影片
港鐵灣仔站 A3 出口, 步行約7分鐘
繼續閱讀
電話號碼
64381628
21158880
開飯介紹
貴德宫為少有以fusion素菜為主題的私房菜，合東洋小吃、西洋美食、南方廚藝、北方風味於一身。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
朋友最近帶左我去一間私房素菜餐廳，餸菜都係廚師發板架，睇得出每一道都係精心設計。如意卷千色拼盤集合左多款素食，雖然配料簡單，但集合埋一齊好夾。特別欣賞仿真嘅素肉片，口感好接近真肉。師傅仲加左啲好開胃既柚子，好清新。香草百寶袋腐皮包裹住粟米同冬菇，用上帶有東南亞風味既冬蔭公醬汁，好醒胃。藥膳翡翠包依道菜好出色 其實當晚一入餐廳已經聞到當歸同人參嘅香氣外層以嫩綠嘅包菜包裹住粉絲同素菜粒，好有心思。照燒釀大啡菇大啡菇上釀左好似豬肉既涵料 經過煎封 好香口芝香五穀糍粑五穀糍粑好煙韌 上面放上芝士 好特別嘅配搭姬松茸雪梨養生湯個湯好清潤椰香咖喱素雜錦配黃油法包咖喱好香濃 配上素丸 啲丸好似真嘅丸呀 好有肉味香椿花錦繡配藜麥飯聽到個名已經覺得好靚 雜錦既素菜好豐富 好夠穫氣送飯一流馬拉盞芥蘭苗個菜好新鮮 馬拉盞好香口最後食埋個甜品 - 石榴桃粒果凍仲有熱辣辣既鮮磨合桃露作結真係好滿足呀 原來素菜都可以有咁多變化。
繼續閱讀
平時餐牌種類太多，好多嘢都想食，而家就唔使諗食咩餸菜，安排好餸菜。是日平日訂左晚上七時用餐，每張枱都有屏風隔開，環境舒服。🔶三文魚千色拼盤前菜酸酸甜甜好開胃，青瓜絲爽脆，三文魚唔單止賣相似，味道都好神似，底部嘅粉皮都好入味。🔶芝香五穀糍粑賣相吸引，好彩份量細細，因為食落會有少少膩。🔶紫營金元寶餃子是金元寶形狀配上淡淡紫薯湯汁，有心思。🔶照燒釀大啡菇每次都覺得好食。🔶香草白玉環賣相好靚，冬蔭功湯汁拌碟，如果白蘿蔔入味啲就更好。🔶木瓜雪耳養生湯湯超好飲，鮮甜足料，熱焫焫飲好舒服。🔶荷塘月色花錦繡好有鑊氣。🔶椰香咖喱素雜錦魚旦牛肉都好真實，咖喱可以再濃啲。🔶芙蓉燴時蔬蛋白唔夠嫩。🔶鮮磨合桃露唔太甜，唔錯。🔶石榴桃粒果凍出奇地覺得唔錯，果凍口感好好。無限時，環境清靜，好適合同三五知己一齊飯聚。
繼續閱讀
今日食既呢間係位於灣仔既素食店，呢間係素食屆都幾出名，因為既傳統得黎，食物既品質同特別性都吸引到即使平時唔係食素既人都會黎食，今日食陪同另一半既家人黎食 呢度既獨特之處就係廚師發板，基本上每一台都係一樣既，有少少似FINE DINING一樣，非常之咁特別，岩哂我呢D平時都好少食素既人，因為唔洗點諗！ 我估佢既MENU應該係每月都會唔同，總共有11樣野食，計返其實個價錢係勁抵 一開始個三文魚千色拼盤已經驚嘆到我，因為個三文魚望落真係同真既一樣，點埋wasabi食其實幾可亂真 大啡菇係超香口的，口感同味道都係很top 白玉環既湯汁勁夾，清淡得黎又幾鮮味 木瓜湯呢個味道冇肉係差咁d，但係廚師用左多款既食材，令到個味無咁寡，飲下又幾舒服 椰香咖喱素雜錦呢個真係超好味，咖哩超香，而佢入面既魚蛋魚肉等等都係口感同真既無分別，不過最正既食法都係點埋個薄餅一齊食，超香超夾 芙蓉燴西蘭花西蘭花夠哂淋，加埋芙蓉蛋既製法又香又清爽 最後既甜品同糖水都係超出色，石榴桃粒果凍係出面都好少機會食到，整得唔錯，甜甜的又凍凍的 合桃露勁「杰」身又順滑既口感！！真係幾飽都要食埋佢！！
