貓啡尾食

營業中

休息中

🐱貓迷必去觀塘貓cafe🍝貓迷一定唔可以錯過呢間貓Cafe💕作為一個不折不扣既貓奴，有貓既地方點可以冇我！位於駱駝漆既 「Catfeine 貓啡尾食」可以同貓貓挽到夠，而且野食仲非常高質🤫cafe環境乾淨舒適，冇異味亦都唔會成地毛。仲有鬥貓棒俾我哋自由拎嚟同貓貓玩，呢度既貓貓大部分都好貪玩，唔洗驚冇互動性。啱曬拍拖或者朋友仔聚會。🌸明太子蟹肉蟹籽意粉｜$118醬汁非常creamy包裹住每條意粉，微辣既明太子味道濃郁，加上脆卜卜既蟹籽一啖接一啖完全停唔到口。🌸蕃茄雞肉忌廉燴飯｜$75味道系簡單既番茄芝士味，飯粒唔會有生米口感（啱我），亦都有菇同雞肉增加口感。🌸炸魚手指配自製檸檬刁草醬｜$45魚手指就冇乜好講，但佢個醬值得一試！比起平時既沙醬醬更加輕盈同埋多左一陣檸檬刁草既香氣，一食就知系自家製，好fresh好開胃。🍵香濃焙茶鮮奶（熱）🍹Oreo沙冰☕️冰美式咖啡用心製作既飲品，熱飲有複雜既拉花、美式咖啡既冰塊都系貓咪造型，處處都充滿細節。cafe仲會不定時舉辦工作坊.e.g. 整貓咪杯墊、萬聖節活動彩繪等等，Follow佢哋社交平台關注最新既活動~門市亦有貓貓用品可以選購，貓奴可以帶手信番

今日係駱駝漆工廈行街個陣，意外發現呢間貓咪cafe😜係門口已經比啲貓仔吸引左，即刻除褲入去同啲貓仔玩下啦😝😝入到去店員會幫你清毒雙手，入到去完全唔收入場費😜平日冇最低消費，而星期六日每人只需低消$80就可以一邊食野一邊同貓貓玩啦😚唔好以為貓貓cafe啲野食水準唔高，我地點個幾樣都真係好好味，賣相都好吸引😛😛💛芝士肉醬意粉 $73💛意大利熏火腿薄餅 $88💛雞塊 （5件）分別叫左2個main同1份小食😜價錢真係幾抵食～主食全部都唔過$100仲要大大份😚😚意粉賣相仲要整到好精緻，食落口都好軟熟😌😌薄餅份量都岩岩好～熱辣辣個陣食仲可以拉到芝士絲添呀😆😆 食到咁上下～再加份小食咬下口～醬汁碟係貓咪樣模樣😻😻超得意🫶🏻 食飽飽忍唔住繼續同貓咪玩 玩到閂門了✌🏻

跟貓咪玩遊戲 話說前幾日在駱駝漆大廈食完brunch 路過一間(貓啡尾食） 俾一包貓咪吸引住 即刻走入去 同貓咪玩遊戲 因為都趕住上堂 只能相聚片刻😅雖然係片刻 但都要點嘢食嘅 但真係食得好飽 所以只點了兩杯咖啡 一杯冰美式咖啡 咖啡送上嘅時候 有一塊立體貓咪形狀的冰放在杯內 咖啡on side☺️ 要自己將咖啡倒入杯內 睇住冰嘅溶化 都幾治癒 還有一杯latte 兩杯咖啡的味道都算不錯 但重點係貓貓 所以一定把握時間 同貓咪玩遊戲☺️☺️ 但Cafe係值得推介嘅 地方裝修簡約舒服寬敞 空間夠大 值得推介

