貓廬 (已搬遷) 新店位置

今日放假經過呢間鋪比個店名「貓廬」吸引咗就入去試試本人是貓奴hehe間鋪好光猛裝修全部都係貓好靚好舒服我嗌咗個煙三文魚胡麻醬冷烏冬$78定食黎有主食 前菜 沙律 野飲 同甜品！一黎到個刻！好靚個貓貓碟同杯好靚！而且好fresh! 夏天咁熱食真係好開胃！沙律好新鮮！鐘意佢有兩舊生果！唔係出面一堆菜加罐頭粟米個種～個前菜係蝦加八爪魚仔，好開胃！甜品tiramisu 亦好味！唔係出面海棉蛋糕個種成個定食都好有心思！個冷烏冬亦好彈牙！胡麻醬唔姑寒！D菜都好新鮮食完感覺好健康！唯一美中不足係個飲品嗌咗少甜就無乜味道而男朋友就嗌咗香煎三文魚配飯$88三文魚個皮煎得好脆！！而且最特別係佢配個芒果汁！好fresh!!!好夾！感覺亦好健康！唯一都係飲品相對食物就爭d下次嗌餐湯試下！老闆好nice呀！傾咗一陣佢對自己煮既食物要求好高三文魚佢話一定要整到個皮脆先比客仲話寧願客人等耐少少都想比好食既野客人唔想因爲快而犧牲食物質素！的確呢間小店等既時間比呢區既餐廳耐少少但絕對值得等咁有熱誠既小店買少見少！我一定用行動支持食哂佢個menu😹

環境清潔，夠光猛，友善。最重要係，香港真係越來越難揾到用心做食物嘅餐廳，有時遇著好多人幫襯唔係平但食落係唔好食嘅，會懷疑大家係咪味蕾退化。呢間係新開嘅，由裝修到食物都感受到店主係有誠意做「食物」，希望可以keep到，而做食客嘅，遇到好食價錢合理嘅就盡量支持吓呢類小店。

作為貓奴嘅同行人，就被佢店名吸引著(留意返係間店係冇貓)。成間鋪嘅裝飾同埋餐具都貫徹店名「貓盧」，由張枱到凍飲杯都係貓咪，好想見識下邊位主子咁幸福。一坐低就落得單好快有野食，可能因為試業期間，人流並唔多。叫咗個紅酒煮牛肋條加薯蓉，兩個人怕飽就叫多個輕食薯條沙律，牛肋條煮得夠淋夠入味，薯條超新鮮。定食仲包杯嘢飲、炸物同甜品，好食又抵食。睇得出好有心好有誠意煮，值得嚟食！臨走老闆仲問聲啲野啱唔啱食，想我哋俾啲意見。我想話佢知，真係冇嘢挑剔到，保持份誠意呀！