豪大大雞排

營業中

休息中

先問了有沒有電子支付，2位店員均說沒有，鋪頭冇做電子支付。在等候取雞排的過程中，有想買雞扒的客人，正想下單，身上冇帶銀包，話都係唔落單了。店員即刻同佢講話，有支付寶，有電子支付。我問翻店員又話冇電子支付？佢回應，冇錢梗係收電子支付。有就係有冇就係冇，你同呃人有咩分別？絕對絕對絕對不會在幫襯，周街大把嘢食，點解要幫襯你？服務態度又唔好又呃人，食塊扒都差唔多40蚊，我唔好加多百零200蚊去食放題？走嚟俾你呃。

宵夜時段，夜晚10點幾，見外賣平台有優惠，就叫咗豪大大雞扒。就好多年冇食過，諗起之前睇台灣食，真係一試難忘。咁耐冇食，就諗住嗌多幾款小食試吓…叫咗個香辣脆軟骨，炸金菇，炸椰菜花同埋炸雞塊。食完….. 又油又乾，唔好食個脆骨係失望，佢乾到好硬咬唔到，似番炸咗好多次

【台式小食連鎖店の無骨炸雞排🍗】相信豪大大唔少人都聽過 見過 食過🙈我敢講喺香港台式街頭小食入面 豪大大一定榜上有名😎（每次都會俾香味吸引👅💫【輕量版雞排🐓】 $28唔知大家平時食雞排鍾意食無骨定有骨雞排呢😙唔知點解我既固有印象係 喺條街度食雞排會好狼狽 有一次實在忍受唔到香味的攻擊 問左店員 先知道原來輕量雞排🟰無骨雞排!!!對於我呢種懶人黎講簡直係天堂👅無骨雞排世一〰️喺條街度大啖大啖食都方便好多✨落完單後要等一段時間 畢竟係即叫即整😎拎到手新鮮滾熱辣 所以大家要小心熱 冬天❄️食真係一流！🥰講埋味道！炸粉唔厚 肉大大塊 食落好過癮🤩咬落好juicy 鍾意食辣既朋友可以落辣粉（真係好辣好過癮🔥不過要小心 會食到好論盡🤣當然 味道一定唔及台灣的正宗 but未有得去台灣的朋友 過吓口癮都唔錯😙❤️😋：8/10性價比：8.5/10回頭指數：8.5/10📍豪大大雞 HOT STAR旺角山東街36號華美大廈A座地下A1舖其實分店遍佈全港各地 大家可以上網搵吓附近有冇分店啦〰️✨#台灣雞排 #炸雞 #無骨炸雞 #無骨炸雞排 #炸雞扒 #無骨炸雞扒 #脆雞 #台式小店 #街頭小食 #friedchick

次次黎到都係叫大大塊雞扒同杏鮑菇豪大大 既炸雞扒次次都係薄薄地 唔會好厚炸粉岩哂想食香口野又怕熱氣既你 起碼唔係成口炸粉先！雞扒都係一如既往既Juicy ，一定要加埋佢個辣粉 真係食過反尋味架😍

以前放學成日買塊來食嗰陣啱啱時興炸雞扒覺得好好食而家越來越多過江龍豪大大只能變作回憶要食質素的話就要別家了😂因為佢個雞扒冇其他舖頭咁Juicy係個調味粉特別嘢惹味個雞扒仲要有骨🤣🤣

豪大大對於香港人嚟講其實一啲都唔陌生，好似周圍都有，今次食旺角呢一間嘅豪大大，都算係好食嘅一間。佢以大大件嘅雞扒吸引到好多人去食，差唔多次次去都要排隊。今次我就食咗豪大大嘅大雞扒同埋佢嘅雞全翼。1. 大雞扒佢既雞扒外脆內軟，上面仲有佢哋調製嘅調味粉，辣辣地幾好食，不過大雞扒中間嗰舊骨真係好大舊，唔可以每一啖都大啖大啖咁食。佢都成$45 一件㗎，但係一半嘅都係骨。2.雞全翼佢嘅雞全翼其實都好好食，味道同大雞扒係一樣，都係會落佢哋自己調製嘅調味粉，其實佢好食嘅地方都係因為佢哋自家調製嘅調味粉，唔係好食到雞味。其實佢哋動作都算快，比完錢落單，大概5分鐘至10分鐘到就可以食到佢哋嘅大雞扒。雖然啲人話佢落炸粉好多，但對我來講，主要都係食佢自家調製嘅調味粉。總括而言，不過不失。

我们是工作日晚上去的，去的时候就发现要排队，不过还好进行的很快，没多久就排到了我们，因为当时已经买了别的餐品，我们两个人合点了一份大鸡排，这个鸡排是三十五港币，然而回去吃了才发现，有三分之一都是骨头和肉结合，满满的啃鸡架的感觉，鸡肉味道倒是不错。

