貓廬 (已搬遷) 新店位置

經過幾都話想試，今次終於入去試左。結果俾想像中有驚喜。我叫左個三文魚餐，有薯蓉，三文魚，沙律，小食，飲品同甜品，性價比非常高。仲要每樣都有咁上下水準，唔會feel到有hea嘅感覺。

貓廬，位於紅磡舊區大馬路旁。望入去已經覺得好吸引😳😳🥰遍佈餐廳角落、餐具和佈置的喵咪裝飾 x 木系餐盤和坐台 - 看似簡單卻有一種日式風情，簡單美學。食物價錢不算便宜，是令我們有些卻步的😮‍💨👩🏻👩🏻👩🏻‍🦱但最後都被食物名和種類吸引左入同同事決定入去一試🙃🙂一端上食物，發現係值回票價嘅，一套精緻設計嘅日式料理。數種沙律、飲料、甜品、主菜併湊在一起，融合度高。 健康 + 日系 系我同朋友第一個感覺♥️♥️岩曬d少女心同鍾意日本風嘅朋友仔呀👍🏻食物方面，絕對係香港少有注重沙律嘅餐廳，主食可以配搭沙律，還跟了一個生果沙律。fresh而又juicy。主食牛肋骨都好香軟而入味淋。以secondary cut黎講質感不錯😋😋期待下次再試其他

通常有主題嘅餐廳，都會唔係10分好食。而呢一間餐廳就打破咗我對主題餐廳嘅睇法。餐廳屬於小店，比較細，大概可以容納10個人。我點左明太子櫻花蝦煙三文魚意粉。我女朋友叫紅酒煮牛肋條意粉。通常好多餐廳小配菜好唔吸引，但呢間就好ok，樣樣味度好好得嚟唔會搶左主菜嘅風頭。擺盤好靚，而啲嘢食非常好食，明太子意粉好cream 好食，紅酒牛肋條食得出紅酒味，無得彈。幾乎所有餐具都有貓嘅特徵，好可愛。呢個價錢睇得食得，我覺得物超所值。

🐈‍⬛🐱貓廬，一聽就係充滿貓貓風格嘅餐廳（不過無真貓），位於紅磡廣場對面嘅小街。店舖座位比較少，約有4-5枱加高枱，當日食lunch，keep住都有人等位同叫外賣。由於店內得一個廚師，野食都係即煮，所以都需要等下。餐牌選擇都幾多，都係偏日本西餐類，家庭式定食。之前都見網上好多人推介三文魚同牛肋條。今次同朋友，就分別叫左薑汁豚肉野菜烏冬（$78）同紅酒煮牛肋條配意粉（$78）。介紹主菜前先講下個餐包埋嘅沙律同前菜。當日嘅沙律係火龍果菜沙律，好清新同新鮮。前菜係海蜇，彈牙爽口夠味，都唔錯！裝主食嘅器皿好可愛，係貓貓～～好岩打卡用人士（姐係我）先講我叫嘅豚肉野菜烏冬，豚肉同菜同烏冬嘅份量都幾多，而湯底有淡淡嘅薑味，絕對唔係味精湯底。而烏冬似係讚岐烏冬，好彈牙同掛湯。整體好食！畫龍點睛嘅部分係上面嘅甘荀都係貓貓形好可愛～另外朋友點嘅紅酒牛肋條意粉，個汁味道唔濃，岩岩好。而家牛肋條份量都好足，大大舊又腍，夾扁意粉食十分滿足。食哂都唔會有好膩嘅感覺。隨餐仲有附送甜品，係tiramisu。甜品都幾日式，幾甜，我還好。如果這可以減糖感覺更健康。最後我地都點左熱咖啡，幾香，重點係我個杯柄又有隻可愛貓貓，

