貴川風味館 (已搬遷) 新店位置

今日係附近，我一個人一定選擇係食米線唔想食啲連鎖式嘅米線店，因為果啲平時成日有得食，諗起貴川，之前食過幾次都好食，所以就拿拿聲行過去了豬頸肉中辣薯粉湯底好香，麻酸適中，又唔係得個死咸，帶點點甜味，但係比起坊間既算係偏油，同埋佢個中辣唔夠辣，似我係出面既小辣咁，我叫多青多芽都冇多到，配料豬頸肉都好少，整體成個粉都好細，好孤寒下，男仔食可能會唔夠飽好食係好食，但配料就唔夠出面啲連鎖式既咁重手，可能要叫2味送先至夠出面1味送。

繼續我的平食譚仔以外的米線之旅。今日一行4人行完山之後，決定岀番市區食埋個tea先~平食之選當然係米線無誤，但係原來身邊的朋友手上面都有幾張譚仔以外的米線食店牌😳 所以今日就去左貴川！坐低睇餐牌，都係叫番個酸辣小窩米線🙈面底$25，非常好，再加肥牛😍$10同行2個男仔叫左撈米線😳女仔都係叫番有湯的米線😆湯汁較混濁，叫左小辣，但唔算太辣酸味還好，不過配菜較少😣肥牛都唔會要求太高🙈一分錢一分貨肥膏佔左4成，有4、5塊。米線一般另外跟餐加$14有凍食皮蛋不過D皮蛋個黃係黃色嘅🤔

因為成日係旺角轉車返屋企…所以好多時係旺角埋飯先。不過先決條件係要快，方便同唔使諗！所以好多時都係譚仔搞掂！講番呢間貴川，以前都成日經過但都係過門而不入！因為見到場面冷清清冇乜人！所以都係唔敢搏！不過唔知幾時開始好多人排隊就挑起我D好奇心想試下！終於有日9點幾經過又咁啱見到有吉位就即管入去試下！入到去靚女安排左我地坐4人卡位！！係諗緊食乜時候，靚女急不及待問我地食乜幾次！為左配合佢，我就即刻叫左墨丸炸醬小鍋米線！女友就叫左腩肉魚餃米線！先講下個湯底，味道同荃灣雲貴好近似！酸酸辣辣！不過呢間就冇咁肥膩！墨丸都唔錯，有D墨魚香味！都唔會成口粉成粒份子料理咁！炸醬就不過下失！魚餃就同一般街食到分別不大！腩肉都係不過不失！唔太入味！呢味野我都係覺得荃灣雲貴好味！米線煮得好煙韌不過份量太少！大約$40碗粉唔係太貴！可能我大食，唔太飽！不過總括黎講幾好味！如唔太肚餓又想食下米線，絕對係旺角譚仔以外唔錯既選擇！謝謝…

今日佢一開門就去食，肚餓諗住快快趣有得食，已經第一個入去坐，叫左個熱伴米線，等下等下間鋪都坐滿哂人，其他人都落哂單，不知不覺我隔離遲過我入黎過d人叫果d米線都黎哂。我覺得唔對路問下個伙計睇下有無漏單，佢問完佢覆都無覆我。等左成半個鐘，再問下果個應該係老闆娘，我就問下佢，佢就係度答埋d咩話"係耐d，人個人得一對手"，我心諗，就算係都應該搞左我果個先啦，啱唔啱啊。好彩最後都黎左，但係d服務真係好差，個老闆串串貢咁樣，以後都唔會去食啊，食到一肚氣，野有唔係特別好食，貼錢買難受真心唔推薦大家食，去食隔離譚仔仲好，雖然野唔太好食，起碼唔洗食到一肚氣

帶家犬看完醫生, 打算極速醫肚但無奈香港食肆都不歡迎狗隻內進, 餓到生不如死都只有買外賣...就近有間米線店, 本來喜好食湯麵, 但要孭著小犬又要手拿著米線, 其實太麻煩心想..天氣涼又不想吃涼伴米線..一看門口餐牌, 原來有熱伴米線, 還要比有湯的平等多! 只是$25!!惹味熱伴米線我加了一份腩肉, 合共$33真是沒有半滴湯外表平平無奇, 但原來內裏的米線是熱呼呼, 燙燙的!!只看米線的色水也知道, 是非常惹味沒有辣, 是正常雲南風味, 已經好夠味加入芫茜及酸菜,  味道更香更出色而腩肉完全唔肥, 肉質爽下次一定要堂食, 味道應該更好

