豚道樂 (百合苑商場) (已結業)

走進了這家豚道樂，心諗搵到寶了喎！豚骨湯底香濃得嚟又唔係勁咸，啱啱好，真係攞到我心口👌。諗住有咩特別，見到有個特上日本芥末拉麵，起初以為芥末嗰陣嗆到喊，點知原來係啱啱好，豐富得滯！你話邪唔邪惡？麵條勁啱口味，既有咬頭又唔會太尾，講起叉燒啲肉，食落口隻肉香炸天，口感又滑又嫩，食完覺得啲肉滋味長存🍜。另外，鯛蜆白湯拉麵呢款限定，諗住唔試又可惜喇，嗱，嘆一啖湯，嗰個鮮噏，完全係流晒出嚟，蜆味同魚味嘅結合簡直就係完美！🤤 加上個辣醬，香味撲鼻，後勁始終留喺喉嚨，麻麻哋嘅，正！溏心蛋我就略覺得可惜咗少少，啱啱嗰橙色流心仲可以再加把勁。食完今餐，由心入肚嘅舒服，全身都暖笠笠。呢間鋪下次又係租約嘅問題，真係捨唔得㗎🥺。香港咁多拉麵競爭，豚道樂算係有佢嘅一片疆場，真心希望未來喺邊度都好，都可以再撞到佢嘅！🥢🍲👍😌

原味豬骨拉麵 $72 我哋兩個都叫咗直麵，普通硬度同蔥要知道一碗拉麵好唔好食當然要睇個湯底！豬骨味超級濃郁，唔會過鹹或覺得似味精幼身嘅直麵好順滑！食到最後都無淋到，口感唔錯配料方面有兩片薄切豚肉，唔夠肥美但夠入味日式餃子 $35表面煎到金黃色，皮薄香軟餡料有菜同肉，唔算好juicy但味道唔錯加埋醋汁一齊食就唔會食到成口油～

不知道店裏請埋什麼服務員，他們態度很差、還可以粗口鬧客戶，然後認為這樣是沒有問題、不但沒有家教、那一個老闆請佢、真是沒有福報。以後你們請員工都要好好帶眼識人，我真的很擔心香港，為什麼會有這一種員工？

魚介豚骨拉麵💲90湯底濃而不鹹，好有魚香味加豬骨濃湯味，揀咗直麵，由於湯濃稠關係，每啖麵都有掛湯😋一大塊慢煮叉燒，口感和味道非常好👍🏻第一次見原塊紫菜，好大塊😆炸軟殼蟹💲50軟殼蟹好食，有肉汁唔會炸到乾晒，個炸漿夠薄夠脆🤤服務員態度有善，上菜速度算快，下次想試特上，會有多啲餸😄

好耐無食拉麵，好想飲下拉麵湯底😋所以就嚟咗豚道樂食黑蒜油豚骨拉麵，果然冇令我失望，湯底岩我好味，有好多木耳芽菜同蔥😍啱晒鍾意食菜嘅我🥰仲叫左軟殼蟹，炸蝦同炸號做小食，我最鍾意食軟殼蟹，炸得香脆👍🏻食咗咁多嘢大滿足

我最鍾意就係搵唔同嘅拉麵🍜只要好食嘅都一定會返轉頭支持！其實呢一間拉麵店我之前都嚟食過✅有寫食評！嗰陣係試左Wasabi拉麵，覺得好有新鮮感好特別所以今次先介紹朋友過嚟一齊再食！今次就冇再叫Wasabi拉麵我朋友叫咗魚介拉麵我就叫咗個豚骨拉麵點知嗰個魚介拉麵係冇乜味…齋飲湯都OK 但係加埋個麵一齊食就完全唔夾仲有種覺得好偏甜嘅感覺咁而我個豚骨拉麵其實都還好因為齋飲湯都幾好味 幾濃加埋個面一齊食都OK但係食吓食吓就覺得個湯底都係偏甜可能有啲朋友鍾意個湯底較甜？呢個就唔係好啱我經過今次我諗好少會再有下次了……

