貴州遵義黔營羊肉粉 (興旺大廈)

營業中

休息中

天氣持續寒冷真係要食啲羊腩補一補戀，今日喺元朗做嘢突然醒起有呢間專食嘅舖頭，於是去幫襯。我記得有朋友同我講佢嘅羊排味道好好嘅，不過lunch time就算食一份細嘅都好似有啲過分，望吓望吓原來佢有羊腩飯，於是決定叫呢個。羊腩飯啲羊腩比想像中少，而且偏肥，不過就冇羊「酥」味，送嗰碗羊湯都好正，飲完成個人暖晒。題外話，呢間嘢啲樣嘅部位都幾刁鑽，羊肚羊喉羊耳呢啲真係小兒科，佢仲有羊腦羊眼羊鞭羊睪丸羊胎盤，唔知有冇人夠膽食呢。

見新開羊肉粉就試下啦價錢其實都唔平，我叫左羊肉粉$52，野飲要另加，我再叫王老吉就要加$8。我地一行三人想食多小小$30 ，5 串串燒，點知當日無。羊肉粉我叫左微辣，湯唔算濃味，只有小量清甜既羊肉味，如果唔加辣，應該會更無味。羊肉係碎濕濕咁上，亦無咩羊肉味，亦無啖啖肉既質感。我地一行三個女仔，每人叫一碗粉，最尾都唔夠飽，再叫多左個羊肉芹菜湯餃 $58 十隻。羊肉餃都夠味，但羊肉味又欠奉，可能香港只用急凍肉，無左羊既風味。

香港地主打食羊嘅舖頭真係好少，咁好多餐廳都有羊嘅菜式，西式羊扒羊架，咖喱羊腩，kebab ，羊串燒，羊fans都可以食吓止吓咳。依間黔營羊肉粉，係少數主打羊嘅餐廳。黔，即貴州簡稱，除咗貴州菜外，都有啲西北菜，例如手抓羊，肉夾膜之類。環境及裝修: 其實間嘢真係好大陸，好多鏡，好多大陸人嚟食，甚至店內都好多簡體字🫣服務: 普通啦，舖頭有好多位，阿姐都唔算多，冇乜時間理你，收銀只可以俾現金食物質素: 整體都可以嘅，但比起喺大陸食羊，真係兩個層次羊肉粉: 正宗貴州風味，同喺遵義食過嘅都差不多，好多紅油，咁要辣辣地先好食嘅，不過我就唔係好鍾意啲羊肉碎濕濕，好似嘔吐物，面質都唔錯嘅，有彈性羊肉蔥花餅: 呢個好食，個餡係免治羊肉，好惹味，蔥花餅皮好煙韌，好香，佢有個隱藏Menu，係加芝士，$52，好食好多羊肉串: 普通，比起其他舖頭嘅羊串燒冇乜特別，仲有啲乾

元朗多美食，食羊一定要黎呢間，又平又好食，分量多，而且主打冇味精，裝修好地道酥炸羊小排羊肉外皮酥脆香口，加左辣椒粉加倍惹味，內裡肉質嫩滑，羊肉騷味飄香，推介之選手抓羊，芝士羊肉捲餅手抓羊肉質嫩滑肥美，配上生蒜辣椒豉油，非常惹味，捲餅餅皮酥香，羊肉騷味十足，2樣都推介羊肉粉受歡迎之選，叫左中辣，羊肉片十足，加上好多芫茜香蔥，羊肉粉用桂林米粉好爽滑，湯頭香濃，鮮味十足，介紹有講過用足料羊骨煲足十幾個鐘，無味精好好飲，每次都會似哂，店員好繁忙，但態度仍然友善有效率，支持元朗店

次次嗌外賣唔係比少咗嘢，就比錯咗嘢。今次仲搞笑，堂食既話，叫羊肉蔥花卷，明明有四件，外賣打包得返三件，唔通人哋食淨打包俾我？外賣叫中辣就俾小辣，明明堂食就好地地。