話說前幾日喺駱駝漆大廈11樓食完日本餐 經過一間「貓啡尾食」一群可愛嘅貓咪吸引住 於是入去同貓咪玩遊戲☺️因為食飽飯 所以只點左兩杯咖啡 一杯latte 一杯凍美式咖啡 冰的形狀是一隻貓咪 相當吸引 咖啡味道不錯 因為始終賣點是貓咪 所以重點不是介紹咖啡😆當日Cafe預算多人 所以坐得非常舒服及寧靜 有好多空間可以俾人同貓咪走動😆 如果唔係趕住上堂 其實可以Hea一個下午 值得推介 Cafe還有其他食物有意粉 Burger 薯條薯角 沙律等 適合情侶或者三五知己 甚至乎親子樂都冇問題 係一個非常適合Hea的地方☺️

貓啡尾食@觀塘估唔到係工廠大廈搵到間幾唔錯既貓貓cafe, 職員對啲貓貓仲好好，見到佢地餵餵全部都走埋佢度。一邊食野啲貓貓一邊走過黎搵人玩，好開心😆叫左兩個意粉，味道都唔錯，蜜糖雞翼就好好食咖啡方面都係必點既，試左杯焦糖咖啡，啱哂中意飲點甜野既我呀#貓cafe #貓啡尾食 #貓奴 #主子 #周末好去處 #親子 #親子好去處 #reels #cat #eatliveplay #chill #cafe

當日4大1小, BOOK 左下午2時, 去到唔使等即刻有得入值得讚既位(1) 收費合理, 人頭入場費, $78/hr(不包食物), 但CAFE 主人會幫手叫外賣.....但齋玩貓唔叫外賣都得...唔叫外賣, 可入PANTRY 沖茶包(有天仁茗茶茶包免費)(2) 一入到去, 從沒去過貓CAFE 的長老, 第一句就話 "呢 有度D MEOW 真係好靚"(3) 場內有過半係布偶, 大家都知布偶呢個品種係好FRIENDLY, CAFE 真係揀品種真係揀得好.....另一半係短MO .......整體感覺MEOW 同人都好互相尊重.....(4) 訪客質素.....好多家庭客, 好多小朋友, 好熱鬧, 但大家都對MEOW MEOW 好好....整體氣氛都好好(5) PLUS: 以前去過CWB 的MEOW CAFE, 覺得好商業化, 今次呢間, CAFE 主人好體貼, 例如: 我地等左45MINS 外賣未到, 佢會比我地時間食埋,中途我地又可以低調地玩多陣MEOW.......又例如, 有個客萬歲請自己D FRD既小朋友 飲野, CAFE主人見我地既小朋友係唯一一個無野飲既小朋友, 佢會特別OFF

剛開業時來過，意粉$93有交易同埋味道幾好食，Pizza；嘢飲$50幾蚊，就冇乜特別。早幾日再嚟食物質素保持到，不過服務員感覺開業初期的比較友善。他他米上面的軟墊都沒有鋪，需要客人自己攞。

V小妹近排上堂學緊認識寵物、愛護寵物，佢仲經常問我「點解我地屋企無貓貓」，佢話佢好鐘意貓貓！於是我地就決定帶佢去初體驗接觸下貓貓先~呢度環境非常舒適，貓味同異味都完全冇，仲有日式榻榻米可以坐，岩曬坐唔定嘅V小妹，而且呢度D貓貓好可愛、好乖添，係有1-2隻比較好動D😂但大無畏嘅V小妹好快就warm up好，又玩又摸又可以食下野，玩足4個鐘都唔肯走，最後仲好依依不捨、眼汪汪咁話掛住”BB”(其中一隻貓，因為每隻貓都有名)其實除左陪貓貓玩....呢度D野食都好值得一提👍🏼👍🏼👍🏼水準非常之高，我最欣賞係佢個燴飯，性價比非常之高！真係唔玩貓都可以去食下野，CHILL下~🍴黑松露蘑菇奶油燴飯⭐️⭐️⭐️⭐️⭐️5/5黑松露味又香又濃，而且成個飯都好creamy。Mami M.我係超鐘意食Risotto，但一個好嘅Risotto係好睇佢D飯嘅軟硬，呢度個飯嘅軟硬度係非常適中，岩曬我口感🍴蟹肉蕃茄奶油意粉⭐️⭐️⭐️⭐️⭐️5/5蕃茄一向都係V小妹致愛，佢一黎就已經食曬D蕃茄仔，我相信係好juicy，而且個意粉都係非常creamy，一D都唔乾身🍴蜜糖椒鹽花枝丸⭐️⭐️⭐️⭐️⭐️5/5應該係即時整，所以花枝丸送上枱嘅時候已經勁香