係旺角做完body check，一路行返公司途中，路過豉油街，就行入去食好耐好耐冇食過的呢間米線舖（我真係覺得自己係米粉達人來噶，食幾都唔厭）😂😂😂😂😂😂米線真係好好味，我鍾意的酸辣，配埋豬扒、雞翼和韭菜，個個都係我最愛～可以完全唔辣的酸辣米線喔，係未好神奇，不過我咁愛辣點會唔辣架，梗係食至愛的勁辣啦海帶絲屬特價小食，但是份量都相當OK。如果冇咁鹹就更好咯。不過都係好味喔～

我行下睇到排隊好誇張!一見(我鍾意食米線店)同以前比較(旺左好多)我一入出到叫左一碗中辣酸辣南肉米線加一碟脆皮付皮角!同一杯茉香珍珠奶茶!簡直一配!好好食!環境衛生都!待應都好主動同好招呼!好幸福好滿足!食飽了!有位應該係老闆娘好有禮貌囉!

之前有試過一次，食完好味得不得了。今次已經係不知道第幾多次幫襯了。依然還是那麼滴好味！勁讚一個！米線好彈牙，入面配有酸菜和芽菜，連不怎麼鍾意芽菜的我都覺得呢間鋪的芽菜都係好味過其他米線舖，唔知道店家係唔係有咩秘方呢？米線24，有小小芽菜、酸菜....我加了雞翼（7蚊2隻）同娃娃菜（5蚊），勁辣，啱晒我喔。看圖片，係未未食已經覺得好想食呢～某人叫了炸魚片（+7蚊），就小辣。一樣咁好味喔～另外order了一個例份的椒鹽豆腐，12蚊架，抵食到飛起～如果你同我一樣咁鍾意食米線，呢間米線舖，絕對唔可以錯過喔～

首先，味道吳系好，性價比吳高，佢所謂既酸辣，系加平時既辣椒油落去，碗野一上到黎，多油到呢，再望一望台上果樽辣椒油，明顯系加辣椒油落去。佢無自己既獨特風味吳僅要，如果系加辣椒油我自己加都可，吳使叫你既酸辣。另外最重要就系服務態度，應該系老闆娘，個女人態度差到你吳會再去，俾錢食野仲要受氣。

收工，肚餓和幾位同事找地方宵夜食少少嘢，見到呢間好似幾好，入去試吓先，坐低見到餐牌都好多選擇和配搭，我就選左個沙爹小鍋米線餐，有個米線再自選兩款餸，選左腩肉(辣味)、炸魚片，叫餐可以優惠價叫野飲，選左凍柚子蜜，我們另外叫左幾款小食，有川辣口水雞、辣肚絲和蟹籽芝士丸，坐左陣就有碗熱辣辣既米線送上，碗米線都幾大碗，試吓個沙爹湯先，都幾濃和腩肉個辣汁溶和一齊更加野味，腩肉和炸魚片都好多，米線食落好滑，粗幼適中，腩肉好入味個辣味剛剛好，厚簿大細適中，可以一啖食晒，越食越野味，炸魚片好新鮮彈牙，大大件，咬落唔係麵粉頭，好正 杯柚子蜜唔太甜，都幾多柚子碎，好味 川辣口水雞，個麻辣味好甘好辣，啲雞好嫩好滑 辣肚絲就好爽好野味 蟹籽芝士丸，熱辣辣，外脆內裏流心芝士 ，因為太趕關係都唔記得影相，只可靠口術由於宵夜唔想食太多，一於下次再試

