豬小姐

營業中

休息中

3月31日入了元朗, 同朋友一齊食晏,行過見到呢間小店名字十分有趣,原來係係豬內臟的,仲有燒鴨添.都幾得意呀,店子雖小,但坐埋出面都有好十幾張枱的,我地經過的時候係坐到滿晒,跟住我地再返去要等位添呀,等左一陣就有位啦,我地三個人叫左豬潤牛肉米粉,另一個豬什河粉,價錢都唔係平架,不過聽到食客話係真材實料,所以應該都好味的.等左一陣先嚟豬潤牛肉米粉,好香豬潤味呀,我好鍾意食豬潤架,唔係好大碗,但配料都幾多,豬潤好粉好淋好味,個湯都真係好濃及好香豬潤味道喎,牛肉都好淋,入味,正!!朋友的豬什湯河,好重薑味,配料都唔少的,咩都有d,佢話好味,河粉係幼身唔會好肥既感覺,所以都好好味.跟套餐可以6元或9元配熱及凍飲,不過我地冇再叫飲品了.我覺得雖然價錢係貴左一點,份量可能又唔會好大,但係都好入味及足料的,都好新鮮及有誠意呀!!

某日同男友仔路過, 見到開左間新野, 個名仲..................好鬼得意!!!!一直一直都無撞啱機會黎試, 今日, 終於.....................黎啦!!!!又係一個假期, 又係一個無咩野玩既假期, 又係一個悶到唔知食咩好既假期......忽然就醒起 >>> 豬 小 姐!!!!!2 話不說, 沖呀!! 殺呀!! 食呀!!店仔細細, 不過感覺好媽媽 feel....因為呢間舖既老闆, 係兩個人 (夫婦) 打理 only!!一入到去, 見到老闆好努力咁煮野, 老闆娘就好熱情咁招呼客仔....讚!!拎起餐牌, 選擇唔算多, 大約只有 20 個種類....不過都已經足夠我呢 D 有 "選擇困難症" 既人, 哈哈!!左揀右揀, 最後決定係............男友仔 - 避風塘燒鴨(無骨)米我自己 - 生滾豬什湯河小店即叫即煮, 等左大約 10 分鐘就有得食 =)避風塘燒鴨米: 哈哈, 湯底清香, 只係唔覺避風塘, 不過燒鴨幾香, 切成薄片, 無骨, 懶人至愛!!生滾豬什湯河: 什料足, 河粉滑, 湯底清香好味, 配埋我最愛既胡椒粉, 自

經過多次,都因為對豬什無興趣而走人! 上星期六晚九時,全元朗都無位食飯,想起這間豬小姐,不如試一試!行到去果然有位,雖然只得4張枱仔,但只有2人食緊,一個做煮,一個樓面,相當識做,立即為我們執位,一行5人,3 大兩小,一睇餐牌,嘩! 一D都唔平,豬什撈面,45元,再叫了豬什河粉和豬潤肉片米粉,份量適中,湯也熱騰騰,豬什味道新解,麵質也不錯, 豬油撈蝦子面28元,有豬油香味,香辣豬耳25元,味道也好就是份量太少,埋單170幾元,點講呢,不是不好吃,但可能比較愛濃味,可能牛什會給引D,加上價錢是牛什的一倍,對不起,沒有再來的衝動!

其實元朗除左市中心多美食外...還有一個好地方..就是朗屏!!上次去去食辣雞煲已經路過這間豬小姐...看到招牌本以為是以豬扒為主......但原來不是~~今晚就要試一試. 時間約七時正..店內已坐滿了..當然座滿...因只得三張枱當中兩張是二人的細枱..所以我們要開枱坐門口了. 留意營業時間下午二時至晚上十二時所以夜一夜都唔怕..餐牌上款式不多...但比起之前己多了幾款撈麵.連碗都有豬豬樣........真是很得意啊~~~~~~~~~先來一個小食......很快便上枱因為是早已做好的凍食. $45細細盅..但內裏絕不偷功減料..有紅棗, 杞子還有很多切成細細粒的豬腳仔....如果喜歡酒香的朋友一定會很鐘意這個小食, 因酒味十分濃郁............我覺得非常之滿意, 因為通常這類食物都只會有少量的酒香...而油份方面一點也不多...不會有一層白色的油層. 而細心的切成一口豬手方便進食..真是抵讚~豬耳份量適中...辣味不會太過火再配上醬油和麻油令味道更加出色. 但我最喜歡是一粒粒的生蒜..令到我整晚口裏殘留著這辛辣的生蒜味這個名稱看見避風塘會很自然想想是否很辣呢...雖然餐牌字了

有一個機構一位人兄,灌輸左的謬論俾我知.人一定要句句要生要死,先等如傷心?講出來是笑話..用呢間食店作1個比喻.我在豬小姐食鴨粉.是否代表我不懂食?首先豬小姐.係90年代一個馬名,2方面看有些人覺得呢個名好似侮辱女性,第2個看法,.呢個名當然得意.間店只係一間小店.店內有4張枱.不過都坐得舒服.而店員也有禮貌的......新店也有不少熟客.可見實力我食完當天.打開雜誌有介紹呢間店....避風塘鴨瀨:湯底係藥材.新鮮豬骨煲成的.我飲下去.我反而覺得重豬肉鮮甜味...鴨無骨是燒鴨,細細塊.我反而試不出鴨有幾鮮甜.呢方面有點失色.湯底出色.也不夠胡椒粉.辣油出色..即磨胡椒粉.香濃.辣味十足.而辣油入口才爆發辣味十分刺激......近來我食過最好的辣油至於飲品係蜂蜜..又不會太甜.十分清新.............埋單33元....雜誌報導後.呢間店會開始紅.事實呢間店對食物有執著....希望下次都有相同質素..不過有下次我會食豬什...

呢間豬小姐真係不得了我同男友食完隔離間BBQ, 見到呢間個名咁特別, 雖然已經好飽, 都要試下~佢就叫左個豬雜河, 老闆娘落力推介, 有9種豬雜咁多, 佢話湯底冇味晶, 食得出係真係用豬雜淆既~D豬雜巧多LAW, 洗得好乾淨, $30 一碗真係唔貴~老闆娘仲推介一定要加D 胡椒粉, 係自己磨架, 好香~~我就叫左個洛神花蜜加檸檬, 都係$5 (跟餐), 酸酸地好醒胃~呢間小店絕對係良心+ 愛心餐廳, 一定會再去

我從來未食過豬雜,經過見到間野迎開就試下。真係估佢唔到,完全食唔到平時D人講既"臭羶"味,仲有好濃既"豬香",而且仲好新鮮tim ah仲要唔似出面D鋪頭咁得幾款,佢有成9款. 本身我好中鐘意食辣,聽店員講佢地辣椒油係自家制即刻試下,佢唔係太過辣,但真係十分香,完全吊出豬雜既香味同鮮味.湯底係用豬雜生滾,好鮮甜,另外仲有薑絲吊味.佢仲有個鴨湯河,但過飽味試,但見到有人食,聞到好香,我覺得值得一試而且店面雖小,但好雅致.

生滾豬什河。湯底很清甜，搭配𦍑絲，蔥，芫莤芹菜，正。湯底夠晒熱度，吃完碗麵都仲會出煙。吃完好像尋回童年感覺。不像普通湯底，生滾很鮮味，很有家庭感覺。只售$30 很抵吃，平時去街市買野整都吃唔到咁正，去呢到吃乾手淨腳。地方需少，但環境很舒服及乾淨。