象泰 (已結業)

落雨天，去到街巿唔知煮咩好，唯有等老公收工，就去附近餐廳食d嘢，做個無飯煮婦嘆下啦，行過雅都商場，見有泰國菜，就入去試下一坐底，職員就會遞上一小碟炸蝦片小食，好味，做飯前小食真好，細心叫咗蝦刺身，蝦夠大隻，啖啖肉，醬汁都夠風味飛天炒椰菜苗，上碟時已經微暖，扣分黃咖哩牛筋腩，煮得夠淋，咖哩汁好重椰汁味，沾印度薄餅真係好夾，但肉嘅份量少咗d最差嘅係生菜包，肉碎炒完無乜味，好似無調味一樣，可以用淡而無味嚟形容！無香茅，無辣味，無青檸汁，而且香葉係用薄荷葉，完全唔夾，唔係泰國風味，想叫佢回水。

位於筆者家附近的「象泰」，已光顧過好幾次了，幾乎成為自家泰國菜飯堂。入座後便送上一籃脆卜卜的炸蝦片。豬頸肉預先已經烤好，再放在小火爐上烘熱，務求做到入口是最熱辣辣。味道惹味，有肉香又juicy。筆者最愛的泰國菜菜式，冬蔭湯被放在明爐上一直煲著。湯料非常多，有幾個蝦頭、青口、魷魚、草菇等。另外也有香茅、蔥等香料調味品。橙紅色的冬蔭公湯較重椰奶香，反而未感太辣。與冬蔭海鮮湯一樣，花甲鍋同樣也是被放在明爐上。花甲新鮮，一鍋放有7-8隻左右，浸在微辣惹味湯底裡。鍋內還有肉碎、粉絲等，粉絲把湯底精華盡索，美味非常。貴刁跟平日所吃的炒河粉非常相像，份量頗多。炒粉內藏有蠻多配菜，如有魷魚、蝦仁、紅蘿蔔片、雜豆粒等。貴刁炒得不算太碎，穫氣足夠，夠味而辣味不算高。

今日收早收左工去附近商場雅都商場行下，發覺呢度一樓變左一條美食街，綜合左不同種類的美食又有小食又有餐廳。一坐低每枱送上一份蝦餅，蝦餅好新鮮又鬆脆。泰式海鮮炒貴刁有蝦好彈牙，魷魚又不韌又有青口，貴刁又炒到好入味又不會太淋夠火喉。酸辣鳳爪沙律，鳳爪好入味又爽酸酸辣辣幾野味。小食拼盆（小）：雞翼外層皮脆內里肉嫩又夠入味。蝦餅炸到好香口，蝦餅又彈牙。泰式炸春卷又好鬆脆，內里包住雜菜絲又有粉絲又好香。雞肉串和豬肉串沾上沙嗲醬好好食，醬汁又香濃。泰式明爐烏頭大大條魚又有肉碎，磨菇，粉絲，香茅和其他配料，魚肉又不會太鞋又夠入味，粉絲又索左湯的精華非常美味可口。椰青夠凍又清甜。椰汁冰香濃椰汁。

那個商場近來翻新左，人流多左，發現有間泰國野價錢相宜就去試試。當日八點去到，坐滿晒，不過等左一陣就有得入座。天氣超熱好需要解暑，兩個人叫左三杯野飲椰青（$36），好滿！一飲落去透心涼，解暑一流👍🏻芒果沙冰，上面果d係椰汁下面係鮮芒果汁，係真芒果黎！無假味，而且有一粒粒新鮮芒果，好驚喜！青檸梳打，因為飲完沙冰未解到渴而叫既，酸酸尾尾，達到想要既效果。食物方面我地叫左無骨雞腳沙律，試過係出面食超級酸，但呢到就岩岩好，而且份量好多，應該有十舊以上。呢個肉碎飯係我去到邊都會叫既，我覺得呢間餐廳做得非常出色，肉碎唔會太乾，入面仲加左少少肥肉，好香口。個荷包蛋都係半熟既蛋汁加肉碎加飯撈埋食，一流！豬頸肉椰菜苗煲，上一台就聽到滋滋聲，好新鮮。菜份量多，味道夠濃，豬頸肉肉質都好滑，好味！最後叫左個甜品佢椰汁果part係超級多！係個糕既一半，鍾意椰汁既人必叫！ 另外，呢到服務亦都值得一讚！每個侍應都好照顧到每台客既需要，走不時會行過去忘下客人有無需要，而且亦好風趣幽默。

