豪園小食 - 炸一字雞翼專門店 (已結業)

《#豪園小食》 #TKOGATEWAY #炸一字雞翼🔹蒜醬豉油 6件 $22🔹酸辣味 6件 $20🔹黃金咸蛋黃 6件 $28🔹加一份薯條 $5——————————————————📌蒜醬豉油：食一件已經覺得極度咸 唔係唔好味 但真係重口味3.5/10📌酸辣味：見到真係呆左 只係原味炸雞翼加左平時食嘅甜酸醬🤦🏻‍♀️ 仲以為係d咩酸辣味 推出新口味黎講會唔會太無誠意 仲話係新年限定版3/10📌黃金咸蛋黃：終於有一樣係好味d 咸蛋黃份量都唔小 每一件都充滿住咸蛋黃😭好香好好味 呢個推薦👍🏻8/10📌薯條：加$5都幾抵 加左黑椒無咁單調 不過配雞翼食薯條原味會好d 沖淡下雞翼嘅咸7.5/10——————————————————小建議💬佢有個三色拼盤指定款式唔可以更改 但如果可以加錢換較貴嘅口味會比較好，因為單叫係每份6件 拼盤係每款4件，因為無得揀款而要食多兩件的話可能就會試小左一款口味 對於我呢d選擇困難嘅人黎講 最好就係一次過食到幾款口味——————————————————instagram: 90sfoodieshare #食在將軍澳#一字雞翼#坑口#hkig#相機食先

這天找不到同事和我吃飯，只好自己一人出外找東西吃。經過這條TKO GATEWAY新開張的「美食街」，立刻便被當中一家小食店吸引了。走過去一看，原來小食店是其中一家美食車的店舖，主打雞翼。想到自己還未決定吃甚麼，便打算先買６隻「黃金脆脆炸一字雞翼」醫一醫肚。一口吃下去，便感受到外皮炸得很脆。「咔」的一聲，根本不需用力便輕鬆地咬開了外皮。這層外皮酥脆之餘又不會太硬，而且吃得出炸粉不是太多，確實是咋得不錯。除此之外，其味道亦是一絕。咸蛋味的脆粉洒在雞翼表面，吃下去的一刻有一種在吃咸蛋魚皮的感覺，只是還要加上雞肉的鮮味，比起咸蛋魚皮更為美味。可惜，裏面的肉卻令我略為失望。雞翼的肉質尚算嫰滑，但卻沒有多少肉汁，吃下去乾巴巴的，再加上我當時沒有買飲料，６隻吃下去後真的有點口渴。除此之外，這家小吃的價錢也不算便宜，６隻單骨雞翼也要１８元，而「黃金脆脆炸一字雞翼」更要２８元，個人認為不算太抵食（對比其質素而言），嚐一嚐味還好，再光臨就不必了。

悠長新年假期點樣過？ 梗係同屋企人食好嘢嘆住過💕 屋企附近嘅TKO Gateway 最近開咗個新嘅food court ， 聽講開咗一間美食車實體店， 專賣唔同特色小食， 今日特意同屋企人去試下。Menu上咁多樣嘢緊，每種雞翼都有唔同口味，真係好容易有選擇困難症， 除咗雞翼之外仲有唔同飽， 睇見又聞到陣香味都已經好興奮。呢度嘅蔡芯咖哩魚蛋上過電視， 唔知大家有冇喺【老表，畢業喇！】見過， 既然咁出名，一於試一試。店主俾咗好多咖哩汁， 咖哩油份量恰當， 香料味十分濃郁， 令香味十分有層次， 而且甜咸味平衡得宜， 論醬汁已經比市面上好多咖哩魚蛋出色得多。惹味咖哩汁包住大大粒潮州白魚蛋， 魚蛋新鮮炸好， 外脆內軟， 魚肉有鮮味又彈牙。之後叫咗一個沙嗲撈麵， 沙嗲醬汁同樣做得出色。 個人覺得醬汁偏咸， 但沙爹汁嘅花生香味突出， 又有少少椰奶香， 好惹味， 公仔麵可以再彈牙一啲， 不過現時呢個煙韌程度都可以接受。呢個非常冬陰功能煮完隻雞中翼好多肉， 醬汁傳來陣陣的香茅味， 酸酸甜甜， 配合滑嘟嘟的慢煮雞肉， 味道不錯。最後飲埋杯凍檸茶， 咦點解檸茶裏面冇檸檬嘅？ 原來店主好細心咁已經幫我哋篤咗😆

