貓之茶房 (弼街)

營業中

休息中

🐱 入場費每小時 $58難得放假，晏晝忙裏偷閑，就上咗去呢間旺角嘅貓Cafe探吓好耐冇見嘅貓仔啦🐈前前後後差唔多有10隻貓仔，又慵懶型，又鍾意你同佢玩既，真係有咩唔開心都唔記得晒嚕❤️同嘢飲又唔係好貴，全部都below $20😃其中呢個朱古力松露蛋糕🍰 （$19） 夠晒特別～ 味道超級濃郁，但係又會掩蓋咗大家嘅味道 👅大推~

喺旺角揾到間性價比高既貓Cafe全部貓都好大隻😍 摸上去啲毛都乾淨最鐘意既扁扁呢度都有兩隻😍😍.食物方面叫左朱古力奶、朱古力松露蛋糕、曲奇個人覺得個蛋糕都唔錯，甜度夠😍 份量啱啱好，唔會覺得膩曲奇有牛油、抹茶合桃、朱古力價錢其實都係$10幾蚊，好抵🫰🏻 .而且平日黎坐1個鐘都係$58！仲有 Boardgame 可以挽$118可坐足全日，好抵位置都好大，唔會話好多人好迫咁而且好用心裝好啲袋，咁就唔洗怕貓啲💩💩

貓之茶房 MK 28 Aug呢度真係好隱蔽，鬧市中嘅淨土。雖然地方唔係好大，但係乜嘢都俱備。10幾廿隻貓貓、好多款board game、漫畫書、叉電、咖啡奶茶、cheesecake…….. 入嚟拍下拖、談吓心，應該可以代替羽毛球。啲職員都好犀利，記得晒每隻貓嘅脾氣特性，佢哋好似一家人咁。地方真係好舒服柔和嘅燈光粉白色嘅裝修，乾淨企理，員工不停喺度拖地吸毛，好勤力。喺旺角嘅鬧市裏面真係一個避難嘅地方。呢度嚟坐嘅人都好斯文，恬靜的融融細語，同啲貓傾吓偈。奶茶咖啡都好有水準，一定好過Starbucks。cake都唔錯。佢哋仲做好多貓嘅善事，值得過嚟幫襯吓。

Happy Friday Night🥰 同朋友收左工之後嚟左旺角嘅貓之茶房治癒一下😚 同朋友一向都鍾意貓貓，所以決定上貓之茶房一邊吹水一邊同貓貓玩～門口會有即棄拖鞋比大家換，而且入場前會比個大嘅膠索袋比我地裝住啲袋，同埋有酒精搓手保持乾淨～而旺角貓之茶房呢度係好企理光猛，職員時不時都會拎住碌碌碌毛去保持乾淨👍🏻 唔同嘅貓貓都會喺cafe入面自由走動，又或者瞓覺😝 中間仲有棵大嘅木樹傢私，貓貓會跳上去居高臨下望下我地班貓奴😂😂😂 另外cafe會有逗貓棒可以比我地同一眾貓貓玩，同佢地減肥（又或者可以同時幫自己減🤣） Cafe亦都提供少量飲品/食物比大家有需要時可以少少地醫醫肚～ 我同朋友分別買左杯朱古力/mocha，另外要左份三文治同朱古力蛋糕，味道都唔錯，一啲都唔失禮！另外cafe都已經有免費嘅茶水，茶包有4款供應，所以就算你食飽飽上嚟只係同貓玩都ok👌🏻 $58首小時+之後每小時$38其實超抵玩呀👍🏻已經同朋友講好之後要多啲嚟同貓貓玩同放鬆下自己！之後都會去其他分店探下其他貓貓💙

好鍾意小動物但好可惜屋企地方有限養唔到，想同小動物近距離接觸的話就會來貓cafe坐下。貓之茶房相對於其他貓Cafe而言場地空間會比較闊落有更加多同貓咪接觸嘅機會😆😆而且衛生情況都非常之好，見到職員清潔都做得非常勤力，空氣入面完全唔會有異味，坐得非常舒服。如果想同貓貓近距離互動的話可以選擇購買貓零食，價錢都合理嘅，見到貓貓都好鍾意食🥰🥰同時亦都非常欣賞cafe幫手宣揚領養流浪貓嘅訊息，等更多人知道領養代替購買嘅訊息！！食物質素方面都唔錯，價錢好平！一杯飲品只係需要九蚊，芝士蛋糕亦都只係買$19，而且品質一啲都唔差。芒果乳酪酸酸甜甜很開胃，朱古力亦都夠晒濃郁。朱古力蛋糕很creamy，朱古力味都非常之濃！