豚道樂絕對係性價比好高嘅一間拉麵舖，佢選擇唔多，但係每一款湯底都好好味😋 湯底好濃稠，味道好夠，食完真係會覺得好滿足😌今次我地叫左：海老湯拉麵+原味豬骨拉麵海老湯好香蝦味⋯ 湯底好濃稠，食完一啖真係要用齒頰留香去形容😜 原味豬骨拉麵個湯相比蝦湯無咁濃稠，適合口味淡少少嘅人，但係都好香～😋叉燒冇乜特別，好腍，我個人喜歡厚身小小，佢比較薄身麵底可以因應個人需求選擇軟硬度，我地一個選擇左曲麵，一個選擇左直麵，曲麵會彈牙啲，但個人更喜歡直麵嘅口感😁鍾意香口啲嘅可以加埋佢個辣醬，增加湯底風味👍 唔會好難，但係會更惹味👍以佢嘅質素嚟講價錢算平，值得一試😌唯一嘅缺點就係佢嘅飲品選擇⋯因為我唔飲汽水，佢冇汽水以外嘅選擇🥹⋯不過我有係徵詢店員嘅同意之下，自己攜帶左一支茶😃

呢間良心日本拉麵店，店內左邊有U字型吧枱，方便一人食用，右邊有2張二人枱和門口的唯一一張四人枱。四人枱剛好空著，我哋就坐低咗啦。*望住點餐紙諗食咩好，會發現本身每款拉麵無溏心蛋，一定要另加HK$15/隻。但同樣加HK$15轉特上，就可以多一片豬腩肉，2片紫菜和半隻溏心蛋，有誰會咁傻豬只加一隻蛋呢？另一個驚喜係，而家平日午市加錢轉特上，仲有前菜和汽水送，呢$15好抵俾喎！🐟🍜 魚介豚骨拉麵 (HK$88 +HK$15 轉特上)．這個係平日限定款，週末係食唔到㗎！．豚骨湯底加入鰹魚片熬製，濃魚香、鮮甜美味😋．拉麵煮得剛好，硬身啲啲嘅Q彈口感，正👍🏻．慢煮叉燒，軟腍美味，對比波板糖咁大片的炙燒腩肉，香脆面，肉和油脂分布平均，好好味😋．片紫菜超大塊，大過我塊面😮，脆卜卜的．最正留在最後，溏心蛋，嫩滑蛋白，流心啫喱狀的蛋黃🍖 前菜：蜜汁腩叉燒粒．煎炒過的腩叉燒粒，香脆不覺油膩，之後我估連同蜜汁一齊炆到入味，令人食到唔停口呀！

豚道樂是一家位於黃埔的拉麵專門店，店內採用日式風格的設計，提供豐富多樣的美食選擇。我強烈推薦他們的原味豬骨拉麵，湯頭濃郁豐富，特別配上他們自家製的太麵，湯和麵完美融合，讓人回味無窮。另外，他們還有店家特色的日本芥辣拉麵，淡淡的芥末味道與豬骨濃湯意外地相得益彰，給人一種耳目一新的感覺。 最後，我強烈建議點一份他們的招牌小食——蒜烤豬腩肉。這份小食中的豬腩肉切得十分厚實，多汁又嫩滑，除了蒜香味道濃郁之外，店家還加入了牛油，提升了香氣的層次感。這道小食絕對是店家的誠意之作，讓人回味無窮。 豚道樂是一家讓人難以忘懷的拉麵店，他們的美食絕對能夠滿足您對日式料理的需求。無論是豬骨拉麵、日本芥辣拉麵，還是蒜烤豬腩肉，都展現了店家的用心和獨特之處。如果您喜歡拉麵，不妨一試豚道樂，相信您一定會愛上他們的美食。

​今晚去開黃埔，一於去豚道樂食拉麵，作為小毒毒的我入到去最先留意到的係播緊的音樂，好有親切感，有少少似返咗日本 (好記得有次播gundam seed 的歌)今次叫咗: 魚介豚骨拉麵 - $88 + $15 加特上 👍🏻👍🏻辛辣味增拉麵 - $83 + $15 加特上 👍🏻2個拉麵一次過講，麵一如以往有水準，本身跟的叉燒唔係腩位但一d都唔會覺得柴，特上果舊腩就不得了，好淋同食落有肉的油脂香甜，正。湯就2個都試咗，魚介基本上就係木魚片的味，好濃好香，個人覺得好食過辣味增，辣味增個湯有少少偏咸。最掛住的都係前排有個魚湯，食到嘩嘩聲。蒜蜜腩肉 - $30 👍🏻👍🏻👍🏻每次嚟都必點! $30 有3大塊，加咗d 糖同類似蒜粉喺面燒，好香甜非常正。個人鍾意有一次嚟燒得燶d 同多d 糖，有少少食緊豬肉乾的味，仲正

