象月-泰式休閒餐廳 (已結業)

大埔終於有泰式餐廳啦餐廳設計主題特別，燈同餐具都用左星球元素😍環境靚靚，同朋友食飯心情都靚啲！我地夜晚黎食，傾計坐到隔離都走曬：叫小食拼盤 ($98) 就可以食齊曬炸蝦餅、炸春卷、炸單骨雞翼、燒豬頸肉。香茅炸蒜辣炒軟殻蟹，食落香口、堅辣，我覺得偏鹹。夾到成大條辣椒。泰式炒金邊粉，我地二話不說撈埋乾蒜頭食。芒果沙冰，好味道，朋友試飲完都讚。（原本想飲西瓜沙冰，但買曬）總結，我覺得餐廳食物味道不錯，仲有好多菜式未試，會想再黎試過

相信最近想係大埔搵食既朋友, 都覺得無咩選擇遠離大中仲有呢一間餐廳經過既時候已經見到超多人排隊!諗住試下WALK IN 問下有冇2位, 點知岩岩好有個角落位就2話不說入左席.由點餐到真正食, 其實都要一段時間可能咁岩我地前面有2,3台都係5-6個人岩岩入席我地既單就變左最後先出,不過等下囉~ 自己揀架麻!芒果控既大家記得叫呢位 **芒果沙冰** 真材實料! 睇住一個個切好既芒果放落攪拌機架!味道真係一D都唔假! 但係真係好突然咁等左15分鐘, 就黎左碟炒通菜同薄餅!?!?! 呢個配搭係有D奇怪...再等左10分鐘碟菜都凍哂, 唯有食哂佢先~馬拉盞炒通菜 方面一D都唔油, 好夠辣味添不過就偏向水一D, 無咩汁俾你撈架咋~個頭開得咁好, 點知惡夢就黎....突然同我地講無哂蜆 要轉其他嗎?薄餅都黎左先同我地講無左我地叫既咖哩炒蜆!?咁廚房又出兜薄餅俾我地既...咁唯有再等... 一邊等一邊有 2 groups 4人入左黎等左陣佢地叫既前菜都好快到左唯有慨嘆自己真係黑仔 等多10分鐘左右個蝦醬炒飯終於黎左,蝦醬個味道都足, 但係份量較少, 味道中上, 飯唔會太乾或濕但係因為好想好想等個咖哩撈

好抵食嘅lunch，2個人埋單唔洗HKD150。👍🏼👍🏼食左個海南雞飯餐同泰式牛肉船麵餐，追加左一碟四件嘅炸蝦餅。(佢個蝦餅話就話四件，其實就係一大件分左四份。上菜時我同隔離枱都笑左，因為佢都同時上左同一碟野。不過8蚊追加，係咁嫁啦！如果你想佢真係比4舊你嘅就比32蚊啦😂。讚一句，佢炸得幾好嘅😂😂) 每個餐都有跟冬陰公湯/沙律同野飲。湯好足料，好濃味。船麵湯底唔口渴，差d想飲埋d湯佢❤️今次個review 好簡短，不過真心幾好食同幾飽肚，份量啱啱好，可以大大力幫襯佢。

這個鋪位的食肆重開了一段時間後，終於來一探究竟。這裏給我的感覺，有點像旺角奶路臣街的一家泰國菜。小食拼盤 春卷鬆脆，有趣的是裏面爽的餡料是冷的。炸單骨雞翼外脆，裏面部分嫩，部分有點「嚡」 。豬頸肉不夠熱，而蝦餅則脹鼓鼓的比較厚身，挺特別。軟殼蟹米粉卷 卷裏面除了有軟殼蟹，還有扎肉。粉皮雖然較一般厚，但我反而覺得新鮮、特別。火焰椰青飯 頂部有很多椰肉條，飯有椰味很清新。飯吃到差不多後，還可刮出椰青的椰肉吃個過癮。除了2隻連殼青口，飯裏還有沒殼的，可惜全都欠新鮮。青咖哩 侍應說青咖哩不辣，黃咖哩才有點辣，但其實青咖哩的辣度也不輕啊。青咖哩裏有茄子、豆角，還有似是紫蘇葉的東西，像是香港人隨意發揮的配搭。