如何度過悠長的農曆新年假期？ 答案就是食！ 不斷咁食！ 仲要食好嘢！TKO Gateway 新開的 foot court 走葵廣路線， 大部分食店係賣小食， 作為food court嘅鄰居， 梗係要襯下熱鬧， 今日同屋企人決定幫襯下😋我哋特意來拜訪豪園小食， 聽講佢做美食車做得好成功，而家開咗間實體店， 佢嘅"蔡芯咖哩魚蛋"仲上過電視~豪園小食自稱係一間炸一字雞翼專門店， 梗係要試下啦， 喺嗰度等咗大約十分鐘， 熱辣辣即叫即炸嘅車打芝士味一字雞翼就出爐啦秘製車打芝士汁味道濃郁， 店主真係落足 醬汁， 呢個芝士汁嘅特別之處係個奶味好出， 口感好smooth 好creamy ， 同7-11撈麵嗰啲cheese爭好遠~ 趁熱食就feel到芝士汁裏面卜卜脆嘅雞翼外皮， 口感好有層次💖跟住就到限量鹹蛋黃味嘅炸一字雞翼啦， 見到外皮佈滿黃金脆脆， 係秘製鹹蛋黃粉同脆脆蒜香粒，雖然係好邪惡， 但真係好惹味好香口， 加上食炸一字雞翼唔使吮骨， 好容易食到停唔到口。淨係食肉唔夠嘅，需要啲澱粉😆😆 我哋點咗個豪園豬扒包，$28 一個包其實都唔平， 但一攞上手就知點解買呢個價錢， 塊炸豬扒有成隻手掌咁長 (

尼幾日去拜年日日係敢食食食，今晚想食d輕食，行經將軍澳Gateway既food zone，見到一間叫“豪園.炸一字雞翼專門店”，對於我尼個“雞翼控”離講即刻想試試😋 尼間食店只有幾個坐位，主打外賣小食，食物即叫即整，所以食物要稍等一等~我點左蒜醬豉油同車打芝士雞翼各一份，蒜醬豉油唔會太咸，仲帶有點甜味，有少許韓式雞翼feel～ 車打芝士味濃郁，值得一讚係雞翼配上醬仍然保持香脆👍🏻😋另外點左豪園豬扒飽同埋慢煮冬陰公雞翼，無骨豬扒香脆，加上自家醬汁非常美味😋 而冬陰公雞翼亦可一試～飲品我地點左自家製咸檸BB同埋柚子茶，一冷一熱各有特色👍🏻 尼間店由美食車做到有實體店，有一定既實力，雖然只係小食，食物用心制作，食過返尋味，值得一試👍🏻

年初四同小女生來到TKO gateway, 行到去foodlane，決定入去逛一逛。就在門口處，小女生笑著說「陳皮蔡芯咖喱魚蛋」，原來是佬表畢業啦曾借用拍攝的豪園美食車在TKO gateway 開了實體店，相逢不如偶遇，我倆決定在此吃個午餐吧！看過餐牌後，我們當然點了人氣的一字雞翼，魚蛋，撈麵和炸豬扒包。 蔡芯咖哩魚蛋～～$12香港嘅地道小食咖哩魚蛋，升級為大大粒的潮州白魚蛋，魚蛋外脆內軟，再加入秘制嘅咖哩汁，又辣又惹味！ 車打芝士味炸一字雞翼～～$25當然要試下 美食車的人氣小食招牌炸一字雞翼 ，小女生選了車打芝士味 ，即叫即炸，新鮮香脆。熱辣辣的炸一字雞翼配上特製的車打芝士汁，濃郁美味 ，雞翼又脆又嫰滑，小女生邊吃邊說美味！必試！ 豪園豬扒包～～$28港式嘅招牌豬扒包， 梅頭肉製成吉列豬扒，送上來是熱辣辣的，未吃已經香味四溢。吉列豬扒香脆之餘，肉質又稔又juicy,麵包鬆軟，配上自家醬汁，真的與別不同，必試！ 車打芝士撈撈麵～～$15秘製的車打芝士醬，令整個撈麵又香又滑！抵吃！！ 檸茶bb及檸水bb(跟餐加$10)吃咖喱魚蛋和炸雞翼又怎少得喝杯凍檸茶呢 ？這杯凍檸茶一反傳統，不用自

