豚豚食堂

營業中

休息中

今天中午，原本打算吃嘅餐廳因為太多人，所以選擇左另一間餐廳，豚豚食堂見到餐牌而家做緊5pm 前試食價，所以叫了一個50元的滑蛋炸雞丼除咗滑蛋同埋炸雞，跟餐仲有麵豉湯、半隻蛋、同埋粟米沙律滑蛋如圖所見，其實有啲少炸雞都淨系得4舊，飯嘅份量都足夠味道方面普通，不過以$50嘅平價日式料理黎講，我覺得10分抵食，下次都會再去過

下午茶食左赤豚拉麵52蚊仲要加一熱、凍飲都要再額外收費拉麵嘅「豚肉」仲鞋過煲湯豬肉以為自己食緊木耳絲拉麵個人感覺辛辣麵杯麵好似都係更好嘅選擇總括嚟講可一不可再下次都係乖乖食返茶記或者譚仔🙏🏼🙏🏼

成餐飯唔夠三十分鐘，坐底叫完嘢五分鐘到，啲嘢未食曬個碗重有一舊問都唔問就收左佢，然後杯水又收埋，重有碟餃子都未食完，前後應該廿零分鐘，我知門口排隊等位，但都唔係未食曬就收左個客啲嘢，重要問都唔問

1-5-2024 (Wed)勞動節假期,又同老公搵嘢食,由於雨勢唔係好大,於是落荃灣搵嘢食,食邊間好?老公話再食甜記餃子(上次食評係2024年5月1日刊登嘅呢篇:https://www.openrice.com/zh/hongkong/review/yeah-%E5%89%B5%E6%96%B0%E5%8F%A3%E5%91%B3%E9%A4%83%E5%AD%90-e5437555),但12:00pm至開,重有15-20分鐘,今次唔等啦.咁佢話美心或麥當勞,我又厭厭地,呢間啦,未試過呢間,於是行嚟,睇見唔多人,而且啲座位舒適,就決定呢間.我哋被安排坐卡位,坐低睇完menu後,決定要:1. $75.00嘅午市自選拉麵套餐中嘅吉列流心蛋豬肉餅呢個係即刻上枱,亦切開成兩件,上枱時店員話南瓜餅,我哋就問多一次,佢睇清楚啲話講錯,呢個係吉列流心蛋豬肉餅.咁我哋開動喇,吉列外層唔算好脆,而流心其實唔係流心蛋,我哋覺得似蛋醬多啲,至於味道,成個食唔到蛋同豬肉嘅味道.1.5分2. 午市自選拉麵套餐加$8.00嘅雜錦拉麵材料有蟹柳,叉燒,豬軟骨,海帶,粟米粒同芽菜仔,我冇為意咩湯底,飲落係有啲豬骨味但

今晚約了朋友在荃灣食晚飯，行過這間店見到有卡位就入去了。我們選擇了兩個自選一人餐加配小食。朋友點了滑蛋豬扒丼配廣島炸蠔，我就點了豬肉丼配芝士年糕。豬肉丼啲豬肉有點乾，飯都幾大碗，而芝士年糕就真係好正。朋友嘅滑蛋豬扒丼都唔錯，但豬扒既外皮唔算脆，朋友比較細食，佢碗飯就食唔晒。整體來講算不過不失！

食過最難食嘅吉列豬扒，D嘢上到嚟唔係好熱，最多只能夠話係暖，唔係熱，食落豬扒係100%返炸、唔係即炸，豬扒好乾、好鞋、好薄、炸粉好厚、好硬，絕對無可能係即炸，奶茶無茶味，淡到好似飲緊水溝奶，香港地飲過最難飲嘅奶茶，68蚊連➕飲品$5➕服務費10%總$80真係好唔值，主要實在太難食，絕無下次，難怪次次經過都見無乜人食，係有原因，其實好想在港支持本地飲食業，但真係好唔掂，勁失望，有時候真係要反省下，其實80蚊食個飯真係唔算平，但點解唔可以做好D呢？無奈

平時下午茶都係食茶餐廳多，今日經過綠楊坊見到一間開咗冇耐嘅日式餐廳，於是入去試吓，店員仲好有心話我知點午餐的話係 2:30 下午茶呢段時間有折扣 。我點咗黑豚拉麵，配燒多春魚小食，加埋杯凍檸茶少冰黑豚拉麵湯底蒜油味香濃，不會太油膩，麵質彈牙不會太淋，三塊豚肉加埋其他配料，整體碗麵抵食好味的。重點係燒多春魚，師傅手勢好好，多春魚燒到皮香脆身，真正的鹽燒，咬落仲有少少汁咇出嚟，好技術，魚香美味，一般好多時啲師傅會燒得太乾，豚豚食堂呢個師傅就燒得剛好，值得一讚。凍檸茶茶底都 ok ，大家不妨去試吓！

品質非常差的一間食堂，炸雞完全不合格，就算用冰鮮雞也可以稍為處理得好啲 。雞完全是小小的一塊的。應該熱柚子蜜和茶也不熱的 。麵豉湯完全沒有麵豉味只有鹹。這就是香港飲食業，為什麼一直都走下坡。這間餐廳的老闆完全沒有心機好好處理食材。但是價錢在一個午市套餐$80以上。可能令可選擇美心或太興也不在這吃。希望香港可以有更加多的用心經營的餐廳。只希望看了這篇文章的人或老闆好好處理這餐廳。把品質提高一下，不要只係賺錢。