位於屯門新墟的雅都商場1樓，電梯一出直行到尾就有呢間隱世的泰國菜平日晚上七點幾黎到，見到已經座無虛席似乎好受歡迎剛好門口位置仲有張table, 好快我地就能被安排入座了睇返menu， 選擇都好多小食，泰式沙律，咖哩，泰式炒飯炒粉....應有盡有以下係我點選的菜式（2人）1）冬陰公海鮮湯$108泰國菜必點的一道，餐廳用了一個火爐仔盛放個煲所以一路翻滾，keep住溫度食材亦非常多、有蕃茄，野菌，海蝦頭，青口仔仲有主角，大頭蝦味道香濃，辣得黎又帶酸甜十分出色而且份量都多，每人可以添飲3碗2）炭燒豬頸肉 $78有個小爐仔上的，一直燒住聞到陣陣香味3）菠蘿海鮮炒飯$98以為係原個菠蘿上，原來係用碟上其實咁樣仲方便進食有好多菠蘿粒，兩隻大青口，魷魚圈豬肉鬆，腰果甜甜菠蘿味，剛好中和返冬陰公湯的酸辣4）飛天馬拉盞炒通菜$58又係另一樣泰國菜必食系列炒得好香，辣辣地，夠晒開胃睇返每道菜，價錢都相當抵食Weekday仲要不收一值得一再光顧

相信好多屯門人最近都留意到雅都商場有頗大改動，今日收過來食泰國野都隨意行左一圈。象泰就喺商場最入面，位置唔少，而且裝潢都幾舒適。我地坐卡位，好闊落，而且店員都好醒目，招呼唔錯周圍可以見到D大象元素，呼應店名。餐牌好多款式，由沙律、小食、串燒、咖喱、海鮮、肉類、明爐魚、飯麵等一般泰國菜都有齊哂，價錢合理，平日仲冇加一。泰式肉碎生菜包 78首先點左個生菜包開開胃，上菜速度快，肉碎仲冒煙呢。肉碎份量適中，2人用足夠。生菜爽口，肉碎炒得幾香，唔會太辣，純粹少少調味。青咖喱流心蝦球 68因為我食過佢地嘅月亮蝦餅，今次就點呢款好有趣嘅蝦球，店員有提醒我地，要等十零分鐘。上枱時候都幾驚訝，原來係咁大個球型大過拳頭好多，輕輕切開，可以見到有少少青咖喱流出，味道唔會好濃，所以我地問店員拎左少少泰式酸辣醬。炸漿薄身，食落微微香脆，個人認為可以再沾多少少粉，或者會更脆呢。蝦肉明顯，而且彈牙泰式辣椒膏炒花甲 98辣椒膏唔會落得太重手，所以食落幾惹味，但就唔會好辣。花甲大隻，但唔算好飽滿，份量唔多。個人來講會更加推薦明爐花甲鍋呢象泰去骨海南雞配油飯 98點左半份兩個人食，雞肉份量不少，已經全部去骨，非常方便。雞