細個讀書食過貴川,今次重臨就係十幾年之後....荔枝雪泡：荔枝味沙冰+左d水果味椰果，解熱解辣不二之選,入口爽哂招牌酸麻辣紅薯粉+腩肉+腐皮（小辣）：紅薯粉煙un，腩肉夠味夠林，絕對唔乾柴。湯底本身已經酸麻辣平衡得好好，夠哂正，加埋其他餸直頭係錦上添花！椒鹽豆腐：炸得好香口！沾埋個酸酸地嘅汁好惹味，可惜裡面豆腐唔滑單山雞翼：大大隻雞翼好香口，味道有d咖哩，辣粉..仲有d唔知咩野香料，整體係好味，但可以將咸味降低咁多年之後風味及味道依然保存,係食酸辣粉首選

經過見到唔少人等緊位, 就行去望望! 原來係食米線既...咁就試下啦!!叫左個麻辣米線(中小辣), 再配左雞翼(加$7)同肥牛(加$10)!個湯底真係好麻, 同埋好似好多油, 不過都算好食既!我就麻麻地個肥牛, 似食緊豬肉, 有小小鞋鞋地, 完全唔似普通打邊爐果隻....雞翼就唔錯, 好香!!! 

貴川米線出旺角睇完戲已經將近11點，就決定食貴川米線，最近常食選料既食物，都可以食到超貴，今日少少節制下都食左$152～單山雞翼-炸雞翼炸得很脆皮，外面在淋上類似七味粉既粉，但唔太辣，不過味道覺得還好。蟹籽芝士球，超級好味！必食推介！！咬下去有流心芝士又有蟹子香味～炸皮很有口感，不會太厚，但又有脆皮感覺～超級正！沙嗲米線～配魚蛋及豬大腸講真個沙嗲湯味道麻麻，不過米線都幾香滑，魚蛋很特別，好像有炸過，不過不像平常的，豬大腸很厚，但略嫌有啲難咬開～酸辣米線（少辣）-配雞翼、炸醬、豬頸肉、墨魚丸，湯底幾好飲，雞翼有點像咖哩雞翼幾好味，炸醬味道還好，覺得無乜味，其他都還好～飲品選擇也很多～❤️️還有珍珠奶茶～都幾好飲！總括而言，價錢不算很貴，但都算宵夜不錯既選擇～

在放學後覺得有點餓, 於是近地選了一間小店填飽肚子。 小店位於旺角, 很多食客, 位子擠迫。 這店的賣點以酸辣, 麻辣米線為主打, 因此我點了酸辣米線配炸響玲。酸辣米線：酸辣米線除了有米線外, 還有酸菜, 腐竹, 芽菜和肉碎, 而湯底比較油膩。配菜方面, 我點了炸響玲。炸響玲有３個,因響玲剛放在湯裡,還沒有變軟,不致會令響玲吸乾水份,變得難吃,值得一讚; 而我認為最好吃的是米線, 軟硬適中, 非常滑身。但店裡的衛生情況一般, 餐具有點黏手, 感覺像是洗不乾淨。這裡的食物雖然不昂貴, 但衛生情況有改善空間。

見食得譚仔多, 經過見到呢間先, 咪試下囉, 坐低無耐, 女侍應已好不客氣問 : “唸好未呀!” 我地最終叫左兩碗"熱撈米線 (無湯)" + "口水雞" + 兩杯飲品老老實實, "熱撈米線"是不辣的, 但佢又有麻辣既香味, 對於不食辣既人係一贊既但口水雞就真係差差差, 完完全全無味, 好似食緊一舊擦子膠咁, 佢既汁亦都唔係平時口水雞既汁, 總之就唔好食啦但食食下見到個男侍應好大聲咁鬧佢自己既同事, 全場當堂已經靜晒,過多一陣, 有個類似老闆娘既女人, 不斷喝罵 : “呢檯點嫁?!食左個幾鐘喇”, 跟住係咁超住人,我差唔多食完, 唸住飲埋杯野就走喇, 點知發現杯野上面有隻蚊, 同其中一個女侍應講, 點知轉頭果個好火爆既老闆娘黎質問我 : “隻蚊係自己飛落去定點!??” 我心唸 : “真好笑, 我鬼知呀! 我下次問下隻蚊先”, 跟住佢話 : “ 今次算, 換俾你, 下次就…” 我即刻話 : “唔洗喇”, 費事為左杯野俾人落毒, 但一定唔會再有下次囉, 乞兒咩!!!!!