貢茶 (福華街) (已結業)

今日女友又有啲女人病出現，咁岩經過深水埗其實只係想換少少野，點知佢就話要買嘢飲！仲要飲涼粉冰！我真係X Y Z佢，但講完之後佢就嬲個火屎，最終我只係可以跪低俾佢去買杯嘢飲！咁最後我梗係快啲飲快啲飲啦費時佢飲得太多又話肚痛又醒，不過講開又講個涼粉奶茶冰又算唔錯最過分嘅佢仲要比較熱氣嘅時候走去食髯鬚雞，我真係覺得佢癡鬼線㗎！雖然個味道還好但係食兩三夠我都覺得好飽啦！希望大家過到嚟食嘢飲嘢嘅時候都記住我啦！

貢茶喺香港台式飲品嘅市場裏面都算得上係始祖記得當年貢茶啱啱開到嚟香港嘅時候，嗰種熱潮，同今時今日嘅老虎堂、喜茶有得比大食妹當年真係好鍾意飲貢茶㗎，奶蓋綠茶更加係大食妹的必點飲品之一大食妹係深水埗食完飯、見到好多台式飲品決定要飲返個貢茶嘅奶蓋綠茶先<奶蓋綠茶$20> (好味：2/5) (抵食:3.5/5)大食妹平時太鐘意甜品，所以嗌野飲通常會嗌番少甜balance 下，無咁大罪惡感嘛是日一同以往，嗌左個三分甜少冰的奶蓋綠茶作為飯後飲品唔。。。味道同以前比真係差左喎大食妹嗌咗少甜姐，但係個茶唔係唔甜咁簡單，系無味咖wor ，點飲呀奶蓋方面，大食妹覺得太稀喇，可以整番杰D多年無飲，有點失望

最近天氣時冷時熱，成個人都時冷時熱，唔知係打得邊爐多定食得日本野多，時而燥熱時而覺得凍冰冰。咁岩今日收工就經口貢茶，飲反杯珍珠奶茶，滋潤一下心靈，入口茶香四溢，珍珠又夠咬口，好味道！

雖然珍珠奶茶店開到成行成市，但自從我朋友介紹我飲格雷三兄弟之後就時時刻刻都想飲佢，厚厚既奶蓋超正呀，格雷我問過係奶味重d既奶茶，好邪惡的東東，但真係好好飲，珍珠又夠煙un

依家奶茶店開到成行成市,但去到深水埗點都要去番深水埗既貢茶飲下,唔知點解覺得深水埗既貢茶特別好飲,平時就飲開奶蓋烏龍,奶蓋乜奶蓋乜,今次竟然有大發現,原來係有甜品食,我都係依家先知,就係奶蓋黑森林,入面有仙草,珍珠,面頭就係厚厚奶蓋,食完真係好滿足

行行下街好口渴，就去左貢茶買杯野飲。叫左杯仙草奶凍少甜少冰。仙草佔左杯野1/3，飲落好正，好似jelly咁，而且少甜左既奶茶冇全糖咁’漏’，好滿足，下次試下其他款既奶茶先！

飲左咁耐貢茶，發覺原來貢茶都有甜品食，可能好多人都唔知，個甜品就係奶蓋黑森林，入面係珍珠加仙草，最頂係奶蓋，奶蓋是我的最愛，可以用匙巾食，又可以用飲筒，雙重享受

呢排天氣涼涼地，忽冷忽熱咁，個人都好似跟住個天氣咁忽冷忽熱，特別係朝頭早出門口，嗰陣寒氣真係入心入肺，仲要諗起返工對住老細嗰種撩心撩肺，好彩返工嘅時候都唔係好長，朝九晚六咁，呢一日就約咗個朋友喺深水埗行下街想唔想買返隻mouse咁，同埋睇吓啲USB有冇平執返兩隻造下Backup都OK。一出地鐵站唔使行幾耐，就見到呢間貢茶，今日就飲黑糖薑茶，大杯嘅，肯定啱晒依家天氣忽冷忽熱，佢又可以幫我驅下寒，滋潤下。