一行三人去到貓貓Cafe12:00入座平均消費需要$80 我哋嗌咗個黑松露飯(⭐️⭐️⭐️⭐️⭐️）肉醬意粉（⭐️⭐️⭐️)士多啤梨芒果奶昔（⭐️⭐️⭐️⭐️⭐️）朱古力蛋糕（🌟⭐️⭐️⭐️）食物質素非常好👍🏻👍🏻👍🏻👍🏻👍🏻重點係玩貓貓🐱🐱🐱啱啱入到來的時候貓貓已經食飽飽目測大概有七至八隻貓喺裏面隻隻都好可愛肥嘟嘟啲貓都好友善，同小朋友玩得好開心環境乾淨舒適值得再去嘅地方

最近先發現原來觀塘開咗間貓Cafe👀本身諗住路過睇下，點知就比🐱🐱吸引咗入去😂(係喵星人嘅超能力！？)入到去先知呢度好大架～有成1500尺🤩貓貓同人都有足夠嘅活動空間👍不過玩到忘形🤣差啲唔記得呢度係貓Cafe，要試下D野食先😬😬🔻食評時間🔻🍽️黑松露蘑菇奶油燴飯黑松露Fans必食👀黑松露+奶油燴飯~味道又香又濃，超正👍🐤單骨脆辣雞翼香脆又香口～辣度啱啱好小朋友都食到👍👍______________________________總括嚟講：🍽️食物好味🐱貓貓可愛仲有咩原因唔嚟😂😂😂

身為貓奴最怕去貓 Cafe 見到貓貓眼發炎，環境又唔乾淨好彩呢到環境大，仲有勁多貓架比貓貓跳黎跳去呢到仲有個領養房，不過今日黎得知貓貓全部都比人領養曬呢到最低消費每人60蚊，無限時時間，鐘意留幾耐就幾耐，比起其他貓cafe 更加抵今次叫左1杯野飲同野食：🌸抹茶鮮奶 🌸＄48拉花拉得好靚，抹茶味夠濃。可惜唔夠熱，如果唔係奶味會更香。🌸小食拉盤 🌸＄78拼盤包左薯條、類似花枝嘅花枝條、花枝丸同脆香雞翼。薯條比較軟身，但花枝丸好彈牙又熱辣辣四雞翼都好脆口同夠辣，都幾好味。除左小食外，呢到都有唔同主食，好似奶油意粉、Pizza等，同場都唔小人食同都好香其他貓cafe 都有按時收費，但呢間布而旦食物都唔差，都好推薦貓奴黎食野加玩貓

觀塘又有貓cafe新開！集合貓貓、咖啡同美食🐈🐈‍⬛場內約有十幾隻貓貓，整體都好精靈，乾淨冇異味，啲毛好順滑超好摸🤤！有啲好乖任摸唔嬲，有啲好活潑主動撩人玩，好為食咁伸個頭上枱八掛你食緊咩🤣裝修簡約設計，設有榻榻米座位，環境乾淨舒適，座墊係貓patpat好可愛🐱全日免入場費，平日不設最低消費同入座限時，名副其實可以輕鬆玩貓嘆啡hea返日✨假日最低消費都只係人頭$60，可以玩足2小時嘢食方面主打多款意粉、牛角包、厚多士，仲有招牌咖啡、奶昔、沙冰等特飲-👍🏻卡邦尼意粉 $88👍🏻蟹肉蕃茄意粉 $98兩款都係比較乾身type，carbonara以淨落蛋汁唔落忌廉嘅做法，配上焦脆嘅煙肉粒同芝士碎，估唔到係貓cafe都食到呢隻carbonara，唔係頹廢白汁個啲🤣蟹肉蕃茄意粉食到啖啖蟹肉鮮味，加上蕃茄味微酸好開胃整體味道係貓cafe嚟講真係唔錯，而且價錢唔貴，份量合理，係幾有誠意🙌🏻-片中其他菜式價錢參考🔸黑松露蘑菇燴飯 $98🔸蟹肉奶油薯餅 $48🔸熱可可鮮奶 $48🔸凍焦糖咖啡 $58-味道：7/10性價比：8/10-📍#貓啡尾食 @catfeine_0927觀塘駱駝漆大廈三座11樓E室