今晚試咗一間專門食羊嘅餐廳，叫咗一份細嘅手抓羊排、牙籤羊肉、羊肉蔥花卷、羊雜粉、紅油抄手、貴州臭豆腐同埋涼麵，其實佢仲有啲激啲嘅養嘅部份不過唔敢叫，包括羊肺、羊腦、羊波子、羊鞭、羊眼同埋羊胎盤，你都咪話唔得人驚。叫咗咁多樣嘢之中最好食係個手抓羊排，好鮮味又夠淋，完全冇羊羶味。第二好食係羊肉蔥花卷，其實就好似手抓餅咁樣，不過入面有羊肉。牙籤羊肉就覺得一般，可能將啲羊肉整到咁細粒，食落去冇乜咬口冇乜feel，好似攝牙啦都唔夠攝咁樣。養雜粉啲羊雜就真係少得可憐，如果多啲會好好多。臭豆腐一啲都唔臭，如果唔好當佢係臭豆腐嚟食會好好多。紅油抄手同個涼麵都OK啦，正正常常，無乜特別。

平時我唔係點食羊肉嘅，不過好奇心之下，同埋見到餐牌有其他肉類嗌，就去咗呢間餐廳度食。餐廳環境都幾闊落，好多卡位。我左諗右諗，揀左羊肉粉同埋牛肉串，羊肉粉我帶咗小辣，羊肉大概有四篇左右，係薄片既，講真可能得4片同埋薄切嘅關係羊so 味唔太多，可以接受，湯底都鮮甜嘅，粉嘅質感有啲似米線。餐廳入邊播住電視講解點樣食羊肉粉，佢建議剝咗個蒜頭，一啖生蒜一啖粉咁樣食。講真佢建議呢個食法有幾好多左陣風味。另外牛肉串超級惹味，有d 孜然粉嘅味道，可惜份量偏小，粒牛肉好細粒。總括來講佢唔算係平，但耐唔耐可以食下。

本身第2次幫襯 上次食粉面 今次晚餐 同屋企3個人 叫左個羊排小 $80 嚟到得兩件😅o左咀 問下職員 餐牌噤多ge 佢話你又無問 圖中係大 。。但圖都無寫大定細 。。但$80得兩條太誇張了吧！阿姐話貴定平因人而異！阿姐好串 以後唔會幫襯 食食下又拎單又乘 話入錯🙄

成日都話元朗好多野食，但成日企係元朗都唔知食咩好，一係就排長龍，一係就唔好食今次行左去後一條街搵食，見到有間裝修充滿內地風味嘅羊肉專門店就入去試下一入到去好香羊羶味，唔係好濃果隻，太濃會臭，入面啲姐姐好似譚仔姐姐咁入到去都見到不停有外賣單，幾欣賞佢外賣包裝，保溫物料仲會湯粉隔開，用機封口，外賣途中可以唔洗驚開左蓋/瀉晒我地見好似好正宗咁就叫左好多樣野試 羊肉夾膜，黎到好香，不過個夾膜唔夠脆，影響口感，羊肉味唔係好食到，一般炸羊肉餃子，呢個好好食，好香羊肉味，唔臭，炸得香口可以食好多牙纖羊肉, 其實姐係細細粒嘅羊肉，啲人用牙纖吉黎食而命名掛? 好食嘅，不過偏貴羊肉串, 好食，有肥有瘦，唔鞋口羊雜粉，比我想像中少羊雜，除左腸之前其他都無咩味，米線好滑身仲有D生蒜比你配落個粉?