琴晚睇完戇豆先生套戲見近近地，見到雅都商場門口棟左過牌話晚上後有八折咁就上去試下啦！上到去未叫野 收銀個姐姐服務好好架，問佢係咪九點後八折 佢就話先生叫左野先，死都唔答我！馬拉盞炒通菜一 完全唔掂，得個咸字！馬拉盞炒金邊粉一 真係估唔到佢會用茄汁好簡單去炒，上面舖果隻蛋應該係遮蓋之用，係d蝦食得入口，成碟擺左係度,好難食！冬蔭工一 最正常既湯，材料足，不過唔代表佢好味！ 成餐唯一會飲哂既餸一堆炸物一 雞翼未熟！雞串串燒又係凍既（放底已即刻擺入口）！春卷完全估唔到佢咁多渣！得個炸蝦 叫熱，好味！青檸椰子沙冰一 又係伏 ，完全飲唔到椰子味！食食下 未夠九點半 個收銀走埋黎話截數要埋單先，好，冇問題！ 睇返張單點解冇八折既，佢話因為紅日所以冇折…………成餐好難食 咁都要400蚊！賣完單後，好似阻佢地收工咁，埋黎收碟果d侍應態度欠奉 收碟時只會問你一次仲要唔要丫，我話未食完，成班侍應就係隔離換衫換鞋……暗示你聽要收工，影響食慾！最終朋友話頂唔順走啦！去到樓下 見到個九點後八折牌，其實好伏 紅日棟出黎比人睇 其實係吸引人上去 ！ 呢世唔會再去食啦😭

今日和太太去咗屯門睇戲，睇完戲就喺附近行吓，因為好少過到嚟屯門，行到有啲肚餓就去咗這間泰國餐廳食飯入到店舖店員好有禮貌地招呼我們座下，這裏環境寬敞，座位舒適看一看這裏的餐牌，有很多食物選擇，而這一間相對九龍城的泰國菜館便宜這個金柚子沙律真不錯，食一口柚子酸酸甜甜很好味，很開胃，大蝦爽口十分鐘左右，這個咖喱雞一送到面前已經很香咖哩味，食一口咖喱雞，雞肉很入味，不太辣，這個送飯一流這個大頭蝦煲也不錯，蝦肉爽囗很香很嘢味，食材新鮮這個喇沙一食落囗很香椰香味，配料很多，真不錯真材實料這款泰式𧐢也很不錯這個海南雞飯，食一口油飯很好味。他的飯粒粒都有雞油，慢慢細嘗，雞的香味會散發出來，雞肉也做得很好，食一口好有雞味，証明食材新鮮，雞肉又嫩滑燒牛仔骨剛剛燒好，熱辣辣，一食落口很濃郁牛肉味，很嫩很林，好好味，這間餐廳性價比高，價錢大衆化，

我一早去咗屯門新開嘅商場V city行街，睇過早場，朋友話好想食泰國菜，我就上網search一下有邊間係屯門嘅推介餐廳，見有好多食客都話雅都商場呢間泰國菜好抵食，所以我哋就行過對面試吓😁原來下午茶時段全部$38😱😱好抵下午茶時段餐廳幾乎都坐滿人，因為性價比非常高，而且地方都坐得好舒服，地方寬闊，冷氣又夠餐牌一大本，上面象泰呢嗰字用咗金色，非常搶眼😆午餐會有一碗餐湯附送，今日係青紅蘿蔔南北杏豬骨，非常鮮甜，呢碗老火湯煲得非常夠火喉😬午餐有餐湯附送，青紅蘿蔔煲豬骨湯，呢個老火湯非常夠火喉海南雞飯雞嘅份量比出邊嘅餐廳多，雞肉做得非常嫩滑，容易入口，又冇雞骨，飯上面嘅雞油混左入飯中，香味濃郁😍椰青好清甜，又夠大隻，比起我平時喺惠康買嘅大好多😬入邊啲椰子肉用匙羹好容易就起出來了😎午餐只需加$20就有一個椰青，好抵，非常超值粉絲蝦煲味道剛剛好，最令我喜出望外的是隻蝦非常大隻，爽口👍🏻一提到喇沙，就會諗起非常重嘅椰汁味湯底，今次都唔例外，椰汁味非常香濃，我揀咗豬頸肉作為配菜，豬頸肉非常爽口，又不鞋口，正😍黃咖喱雞飯午餐，咖喱汁非常多，入邊嘅雞味道亦非常夠，配埋白飯一流沙律作為今日嘅頭盤，入邊好多柚子