行行下街就一定要飲下野咬下野。經過深水埗見到貢茶就買左呢杯格雷三兄弟奶茶，半糖，微冰。23蚊唔貴。三兄弟包括黑珍珠，仙草，同埋布甸。首先，珍珠方面有咬口，唔太硬身，又唔會太諗，合格。仙草滑滑口，正常，份量都可以。而布甸也是很滑，正正常常。最後試埋個茶，有少少茶味，而奶果方面也有少少奶香味，配上我揀的半糖微冰，甜度岩岩好，唔好太甜，而半糖亦岩岩好帶出奶茶香。所以我對呢杯23蚊的飲品是滿意的，性價比好。

去完高登商場買野,經過貢茶買野飲,排左3分鐘,等左成5分鐘先有我既珍珠奶茶。珍珠好粉冇咩咬口,奶茶甜左小小,奶味都夠。20蚊一杯真係不成正比,可能越開越多關係,質素比以前差,等既時間都耐左好多。

同同事係附近食完晚飯，去左附近買杯珍珠奶茶解解渴，甜度適中，奶茶起碼真係飲到有茶味，我幾鐘意幫襯哩間品牌既台式飲品，長期keep住好多人排隊，大大杯飲完真係好飽。

呢日經過深水埗, 諗住行下電腦商場,天口咁熱, 行到累累地, 就去買杯台式飲品解渴貢茶係品質保證的選擇,叫咗一杯百香果綠茶, 少冰少糖,酸酸甜甜幾好飲, 又夠晒大杯,茶味夠晒出, 仲有少少咬口,適合一路行一路飲雖然都有幾多人排隊買, 但由落單開始計, 都只係等咗大概五分鐘, 每杯飲品都係即叫即製確保新鮮品質, 真係飲得放心收銀員都好貼心咁問要唔要少冰/少糖,香港人都係習慣少冰ga la仲有好多其他經典的台式飲品供應,下次一定會再幫襯

記得中學個陣 唔係太多呢啲台式飲品店 來來去去都係日出茶太 貢茶不過隨住呢股熱潮興起 多左好多唔同牌子各有特色既店 慢慢就少左飲貢茶 反正周圍都有類似既唯獨係當我諗起呢杯玄米抹茶紅豆個陣 就會想搵貢茶宜家好多主打抹茶既飲品都會加奶 奶蓋 芝士等 飲落有時會覺得膩同太飽肚相反 呢杯係重茶味 無咩奶味 加上紅豆蓉有種圓潤既口感 面頭既玄米好脆口 兩樣加埋可以俾你有野嚼下 但又無珍珠咁肥建議係走冰少甜 走冰杯野都多哂凍 又唔驚啲冰溝淡味道 而紅豆蓉同玄米本身都有少少甜味 所以少甜都已經okay

友人上一次去青衣城講錯，買不到寒天😏，買了茶加珍珠，令到我一直都好像沒有完成心願一樣，心裏十五十六、非常忐忑。於是，有一天，吃麵的時候，即使有點兒炎熱，也沒有加可樂，之後來貢茶，叫個寒天烏龍茶。經已仔細研究過剛才的餐牌，好像只有寒天烏龍茶這個選擇🤔，其他的茶類，也好像要額外加寒天。但是近來發現好像已經沒有寒天綠茶這個選擇，於是唯有叫一杯烏龍茶，自己再加寒天，而且，現在沒有中杯可以選擇了，以致， 點杯烏龍茶，最少成本要＄18，當然要叫少冰少甜，否則好像上次那般，非常之甜的這個寒天烏龍茶，經過我減了半甜之後，味道當然不太甜，有點兒茶香，但是台式的凍飲，你也不要期望有什麼濃郁的茶味。我覺得寒天比珍珠好吃得多，第一，不會像珍珠咬不開的彈性；第二，寒天可以完全咬開吞下。不像珍珠般（有時有部份好像咬不開），但是喝東西的時候，很多事都是在街上，你又不會像台灣司機吃檳榔一般，把咬不開的殘渣吐出來😆

鐘意飲奶蓋，試過好多間貢茶，最唔掂都係呢間。係呢度買過兩次朱古力奶蓋，第一次只係好淡，第二次係難飲過水。無甜味，無酸味，只有怪味不但止，仲要有一堆朱古力粒（注意係「粒」唔係「碎」）未攪勻，係度飄下飄下。係有一層白色既奶蓋，但無味咁濟，唔知點整出黎。第一次買完野飲咁嬲，飲一半就頂唔順倒咗佢，忍唔住要上黎寫feedback。