貢茶 (已結業)

湊熱鬧, 排隊買茶飲, 執輸行頭慘過敗家, 潮野又點可以少得我份行到櫃面, 餐牌給我打量了一會之後, 揀了蜂蜜綠茶飲, 只係十蚊杯! 都係唔好, 加多兩蚊要埋珍珠啦, 總共幫襯十二個大洋即叫即溝, 杯茶呈金黃色, 有兩幾粒珍珠爽沆底, 蜂蜜的味道都幾重, 反而茶味較弱 就好像飲蜂蜜的感覺, 珍珠都幾煙靭, 有點咬頭, 唔會只係得個飲字咁單調, 份量就無得彈, 超大杯, 飲唔哂..一試就算, 做解渴小品都不為過, 做明星級特飲又好似唔夠班

五月二日(星期六)吃完了美味的萬家燒餅皇後,有點口渴,買杯珍珠奶茶,是日做特價$10,一大杯!十分超值!可以選擇無糖,少糖等,冰方面也是,十足十台灣的小吃店!我們選擇了小甜和小冰,奶茶味道不錯!奶茶香濃,但是唯珍珠雖則彈牙,但是又無味道的!應該加少少糖去煲!似乎夏天來臨,對台灣飲品是供不應求呢,常常見到人龍!

珍珠奶茶唔錯,茶味濃,應該是用了貢茶的紅茶來突出茶味,$10大杯抵飲!鮮奶綠茶唔掂,太甜且無茶味!如果喜歡綠茶,個人推介荃灣come buy的黃金奶綠!!

昨天見人龍不太長, 所以就買來試試.叫了奶蓋烏龍, 第一口只吸茶, 茶味是濃的, 之後被厚厚的白色奶吸引, 所以輕輕攪攪, 味道還OK的, 不過慢慢就會被奶搶曬茶味. 飲到1/3已經是溜溜的因為好像在飲奶水, 真係飯都食不下.建議想試既朋友, 可以叫小奶小甜, 佢地既小甜係指8分甜, 不愛甜者可叫一半即半分甜. 我估味道可能會好一點.個人意見,一試無妨.

十二蚊0既奶蓋綠茶, 好大杯, 但係無特別, 只係好似cappucino0既泡沬做頂, 唔係好夠味0既綠茶做底, 我買呢杯係四份三甜味, 茶味可以再香濃就好飲0的, 而家感覺好似係糖水!本來覺得都算可以係一杯用嚟解渴0既飲品, 但係再考慮到要排隊, 覺得唔值再買!

剛好食飽飽口渴又行過, 就試下個特色野飲喇~奶蓋綠茶+椰果8份糖, 個SWEETNESS OK, 因為佢CHI 住左個蓋, 又係大街度, 冇去打開個蓋試下D泡泡先喇, 一開始飲D茶幾香呀, 不過好似唔係好易攪和咁, 飲左陣似奶茶, 佢地又分番開2層了,到尾尾, 得番層奶蓋, 好似奶油+CREAM, 個人好LIKE~ 好滑~好大的一杯!!! 飲左一半就FULL 了~為左D椰果, 先慢慢咁消滅左成杯~

從開業到而家 試左幾隻奶蓋後 發現奶蓋就是 做蛋糕用的忌廉打成泡沬 有點酸味但又有香味 唔知係唔係加左醋或者酸既芝士 開頭飲落香香地 不過飲到後期就覺得有D反胃 太淋 好像吃緊蛋糕一樣 只可飲到奶味﹐茶味就偏淡 我都唔明點解會咁多人願意等 仲有係隔離賣緊臭豆腐 好臭最重要係唔好飲囉, 太重奶味 珍珠又硬唔好吃 如果想增肥 可以考慮奶蓋類 以後都係飲返珍珠奶茶算啦 !!!不過12元算係OK 大杯.!!!!!

