貢茶 (已結業)

這間叫貢茶的飲品店最近好像人氣高企, 究竟有啲咩好? 我想知啊買左一杯蜂蜜綠茶嚟試, 加珍珠, 十二塊, 杯就好大杯, 感覺上都幾抵飲, 味道就一般啦, 唔係好特別, 只係一般的綠茶味, 什至覺得比較淡, 茶味好似唔多夠, 珍珠都幾多粒, ok煙靭, 感覺上杯茶算係合格, 行過都會幫襯, 不過唔會專登去買啦

分別兩次光顧，試過珍珠奶茶和冰咖啡。珍珠奶茶味香，甜度適中，確實抵飲。冰咖啡份量沒有那麼多，但也很好喝，不過少冰更好。兩次都等了約15分鐘。下次要試奶蓋系列了。

今日無影到相...因為太口渴了.....睇左咁多人ge食評之後....就去左試了....飲左奶蓋烏龍...唔錯唔錯...等左最多15mins....可能因為去個時都10點幾了....我叫左半糖少冰...都可以wow...唔太甜...D奶蓋好special.....我都有跟個杯D指示去做....不過...我覺得一啖奶蓋一啖茶....先係享受....因為咁有層次D...當然mix左都ok..我地2個人飲....(飯後)覺得勁飽......XD但真係唔錯囉XD

今日咁岩行開旺角就順便行左去貢茶買左杯奶蓋青茶+珍珠....少冰/8份糖，，首先試左d cream係鹹既同好溜，再試個茶好香好甜(因為8份糖既關係覺得好甜，下次都係要再少d糖先得)，唔知點解攪暈之後覺得好清好香飲落好順口，而且買野飲之前既食左好多野既飽濟感都無哂....哈哈哈哈...又可以食過啦，唔怪得之d人話飲茶可以消濟係真o架哈哈哈哈

見天氣咁熱,就買左杯"寒天晶球綠茶",俾完錢先記得冇叫佢走糖,跟住等左二十幾個人先有得攞, 攞左之後就急不及待試試, 幾甜下同埋太多寒天晶球, 如果少返d就更加好啦!!! 下次要再試下其他

叫了杯"奶蓋系列"的奶蓋青茶加珍珠, 所謂奶蓋意思即指多了一層奶泡. 試第一啖奶泡的感覺係好"漏",因為好似齋食緊cream; 但又覺得好特別,因為奶泡不是甜,是鹹的. 至於青茶其實我不知是何種茶,但就係因為唔知所以先叫; 茶味都幾濃郁唔錯. 今次我叫無糖,即完全唔甜,這樣先可以慢慢品嚐茶的回甘味... 個人覺得step 1"以口就杯"的飲法唔係太好,因為第一啖例必張面層大量的奶泡倒入口中,茶反而只飲到少量,所以會覺得好怪; 不過就因為倒奶泡入口,所以先"明顯地"品嚐到鹹味. 我比較鍾意攪拌飲,的確,攪拌後奶泡豐富了口感,而且奶泡的微鹹(因已用茶溝淡了,已變成微鹹)和茶的甘味都幾夾,味道唔錯.另外叫了杯classic的珍珠奶茶,味道幾好; 一提,此店的珍珠只有一種大粒的,不似其他有大細粒size揀.

今嘗奶蓋烏龍味道好特別foam+coffee就試得多有鹹味的foam+烏龍好新奇 Best choice for Summer drink Price is acceptable

我上網睇到貢茶有好多人都覺得吾錯 .. 去到又見到咁多人排隊 .. 但我覺得吾多好飲 .. 茶同珍珠的本身的味道係冇問題的 .. 飲落去 好明顯d珍珠好似用水浸過的 .. -_-'' 所以覺得no good!

咁岩今日o係MK..當然要試下大排長龍又人氣既貢茶啦~貢茶呢個名原來係以前進貢俾皇帝飲用既茶..order左奶泡烏龍茶, 3成糖, 少冰=$12波霸珍珠奶茶, 3成糖, 少冰=$10 (特價)排隊俾錢+拎野飲, 大概用左20-25mins,時間還可以接受, 如大家要善用時間, 建議可買飲品後,到附近買埋小食, 再返轉頭就差唔多喇....試奶泡烏龍茶, 一)啜面層奶泡, 竟然係鹹味既...滑溜而且質感厚, 充滿奶既鹹香味.....gd!!二) 飲烏龍茶, 清甜, 茶味濃~又唔澀...三)攪拌後,哈哈~~變中式幼茶...竟然match~個人覺得3成糖剛剛好, 甜味唔會蓋過茶味, 又能帶出奶香~第一次飲用, 不妨跟指示品嚐奶與茶. 波霸珍珠奶茶: 隔左一陣先飲珍珠奶茶,珍珠被浸淋左..冇平時咁煙韌...可能呢度既茶較濃, 所以就算奶比例落得幾多~但仍飲到茶香~唔知點解...覺得珍珠有甜味~下次要試下叫無糖...特價好抵飲~質素幾好~價錢合理...難怪大家都願意花d時間排隊~