早前家人在中環摩天輪附近光顧過豪園美食車，讚其一字雞翼和檸茶BB有質素。周末到將軍澳時發現了美食車也開設了實體店。店內有吧枱座位，我則選擇了外賣買給家人。店舖一點也不吝嗇，車打芝士絕對足夠蘸全盤一字雞翼。芝士濃郁，炸雞翼也嫩滑。黃金脆脆炸一字雞翼是期間限定的，在雞翼上灑上了蒜粒，加上咸蛋黃金沙醬和咸蛋黃粉，入味帶鹹香。雖然店舖主打一字雞翼，但豪園豬扒飽也有驚喜。芝麻餐飽柔軟，吉列豬扒唔乾，亮點是加入了芥末，有別與一般港式豬扒飽。紅棗茶有切開了的紅棗肉，我喝到底才發覺杯底有唔少蜂蜜。幸福住家雞是以慢煮烹調，鎖住了肉汁。外賣碟內還有香蒜洋蔥墊底，味道不輸炸一字翼。個人覺得點套餐比較划算，多付$10就可選擇如檸茶BB、檸檬生薑柚子茶之類的特色飲品。

上回提要，我本來在西灣河「太安樓」，幫襯了一間台灣手抓餅店「艾·X思手抓餅」，和食過了一份有雞蛋、芝士、紫薯跟沙律醬的台灣手抓餅。本來食完手抓餅後，我是很想立即坐港鐵返回將軍澳的，但結果我還是一時好奇，走了去「蘇豪東」，近着海傍一帶的地方。跟著我再在海傍，發現海傍有一個渡輪碼頭，渡輪原來也有提供過海的服務，目的地正正就是油塘旁邊的鯉魚門「三家村」碼頭。既然「三家村」這麽接近「油塘」港鐵站，加上渡輪原來也可以使用殘疾八達通的「兩元優惠」，總總原因驅使了我坐上了渡輪。經過了大約二十分鐘左右的渡輪行程，我終於到達了鯉魚門「三家村」，我再沿着鯉魚門海傍的路向前行，最後我終於成功徒步回到「油塘」港鐵站的位置。跟着我再坐上港鐵，沿着「將軍澳綫」終於返回最初行程的起點，將軍澳的坑口港鐵站。回到坑口的領展商場「TKO Gateway」，「TKO Gateway」的而且確是從上手的商場「厚德商場」中完全脫胎換骨重生。「TKO Gateway」最近竟然像旁邊的商場「東港城」一樣，不單止引入了很多不少新店，還把樓下的「TKO Gateway街市」完全重新翻新裝修，還將新街市其中一部分，改裝成為類似食街的小型

豪園美食車終於踩入地鋪啦😊平日夜晚大約六點半到，一字雞翼都仲有得賣～😊😊😊😊雞翼即叫即炸，蘸韓國炸粉，再撈自家調製粉😊open kitchen，可以望到製作過程!😛😛😛😛😛而且佢哋仲推出左新口味，就係黃金脆脆炸一字雞翼🤡有鹹蛋黃粒加蛋黃粒同蒜香鹹蛋黃金莎粉！😋😋😋😋😛😛😛鹹蛋味都幾出，加上脆脆嘅蒜粒，好有口感又夠惹味！雞翼算係肉嫩吾會好乾身，下午茶做小食岩哂🤤

一排無黎厚德,原來已經改變左好多,已經變為TKO Gateway商場了以前郵局個位置原來已經變食一條小食街咁見到好多人排隊,原來係排隊買雞翼原來呢間主打多款炸單骨雞翼、慢煮雞翼，以及魚蛋、魷魚等等有數個座位,可坐下吃,既然咁多人幫襯就排隊買黎試下啦招牌名物炸一字雞翼有原味、蒜醬豉油、車打芝士及黃金脆脆四款口味落單後即點即炸外層炸得香脆,肉汁豐盈有車打芝士味,原味,蒜醬豉油味,本人覺得最好味係車打芝士味,夠香濃蒜香味不會太濃,仲有慢煮雞中翼每日新鮮製作肉質嫩滑多汁,肉質夠滑價錢唔係好平,但即整,夠熱,唔會凍