我每星期也會有一次購買大鷄排，今天去完Forest 的Pacificl Coffee買咖啡，就順道去豉油街的豪大大鷄排店。當時大約是早上11點半，沒有其他客人，店中只有一名女店員，我站在門口她也沒看到，於是我説「唔該，大鷄排」，她將鷄排放入炸爐後，一如以往的程序，出來門口收錢，我給了她10元及20元紙幣各一張加上1元及2元各一枚，收完錢之後她還跟我說「要等一會啊」，我回應說「好呀」。數分鐘後鷄排已炸好，她問我「要不要辣」，我回應「要呀」，此時那女店員居然說「你還未俾錢」，我肯定告訴她「我已經跟平時程序一早俾咗錢」，還複述付款經過。但她居然打開櫃筒，説我還未俾錢，但我看到裏面有有10元、20元、1元、2元硬幣，她居然說那些不是我給的錢。我重申「雖然33元錢不多，但我確實已經俾咗錢！有CCTV 可以查看嗎？」後來她給了我鷄排，但還嘀咕在說我的不是。她一可能是心不在焉，忘記已經收了錢。第二可能是她不誠實！是否下次應一手交貨一手交錢呢！

周圍都係分店嘅豪大大雞扒，係香港人繁忙生活節奏嘅恩物，做野做到攰就落樓買，卝常方便。店內仲有好多唔同選擇比大家㨂，有香香雞，鹽酥雞，大份或者細份雞扒，炸魷魚鬚，價錢又合理，食物又好味仲可以比大家㨂辣或者唔辣，一個字正

今日收工同朋友去咗旺角波鞋街行一陣，行過又有啲餓，但係我哋又唔係話好餓。喺豉油街波鞋街交界，見到呢間豪大大雞扒，都有幾多人排隊，加上好似好耐冇食過豪大大，雖然自己有啲喉嚨痛😂但係都忍唔住去咗買嚟食。咁我就買一隻雞槌食，我朋友就買咗一袋半份嘅雞粒一齊share食。我哋選擇咗少少少少辣粉，因為本身都唔食得太辣，隻雞槌同啲雞粒都熱辣辣嘅，不過隻雞腿就略嫌細咗啲，而啲雞粒呢，發現佢啲粉搽得好厚，所以食落去好似成口都係嗰啲粉咁，而啲雞粒肉就少之又少。希望可以改善下啦，但係食完之後真係好熱氣，要隔一排先再可以食佢嚟。

旺角係好岩人掃街既地方 ☺️行到攰一攰就去左豪大大買左包雞塊黎食😋收錢阿姐問要唔要辣粉😋 當然要啦🤣阿姐曬埋啲辣粉就成包俾我😎熱辣辣🤤 好正😎🤣炸粉唔會話太多，成塊雞塊雞肉都多😍最重要係當你一路行一路食真係好正😂 同埋加埋辣粉真係好好味😝🤤!正!👍

唔知點解成日都會好想食豪大大雞排，所以嗰日咁啱出去旺角就買下嚟食，好老實其實好大大真係算keep到幾高嘅quality ⭐️⭐️因為好似每次去食都係呢一個味道，唔會有任何改變，都一路keep到咁好食😋😋其實都真係幾難得⋯⋯而且係辣嘅同唔辣嘅都一樣咁好食，而且雞扒外皮真係炸到好脆，食嘅時候好多肉汁都流曬出嚟，而且呢一次仲要係啱啱新鮮滾熱辣炸起嘅，真心更加好食，而且雞肉亦都好嫰滑，下次有機會再食埋佢其他嘅產品啦😍😍

豪大大嘅炸雞排，真係超級大，而且價錢相當大眾化，整塊炸雞排賣相真係好吸引，味道唔錯，外皮炸得香脆可口，雞肉就一般般，有少少嚡口，而且食完真係非常口乾，同時實在太油膩，真係唔適宜食太多，偶然食一次無妨

豪大大雞扒始在臺灣夜市，但係來到香港之後就越嚟越不像臺灣食品。豉油街有其中一間分店，個人感覺上這家已經算係比其他分店乾淨企理。起碼貼喺門口嘅餐牌都係新淨，唔會話油淋淋或者有好大粒塵黏喺度。食物款式同價錢都同其他分店一樣。不過最近出咗新品，〈胡麻辣中翅〉。雖然知道中翅其實就係香港人叫嘅雞翼，但係點解一間香港開既臺灣小食店會用內地人常叫嘅〈中翅〉而不是香港人常叫的〈雞翼〉呢？！！$35有7隻，價錢合理。質素都幾好，外層夠香脆外內雞肉嫩滑，而且胡辣味香濃。好吃！雖然好食，但係無論啊姐嘅態度真係令人不敢恭維。

原本想食繼光香香雞但無開，轉食豪大大。買咗半份香香雞，有6-7件，揀咗小辣。雞出奇地唔乾，有啲汁，有啲濕潤感，脆漿唔太厚亦唔會硬到咬到牙硼，如果要彈的話就係啲辣粉唔夠均勻，一啖又辣得濟一啖又無乜味咁。但我都係鍾意繼光多啲，一口一雞，味粉夠均勻香口，雞又多汁啲同滑啲。