豪園小食 - 炸一字雞翼專門店 (已結業)

位於TKO Gateway的Food Court，野食選擇眾多，相信豪園小食都係比較有名氣既一間～今日就同呀妹去食下午茶會一會佢～依度店面細細，只有３，４個位供堂食，應該都係主打外賣～我地因為之後仲有節目，就選擇左堂食啦～但食緊既時候不停有烏蠅係側邊飛黎飛去叫左一份三色拼盤（單點＄４８）同檸水BB（跟餐＄１０），三色拼盤分別有車打芝士、蒜香豉油同原味，每樣各四件，即係六隻雞翼，其實除返開，每隻都要成８蚊，都唔平！三款雞翼炸得香脆，但都係同一醃料，即係原味拎去炸好後再沾上唔同調味，所以食落其實無咩特別，只可以話不過不失。至於檸水BB，已將檸檬起肉榨汁，酸酸甜甜都幾開胃既。

去坑口想找外賣午餐，見到有我至愛炸雞翼專門店，即時閃閃眼，決定尋翼，入到TKO GATEWAY! 響地下找了一會都找不到FOODLANE 只見間韓式餐廳，再打去豪園小食問路，原來要響街市方向行，原來TKO Gateway環跨兩邊商場，去到終於見到FOODLANE，好像入左個食街似的，入面很多小食舖, 有些有得坐添，其餘都是外賣多!!這間豪園就可以坐，遠望見到一字雞翼的招牌，先點了黃金脆脆咸蛋雞翼$28 一字即是單骨雞翼，方便進食，尤其女士們，可以食得更有儀態，試一啖，非常脆口，鹹蛋黃口味非常濃郁，面鋪了炸蒜香粒，好味道，當中有輕微辣。另叫炸魷魚鬚$28，同樣酥炸脆身。除了雞翼，還有其他特色以小食，見到海報好多明星撐場，蔡芯咖哩白魚蛋$15，冇左面層厚皮唔會硬，相對軟身好彈牙且魚香味濃，用白魚蛋油炸而成，配咖哩汁好夾。再叫個飽肚飯，冇諗過咁抵食，叫個柱候牛腩配麻辣汁菜飯都係$28。份量好大，牛腩好稔好夠辣，菜粒大大粒，超抵呀！

今次黎到一宇骨雞翼嘅始祖，豪園麵家，記得我第一次食豪園嘅時候，係黃大仙果時，佢地嘅出品都唔錯架，估唔到咁快搞新名堂搞左間一字骨雞翼，仲有突破性嘅新味道！今次一行食左 4 隻味，叫左 $72 有 24 隻雞翼，可以揀 4 種口味，分別揀左咸蛋黃、原味、車打芝士、新嘅黑醋味，樣樣都好出色，芝士更係足料一堆醬 😂😂 不過其實原味都炸得好脆口好唔錯！另外佢地嘅咸蛋黃仲係世界知名，有咸蛋粒粒好惹味，另外嘅黑醋更加係我新寵，好似八珍甜醋咁嘅味 😂😂另外再叫左多份炸魷魚食，$28，都幾大份，全部都係魷魚鬚，又係炸得幾好，可以一試！！

跟姐姐shoppong後到了下午茶時間又不想吃太飽，便來食一食雞翼。慢煮洋蔥香蒜雞翼，肉質又滑又嫰，而且因為是慢煮，雞油都煮出來，吃下去不肥膩，吃完都不會有罪惡感。另外點了冬陰公慢煮雞翼，一打開蓋便聞到好香冬陰公味，不辣味道偏清淡，大人小朋友都可以吃。有時候懶得煮飯可以買盒雞翼回家加餸。店員推介黃金一字雞翼，雞翼已切開一半，方便易食，咸蛋黃味香濃不腥，不會太咸。有些脆粒舖在上面，有多重口感。原來檸檬茶是自製的，檸檬和茶味都好香濃，沒有檸檬片不用自己篤，也沒有冰塊已雪過，抵飲。

麻辣雞翼一試難忘。好鍾意呢個場，好多野食。其中麻辣雞翼最惹味。我食唔到辣，呢個辣度剛剛好。有又位可以坐都幾舒服。不過個伙記個樣好惡，可以多少少笑容。另外，佢仲有咖哩魷魚，不過賣晒。街坊經過，表示失望。

