象泰 (已結業)

呢間泰國餐廳位置隱蔽, 如果唔係商場外有放餐牌根本唔會發現, 餐廳裝修好有泰國FEEL。 午餐SET唔貴, 約$48 至 $52, 有好多選擇,  跟餐有例湯一碗。 由於今日係星期日, 要收加一。 如果平日星期一至五全日免加一添,仲有下午茶, 套餐一律 $38, 好抵呀。點了兩個LUNCH SET, A 招牌去骨海南雞配油飯 $52; E 泰式海鮮炒金邊粉 $48, 餐飲分別叫左凍檸水, 凍檸荼, 有D後悔冇轉特飲, 見到隔離台杯椰汁冰好似唔錯咁, 下次可以試下, 另外睇餐牌仲叫左兩個小食, 蒜茸越南牛油雞翼 $58, 串燒沙爹半打 $68。例湯係青紅蘿蔔湯, 唔會重味精味, 有好多舊 蘿蔔招牌去骨海南雞配油飯 $52 – 賣相吸引, 油飯個色好靚, 好香, 海南雞去晒骨啖啖肉, 雞肉好滑, 配埋醬汁食好正, 而且雞既份量算多。泰式海鮮炒金邊粉 $48 – 酸酸甜甜好開胃, 金邊粉好Q, 唔會一舊舊。蒜茸越南牛油雞翼 $58 – 有6隻雞翼, 佈滿蒜茸響面, 雞翼熱辣辣, 新鮮炸。串燒沙爹半打 $68 – 嘩, D肉好大串, 一串等於出面兩串, 份量好足! 由於冇特別要求要咩肉, 比左

想近近地食泰國菜所以今日下午就同朋友二人去到屋企附近嘅象泰，呢間餐廳我已經食過幾次，今日再來幫襯。店鋪裝修新淨環境舒適，座位夠寬敞，好適合同朋友邊食邊談 ，今次叫咗個海南雞飯同泰國冬陰功湯金邊粉配豬頸肉。海南雞飯嘅雞醃得啱啱好，唔會太鹹，肉質夠滑，份量亦唔少，雖然雞本身已經夠味道，不過幾鍾意呢個醬汁，味道甜甜酸酸，雞油飯整得唔油膩夠乾身。泰國冬陰公湯金邊粉個湯底味道一般，太重蕃茄味，豬頸肉都夠厚身，口感可以。飲品選擇咗自己鍾意嘅椰汁冰。我覺得整體嚟講質素算唔錯價錢又相宜。

好少會嚟到新墟呢頭,通常睇戲先嚟,唔check openrice都唔知呢度有間唔錯的泰國餐廳,今日和媽媽,太太嚟到便試試,這裏位於雅都商場入面上電梯仲要轉入去,唔算太難搵, 八點入去剛巧有一張吉枱, 入面主要係長方形,有卡位有長枱,不算太窄,叫嘢食佢哋已經講明要等20-25分鐘,當時坐滿但其實好多枱已經點咗嘢食,心諗耐極有限, 三人點了:豬頸肉生菜包$68豬頸肉頗辣,充滿泰式香料,份量都幾多, 起碼有十片生菜,亦很生鮮飛天通菜$52次次去泰國餐廳都必選,又不太辣,份量一般,值得一試泰式鐵板蠔仔炒蛋$78蛋炒得好滑,鐵板上可保持熱度,蠔仔亦好味, 非常好味黃咖喱菠蘿炒大蜆$68唔抵食, 蜆得七隻仲要有兩隻開不到即是死了, 叫這碟主要係為咗咖喱汁,可撈飯和配薄餅,配菜有洋葱,青椒,算一般吧 咖喱味香,薄餅要另外點,忘記影相,但味道不佳,又硬又唔香,怪不得食評好少見人點薄餅食小食拼盤$118按道理炸物應該好快上菜,點估到等了40分鐘最後上的一道菜, 拼盤分別有雞豬串燒各一串, 汁多肉嫩,配上沙嗲汁更是好味, 牛油雞翼味道普通,牛油味不夠, 魚餅略鹹了點,香料味很濃, 蝦餅炸得出色, 粉夠薄蝦

食物一般，服務態度出奇差，衰過大排檔，冇原因會再去炒飯濕嘅，炒菜多油到油浸菜……男經理服務態度俾你置身冇$找數一樣，只欠xyz今時今日咁嘅服務態度……已列入絕不會去嘅食店之一

Order 左 5樣野：- 小食併盤- 生牛肉湯河- 濕炒海鮮河- 海南雞飯（例）- 馬拉戔炒通菜本以為食一餐普通既飯，未抱有食伏野既心態1）小食併盤 走左單2）5碟野，得碟菜係正常。海南雞是霉；無味濕炒河，是旦炒埋一堆，生牛肉湯河，難以形容的難食總之去茶記食個快餐算了！大掃我Happy Friday的雅興，blacklist!