以前食泰國菜通常都會特登出到九龍城，今日第一次喺屯門新嘗試，見呢間泰國菜非常近鐵路站，地點又方便，所以就去試吓，而且下午茶時段lunch set更有優惠，性價比非常高想到一樓已見到很大塊廣告牌，示意我一直行就到，好容易就搵到行到門口大大塊牌見到lunch set，價錢非常抵食，而且兩點後一律$38😍入到去坐低店員就推介這個金柚子蝦沙律，所以我哋就叫你試吓見到沙律款式都有好多款，種類繁多lunch set $52 ,下午茶時段只是$38！平左$14 ，所以性價比真係好高，海南雞肉非常嫩滑，而且雞皮又彈口，沒有骨嘅雞，食得非常方便👍🏻顯得啲職員又夠細心，白飯加左雞油，所以香味濃郁，雞油味好重，但食落完全不覺得油膩👍🏻粉絲蝦煲$118 職員一放低個煲，我就聞到陣陣嘅香氣，四隻開邊大蝦放咗喺粉絲上面，而且粉絲的味道調校得很好，蝦嘅味道已融入粉絲當中😬入邊有少少肉碎，花椒八角作為配菜，難怪粉絲甘好味😆蒜蓉包$28 （四條）麵包竟然如此好味，蒜蓉味好香，而且仲熱辣辣外脆內軟😁我叫咗個咖喱雞再配合埋當中嘅咖喱汁，我比一百分😁呢個lunch set兩點後都是$38，咖喱汁有非常香濃嘅椰汁味，汁入邊有紅

山長水遠入屯門做野，都一定要食番餐好嘅先對得住自己！2點就有下午茶，同Lunch一樣但只需＄38真係好抵食！我地叫左泰式海鮮炒金邊粉一直都好鐘意食佢，甜甜地，多配料，口感又好雖然係下午茶，但份量都好足，都好入味泰式豬肉碎生菜包睇佢個樣本身無咩期望，因為無咩色水咁，點知出奇地好食，九層塔炒得好香，每一啖都好好食，而佢嘅豬肉碎都唔會好肥，附上嘅生菜都好新鮮，包住食仍然流出唔少肉汁，正！泰式馬拉盞炒椰菜苗係泰國餐廳先食到我鐘意嘅椰菜苗，鐘意佢爽爽地嘅口感，苗嘅size索汁亦索得好好，佢馬拉盞好香，而且唔油，抵讚！椰青沙冰呢個真係好好好吸引！椰青飲得多，沙冰真係無試過，本身都有擔心會唔會因為係沙冰就令到個味淡左，但無呀！仍然係好清甜，飲到底都係椰青嘅原汁原味！菠蘿沙冰呢個朋友叫嘅都ok唔會話淡口左！

早前去泰國旅行 得到一位當地的朋友熱情款待 給我嘗了很多泰國美食 今次友人來香港旅遊 我知道有很好的美食 當然要帶他去品嘗品嘗 做人怎可自私呢餐廳的裝修不錯 可以見到係有花心思去配襯 今次我哋去食午餐 lunch set 款式也很多 價錢都係四五十蚊 幾抵食我同個friend點咗泰式牛肉炒河 同埋海南雞飯 share 食 個牛河都算幾多牛肉 河粉亦都炒得好食 唔會食到成口油 海南雞啲肉好滑 雞肉份量亦算多 醬汁亦有水準 我哋仲叫咗芒果沙冰同椰青 芒果沙冰係用鮮芒果整的 令我可以懷念下喺泰國嗰時晚晚一齊 食芒果甜品的快樂時光