黎到坑口站一出前面就見到Tko Gateway,入到去上電梯一層，一路前行前行再前行，5-7分鐘就見到左邊有扶手電梯落下一層，眼前第一間就到了8:15到，而將近關門，8:30後亦有優惠！招牌單骨雞翼又稱一字雞翼，咩味道都有，好多款式旁邊亦有麻辣雞腎因太夜關係，飽類已賣完咖喱魷魚已沒有賣、轉了雞腎店外亦有數個座位供即食炸一字黃金雞翼6件$28陣陣鹹蛋黃味道，好多脆脆慢煮原隻雞中翼- 極品麻辣皇4件$38還可以，不是太辣！好快涼了汁就變成啫喱狀痴在雞翼面上麻辣雞腎$15/份味道還好，不過個人覺得有點硬，份量都可以的追加曲脆薯條$10/份嘩，衣個不錯面上灑上華鹽，熱辣辣真係要拿拿林食粗粗薯條我至愛追加咖喱撈麵$10/碗有點乾都頗辣！撈前👇🏻撈後👇🏻咁多野食都係$101全部即叫即整，拎走兩大袋，熱辣辣主打雞翼頭號

記得好耐之前睇過d blogger 介紹炸一字雞翼專門店，由個陣一直都好想試，但係佢係位於將軍澳坑口，好少會經過呢一區，所以一直都未有機會可以食到。今日終於同到友人去將軍澳行街，特登來到坑口Food Lane新食場食好東西！我地叫左個2人套餐，即係三色拼盤，有原味、蒜醬豉油及車打芝士各4件一字雞翼及追加左曲脆薯條。落完柯打之後大概等左15分鐘就有得食。作為一個芝士控的我覺得車打芝士雞翼係非常之好食，佢落芝士醬落得好重手，使到食落口時芝士味好重好濃！其他個兩款都不過不失喇！

它開張很久，今曰第一次買來吃，人人讚不外如是，先講現在興食咸蛋黃 呢個就是咸蛋黃，我外賣回家30分鐘依然脆口，但是合底可見油積下的油勁多，要用紙袋格走油。雞翼冇雞味，咸蛋黃太濃，每啖比蛋黃味蓋哂，佢炸得太油了，反而覺得肯德基還好吃，至少外賣回家也是亁身的，還保留到雞味。我想下次都未必再買。下午撞岩冇乜人，得我一個等單，都等左十分鐘，職員都有禮貌，而且包裝精美，有手抽袋再入，讓客人拿得返便。 整體上是味道麻麻地，我個人吃了一隻冇乜想再吃下去，它實在太油油味也同樣太重。

收工咁攰其實返到屋企已經唔想再行咁遠買野食，於是就喺樓下既foodlane睇下有咩正野 之前已經食過豪園既雞翼，今晚就一於再encore除左外賣，其實都有啲位置可以坐喺度食炸一字雞翼 原味叫得一字雞翼專門店，點都要嗌返份食既揀左原味，即炸，返到屋企都仲熱辣辣。雖然無調味，但更食得到雞翼原汁原味慢煮原隻雞翼 極品麻辣皇望個樣唔算太深色，一開始仲諗夠唔夠辣咖 點知真係唔好俾外表呃到，係勁麻辣好有驚喜，辣得好過癮，超推介！慢煮原隻雞翼 幸福住家雞因為屋企人唔食辣，所以都嗌左另一款味，就係屋企都煮到既香蒜洋蔥雞翼。十分濃烈既洋葱味，如果鍾意洋蔥既一定會喜歡麻辣雞腎呢款係全新推出既小食，份量好多，同都真係幾辣下

中午去開坑口做野於是黎呢間久仰大名嘅舖頭試詆叫咗一個黃金脆脆炸一字雞翼套餐當中包括雞翼6件(3隻)+薯條1份+凍飲1杯最先上嘅係薯條同一般粗身的薯條差唔多無乜特別，勝在即叫即炸即上熱辣辣食到咁上下今日的主角都上黎啦炸一字雞翼比平時食開嗰D更加金黃色聞起上黎已經有小小蛋黃的香味咬落去除咗脆口之外仲食到好多細細粒嘅蛋黃口感豐富仲充斥住啖啖咸咸嘅甘香雞肉亦可以保持到嫩滑juicy加上一條骨設計方便進食真係令人欲罷不能唔好睇佢份量唔多作為下午茶食起上黎都幾飽ga啦