其實以前我係在v city返開工，基本上屯門大部份野我都食過晒，咁啱今日經開屯門又要買動物用品就返咗嚟雅都搵嘢食，原來好多商戶都轉左仲開咗呢間新餐廳。淨係睇個名都知勁野。見到好多香口野好想叫來食啊！但係無奈咁岩作咳，唯有食返相對清淡D嘅嘢！其實餐廳話佢哋最出名係食咖喱蟹啊！話晒嚟到泰國餐廳點會淨係點清淡野，要是一間泰國餐廳好唔好食最直接就係食個冬陰公湯，呢個係海鮮冬陰公刀削麵。個湯底好香真心。其實個底仲有料，不過食到一半就費事影相啦～我最後連啲湯都飲晒。病緊淡口味之選～蒜蓉炒菜心，最鍾意上面咁多蒜頭粒 最近我都識好多菜，皮膚其實真係好咗（離題中。。。）鹹檸檬梳打，呢隻梳打水特別好飲㗎！好多入靚貨嘅泰國餐廳都係用呢隻。一個人嘅精彩晚餐！下次一定要叫朋友陪我食咖喱炒蟹

想係屯門搵間泰國野，睇openrice見呢間評語幾好便去試試，結果垃圾到爆..叫個蘿菠炒飯是凍的，要求加熱，3分鐘再上只有表面熱，中間還是凍的乾炒牛河，濕水上的，可以倒到一碗汁出來鹽燒爐魚睇落正常，食完一半反轉條魚，另一邊是濕蒸的，皮是濕冇燒過的，完全是蒸熟 再加燒一邊皮，好心都燒埋令一邊啦最好味係生蝦 完全唔需要煮加工請我食都唔會再去，完全食唔飽走，煩經過廚房加工的都是垃圾，服務人員只掛住傾計吹水，一d禮貌都冇

香葉玉碎炒飯，食物溫度不夠，飯是冷的，匙羹、碗碟佈滿食物殘漬，清潔不乾淨，令人嘔心。午餐加配椰青沙冰，是正價$48，但餐牌列明午餐加配沙冰加＄15，有誤導之嫌，其他飲品均有折扣，一般加配＄15。蒜蓉包是淋的

去探B女跟fd當然要一齊食埋飯先返家啦， 誤打誤撞俾我哋搵到依間餐廳，餐廳門口裝修像泰國D SPA咁已經俾佢心心吸引住兩個女仔當然揀小食多，先嚟半打泰式生蝦個樣嚟到好特別係用tequila杯裝住味道我就覺得辣咗少少，小食併盤依個係我哋最愛有雞翼，雞肉串燒，春卷同埋炸蝦餅，個炸蝦餅好好味外脆內就彈牙配埋個泰式醬簡直係perfect，原本係揀泰式生菜包，臨落order前見到泰式豬頸肉生菜包未見過又轉軚試吓，嚟到賣相ok，豬頸肉夾生菜我哋覺得似食韓燒但味道唔錯，不過可以再香口D。食唔到一半我哋就要order嘢飲，因為2個女仔食飯實在太多嘢講要飲杯嘢潤下個喉嚨，一個珍多冰一個菠蘿冰沙，個珍多冰好香椰汁味菠蘿冰沙飲到係有新鮮菠蘿成份有一種好清新嘅感覺，兩個人可能叫得太多，大家都食到好飽仲話下次嚟探B都要再食象泰

朋友知我愛食泰國嘢專程話我知屯門有間“象泰”又平又好食好過九龍城，咪同揸車同大人入嚟試吓，需然間餐位置個商場就老區D但我目的係食好嘢，好彩無令我失望外仲有驚喜。因為未夠6點我就去到所以好快就可以入坐， menu個價錢非常合理，仲有泰啤飲食泰菜一定要食個生蝦，象泰個生蝦一定要讚首先個蝦並唔係冰先個D，係食得出新鮮自己 剝殼嘅蝦，仲有2款汁配一紅一綠兩個味我都鍾意黃咖哩菠蘿炒大蜆，個蜆夠肥美，菠蘿係新鮮而唔係罐頭貨，個黃咖哩汁再配埋個簿餅正都不得了泰式鮮蝦炒金邊粉味道ok個蝦夠彈牙面仲有個蛋皮放上賣相我就嚴個粉細咗少少所以叫多份串燒雞肉嚟食，個花生醬係分開上個醬汁味道都ok,由於揸車關係我只能飲一支泰啤不過餐廳服務真係好細心，free car patk係餐廳自己為客人買，並唔係商場提供真心直得讚

