貢茶 (已結業)

成日都行過見到好想試下, 因為都幾出名, 但因為每次都勁多人, 真係好驚要等好耐, 但有一次終於忍唔住要試下啦, 雖然排隊就耐咗少少, 但等飲品又唔係好耐喎, 我叫咗杯珍珠奶茶, 都ok呀..... 珍珠都幾好食, 茶味夠, 我飲過好多間珍珠奶茶, 但我覺得佢最優勝既地方係選擇加糖既等級多過其他地方, 佢有分正常, 少甜, 半甜, 少少甜, 無糖等...我覺得呢樣係最吸引我再去飲既地方, 次選係多選擇啦.... 因為有好多時候, 有啲飲品叫咗少甜, 但好多時候都係好甜, 同無叫少甜都無乜分別, 但佢呢間分類分得好清楚, 少甜就 70%, 有個 30% 等等..... 所以我覺得好值得推介, 而家咁多人要健康, 有咁清晰既選擇, 適合好多鐘意飲甜嘢又怕肥既女仕們啦!

完左團契去買野飲試左奶蓋綠茶加珍珠(無走冰走糖的origin taste)奶蓋小小咸咸地好creamy好香奶味~~~正正正成杯野飲甜度岩岩好mix埋黎飲就好滑珍珠"煙un"!!!!!仲要係有小小甜味!!!!!o向其他地方飲左好多次唔好飲ge台灣野飲都要10蚊一細杯珍珠無味唔"煙un" 奶茶又水多過茶呢度14蚊大大杯!!!!!!!!質素絕對可以接受直頭係物超所值!!!!d珍珠多到食唔晒>.<~~~好飽好飽 好抵飲!!!!!!!!可能太飽~~~最後飲完晒之後仲有反胃 + 作嘔感覺下次要同人share 先得~好好味!!!!!要試多幾次~~yea

今晚同FD食完沙嗲王, 行經呢度, 見有時間就買左杯招牌奶蓋綠茶+仙草凍黎飲啦。之前一直都想試,但又總覺得咪又係茶溝奶....都想像得到D味啦....會有幾好飲呢? 點知今次一試~有驚喜喎~~奶泡...係幾特別, 好似係咸既cream咁, 好杰身! 但唔算好滑! 青茶...都夠茶味,唔太濃,不過我中意佢濃D。仙草凍...一般啦,咪又係個D! 跟佢個方法飲~都幾得意既。不過溝埋之後又唔覺特別好飲.....可能因為我係要30%甜掛, 因為根據上次飲輕鬆飲, 半甜已經等於超甜既經驗,所以今次要微甜。飲完之後勁飽...好似食多一餐飯咁....同埋感覺有D滯.....唔知係飯既問題定杯野既問題....總括黎黎講....都OK既, 我會試多一次...要50%甜既。

之前同朋友行旺角 諗住買沙灘用既野咁岩行過 又記起佢咁多好評 咁就一齊試啦 一行3人 叫左3杯\ 奶蓋綠茶,水蜜桃汁,蜂蜜綠茶 以之前既經驗 台式飲品全冰同全糖係會凍到死加甜到死 所以全部走冰少糖奶蓋綠既感覺好怪雖然我已經一早知道d奶泡係咸既但係溝落杯茶度 我覺得個味道怪怪地 .. 唔太岩心水反而未溝之前 我飲左幾啖 覺得幾清 幾唔錯至於個水蜜桃汁 朋友話都ok . 真係好"水蜜桃"個蜂蜜綠茶 朋友就話 唔甜 飲唔出有蜂蜜既味道等都等左15-20分鐘先有得拎個收銀員冇笑容既 ..可以讚既係佢隻杯隻膠杯係用 "硬 膠" 所以好好拎 ..話好又唔算好差又唔係差只係覺得佢麻麻地 貪得意可以試下 下次去旺角都係過番隔離輕鬆飲

說了很久要嚐看看貢茶的手工咖啡今早沒喝自家調的鴛鴦下午出門第一時間就是來買杯咖啡提神先！有著上一次在旺角中心對面那家貢茶分店的經驗就算總店排隊的人超多還是寧願多等一下下下午一點多來到人潮還是一堆在櫃台點一杯手工冰咖啡跟店員說要微糖原來手工冰咖啡是先沖調好的，甜度不能改奇怪，不是泡好咖啡基底而巳嗎？等了約10分鐘我的冰咖啡就到手囉！咖啡香醇濃郁，每一口都會回甘甜度剛好，奶味稍重但不會很膩喝一口精神馬上都回來了~~~~~~~個人不太懂得品嚐咖啡只要入口不酸，淡奶不要加太多，微糖就OK了這個冰咖啡對我而言，是一股感動500cc的份量，才HKD12星巴克來一杯也要動輒HKD30，也不見得特別好喝這樣一大杯喝起來很是滿足！！！詳細食評及照片請看：http://hk.myblog.yahoo.com/foodiebarbie/article?mid=1523

今天天氣好熱, 但要到旺角整手機.其實路經好多次, 今次係等攞機時買咗杯烏龍頁茶.清清地, 幾好味.最重要係好乾淨, 大部份不經人手. 下次試試有寒天的飲品.