我們沒有期望這裡的質素會很高，比較像是日式連鎖店的那種味道👅 反正就是看到這裡的菜單選擇很多，有拉麵、咖哩蛋包飯🍛、壽喜燒鍋、日式便當🍱套餐等，很適合心大心細不知道自己喜歡那種菜式的朋友們！🙌🏻🔸牛肉壽喜燒鍋定食 $102我特別喜歡菜和豆腐，二話不說點了這款定食！壽喜燒醬汁甜甜的，我加了$5把白飯改成讚岐烏冬，雞蛋🥚普通，牛肉片質素普通，不過兩者蘸起湯底一起吃都很不錯。🤤🔸赤豚拉麵 $78朋友想吃一點辣，所以選了這款拉麵🍜 湯底不錯，辣辣的很過癮，喜歡再辣一點可以加辣油呢！🌶️ 豚肉口感很厚，份量算很大片，不過拉麵份量比較少～幸好我和朋友本身已經打算吃少一點，因為還要預留空間吃甜品！😋🔸燒牛舌(2串) $55牛舌的質素很驚喜，口感很好！不過味道如果有多點調味會更惹味！🧂👅🔸凍檸檬茶 $11 🍹🔔商場離地鐵站很近，基本上一出去直走坐扶手電梯上去二樓就是！

朋友住附近帶咗呢間新開嘅店舖！裝修都幾靚！牛肉壽喜燒鍋定食。這道料理結合牛肉、雞蛋、豐富的壽喜燒醬汁和新鮮的蔬菜，營造出一種獨特的味道。添加烏冬面的選項更增添了一份滿足感！烏冬好滑！高級！網燒雪花牛扒定食是一道令人垂涎欲滴的地道美食。這道料理以優質的雪花牛扒為主角，融合了網燒的獨特烹飪技法，展現出牛肉的最佳口感。燒多春魚是一道美味而具有地道風味的料理。這道菜主要以多春魚為主要食材，經過烤制後，魚肉鮮嫩多汁！

喺荃灣地鐵站附近搵地方食晚飯，呢間應該係新開嘅，食日式定食/丼飯為主~🔘吉列豬扒奄列咖喱飯 🔘廣島炸蠔自選一人餐有一個主食加一個小食，咖喱係典型嘅日式咖喱，味道甜甜的，吉列豬扒入口鬆軟炸粉唔厚，奄列就係薄薄地一片炒蛋，整體質素算係幾唔錯~小食揀咗熱辣辣嘅炸蠔，幾juic唔腥~🔘照燒雞扒漢堡扒便當日式漢堡扒口感偏軟身，燒雞扒唔會太乾有肉汁，調味都唔錯~如果想快快地食個飯，價錢又唔太貴，又坐得幾舒服，呢度係唔錯嘅選擇~

喺荃灣呢個商場，諗住簡單快脆食一餐，用2分鐘行咗個圈，見到呢間，有「午市套餐」，符合簡單快脆嘅要求，於是就決定入去開餐🤣呢度有多款「午市套餐」/「定食」可以選擇，咁我揀咗 $88「金菇牛肉卷定食 Mushroom Beef Roll Set えのき牛肉巻定食」，跟餐加 $5「熱奶茶」🤩「熱奶茶」先嚟，熱辣辣，幾好茶味☕️😋「金菇牛肉卷定食」：軟熟嘅牛肉包住爽脆嘅金菇，配埋個鹹鹹哋又帶微甜嘅醬汁，撈飯食幾啱🤩

有一排無去荃灣綠楊坊，好似開咗好多新餐廳，見到呢間日本餐廳，就入咗去試吓。餐廳裝修好，座位坐得舒服，服務員好多，有時喺啲餐廳度，叫極啲服務員都冇人理鮮蝦蕃茄意粉個意粉煮得彈牙有嚼勁，蝦🍤新鮮彈牙又多汁。鮮蕃茄嘅酸甜味岩岩好，食得好開心。照燒雞扒丼雞扒煎得恰到好處，外脆內嫩，肉質鮮美。照燒醬汁濃郁香甜，啲飯都沾滿醬汁，好味😋😋赤豚拉麵個湯底好濃郁，啲湯差唔多俾我飲哂😂而且微微辣好開胃，赤豚肉厚身夠淋，拉麵彈牙有嚼口

餐廳環境：裝修簡約，豐有日式感覺；空間寬敞，座位間距充足舒適，店內燈光明亮，整體感覺好舒適。餐廳提供多走食物，包括丼飯、定食、咖喱飯、拉麵、燒物、炸物同各款小食，仲有提供意粉同沙律，食物種類好多，食店一定會選擇困難症發作。🔔牛肉丼：份量唔少，牛肉同洋蔥都煮得好入味同冧，米飯粒粒分明，再上燒肉醬汁，一啖食落好滿足，我鍾意加埋七味粉，香味更加提升。🔔黑豚拉麵：湯底加左黑麻油，食落香味比普通麻油更加濃，但唔會膩。拉麵爽口彈牙，好味。

今日去試咗佢哋嘅壽喜燒牛肉鍋、咖喱烏冬拼炸雞同叉燒拉麵。我要講下佢哋嘅菜品同職員服務。先講下壽喜燒牛肉鍋$86。呢碗牛肉鍋都幾唔錯，牛肉切得薄薄哋，煮落去好快熟。牛肉嘅質都嫩。湯底甜甜地，配料都幾多，令味道更加豐富。咖喱烏冬拼炸雞$80。呢碗拼盤好豐富，烏冬煮得恰到好處，彈牙有嚼勁。咖喱醬汁雖然唔算辣，但都幾看，好開胃。而炸雞肉都唔干，有肉汁🍗最後就叫左一個一人套餐$95豚軟骨拉麵(+$10)，小食就選擇左餃子4隻豬軟骨好冧，一咬就散開🤍🤍而餃子就煎得香脆，加上餃子汁,goodddd❤️