放暑假帶小朋友係凱都戲院睇完戲，就上雅都商場一樓食個午餐，小朋友最愛芒果沙冰😜餐廳係商場較入位置，可能租金比大街低，所以價錢好實惠，仲大大碟，啱曬我地精明👀餐廳地大寬闊，室內裝修泰風，乾乾淨淨👍午餐都有不少選擇，加15蚊可以轉沙冰，加20蚊轉椰青，小朋友劃一 order 左😂😂而我就最愛椰青海南雞飯，最愛黃油飯，粒粒分明，雞油香濃郁，海南雞尚算嫩滑，醬汁就最正拉青咖喱雞飯都唔錯，配菜很多有豆角，茄子，雞扒是煎過的，香口。青咖喱唔太辣，椰汁香濃，白飯很大碟，夠2個人食😂😂另外仲叫了半打串燒，很滿的一碟，沙嗲汁好味，有D花生粒😌 不過略嫌乾左小小就連香茅豬扒煎蛋🍳都睇得出有心機，照樣大大碟！真係要多支持小店，如果唔係，就全部食晒連鎖店，去到邊區係食同樣嘅嘢😅

泰國菜菜式多元化而且好惹味， 但係今日有少少熱氣所以 唔食咁多煎炸嘢，頭盤叫咗個泰生蝦。生蝦賣相一流，好特別， 每一隻放喺杯裏面，浸住酸酸甜甜嘅辣汁😋蝦肉爽口彈牙 ，好新鮮👍紅咖哩芝士焗青口， 一拎嚟就聞到陣陣芝士嘅香味 ，紅咖哩同芝士嘅份量各半，所以唔會太辣， 整啱我口胃芝士焗到好香脆 ，入面仲係好juicy， 咖哩汁可以用來點印度薄餅食😍印度薄餅好香牛油味， 酥而不膩夾埋青口一齊食又另有一番滋味👍泰國象啤 ，含酒精濃度5.5％，是泰國啤酒中酒精濃度最高的，喝起來的口感也比較重，但是Chang保留糖分，令啤酒喝起來帶些微甜，與酸辣味食物，配合得宜，有中和作用。最後食少少甜品 ，椰汁大菜糕 ，大菜糕爽口， 唔係太甜，椰汁味好香👍泰國餐館四周圍都有泰國嘅裝飾， 別有一番風味😍

香港人好似都幾喜歡食泰國菜，所以泰國菜差不多每一區總有一間喺左近 😬今日喺屯門睇完戲就見到'泰象'時間尚早所以唔洗等位， 呢度嘅座位都好寬敞👍呢度嘅泰式生蝦好特別， 用一個小杯裝住，賣相吾錯🤩細心睇下原來裏面嘅醬汁有分紅色同綠色 ，綠色會比較辣少少，而紅色帶少少酸甜，我比較喜歡紅色😍蝦肉新鮮爽口彈牙 ，配上嘅醬汁 再加片蒜片， 口感同味道都一流😋😋😋鐵板蠔仔炒蛋， 煎得好香脆， 一啲都唔油膩 ，蛋下面舖咗一啲牙菜，芽菜爽口，夾住一齊再醮上辣醬食另有一番滋味👍蠔仔嘅份量一啲都唔少，仲大大粒脹卜卜🤩泰式鹹魚炒椰菜苗 ，喺泰國菜中除咗馬拉盞炒通菜，我就比較喜歡椰菜苗 ，因為椰菜苗喺街市比較少見，嚟到泰國菜館就梗係要食佢啦😬唔好睇小鹹魚粒 ，呢少少嘅鹹魚粒就有畫龍點睛嘅效果 ，令到椰菜苗更香，更甜，更惹味👍再飲返個清甜嘅椰青，既解熱又解渴，涼透心😊 呢度嘅環境唔錯，坐得好舒服，傾下計一流👍而且價錢仲好實惠✌