這間貓貓cafe裝修設計簡約，店內還設有榻榻米座位，環境乾淨，感覺好舒適。這裡的貓咪十分主動親近你，給你摸摸頭和抱抱，非常治癒，貓奴不要錯過啊！而且店員態度好親切，好貼心。芝士肉醬意粉(HK$68)意粉份量十足，麵條軟硬度適中，味道吸引。牛角碎蛋煙三文魚包(HK$48)牛角包口感酥脆，美味可口。熱美式咖啡(HK$38)咖啡味道香濃 。熱抹茶鮮奶(HK$48)貓咪杯子十分可愛，抹茶味道濃厚，鮮奶好香滑。

工廠大廈往往都可以發掘到好野食今個週末去左觀塘搵野食，美食集中地-駱駝漆大廈上到11樓，就俾正中間光光猛猛的招牌吸引左，望下門口餐牌有意粉主食、沙律、咖啡等。望入去乾淨企理，日式榻榻米；仲有好多貓貓同小朋友、小情侶玩緊，就自然地走左入去。店內完全冇貓味及其他異味，播住悠閒既歌，舒服。叫左2個意粉(日式拿破崙及卡邦尼意粉）、1杯凍泡沫咖啡及牛油果奶昔。卡邦尼意粉軟硬適中、完美掛汁，香濃而不油膩，相當有驚喜。日式拿破崙意粉茄汁香甜，配合彩椒絲、辣肉腸，口感豐富。咖啡香味濃郁，棉棉既奶泡，入口絲滑，好飲。牛油果奶昔，味道濃厚，香甜可口。最後同d貓貓玩左陣，有d貓貓活力十足，有d優雅高貴。呢度真心推薦，野食好之餘假日黎真係可以得到放鬆。原來店內有部Dyson清新機，唔怪之得冇異味，此店好有心。

📣召喚貓貓愛好者🐱貓奴😍L💫觀塘新開貓貓cafe 🐱唔單止有得玩貓貓🐈‍⬛仲有得食野😋新張期間仲係免費入場‼️🐱貓啡尾食😍行日系清新路線😙空間夠大👍🏻枱與枱之間有一定嘅距離👏🏻近距離同貓貓接觸都唔洗驚整到隔離枱💯沛沛同貓貓互動得好開心💖每隻貓貓都好可愛🥰每個角落都有逗貓棒🪄玩具🪀波波等😝玩到咁上下😌就係醫肚嘅時間😋🐱貓啡尾食唔止貓貓可愛🥰食物都好有驚喜😚好好味😋每星期會都會更換lunch menu 👍🏻呢度提供小食🍗三文治🥪牛角包🥐意粉🍝甜品等💞▪️雞翼 ｜薯條全部即叫即整♨️上枱熱辣辣✔️食個陣要小心😝新鮮好食😌▪️肉醬意粉每條麵都掛滿茄汁🥫而且份量都好多🍝有勁多芝士🧀夠熱😊好食😋▪️朱古力鮮奶個杯有貓貓好吸睛🐱唔會太甜🍫▪️棉花糖榛子醬多士呢款媽媽都好愛😆多士烘到好脆😉中間夾住滿滿嘅榛子醬🌰棉花糖烤到啱啱好🙌🏻邪惡又幸福啊😂🛒🛍️嚟呢度嘅朋友😉仲可以帶走各種寵物用品俾屋企嘅主子🐱🔅你哋都快啲去玩喇🥳而家只要消費一杯野飲就可以同貓貓玩喇🥤真係好抵‼️