泰國嘢！泰國嘢！太貴呀！大埔開咗一間新嘅泰國食店喎，我哋一家一向好鍾意食泰國嘢，一定要試LA！今日就約咗一班朋友一齊嚟試吓！大埔嘅泰國嘢唔多，但係呢間鋪頭嘅附近呢就有另外一間泰國食店，嗰一間鋪我哋都食到有啲厭，而家有呢一間試吓真係一件大好事！依間鋪頭色彩比較光鮮咁，牆壁以白色為主，配上一啲簡單嘅裝飾泰國嘅佈置。感覺上都好舒適。由於一大班朋友來，所以可以試到好多唔同嘅嘢食。好難全部都去品評。我呢，只係想分享一啲我覺得好食嘅嘢食。首先啦想講下公車攬霸，即係泰國生蝦。蝦嘅大細都係正常size，配上辣椒蒜頭同埋一個青檸汁。水準合格。我好特別鍾意佢配上細細的凍苦瓜係側邊，苦瓜好爽脆！食完辣野配上苦瓜可以減輕辣既刺激，非常細心。另外要講下泰式炸春卷，佢好細心咁樣將春卷分開切開咗嚟上，方便我哋一大班人分享。春卷熱辣辣係新鮮炸起嘅，中間嘅菜絲筍絲都好新鮮，味道非常好。另外要講下佢嗰個海鮮椰青飯，配料非常之多，飯粒粒分明，味道好好。而且，一定要講一講佢個軟殼蟹青芒果沙律。呢個真係非常之好食！蟹炸得好酥脆，配上酸甜嘅汁，非常開胃。青木瓜絲配上酸酸甜甜辣辣嘅醬汁，醬汁有少少濃。但配上清清地無味嘅青木瓜絲。真

知道太和開咗間泰國嘢但一直懶行過去試🤪 今次令我的起心肝係因為佢係黃店🤣 星期六晚好多人等😌 唔知佢地係咪都係懲罰黃店呢🤪 等咗半個鐘終於入座🥰 雖然鋪頭無連儂牆但都有係出面黑板仔寫咗香港人加油等字句🤓 整體食物質素都高質😍 staff 都nice，絕對值得encore😗——————————————————🥒🥗青木瓜沙律 $62呢個真係熱門菜式嚟😜 啲汁酸酸辣辣咁好開胃🤩 青木瓜好新鮮 切成絲好爽口👍🏻👍🏻-🐷🥬香辣肉碎生菜 $78肉碎同生菜嘅份量係啱啱好撈哂!!!🤪 食生菜包最怕啲肉碎炒到好濕🤨 呢間就唔會喇 微微辣 同生菜嘅fresh係混和咗 唔食得辣嘅我都表示可以不停食😆-🇹🇭🍝泰式金邊粉 $68好多粉🤣 大蝦都有4-5隻😳 個味甜甜地 粉同配料接近1:1 撈勻哂食啖啖都有餸🥰-🐤🔥秘製沙爹雞肉 $16沙嗲醬好濃😍 但雞肉無咩肉汁，略嫌仲有啲「鞋」口🤫-🍍🍹菠蘿沙冰 $28啲菠蘿味唔會死實，又唔會死甜，推介的🤤 但飲到最後仲有幾粒冰未打散😂 可接受啦😌——————————————————💰設加一服務費🕰星期二至五 11:30 - 15:00; 18:00 - 23:00; 星期六

一班朋友去大埔搵嘢食，見到有間新開嘅泰國菜，就諗住入去試吓啦！個裝修都幾光鮮，以象牙白色為主，唔似一般泰國餐廳的裝飾。反而令人感覺好舒服喎！我哋呢同行三個家庭仲有小朋友，座位都算坐得幾舒服啊！小朋友就坐埋一邊，可以一齊食佢地自己喜歡既餸菜。餸菜既款式都幾多，我一打開個Menu我就俾個軟殼蟹沙律吸引咗。因為我自己好鍾意食軟殼蟹呀！因為我小朋友唔想食太多煎炸野，所以先叫左個泰國船河。另外再叫左椰青飯呀，串燒呀呢咁，呢D都係食泰國嘢必叫叫既嘢食啦！另外，我地都想叫多D小食，本身個男店員推介我哋叫個小食拼盤。不過，我哋覺得個份量唔夠分，所以我哋決定分開叫。最後叫咗一個蝦餅，一個雞翼（特別比小朋友食嘢）啊！佢啲小食個價錢都抵。只不過$48一客。店舖都細心，小食剪到細細件，小朋友分上來好夠分，食得好開心。呀！差啲唔記得咗講佢個冬陰公湯！我地就唔係食得辣既，個湯好夠味，仲要有兩大隻大頭蝦在湯裏面。個湯有火熱住，放耐啲都唔怕凍左啊！你知啦，冬陰公湯要熱先好飲㗎嘛。佢啲小食，我覺得個蝦餅好好味，係正宗或者蝦餅味道。啊啊！差啲唔記得咗我哋有叫到串燒拼盤。個串燒拼盤都係傳統嘅味道，配沙嗲醬都好好味！我哋仲叫