早幾日師傅一條冷四圍貢, 又唔知去邊同食咩好, 行行下黎到呢間呢期人氣食店, 見冇咩人排隊, 於是師傅就貢入去試一試佢!諗左一陣飲咩好先至行到埋去落單, 話晒師傅一向都鍾意波霸, 所以就揀左杯波霸奶茶少甜, 品嘗品嘗, 比完錢就企埋一邊等飲品; 等左一陣, 一杯波霸奶茶就去到師傅手中, 二話不說, 幫杯波霸奶茶留倩影先, 之後即刻大啖咁飲!第一啖入口, 味道真係唔甜, 但又唔算好淡, 不過就係冇咩茶味, 帶唔到奶茶應有嘅味道, 加上又唔夠凍, 所以都係算一般貨仔, 不過d珍珠都幾腍, 幾煙韌, 加上份量特別多, 真係食極都食唔晒, 真係超多, 咁樣叫做打個和啦! 總括黎講波霸奶茶質素一般, 服務都幾友善, 而價錢就唔貴, 十蚊一杯, 都叫做抵飲; 師傅唔係刻意比較, 但呢間食店開喺輕鬆飲旁邊應該對自己好有信心, 但論波霸奶茶師傅始終覺得後者較好, 至少茶味夠香濃, 所以笑臉比唔到, 不過有機會仍會想試下其他!

成日經過貢茶都有好多人, 甚至多人到連條龍都唔知係邊度, 所以一直都冇打算去一試有幾好飲. 不過今次見到條龍0勒, 有少少時間咪去排0下試0下囉.珍珠奶茶我自己都學過知點整, 以前0係香港未試過飲過一個合格0既, 見到禁多人都話好飲就用一個行家0既水平去比較一下貢茶合唔合格先! 今次飲珍珠奶茶加奶蓋, 等0左都有十分鐘至有, 生意真係好到做唔切咁. 奶蓋我係第一次試. 珍珠奶茶本身都算係合格, 茶味叫做 60 分合格多少少啦, 珍珠就幾 Q 一 D 都唔過硬, 有加糖水去開稀佢, 值 70 分. 我叫0既係少冰一份糖, 好多人都話要半糖, 老實講, 唔夠甜0既珍珠奶茶係唔好飲0既, 係唔夠健康0架0勒, 健康就唔好飲珍珠奶茶啦, D 奶都係用奶粉溝之嘛.相反如果飲綠茶, 冇奶0既話就可以少糖都 okay.奶蓋試過就算0勒, 飲得出係用奶粉同糖打成泡沬. 口感新鮮, 不過唔係我杯茶.整體黎講貢茶都算係好飲, 有台灣風味, 不過排隊真係排得耐0左少少. 呢度扣返少少分.

今日飲左杯奶蓋紅茶..因為朋友介紹..朋友話青茶好飲過紅茶..但我唔知咩係青茶..安全起見要番熟悉的紅茶..不錯不錯..奶蓋原來唔係cream..唔識形容真係好重奶味..但如果同珍珠比..我會揀珍珠..不過可以try牙..

星期二夜晚，食完晚飯去完超市入貨後，十一點幾去咗旺角買龜苓膏，之後專誠揸車去睇吓佢刪門未，因為身痕想飲茶…點知兩間都仲開門，仲有幾十人排佪買嘢飲，於是去買杯鳥龍奶蓋加珍珠飲，問咗女朋友佢話驚飲唔落，所以買得一杯飲，之後俾女朋友試咗兩啖，跟手就冇咗大半杯…因為佢噤住飲冇俾返我…我地覺得係香港最好飲的一間，珍珠軟硬適中又帶點甜味，鳥龍茶好香，奶蓋好軟滑，分開飲完再攪混飲又別有味道…難怪飲咗佢３次都係飲烏龍…有機會都想試下其他，如果壓止倒自己唔叫的話…

登打士街除了輕鬆飲，最近更加貢茶，兩間飲品店相爭好不熱鬧。我要了一杯奶蓋綠茶。奶的部份是綠茶之上，類似Creams一樣。將奶及綠茶混為一起，味道有一點兒像港式奶茶，但卻較甜，而且風味上也是完全不同，實在是全新的感覺。另外員工都算幾手快，即使有長長的人龍，大約十五分鐘就可以拿到飲品了。

尋日去開呢頭，就度飲番杯茶啦。只不過點幾鐘就咁多人，好難想像之後既時間會有幾多人等。我都等左差唔多兩個字，先有得飲。呢杯奶蓋紅茶又幾好飲既。奶蓋紅茶杯野好夠凍，話就話正常既甜度，但我又覺得唔係好甜。而茶味又好濃，又幾好飲。佢地既茶底整得幾好。而奶泡可以令杯茶更滑，兩者融合就更好飲。而杯野係獨立包裝，所以好衛生。佢仲教你點樣好飲，不過始終條街。所以都係將奶泡攪勻算啦。十幾蚊大大杯茶，飲完真係幾飽。應該好快有下次啦。