今日又同老公行MK,,難得老公主動話俾多次機會貢茶,,好LA,,就俾多次機會你,,今次要左奶蓋青茶,,1拎到手打開個蓋啜1啖佢D奶先,,E,,點解D CREAM 鹹GE?根住啜1啖D茶,,OK WO,,清清地幾好飲,,根住攪匀佢黎飲,,UM,,麻麻地,,D CREAM GE味蓋過左D茶味,,,今日呢杯野,,老公飲左幾啖就話5飲,,我就覺得5係太難飲GE..但就5係好飲LO,,同埋我地都覺得鹹GE CREAM 真係好怪,,不過D茶味就係OK GE,,OVERALL黎講,,鹹GE CREAM 真係1次就夠..留番D QUOTA飲輕鬆飲LA

見到呢間貢茶長據十大，我就趁去旺角行街街之際試試，一去到登打士街離遠就見到前面好多人，我諗應該冇去錯地方喇果然見到招牌係貢茶就睇下有咩飲，嘩~好多選擇，anyway，台式飲品都係以珍珠奶茶為準繩，我又見到有個宣傳牌都係印住「波霸珍珠奶茶$12」，就買呢個啦跟住又見到個牌有「正常、少糖、半糖……少冰、走冰」0既提示，我就一於少冰、少糖，天氣好熱，企0係度都想融，不過咁多人都係咁等等等……同埋好多都係一袋袋咁拎走，真係好好生意我都等左差唔多3個字先有得拎，嘩~一揸住杯咁夠份量0既珍珠奶茶，$12真係抵雖然話係「波霸」但其實d珍珠係同普通size一樣，不過真係煙煙韌韌，而d奶茶甜度0岩哂我口味，唔會甜得滯最想讚0既係飲管係獨立包裝，你自己篤入去，絕對唔經其他人手，我覺得夠哂衛生同埋佢俾左張積分卡，儲夠十杯送一杯，咁我應該都幾難儲夠十杯，因為我今次飲完一杯都飽左，搞到食dinner時都有d食唔落

好耐無上網寫食評了, 甚至係無上openrice搵好野食添, 兩日前同事提起上openrice先再睇番, 原來而家已經係最多人睇的飲食網, 勁!一睇排名榜見到係貢茶, 唔怪得之登打士街咁多人排隊飲台灣茶, 原來係openrice的威力, 今日落去買一杯珍珠奶茶飲, 味道就唔算特別好, 我覺得茶味唔夠, 奶味太重了, 不過就好大杯, 差唔多有八百ml, 一路行一路飲成半個鐘先飲完, 有佢陪我經歷三十四度高溫, 都唔錯!

奶蓋綠茶好好味, 個層奶蓋係我同男友最鍾意食ge~~淨食!!就咁食, 鹹鹹地好味道~同綠茶好match珍珠奶茶夠茶, 我地無要到少甜自己覺得甜左d, 男友就話岩岩好, 珍珠唔會過林, 下次會自己要少甜try下呢兩杯好大杯, 飲到我地好飽

行過又見唔係好多人排隊一定要trytry啦, order 咗招牌: 珍珠奶茶 (***) : order咗3份糖, 無錯, 係好大杯, $12蚊, 不過真係唔好飲, 好淡口, 可能我order少糖的原因, also　d珍珠太淋了!! 鮮柚多多 (***) : 老公order, 又係好淡口, 我估2支益力多溝多多水, 仲好苦添....$20蚊, 呃錢...$12 的珍珠奶茶.......我覺得有d將貨就價......我都係like happy lemon多d.....

去完台北返來珍珠奶茶癮未解XD今日終於一嘗此店話說都幾多人不過等得都唔係好耐原來諗住要奶蓋但好似唔係好吸引我所以都要返珍奶佢D荼味幾濃奶味亦幾滑拍得住台灣好飲果間=)唔似得溝好多水果D值得一飲而且,真係勁大杯全港最大杯係佢XD

近日openrice榜上多左好多旺角既食店,所以就一次過試哂幾間,貢茶就係其中一間喇今日試左奶蓋紅茶,初初等緊既時候,仲後悔緊點解唔飲有珍珠個D,點知第一啖飲落去就知冇揀錯喇打開個杯蓋飲左啖上面層奶,同平時奶茶D奶好唔同,香好多之後搖勻D奶同茶再飲,好好味也..奶同茶味勁夾勁滑,一個字,正。下次一定要試埋其他

這已是我第二次光顧貢茶人龍依舊今次點的繼續是寒天愛玉- 去冰去糖檸檬味的飲料感覺清新，因為去了糖的關係所以味道比較淡其實凍的飲料喝太多對身體不好，所以希望大家也盡量避免喝冰凍飲料!個人認為我那杯去了冰的飲品仍有一定程度的冷，而且不怕喝到最後會被冰沖淡飲品味道所以不妨試試呢寒天和愛玉依舊有很多由第一啖到最後一啖都肯定有點咬的 而且口感不同完全合我心意 印象中好像有點檸檬肉沈底的所以應該不是如其他食家所說用粉沖的吧?總括而言，寒天愛玉味道清新，而且由於沒有奶的關係即使一個人喝這麼大杯也不會覺得太膩 晚餐在GINDACO賣了四粒鱆魚燒再喝一杯寒天愛玉，真是美妙的配搭呢~雖然內心很想喝芋香珍珠，但看來下次還是會繼續被寒天愛玉吸引了.

d 珍珠 差到 好似 塑膠咁..d 奶茶扮到明水溝粉重慘過 係隔離 燒賣 魚旦店果d la... 又排隊又等 又差大家真係唔好 比錢受氣