最近想食下泰式野，就同朋友黎左呢間泰式餐廳。估唔到佢d份量超多，食到超飽。星期六中午左右黎到，店入面大概8成滿。聽到店員話夜晚時間會好多人。Menu有兩頁，選擇唔算少。可以加錢試下小食。我叫左泰式菠蘿炒飯，朋友叫左泰式炒金邊粉；前菜就沙律同冬陰功都有叫；我哋仲叫左炸蝦餅同埋秘製燒泰式豬頸肉；飲品就叫左椰青同埋青檸梳打。Menu。Menu。炸蝦餅。爽口彈牙，炸得幾脆，好正。椰青。好大個，好多水份，夠哂甜。沙律。冇咩味，但係都幾解辣同解渴。菠蘿炒飯。好足料，好大份。菠蘿粒都幾多。飯反而唔太入味，碟底唔會好多油。泰式炒金邊粉。正宗既泰式味，蝦好爽脆，同正宗既泰國菜一樣會放辣椒醉喺側邊。仲有唔記得影既冬陰功、青檸梳打同秘製燒泰式豬頸肉。冬陰功都幾辣，細細碗但係入面有三隻超爽口既蝦。青檸梳打好解辣，青檸味唔算突出，但係都幾好飲，唔會好甜。秘製燒泰式豬頸肉好好食，爽口彈牙，唔會好肥，燒完都有少少脆身。總括黎講，我覺得小食超正，相比之下主菜唔算太突出，但係超級大份，都幾抵食。

同屋企人入開大埔，見呢間泰國菜新開，即管試吓。餐廳光猛整潔，幾鍾意佢啲燈，餐牌有好多相，即管睇下實物係咪咁先！見隔離枱食生蝦刺身（ $95/六件），我哋又叫咗碟，刺身新鮮，還附送冰鎮苦瓜，不錯！要咗個炸蝦餅（ $78 ），都有八件，彈牙有質感，不錯不錯。仲有炸單骨雞翼八件（ $48 ），醃得入味，幾好味。門口個牌寫廚師推介有沙嗲串燒拼盤（88），所以都叫一個嚟試吓，燒得剛剛好沒有過火，而且醃得好惹味，推介！食得泰國菜梗係想試返碗冬陰公（ $138 ），冬陰公和香草味濃郁，但又唔會太辣，很不錯！馬拉盞炒椰菜（ $78 ）都幾好，啲菜夠新鮮，又夠入味，係份量稍為少咗啲。我哋仲驚死唔夠飽叫咗兩個飯，新鮮菠蘿炒飯（ $108）同火焰海鮮椰青飯（ $98 ），點知鬼死咁大碟，啲飯多到成座山咁。菠蘿炒飯用菠蘿殼盛載，肉鬆、腰果、菠蘿、雜豆和蝦等等，幾好味。椰青飯都幾驚喜，除咗足料，仲好有椰漿味，連椰青肉都一齊煮，值得推介！

今日同朋友共三個家庭一起飯聚，有大有細入咗大埔，之前同事介紹呢間泰國菜，朋友都話想試吓，所以嗱嗱聲打去book位。店舖裝修不是傳統泰式，算新潮派，天花掛住的「星球燈」好靚，套餐具都幾靚。叫好嘢食等一陣就可以開餐啦，先來一個生蝦刺身（ $95/六件），大人限定！哈！都幾新鮮，而且仲有幾件冰鎮苦瓜OK ！炸春卷（ $48 /四件）都脆口，唔會太油膩，不錯！軟殼蟹青芒果沙律（ $75 ）份量幾多，軟殼蟹炸得不錯，連埋青芒、沙律一齊食，酸酸味味很開胃。食泰國嘢梗係要食串燒，叫咗個泰式沙嗲串燒拼盤（ $88 ），好似雞、牛、豬共有六串，我食咗其中一串雞，即使唔點沙嗲醬都相當惹味！泰國菜代表當然還有冬陰公（ $138 ），有個鍋熱住，唔算好辣但冬陰公味重，而且料都幾多，我自己好鍾意。另外叫咗幾碟菜，包括馬拉盞炒椰菜（ $78 ）、鹹魚炒芥菜（ $66 ）及鹹魚炒珍珠椰菜苗（ $76 ），全部都相對濃味，馬拉盞炒得幾好味，鹹魚就相當鹹，但配落珍珠椰菜苗平衡返，所以味道都幾好。主菜叫了新鮮菠蘿炒飯（ $108）、泰式金邊粉（ $68 ）以及火焰海鮮椰青飯（ $98 ），估不到份量都幾大碟。菠蘿炒飯似乎