因為鍾意食羊，專登走去元朗買外賣買左碗羊腩粉+羊肉蔥油餅羊腩粉味道可以，但係食食下，就見到有隻「小強」真係馬上反胃🤢蔥油餅個外賣罐幾特別，但係一拉就爛左，最後要用剪刀開😩整體：味道還可以，價錢亦都合理，但係衛生真係非常差，不推薦

朋友和親友也不大喜歡吃羊肉，就是怕了羊肉的羶味，我非常理解，因為若羊肉不太新鮮又或烹調的方法出現問題,連我都怕怕。就是因為食過在高级西餐廳肉質超嫩的羊扒和中國的秘製羊腩煲再配腐乳檸檬葉，才知羊肉的美味。香港亦很小有專門食羊肉的餐廳，路過，偶然發現，更加要去獨食吓餐廳裝修走時尚簡樸路線主打羊的菜式，餐牌種類選擇也很多放在枱上讓客人自助任加的調味有辣椒粉,孜然粉,還有蒜頭……紅油拌羊腩粉 $53 ~連皮的羊腩口感嫩軟，肉質肥中帶滑，濃濃的羊肉味，而且份量也不小，再拌蒜頭粒，辣油汁，芫荽，花生碎，所有拌料撈均後可蓋過很微很微的羶味，完全可以接受，再用濃厚的肉汁撈拌米粉，非常美味，亦估佢唔到份量都偏多貴州米粉~口感彈牙香滑羊肝串 $6羊肚串 $6價錢便宜，對份量也沒有太大期望，因為羊肝羊肚散上，沒有串在竹簽上，感覺似涼拌羊雜，用香麻微辣汁去撈腌而成，味道不錯。

堂食食完700幾蚊，外賣2份野返去！一份羊雜，一份羊肉葱花卷$42用封口鐵盒裝，睇唔到入面係乜山長水遠返到屋企先發現俾左個$25豆沙慈巴！我真係好L憎人俾錯野！你俾錯牛或豬肉卷我都算，叫差唔多！DLLM!!甜品黎㗎呢個！爭咁遠點食啊？員工唔識或記唔住d外賣就唔好用封口鐵盒啦！！用返透明膠盒啦！起碼你又俾錯外賣客人都即刻知道可以換返啊！俾到d野錯唒！返到屋企先知份野完全食唔L到！堂食果時又係將我份羊肉葱花卷俾左隔離枱！點啊？！外賣又俾其他野我！就係唔俾我食羊肉葱花卷！

呢間羊肉粉店真係做得既出色，估唔到出品咁好，唔怪得平時咁多人排隊！疫情關係我都係叫左外賣，估唔到用作易拉罐方式黎裝羊肉同埋粉，所以翻到屋企之後都仲係熱辣辣咁好食。羊肉切得好薄，而且份量都幾多，推薦！

天氣時凍時熱，突然間想食羊肉粉暖胃，決定這店試一試，這裡可以用QR code 點餐，我們點了羊雜麵、紅油拌羊肉粉、銀菊露一枝！我們覺得羊肉不太羶味，我可以接受～整體味道還可以啦～不過份量就比較細份～如果一個大男人一定唔夠飽！店舖地方也挺大坐得舒服，服務還可以啦！

黔營羊肉粉@元朗 最近因為疫情食多左外賣，朋友介紹左一間係元朗幾受歡迎既羊肉粉比我，係香港羊肉粉專門店都真係比較少見，決定一於去試下🤣我地叫左招牌菜羊肉粉($47)，估唔到佢地既外賣包裝都幾有心思，用左罐頭形式分別密封羊肉湯同埋麵，除左麵底可以保持乾爽，仲達到保溫效果，更重要既係D湯係一滴都唔會漏🤩！呢個設計真係非常之好！羊肉份量都幾多，都有6-7塊，而且切得幾好，薄薄地之如仲好嫩，最重要係冇羊騷味！唔鍾意羊騷味既朋友不妨一試😁佢地既麵都煮得幾好，即使係外賣都唔會淋左🤣最後講講湯底，食得出真係用左羊骨或者羊肉去煲，好清甜，同樣冇羊騷味， 亦唔會覺得好油膩，鍾意羊既朋友記得要飲埋佢🥰