Happy Friday 去左旺角嘅貓之茶房搵貓貓治癒一下過去繁忙嘅一星期。入面都有啲蛋糕曲奇三文治可選擇，仲有幾多唔同嘅飲品。見到店員幾勤力咁清潔，所以整體都算幾乾淨，而且冇咩異味。仲有一班可愛嘅貓貓，都幾適合情侶同家庭帶埋小朋友一齊黎放鬆下。今次野飲叫左朱古力奶同蜜桃乳酪特飲。另外仲有好多其他野飲選擇。仲叫左藍莓芝士蛋糕同抹茶曲奇，嘢食質素都比想像中好，上黎食下野傾下計再搵貓貓挽下都唔錯。Happy Friday 去左旺角嘅貓之茶房搵貓貓治癒一下過去繁忙嘅一星期。入面都有啲蛋糕曲奇三文治可選擇，仲有幾多唔同嘅飲品。見到店員幾勤力咁清潔，所以整體都算幾乾淨，而且冇咩異味。仲有一班可愛嘅貓貓，都幾適合情侶同家庭帶埋小朋友一齊黎放鬆下。

【旺角•貓之茶房】@ππππππππππππππππππππππππππππππ旺角愛貓休閒體驗整個茶房裝飾以貓咪為主題,到處可以看到各種貓咪擺飾和畫作。店內會有多隻可愛的貓咪自由活動,讓顧客可以近距離接觸和互動。互動體驗:除了欣賞貓咪,顧客也可以參與一些互動遊戲,如投餵貓咪、拍攝自己與貓咪的合影等,增加整個體驗的趣味性。顧客可以自由地到自助餐區挑選喜歡的食物及飲品,享受輕鬆隨意的用餐體驗。棋類遊戲自助區域:茶房在用餐區域旁設有專門的棋類遊戲自助區域。這裡擺放了各種流行的桌上遊戲,如西洋棋、中國象棋等,供顧客自由選擇。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#旺角美食 #貓之茶房 #web3旺角貓之茶房 (弼街)旺角弼街60號1樓

好耐無嚟貓之茶房探貓貓啦🐈旺角店係我比較常去嘅 呢度環境非常乾淨 職員都好nice 而且好勤力 喺咁多貓貓嘅環境下都冇貓毛四飛又冇異味 真係值得一讚👍🏻入場收費$58/1小時 如果被貓貓搞到欲罷不能 想加鐘嘅話就加$38/1小時😽店內有提供貓玩具比客人同貓咪玩樂 亦都可以購買貓小食享受比貓圍嘅感覺😌我都試過餵零食 佢哋嘅反應都好積極 有貓貓積極到會諗辦法阻我餵其他貓 勁cute😂係邊個貓貓我就唔開名啦 佢喺旺角店應該係最出名嘅零食小偷😹另外店內有供應簡單嘅飲品/三文治同甜品 價錢都好佛心🥹飲品主要係$10左右 食物就$20以下 我哋都點咗兩款飲品同兩件蛋糕 朱古力松露蛋糕同埋抹茶紅豆芝士蛋糕都幾好味啊🍰貓之茶房有3間分店✨旺角/荃灣/尖沙咀入場前職員都會清楚講解進店注意事項⚠️店內亦有張貼須知 為保貓貓健康及安全 大家都要好好遵守啊🫡

位於旺角弼街的貓貓Cafe，我第一次去到一間咁乾淨衛生嘅貓咖，好多Cafe末入門口已經好臭，睇得出佢哋好有注意環境清潔，入到去有好多貓貓走來走去，入面有一個自助茶水部，可以自助拎蛋糕同飲品，除此之外，有一個放滿遊戲既櫃，同埋放滿同貓貓玩遊戲嘅玩具，仲有一個位放咗，貓貓手套同埋頭箍可以拍照打卡，平日時段頭小時$58，之後每小時$38，如果$118不設時限，食物及飲品另外收費，有免費嘅茶同埋咖啡呀提供，仲有自助免費充電器。

不嬲都鐘意貓貓但當真正考慮養唔養一隻貓貓既時候就會有好多實際考量所以都係再去貓cafe玩下先幾年前去過荃灣舊分店 玩得幾開心今次去左旺角分店入到貓cafe門口 店員會提示要消毒雙手提醒帶住黑色頸巾既貓貓較有脾氣 要小心唔好亂摸貓cafe更提供即棄拖鞋同索繩袋放個人物品店員好親切 會話你知貓貓特性可以吸引到貓貓注意 見到貓貓更活潑既一面例如 叫貓貓名會有反應某貓貓鐘意比人拍patpat某貓貓鐘意玩某類貓棒店員都好勤快會即時清理貓貓用餐後既地方保持環境清潔值得一提既係 貓cafe毫無異味除左貓貓係主角貓cafe當然有野食野飲呢到有三文治同蛋糕小食朱古力松露蛋糕同朱古力奶 都好濃郁 有驚喜價錢唔貴 20蚊內有交易有2部自助結賬機亦有免費茶水區