舖頭裏邊雖然冇真嘅貓貓🐱，但係裝飾和餐具都會用到有貓貓🐱嘅圖案。🐈🐈餐廳嘅位置唔算大，大約坐到8-10個人。簡單嘅餐牌📋一位用心製作食物嘅師傅，所以等候時間有可能耐啲。我哋大約7:30去到有2枱都差不多用餐完畢，所以等一陣就有得食。原隻軟殼蟹蟹膏忌廉意粉set$108🦀軟殼蟹即炸🍝意粉軟硬適中，蟹膏唔腥加埋蟹籽同個忌廉汁一流😋紅酒煮牛肋骨配薯條set$78除咗薯條可以配意粉/飯/薯蓉/沙律，牛肋骨煮得夠入味，而嫩口😋檸檬茶都用🐱🐱杯🍝食得好乾淨，見到🐱樣

鐘意貓或不喜歡貓都可以去，因為貓只是主題，而沒有真貓的喔。望落價錢覺得有啲貴，但食落就知都值回票價，事關有點喜出望外的感覺，起碼你唔會失望先，呢下好重要。 依家好多餐廳或cafe 店都係名過於實，係好貴呀但唔好食，貓廬剛剛相反，真係好食而帶到新鮮感覺。叫左兩份，一個係牛肋骨肉，呢個汁同肉質襯到位，汁唔會過濃而影響了肉的口感。另一份就係炸軟殼蟹，都係炸得剛好，唔會成口油又或者overcooked,所以真心好食。飲品用貓貓手型杯，十分可愛的。誠意推薦俾大家👍🎉

店主好比心機，以貓做主題，店面雖然唔大，杯杯碗碟全部都用有貓咪仔既裝飾，真係好得意～野食都十分出色，雞肉意粉好味，另外ginger 汁牛肉飯都好濃郁，而且三文魚扒仲煎得好嫩滑。

午餐叫了一個紅酒牛肋配意粉，牛肋條ok，意粉淡左少少，咸d會好d，不過賣相可愛，都可以嘅。另加幾蚊要左杯凍蜜桃紅茶，但比較細杯，係一個茶杯仔嘅size。廁所方面，就要拎鎖匙去後巷，廁所環境陰暗，感覺污糟，無洗手液。總結，配合餐廳個名，所有野都係走可愛貓貓路線，環境尚算舒適。

去紅磡開會，中午去呢間小店，之前行幾次都因太少座位而爆場，今日去時剛好有位，我哋兩人坐一張4人枱（場內只有3套枱）舖頭以淺木傢具，用貓貓🐱做主題，行可愛風格，食品是日式西餐廳，枱面放點餐紙自助落單，交店員比廚房出菜！定食餐盤上，每樣食品分細盤裝盤前菜：中華沙律：現成嘅，ok沙律：紅白火龍果肉爽口，甜度不高，蔬菜正常，油醋汁酸酸的開胃，ok紅酒煮牛筋條+白飯+（$78）貓貓碟好靚，擺盤幾好，牛筋條粒炆得入味，筋膜及肉夾雜，筋膜爽口彈牙，牛肉唔韌，紅蘿蔔塊入味，好味！紅酒汁撈飯好夾，白飯唔係珍珠米，煮得鬆軟，整體好味熱咖啡（跟餐）貓咪玻璃杯很可愛，跟餐嘅咖啡我要求不高，夠熱幾香咖啡味，可惜原來是有奶嘅，唔記得走奶😅溫泉蛋（$8）賣相好靚仔，放落白飯撈飯，蛋黃蛋香味濃，好味甜品：tiramisu:忌廉軟滑，蛋糕鬆軟，不太甜好味同事食：紅酒煮牛筋條+意粉+（$78）凍檸茶（跟餐）食物好味，店員靜靜的唔多說話，就算店外有客人等位，都不會做小動作催促！俾現金無收據！日本菜定食小店

這鋪位做過好多手，終於有優質的食店了～之前經過以為是猫食店😂🤣😂，今天午飯時間行過見到原來係人食店😜即時GOGOGO試下先～ 他們小店經營，但無論食物的款式，質素，放位也好有心機～甜品。前菜。沙律。主菜。飲品也樣樣有，所有份量小小，但主菜足夠份量而且可以加飯，佩埋一起有如日式家庭小店！！😅😂👍 食物款式午餐同晚餐基本上是一樣，但晚餐飲品可以轉湯。 另外除了烏冬，其他主菜可佩飯，意粉，薯條，薯蓉等等～好多選擇～正 牛肉粒味道唔錯，入味又香～ 三文魚煎得剛剛熟，香而不乾～ 日式咖喱朱扒送飯一流，必須加飯～ 現在這裡已經係我每星期必吃之店！！！🤣😂😅👍😜