午餐想食好啲，就諗起食日本拉麵。呢間位於黃埔的小店雖然座位不多，不過經常都見到食客多多，值得一試。今日先試咗最經典的原味豚骨拉麵。好多從日本來港的拉麵店，湯底都偏鹹，而呢間拉麵店的湯底則遷就咗港人口味，湯底較為溫和，又能品嚐出經時間熬出的白白豚骨湯。配料有2-3叉燒、蔥花、木耳等，叉燒味道平平。另加$15可以有埋升級配料：豬腩肉、紫菜、溏心蛋，食落會更豐富。

9/7/2023過往都食過呢間兩次 分別係芥末拉麵同果期期間限定嘅蠔拉麵 今次食嘅係長駐嘅一開始嗌左最辣果個 想try try佢 店員double confirm話真係好好好辣 我個心動搖左就改低一grade 食 店員就話呢個係癱仔特辣級 就狗衝左 就出左事了一黎到暗地「嘰」左一聲 心諗冇料到 隻色辣都唔辣下咁 飲左一啖湯 味噌味濃 有豚骨味 麻辣味開始出 ok 係癱仔特辣級 會心微笑講左句「死火」揀左曲面 一如既往有咁硬揀咁硬 揀左特硬 比起坊間一啲常見cheap雞鹼水味曲拉麵 佢偏幼身少少 同個湯好夾 唔洗一羹湯一羹面都好似食到沾面咁掛湯 面體幾出色 加分 但咁掛湯真係辣加左特盛有多兩塊紫菜 半隻溏心蛋 同一大塊豬腩肉 總共有三款肉 全部肉質都不錯 唔會sip牙 或柴會再去食 但會食低一級辣度 7/10份量偏少 炸粉適中 但肉質太韌 好似食緊香口膠咁 仲要成到咁辣咁係咁咀嚼 難受 唔推薦 2/10

辛辣味噌拉麵的口感非常棒。拉麵的口感彈牙，配上辣味和味噌的調味，味道非常濃郁。拉麵店自製的麵條質地彈牙有嚼勁，湯頭濃郁香濃，讓人回味無窮。如果您喜歡麵條辛辣口味，這款拉麵絕對是一個值得一試的選擇。

聽過幾次喺紅磡附近嘅朋友講過好幾次呢一間拉麵出名食蝦湯，今日終於聞名不如見面。🧡特上魚介豚骨拉麵（特上+$15）湯底鮮甜而且好清，麵質彈牙，叉燒都燒得好香，厚薄適中，但如果你鍾意食濃味嘅話建議你可以揀返豬骨湯。特上即係多咗一大塊紫菜，糖心蛋同埋特別調味嘅叉燒粒。🧡芥末拉麵其實都估唔到佢個芥末同個拉麵都夾到，又唔會好辣或者嗆鼻，但唔會令你有想試下一次嘅衝動。🧡牛油粟米正常發揮炸雞串就揸得個外皮唔脆反而南瓜薯餅就好味好評

嚟到黃埔呢個咁多拉麵店林立嘅地方，本身想試其他再出名啲嘅拉麵店，但去咗兩間門口都見大排長隊，於是就嚟試呢間朋友推薦咗好耐嘅拉麵店啦，朋友話唔好睇呢間冇乜人排隊，鍾意豬骨濃湯嘅同伴千奇唔可以錯過啊～😋特上原味豚骨拉麵 💰HK$75麵有分兩種，我今次就簡咗直麵，硬度就揀咗普通，因為我個人比較中意爽口彈牙啲嘅口感。直麵嘅掛湯能力都唔錯，完全感受到豬骨湯嘅濃郁。叉燒偏薄身，但肥瘦度適中，食完唔會好漏。另外有啲芽菜，紫菜同埋半粒溏心蛋，成碗拉麵好足料🤩如果以唔洗等位同埋味道嚟講，呢間拉麵店算係中上，下次經過黃埔又諗唔到食咩嗰陣都可以再食👍🏻