呢到整體裝修好靚，燈光好柔和，成個環境令人好放鬆同舒服💕💕貓貓數量非常多，而且完全無味，空間好大，打卡好靚~入場之前工作人員會同我哋講一次注意事項，等大家可以同貓貓更加融洽相處，而且場內提供免費逗貓棒，提升大家同貓貓嘅互動😚😚😚除此之外，仲有電話充電器同漫畫等提供價錢方面 ，平日比$58就可以坐一個鐘，茶水間有免費茶水供應，如果覺得肚餓，仲可以加錢拎啲輕食醫肚餓🤤🤤🤤整體黎講真係幾抵去！我哋今次分別叫咗藍莓芝士蛋糕$19同朱古力松露蛋糕$19，兩款蛋糕都好好食，特別推薦藍莓芝士蛋糕，藍莓醬份量啱啱好，芝士蛋糕甜不膩😋😋😋嘢飲分別叫咗香濃朱古力$11同蜜桃乳酪特飲$6~

我人生第一次嚟到貓Cafe，等我寫返篇食評好好地介紹吓😆😆近排因為生活好辛苦，好多方面都唔係好如意，朋友就介紹我嚟到貓Cafe，叫我玩吓貓紓緩一下壓力🙂‍↕️🙂‍↕️我真係見識少，原來呢間貓Cafe除咗有貓玩之外，仲有board game，同書睇，話明Cafe梗係仲有嘢食食啦，好似曲奇餅啊蛋糕同三文治🥪，嘢飲方面都好多選擇我仲以為貓Cafe會有好多貓毛，呢度乾淨程度係100分，有職員會不停清潔，亦都有消毒洗手液可以比我哋使用得閒嚟探吓貓Cafe幾好👍🏻幾輕鬆又有嘢食可以hea hea 貓之茶房 (弼街) (旺角)旺角弼街60號1樓

出面戶外咁熱又想帶小茉莉去玩，就帶左佢去室內搵貓貓🐱主子們都勁可愛😍好多都同我一樣，想靜靜地坐低休息下嘆下冷氣😂雖然佢地大部分都休息緊但都任摸唔嬲，超乖～呢度環境都幾闊落，同埋好光猛，而且時不時有員工清潔地下/掃貓毛，所以坐落都好舒服雖然係按時收費，但入面有免費逗貓棒提供比你同主子玩，又有得免費充電，又有自助水吧，可以自己斟水飲～仲有啲特色飲品同件裝蛋糕可以買黎食，環境又舒服，真係可以係度坐成日😆

夏日炎炎☀️，擼貓溜娃的不二之選。係咪好可愛，超得意呢🥰？心都被貓主子們融化。天氣熱辣辣，最好的消遣就是跟貓貓一起慵懶地「嘆冷氣」，所謂一動不如一靜。貓不動，我也不動，才是避暑良方。第一次來到旺角的貓之茶房，沒想到跟荃灣分店一樣都是乾淨整潔👍🏽。店員姐姐們無時無刻都在做各種清潔，黏貓毛、清地上灰塵、抺走貓貓嘔吐物和餵魚油，勤快又有愛心。看來集團管理得好好，很多Cafe 的乾淨程度都被比下去。Cafe的食物主要都是美味件裝蛋糕🍰和熱冷飲🥛☕，價錢都很合理，不會太貴。而茶水食物閣是和貓區分開，可以對食物的衛生有信心。

今日同朋友出旺角行街，行過始創中心附近遠處見到有間貓貓cafe , 她是愛貓之人，即刻上網睇吓d comments , comments 都唔錯， 我地就上去玩下貓， 順便坐下休息下.貓貓cafe 整體上環境乾淨， 座位舒服， 周圍好多貓貓報置， 好得意， 我都忍唔住要打下卡， 另外， cafe 都有提供飲品和旦糕， 價錢唔貴，仲有好多棋類遊戲， －路同貓貓， －路食野， －路捉棋，感覺好chill ， 電話無電， 仲可以免費充電, 係d 到坐下坐下不知不覺就過咗2 個鐘啦.D 到既貓貓隻隻都都得意， 好乖， 任摸唔嬲， 我哋仲買咗d 清蒸雞柳條餵佢哋食.推介， 下次再黎😉