第一次喺到食lunch，好好味呀😋！Lunch menu都好多款式揀，有咖哩，有炒飯，有炒金邊粉，海南雞飯等等，$5x-6x，包飲品，仲有冬蔭公/青木瓜粉絲送，性價比好高！👍🏻我叫咗青咖哩豬頸肉飯，咖哩好大碟，女仔其實會食唔晒，不過好好味所以飽都食晒🙈不過個青木瓜沙律勁辣！我平時都鐘意食辣，但佢係辣到脷都麻埋🙊食物好味，服務又好，價錢唔貴，一至五lunch無加一添，一定會成日去幫襯👍🏻

今次去大埔探朋友，之後一齊食飯，就行咗去一間新開，門面都幾靚仔嘅泰國菜，大家睇過餐牌，覺得價錢都OK，所以就入去試吓。我哋都叫咗幾多嘢食，覺得比較好嘅係串燒拼盤，因為每串都大大串，食落好過癮，而且那個沙嗲醬味道都很好。仲有傳統泰式冬陰公，都值得一讚。冬陰公大概有六至七碗份量，所以可以盡情咁飲，而且其中配料相當之多，味道也夠濃，不過略嫌鹹咗少少，同埋食完之後有啲口干。仲有我最鍾意食嘅炸物，包括炸春卷、炸蝦餅，兩個都脆卜卜， 10分吸引。而且蝦餅每件都好大舊，比想像中抵食。

一大班人好耐冇一起食飯見面，所以就約腳來到大埔食好野。呢間行過幾次見到係新開既，就拉隊大家來食下新野LA。我真係好LIKE泰菜，所以入到來見環境都幾好，餐牌又幾靚仔，所以就叫左幾款平常必食既泰菜，試下佢得唔得先。最好食係呢個生蝦刺身，一碟得6件，好矜貴所以要食真D，好鮮味而且冰苦瓜都唔錯，依家咁熱食好O岩FEEL.另外泰式冬蔭公︿如果可以再辣D就完美了，好多料而且份量都有6碗。仲有必食當然係炒金邊粉PAD THAI，炒得都香，麵質干身，唔會太林，好味。再來一個傳統串燒拼盤，大大肉串，大小朋友爭住食，好受歡迎。春卷，夠脆份量OK椰子焗飯，好大個，真係有椰肉及椰汁味，好多海鮮，好似食極都好，估唔到咁大個又抵食。係好開心既一晚，食得好豐富，價值尚可以LA~，區內既又一選擇!正

地獄廚神級朋友新居入伙，他原邀請我們在她家作客，我們當然不可能讓他辛苦（我們），故反邀請她外食。近近地在附近選了這家泰菜館，裝修簡潔，出品都唔錯，細問一下原來真是泰國藉廚師。泰菜走唔甩嘅飛天通菜&炸蝦餅。通菜新鮮爽嫩冇渣，微辣惹味。蝦餅脆口彈牙，足料鮮甜，點些酸甜汁，正!平時點生菜包都算係高危動作，因為通常好多肥豬肉。但呢度啲生菜包多（瘦）肉少肥（肉），香口好味，包著生菜食，減去油膩口感，Good。大蝦冬陰功湯，上菜的金鍋不是很大，足夠每人一碗，酸辣度適中，加了些青檸香茅，還有大大只鮮味大蝦，開胃清新。沙嗲豬牛肉串。燒得香嫩唔嚡，點埋特製花生沙爹醬食，相當OK。爆炸大頭蝦，三隻巨大的開邊大頭蝦，潛藏在大堆香茅中間，賣相跟味道一樣出色。蝦炸得香脆但不油膩，蝦肉嫩彈牙，連蝦腳都有肉食，無投訴了。終極主菜黃咖哩蟹，大大隻蟹有膏，實肉唔霉又鮮甜，咖喱香口，最後忍唔住，叫多碟薄餅點埋D汁食。

一班朋友食飯，大家都是大埔人，所以我就入去跟大家去食。我真是好少入呢區，今次在太和站跟朋友去食泰國菜，由火車站行去五分鐘就到，都好方便。生蝦刺身鮮甜，新鮮夠冷，肉質新鮮，一碟六件串燒拼盤，有囇豬牛雞，每樣都可以試下，好香而且都大串，沙爹汁好味。冬蔭公，泰菜必食之選，味道稍咸，不過好足料，有兩只大老虎蝦，和好多香料。炸蝦餅，比想像中大件厚肉，彈牙皮脆。軟殻蟹青芒果沙律，我最喜歡呢個，好fresh 酸酸地幾好味，軟殻蟹脆卜卜。咸魚炒珍珠椰菜苗，份量比較少，叫菜要多叫幾碟。總體令人滿意，朋友無介紹錯，讚啦！