波兒見好多人都o係貢茶度排隊買茶飲, 同男朋友都唔想執輸, 買番杯試o下買o左一杯奶蓋綠茶飲喔, 好大杯, 成尺高o甘滯, 驚人, 不過我覺得多未必好, 因為只要夠就得, 多得滯仲會越飲越唔好味, 面頭o個層泡沬有少少咸咸地, 我覺得應該係用cream溝埋奶o黎做, 幾滑o下綠茶波兒要o左50%甜, 甜度o岩o岩好, 茶味ok, 解口渴都達到效果喔 不過波兒無心抺黑啊, 我覺得佢同一般綠茶其實唔係太大分別, 實在唔知點解會o甘多人排隊, 可能係因為地點係一個好旺o既地區啦!買完飛企埋一邊等, 見店員努力在做茶, 都覺得佢地係好認真去整, 不過如果下次都係要排太耐, 可能波兒都會選擇買其他飲品飲呢, 如果唔係, 買o黎飲都無妨

28-4-2009又由旺角行路返屋企, 又去登打士街買0野飲, 今次試試呢檔, 買了一杯「奶蓋青茶」($12) 加珍珠 (+ $2),「半糖」「少冰」, 我真麻煩. 無跟紅色 label「小提示」的 3-step approach 飲, 我一0黎就 step 2 , 先飲到頗香濃又帶點甘的茶味; 跟住就 step 3, 不斷 chok chok chok 攪攪攪, 變成「青茶」底的珍珠奶茶, 多一份好濃的奶香, 但仍然不失茶味, 好飲過上次0個杯 (http://www.openrice.com/restaurant/commentdetail.htm?commentid=1990812) 喎! 珍珠係細粒版, Q 度一般;「半糖」甜度就原來頗低, 感覺上茶味更突出, 而且「奶蓋」d 奶 (其實係平日0係 e.g. Pokka 或 UCC 飲咖啡供應的 "cream") 本身都少少甜, 都唔錯. 十分唔錯的一杯台式飲品, 值得試試.4:xx pm 人龍唔算好長, 等0既時間前後亦只 5 分鐘, 不過離開時成頭髮都係隔0黎檔的臭豆腐味 -- 好飲還好飲, 排隊0個0下都幾「艱辛」的

各位食家,我有一晚同女朋友係旺角掃完街之後, 本來諗住去買成日排長龍XXX既波霸奶茶飲, 不過見到前少少有間新開無咩人排既, 我地心諗不如試下新野, 可能有驚喜, 果然真係幾好飲喎!!推介: 珍珠奶茶SOSAMLAM

今日經過貢茶....買左杯我最鍾意既珍珠奶茶..10蚊大大杯呀...無乜特別...唔會太甜..ok..!!!!! 珍珠幾有咬口..唔會好似仙跡岩果d太un...

剛剛從台灣回來，仍然好掛住珍珠綠茶。一見到有新嘢，放假梗係要試一試。我要左杯台灣綠茶加珍珠同椰果(因為想一次過試多D) 唔知係咪太多心。杯茶無茶味，D質地"杰杰地"咁，好怪。椰果OK，珍珠都幾新鮮夠彈，不過無乜味。價錢係幾平，亦抄足台灣半冰，微糖 又有貼紙寫明，連一桶桶茶嘅做法都似足台灣，不過D味就差D喇。仍需進步 ^ ^

哥哥叫我去輕鬆飲買杯野飲俾佢但我見未試過貢茶..所以黎左呢度買不過唔知點解等俾錢都等左勁耐......一睇就知又係SELL大杯感覺上無咩特別叫左朱古力奶茶+珍珠(少甜少冰)感覺上偏淡..無咩茶味...朱古力味唔夠濃珍珠OK煙UN，可以接受。下次都係叫返珍珠奶茶比較下先。=)

$10大大杯..如果平日喜歡飲凍茶多奶一定要飲番杯..好滑ge茶..不過等ge時間真係有d耐..不過值得的

要先排隊買飛, 可用八逹通付款, 之後要再等叫Number攞野飲, 杯野飲大大杯, 我係要標準蜂蜜紅茶, 但飲落好似小甜一樣, 而且茶味很淡, 唔多好飲, 與另一間台式比較, 台式的味道好似與仙x岩較似, 但整潔度則以貢茶較為乾淨, 有個女仔會先把飲品抺乾才比客人, 不用拿上手時濕漉漉, 而飲筒係獨立包裝, 畢竟飲食業整潔係好重要架嘛, 而其他食評都說奶蓋紅茶好飲, 我會下次試吓, 比多次機會佢啦!