屯門置樂小曼谷泰菜好出名，經常要排隊等位很久。屯門山景邨附近有一間也好像倒閉了。終於有另一間味道不錯的泰國餐廳（不包括連鎖的）。一本大Menu，各類泰菜應有盡有。餐廳內地下濕滑，要小心啊！我也差點滑倒！當然要試生蝦！可點半打($88)或一打($138)，蒜頭、薄荷葉齊備，蝦十分肥美肉厚，有兩款醬汁，兩款都十分香辣。蒜蓉包：熱辣辣外脆內軟($28有4條)！豬肉碎生菜包($68)：夠辣夠多肉金不換蒜蓉炒蟶子($98)：蟶子份量不多，但新鮮入味！拼盤(大; $118)：每款各兩件，可全部品嚐一口，胃還有空間吃其他以下幾款都是一般，不必一試，包括：芒果糯米飯、椰汁西米糕、菠蘿炒飯！

同朋友一齊行街睇戲，剛好見到呢間泰國餐廳就來試下了～內部環境好不錯呢～而且好舒服丫坐得～而且氣氛都唔錯～幾好幾好～呢個係黃咖哩面包軟殻蟹～軟殻蟹好脆口，加埋咖哩汁一齊食更加之係多重享受呢！有超多的咖哩汁，而且好濃，有少少的椰子味～咖哩入面仲有其它的蔬菜～只係呢個都好滿足了！而且份量較大，同朋友分享就最岩啦～！豬肉碎生菜包～呢到的生菜包可以一試！因佢口味比出面的辣，但又辣得好好食！生菜又洗得好乾淨～新鮮之後我地仲叫左個鹽燒盲鰽魚～呢個真係好不錯丫，肉質好滑，又多肉食！正丫我地仲叫左個糯米飯～呢個係黑白色的檽米都有的～白色就軟身過黑色的，黑色的又香過白色的，各有各好，兩個的椰香味都好重～好正丫～表面的白色椰汁好濃郁！配埋MANGO真係冇得頂丫～另外待應的服務好好，值得一讚～！

屯門睇完戲，肚子餓了去搵間餐廳食先～但原來係呢間商場有間泰國餐廳～餐廳的環境都不錯，坐得都舒服，唔會齊齊埋埋咁～我地叫左個焗黃咖哩包軟殻蟹～超！級！多！咖哩汁丫！軟殻蟹炸得好脆～麵包沾滿了咖哩汁，好邪惡呢～份量都好大呢，建議同朋友分享生菜包～呢個生菜包口味比較辣，有陣陣好香的薄荷味～味道較濃～生菜都好新鮮，爽脆～呢個鹽燒盲鰽真係不錯！燒完之後，魚的肉質好嫰滑！而且皮都好易起出來，可以一試！最後當然要食番個芒果糯米飯啦～椰汁好濃郁，糯米都煮得好軟熟～加埋芒果～滿足了

上星期屋企收到份野，其中就有呢間既優惠... 星期五 一行6人去下啦。夜晚7點去到.... 6個人 比個大卡位... 岩岩好。不過不失睇餐牌就無乜特別..... 照叫返d 大路野啦正常都無特別好/差 我都好少打食評....好可惜... 今次係特別......燒烤系列既食物 都算OK... 不過不失..無乜特別驚喜。重點講下 呢2樣食物呢個咖哩蟹一d都唔咖哩... 隻蟹肉質本身都唔差食落去蟹有蟹味. 個汁還個汁味...我自問好鍾意食蟹都放低唔食第二樣...... 食咖哩蟹自然叫野點汁食啦咁我地叫2份多士（1份得4件）外表已經........最大問題係... 食食下發現...酸嫁！！！仲要2份都係... 所以我地決定放棄唔食而且我地都一致講 呢間野無下次！最後呢⋯⋯ 我肚痾左3次希望純粹係我玻璃肚 所以先咁啦

今日介紹呢間餐廳位於屯門雅都商埸，平日下午茶時間一個下午茶餐$34-38到包埋飲品，雖然是下午茶不過份量絕對唔少。 有飯同粉麵可供選擇，如果想飲椰青加$20，家人飲完話好清甜，椰水好飽滿。 我呢碗係泰式牛骨湯底，湯底完成唔油膩，湯底味道好香，食完又唔會覺得口渴，豬頸肉醃得岩岩好，唔會重咸味，豬頸肉是厚厚的，口感好好。 另外，我地追加左小食炸蝦餅$38，味道有驚喜，蝦餅肉質紮實，又鮮味彈牙，我地一致讚好。