又唔出聲又無清潔，我一直都不知，結果埋單後退出座位，條牛仔褲沾上豉油，真係多謝哂，食飯送豉油，這間black list ，以後不會幫襯。

今晚去吃這間新開的日式餐廳，嘩！未試過咁差嘅日式食品，叫了個二人套餐，連加一俾$272，相對响海運大廈地下嗰間二人套餐，價格貴過人仲係次要，食物水準仲衰過食美心快餐，吃吉列朱扒omelet 咖哩飯，Omelet 係薄薄一塊蛋，吉列朱扒就細細塊幾件，最致命係食物溫度其低，完全係快餐水平！丼牛飯，又係冷冰冰！煎餃子，又係冷冰冰，－點鑊氣都冇，－早整定嘅快餐食物，串燒煎雞，淡而無味！食物溫度只係暖暖地，唔夠熱，冇日式食物水準！碟魷魚又係淡而無味冇鑊氣，咁嘅二人餐，最多只值$50！我已經放在黑名單，大家唔信就去領教吓前所未有嘅日式食品，難怪隔離枱碗拉麵食左一半就走人啦！