喺將軍澳gateway地下food lane入面，有好多野食店，一落巴士直接入去醫肚好方便，今日試左呢間 豪園小食炸一字雞翼專門店。買咗個二人套餐三色拼盤，包左原味 ，蒜醬豉油 ，車打芝士各4件$48，如果跟埋飲品兩杯就$68，都幾平，吾洗點等有得食，都熱辣辣嘅， 蒜醬豉油都幾好食，鹹鹹哋，幾惹味，好鬆脆，車打芝士都好香芝士味，不過我建議襯熱食左佢先，咁就芝士又溶溶地，熱辣辣好食丫。另外吾多夠喉，點埋個黃金脆脆炸一字雞，$28有六件，$38就包埋飲品，呢個都幾好食，炸得好香脆，又吾覺得油膩，都落左吾少鹹蛋，不過吾會 太鹹，入面雞肉仲好滑，我覺得全部雞都各有特色，價錢又合理，幾吾錯，同埋呢度其實都好方便，出面已經係巴士站小巴站，落車或等上巴可以買嚟做小食，下次又嚟食下先。

身為將軍澳人，對於坑口厚德商場嘅美食街非常之熱愛，所以平時食太多連鎖式餐廳，見到小食店真係好興奮嫁。今次就到見到門口第一間嘅炸一字雞專門口，真係好難唔去試下。再認真睇下餐廳旁邊嘅簡介，先知道佢係美食車嘅實體店，來頭唔小嘢啊！先點個二人餐雞翼（$68)連飲品兩杯。一字雞嘅意思即係將雞翼分開一半，呢種食法就比較方便啦。一共有三款味道：車打芝士、蒜醬豉油、原味脆脆。我自己反而最鐘意原味，唔需要太花巧，夠脆，已經好好味！之後再要兩串「蔡芯魚蛋」（$15/串），即刻諗起TxB某套經典電視劇。原來佢係潮洲大大粒嘅香魚蛋，所以做到外脆內軟！我必定會再嚟食過！跟餐嘅飲品就點了檸檬茶，竟然都有特別之處，就係成杯都無需篤檸檬，裡面已經有秘製檸檬配方，方夠便又夠特別啊！

TKO Gateway裝修之後多左好多美食店，見到社交網站不停推介豪園小食既一字雞翼...身為雞翼愛好者既fooodie決定一試！小食店以外賣為主，店外只有幾個座位，附近周圍既角落都設有企位為左可以舒服d咁食，等位等左一陣一字雞翼有好幾款味道，為左一次過試多幾隻味，叫左一份三色拼盤＄48有原味、車打芝士同蒜醬鼓油各四件雞翼即叫即炸，所以熱辣辣，仲非常之香脆因為係單骨雞翼，用叉食起上黎冇咁狼狽最期待車打芝士味，原來即係原味雞翼加上芝士醬略嫌芝士味唔夠濃，感覺只係俾冇咩味既汁痴住左隻雞翼反而蒜醬豉油蒜香味不錯總括而言，炸雞翼香脆，但味道欠特色，只能話係期望愈大失望愈大

今次產檢係坑口,三點鐘,我差唔多一點幾就到左坑口,記得次次黎產檢都經過呢度的美食街, 見到呢間十分搶眼的炸一字雞翼小店,今次咁啱天時地利人和,可以黎一個人自私食嘞!!!!!!! 呢間雖然係美食街的一間小店,但都有4個坐位,可以坐住慢慢食,啱晒我可以慢慢hea唔洗週圍走! 而且又有冷氣,仲坐得幾舒服喎!我因為未食午餐, 加上一人食二人補的關係,心多眼亂,聽了店員的推介,叫了一個三色拼盤, 再叫一杯檸茶BB, 然後見到有而家好興的黃金脆脆炸一字雞翼,(咸蛋黃味),一於叫埋佢! 諗住俾錢時,同店員吹下水,俾佢知我未食飯,佢話驚我唔夠食,推介我叫一碗撈麵,但我眼尾望到呢到仲有曲脆薯條賣,追加都係加10蚊,梗係叫薯條啦(因為我鍾意食薯條同埋想食煎炸野嘛~)俾完錢,搵個位坐下, 等左一陣雞翼大餐黎了!  店員一拎到埋黎,炸雞翼個鼓熱辣辣的蒸氣湧上塊面,唔洗問都知有幾新鮮同埋係咪即炸!   先食三色拼盤,味道分別有原味,蒜醬豉油同埋車打芝士各4件。 先食淡味再到濃味,原味即係平時大家係茶記食到的生炸雞翼,呢度同出面茶記唔同的係,佢炸得好新鮮,一D唔柴皮!! 裏面係全熟無血水! 炸雞翼的功夫夠到家!!

特登為人氣一字雞翼而黎，叫左黃金脆脆炸一字雞翼套餐~雞翼岩岩炸起，新鮮熱辣外皮有好多咸蛋黃脆脆，但裏面雞肉又好滑多汁，好有咸蛋黃味，真係唔錯~試埋檬茶bb，打成檬檬蓉既檬茶好少見，唔太甜幾好~