影片
以上資料只供參考, 請與餐廳確認詳情
招牌菜
裝修同埋門面都幾靚，但第一次聽唔比人加單既餐廳，就試下你點解咁串！嗌左幾款串燒，一個牛仔骨烏冬同芝士大磨菇（無影相），最喜出望外係杯疏打，估唔到夠味得黎又幾香😛串燒就要等，因為佢即叫即燒，所以每樣野上枱都夠熱夠香；而牛仔骨烏冬都幾好會分開上，個味唔會哂左🤤而且都唔係太大陣醃料味，值得推介！個芝士大磨菇都有d料到，可以一戰btw舖頭貼左紙因為比業主迫遷，所以做埋12月頭就會再搵舖，有機會就快d去幫襯！！！
繼續閱讀
在西貢街吓睇吓，見到有賣串燒，突然好想食，就坐低食番兩串先。串燒到，有点失望，首先聞吾到想像中的串燒香味，又見吾到有肉汁的感覺，心諗食吓先再講……牛柳串，有点乾、冇肉汁、 雖然唔算硬，但係都唔霖。另外雞髀菇串就一般啦，仲叫咗台式蒜茸香腸、 招牌豬金磚各一串，香腸味道還可以，但蒜茸味不重，也帶不出香味，就正常街買既台式腸咁。看看招牌菜先，金磚其實是五花腩，因為本身有肥肉，所以燒完返而帶少少油甘，它是唯一較吸引既。最後期待的是金菇肥牛卷，可惜都是比較乾，咬下去也沒有肉汁流出。平均每串13蚊，雖然味道不算差，但我吾會再去囉。千祈唔好咁大期望啦
繼續閱讀
假期結束前，很想到西貢吹吹風。想起之前摸門釘的貢串，所以再前來碰碰運氣，還好這次有開門了。雖然名字叫「貢串」，但是服務員一點也不串，服務也很好。串串味道比大圍的串得起也是出色百倍。以後想吃串串，又多一個選擇了。
繼續閱讀
今晚約左朋友上佢屋企打機，所以近近地o係佢屋企附近食個晚餐。見呢間食店既名叫做【貢串】都幾得意，於是就入去試下吧。我哋叫左「封煎黃立倉」、「蕃茄芝士焗啡菇」、「香辣牛肉湯烏冬」、「豬軟骨湯烏冬」、「黑椒肉腸串」、「蒜香肉腸串」、「翠玉瓜串串」。「封煎黃立倉」煎得極為值票價，皮脆肉嫩，我連魚鯕，魚尾都吃光光了，配埋小店特製的開胃醬汁一齊吃份外惹味，必食之選。「蕃茄芝士焗啡菇」焗得恰到好處，大啡菇仍保持到充分的菇汁，但又吸引了黎自滿滿蕃茄和芝士的細膩，必食之選。「香辣牛肉湯烏冬」牛肉份量很足料入味，牛肉味濃，自家調製的香辣湯底令人回味無窮，吃辣控必試。「豬軟骨湯烏冬」豬軟骨炆得好軟林，而且好入味，索晒高湯既味。「黑椒肉腸串」、「蒜香肉腸串」、「翠玉瓜串串」都燒得很香口惹味，黑椒肉腸屬人氣食品，我食過黑椒味和蒜香肉腸最濃郁的香腸，而且肉質很結實，感覺亦不會肥膩。翠玉瓜很新鮮，烤得香口軟淋多汁，最後忍唔住要叫多兩份。
繼續閱讀
已是第5次幫襯了，每次都唔會失望，水準非常穩定，價錢合理,是一間非常推介的食店｡特別係佢嘅串燒飯/意粉套餐，真係非常抵食，$42可以選擇2串串燒配飯or意粉｡串燒都非常美味，特別係"招牌燒金磚"、"蜜汁雞中翼"，而其他串燒都唔錯。至於燒廣島蠔都好juicy, 每次都會order｡
繼續閱讀