自從厚德街市裝修完一部分變成食街後，不少試業的小店也紛紛進駐《TKO Gateway》，其中一家就是由美食車起家的一字雞翼。論價錢來說，$18-25左右 其實就是三隻完整雞翼，這價錢對比某些炸雞連鎖店絕對不便宜。由於晚上收工時間去人流不多，等候時間只需幾分鐘，而且吧台也有空位堂食。這次嘗試的是車打芝士一字雞翼 $25/ 6件，芝士醬毫不留情的淋在雞翼上，務求令每件雞翼都食到啖啖芝士醬炸漿不厚，總覺得和平常吃到有點不同，但不算特別對我胃口。由於幾件雞翼根本不飽肚，所以加了$10叫了一個撈麵，原本想試沙爹撈麵可惜當日已售罄。除了撈麵，加錢叫薯條也只需要$5一份。撈麵和雞翼一樣落了很多醬，由客人自己撈均勻。不過果然雞翼才是王牌小食，撈麵的味道很一般，純粹是填飽個肚簡單來說雞翼味道不錯但未必吸引我試第二次，畢竟價錢確實比較貴

聽聞佢由美食車轉戰將軍澳Food Lane，當然第一時間約人去食下啦！佢地舖面有4個 bar 枱位，可以比大家坐低慢慢食。好彩地我地一去到就有人起身，可以坐下舒服食喇！因為想試多幾款口味，我地叫左三色雞翼 + 黃金脆脆，本來想叫埋冬蔭公，可惜當日所有慢煮系列都已經售罄。三色雞翼：分別係原味、蒜醬豉油及車打芝士味，每款有一隻，我地4個人啱啱好~ 首先食左原味先，新鮮炸起，個皮好脆，炸粉唔算厚。一咬入去已經有好多肉汁，可惜味道一般，無咩驚喜。第二款食蒜醬豉油，個汁唔算太濃，加上單單係淋上面，所以唔入味，失望。第三食埋車打芝士，芝士醬落得好重手，味道好濃郁，作為一個芝士控，佢的確係完勝。黃金脆脆炸一字雞翼：最後一款，食唔到鹹蛋黃味，上面亦見唔到有好多鹹蛋蓉，算係最失望之作。

最近留意到話將軍澳開咗間雞翼好出名既舖頭 難得去開個搵個fd 咁唔爭在去試一試啦 間鋪頭唔係大 如果堂食嘅話其實只係得幾個座位去到已經見到有條人龍喺度排緊隊 不過好彩等左10分鐘就可以比到錢啦 但係俾錢嘅時候佢同我地講話要等30分鐘 因為而家要換下油wor 佢地話會定期換油去確保食物嘅質素咁唔緊要啦我一路下商場一路等我嘅雞翼啦黃金脆脆一字雞翼 呢個名改得冇錯 因為佢真係炸到個皮金黃又香脆 佢既肉都算鮮嫰 每一啖都充滿住咸蛋黃既精華 其實即係同食黃金蝦個差唔多 不過雞翼就可以啖啖肉咁食 雖然單骨既雞翼係會少啲肉 不過我覺得係街食雞翼好似咁樣比較方便同埋食得會有儀態少少囉😜呢個幾好味到連骨都損埋喺食呢個車打芝士一字雞翼 之前我特登飲咗幾啖水去沖一沖淡頭先黃金雞嗰陣味 咁先可以食到佢既味 d之士漿多到可以用黎搽埋個麵包都得 絕對係一啲都唔孤寒多到可以食食吓再點過 芝士味好濃郁 呢個好滋味 黃金雞翼就好惹味 其實兩個各有各好 不過我都係愛黃金雞翼多d 因為出邊少啲食呀ma

見到有好多廣告話呢間餐廳由美食車做到舖頭，而且質素都好好！咁岩今日係經過坑口又岩時間就同朋友好多人一齊排一蚊六隻雞翼！一去到已經見到有大概廿幾三十人！舖頭好準時一點就開始所以都好快！當我拎到張票嘅時候已經聽到佢地話截龍，真係好彩我岩時間去排！原本以為會炸好100份直接派，點知真係新鮮炸所以都等左陣，但一拎到聞到雞翼嘅香味，值得雖然係原味，但都好入味，而且好有肉汁，炸粉唔算多，一字雞翼來講都好多肉

叫左黃金一字雞翼同埋冬陰公味雞翼。黃金果個冇乜鹹蛋蓉，同埋冇黃金色喺雞翼面，反而椒鹽粉味仲重。冬陰公就冇乜辣味，啲肉仲有啲霉，認真麻麻。仲有幫手pack野嘅職員態度差，問佢拎多一隻膠叉就話人唔環保，幾個人食，拎多隻有幾出奇？如果真係要講環保，應該比紙袋而唔好比膠袋膠盒啦。