繼續閱讀
我平時大部分時間都係食素，但朋友就覺得素食只有白飯青菜，感覺好悶又抗拒，所以呢日我就帶佢嚟試吓私房素菜，希望可以打破佢對素食嘅一般印象～🫖薰衣草鐵觀音 - 好香呀～ 前菜小食有酥脆花生～ 呢度每枱都有屏風作間隔，私隱度高，經常滿座，所以記住要預訂哦～ 前菜有《🧡三文魚千色拼盤 》三文魚片同燻蹄賣相同口感象真度都好高！已經調好味，仲配有柚子肉、青瓜絲、木耳、粉皮、皮蛋、子薑、日式芥末胡麻醬，整體味道好豐富～《 💜 紫營金元寶 》貌似糖水，但其實係熱湯加上芋頭餡料豐富嘅餃子🥟～《 🍄🟫照燒釀大啡菇 》煎到外層香口微脆嘅大啡菇釀上素肉，入口夠味又juicy～《 🩶芝香五穀糍粑 》軟糯煙韌，外層芝士焗得好香，仲有五穀增加口感～《 💚香草白玉環 》蘿蔔清甜，帶冬陰公嘅湯汁，《 🍲木瓜雪耳養生湯 》湯味清香，滿滿湯料，有木瓜、雪耳、松茸etc~ 滋潤生津～ 《 🥘椰香咖喱素雜錦 配法包🥖 》 有數款素丸包括魚蛋、牛丸和、豆卜、薯仔、椰菜花etc~ 微辣惹味，兩塊多士真係唔夠喉呀～！《 🍛荷塘月色花錦繡 配藜麥飯🍚 》素鯪魚肉，口感同真的魚肉一樣，我覺得仲要惹味啲添！另外仲有藕片、蜜豆、菇、百合、甘筍片都好爽甜～ 《 🥚 芙蓉燴時蔬 》 金針菇碎代替蟹肉絲，加上蛋白都好正，亦唔油膩，撈飯一流～～ 《 🍮石榴桃粒果凍 》 及《 🥜鮮磨合桃露 》賣相靚🧡果凍係蒟蒻口感，煙煙韌韌，有果肉，味道清甜 ；合桃露 好香濃滑溜～正！朋友食完都讚素食一啲都唔dry👍🏻👍🏻*晚上每位$348，咁豐富又好食，抵喎~ *
繼續閱讀
最近多咗食素菜🌱發現香港嘅素食餐廳越嚟越普遍，不論中、西，就連私房菜都有👏🏻講緊嘅係灣仔呢間貴德宮私房素宴，主打fusion素菜tasting menu，一次過可以食勻11道創意fusion素菜，而且每個月都會轉menu，保持新鮮感😎🫖未開餐先奉上薰衣草鐵觀音茶以及果仁。薰衣草鐵觀音茶帶有薰衣草清香😙🍣三文魚千色拼盤色彩繽紛又開胃🤩素三文魚真係有三文魚爽滑口感，素燻蹄亦好像真。中間嘅伴菜以芝麻醬調味，味道好香😋🥟金湯芙蓉餃芙蓉餃軟滑，餡料好足料。湯底飲到南瓜香甜味😙🥮紫芋松露月酥香十足，芋頭外脆內粉，芋頭味好香。造型趣致，仲印上充滿希望四字🤣🥧芝香蘑姑批芝味十足。鬆化嘅撻底內藏滿滿拉絲芝士🧀搭配蘑菇餡料，好惹味😋🟢香草白玉環節瓜釀入軟滑餡料，芡汁帶點香草香味幾特別😛🍲姬松茸養生濃湯足料香濃嘅素湯👏🏻有大量紅蘿蔔。🍢椰香咖喱素雜錦鍾意食咖哩魚蛋嘅人都會鐘意呢道菜😹估唔到素魚蛋同真魚蛋一樣彈牙。仲有薯仔、豆卜、椰菜花等，口感豐富。香濃微辣嘅咖哩汁送法包一流🫶🏻🫛荷塘月色花錦繡有蜜糖豆、素魚肉、蓮藕等，毋須過多調味就啱啱好👍🏻另外配藜麥飯。🥦白玉靈菇扒菜苗經典、清清地嘅蔬菜。🍮石榴桃粒果凍雖然已經食到好飽，但甜品又幾高質，忍唔住要清碟😆果凍帶有石榴嘅香甜味😋仲有蜜桃粒增加咬口。☕️鮮磨合桃露坊間嘅合桃露通常顏色較淺，呢度就深色啲，質感亦濃稠啲，creamy啲，合桃味好濃郁😚😚推介指數（10分為滿分）：8分
繼續閱讀