這間以貓為裝飾主題之餐廳, 雖然店內沒有真貓, 但喜歡貓的你必定會被這裡特色的貓裝飾吸引. 而且這小店主打健康家庭feel的健康定食呢.😎 ($88) 🤤 ~ 三文魚皮煎得脆, 肉質好fresh好健康. 整個lunch set 配有前菜, 餐飲及甜品, 幾豐富. ($68)🤤 ~ 牛肉爽口淋身, 金菇爽口, 感覺像在家中自家製的菜式一樣, 健康冇味精. ❤店舖 : 💙地址 : 紅磡馬頭圍道88號海青閣地下D舖

R君帶左我去兩間食店叫我二揀一，因為貓廬闊落d, 所以揀左佢（武漢肺炎肆虐，唔好坐咁迫好d)。店員只有一男一女，雖然牆上面貼左張紙寫住廚師只有一人，所以製作需時之類既字眼，但其實好快就有得食～香煎挪威三文魚意粉定食包含中華沙律、甜品、沙律同飲品塊三文魚皮好脆，三文魚同芒果醬好夾，甜甜地同少左d油膩感。（R君覺得三文魚稍為落多左少少油）蒜片鹿兒島一口牛配薯蓉牛肉幾腍，薯蓉入面有薯仔顆粒😂兩個定食都好食但份量不多，食完其實唔算飽，如果多返少少就好～店面唔太，有幾張枱同吧枱。個人覺得坐吧枱幾舒服，因為除左櫈之外，枱下面都有得晾腳😂另外仲望到入面有好多貓貓造型既杯同餐具😹圖中隻貓形碟，食完會見到碟入面既貓貓樣。店入面都有唔同既貓貓擺設同裝飾🐱帶點日系同文青風食物盤上刻有店名下次再去希望用到另一隻貓貓杯😶p.s. 食完之後先發覺原來係日本既猫の日，而我地咁啱去左貓廬食晚餐😯

小店座位不多，店內有不少與貓有關的佈置，而餐具也用了貓的造型。食物味道就像自己屋企整的味道，不似一般餐廳。定食包括主菜、前菜、沙律、甜品和飲品。前菜是中華沙律；沙律是油醋汁沙律菜和火龍果。飲品揀了南瓜湯，沒想像中濃，淡了一點。主菜分別點了紅酒煮牛肋條和溫泉玉子鰻魚飯。前者牛肋條燜得淋，份量都多，紅酒汁入味，用來撈配菜的薯蓉都幾夾。鰻魚飯就比較普通，個汁不似平常吃的燒汁。甜品是一口芝士蛋糕，實際上迷你得只有半口，味道ok, 不太甜。

首先係俾個店名吸引，然後店舖內嘅裝修感覺清新簡潔，貓貓嘅擺設&杯碟&畫都好加分。餐單用鉛筆去剔，好環保♻️一個set有齊沙律🥗、主菜、小食、甜品、湯/嘢飲，齋睇都覺得好豐富，份量對我黎講啱啱好，至少1點食完到5點都未肚餓。沙律嘅醬汁好好味，加埋兩舊火龍果即刻再健康咗，小食應該係有味菇+飛魚籽，鰻魚俾我想像中好味，有d脆脆地嘅皮，好香好味～個飯上面嘅流心蛋更加係畫龍點睛👍🏻cheese cake味道就一般啦，份量細唔會好漏～用貓貓杯裝住嘅蜂蜜綠茶即刻好飲咗🤭

見到店名以為係貓cafe, 入到去先知係食日本野既，咁我就叫左個牛肉飯，一個set已經有齊沙律，主菜同甜品，份量我覺得啱啱好，牛肉d汁好好味，食完已經諗緊下次約朋友黎再試其它野，唔錯唔錯