貴族甜品 (埃華街)

營業中

休息中

Happy Friday又黎到大角嘴食晚飯，食完飯都未夠喉😌朋友提議天寒地凍🥶不如去食番個暖笠笠既甜品啦！點知去咗幾間都好多人，排哂長龍添～最後揸車過經過貴族甜品門口睇落都好多人，咁啱見到有枱客埋單，拿拿聲落車問吓有冇位，真好彩，唔洗排隊有位喎🫢我就揀咗原盅椰皇燉蛋白雙丸 (熱) $58 有芝麻湯圓同芋圓，煙煙韌韌，仲有蛋白食完都幾飽肚😆朋友揀左北海道牛奶燉蛋白（熱）$27佢話蛋白唔滑，食左半碗就停左手😅其實Menu仲有好多甜品選擇，價錢唔貴，假若下次再黎就試試其他～

在附近食完晚飯就去食甜品，不是太多人所以坐得好舒服，之前睇好多食評都話侍應服務態度不好，當天侍應沒有不禮貌態度。店舖裏面糖水的選擇好多好吸引，價錢也不是太貴，我們叫你三個甜品：心太軟配雪糕、宇治金時、清湖映月。心太軟剛剛好切開有少許流心，清湖映月的芒果汁可能唔當做不是太甜，但裏面嘅紫米很軟淋，好味！

We ordered Noble dessert as our supper. These dessert were so tasty and they were in big portion.Mango tastes fresh and there's quite a lot of durian in the dessert.The desserts also come with ice-cream. We have picked mango and durian ice-cream to match our dessert respectively.I would definitely order Noble dessert and try some other items again.

之前食過兩次，都不過不失會再幫襯。但經過今晚之後，一世black list。5pm 去到，得我地一枱客，侍應粗聲粗氣叫我do安心出行，fine，我唔do 你都要罰錢，明白到你好緊張，就算啦。點知，好戲在後頭。我哋坐咗喺門口入嚟第二張枱，跟住叫侍應落單，侍應坐喺最入張枱整甜品中，諗住你會有啲禮貌，行出嚟幫我哋落單，點知個女仕應粗聲粗氣話：你大聲講出黎啦。搞到我要大嗌過去，仲要好似同空氣講野咁😤😤平均$50/一個甜品，服務完全欠奉，好食都唔會幫襯你囉！芒果冰沙，係好食ge，都好軟綿綿，但一世都會再幫襯了

食完飯，滿心歡喜想去食糖水。只怪自己冇做research就走咗入去坐低。因為太失望，完全冇心情唔記得影相。食物 分別叫咗酒釀桂花芝麻湯圓，蛋白杏仁茶。不嬲好鍾意食酒釀桂花湯圓嘅我，從來未食過有酸味嘅酒釀桂花糖水。芝麻湯圓還可以。碗糖水嚟到嘅時候，糖水面仲要有少少泡。而蛋白杏仁茶，個味道同平時一般嘅有少少唔一樣怪怪地。環境+員工態度店舖當時比較少人，店員俾咗兩個位置我哋揀嚟坐。我哋揀咗個近收銀位隔離位置坐低，坐低冇幾耐，就發現好多蚊喺身邊飛來飛去，我哋自己打死左幾隻。店員就話：呢個位通常多蚊，下次唔好揀呢個位坐。(有d 責怪嘅語氣）。。。 之後我哋忍唔住自己搬咗去第二個位坐唔會再有下次反正d 店員都好似唔休做咁

大角咀甜品舖唔多，冇睇食評，入咗呢間。叫咗酒釀桂花湯圓，係酸嘅。至於蛋白杏仁茶，都係變咗味嘅。價錢唔係貴，但係輸咗一次已經足夠，服務態度同衛生都麻麻，難忘經歷。

倒瀉食品在老人家身上 ，老人家一褲都係，一點禮貌都沒有， 一句對不起也沒講，好似老馮一樣， 細聲跟她講是否應該講對唔住都應該講下，佢轉身便走， 離曬大譜。食物又很一般 熱椰皇，沒有 椰皇味，又不夠熱。

一家四口喺附近食完飯諗住食少少甜品。一坐低已經覺得唔妥，勁多蚊喺頭頂飛來飛去，啲員工明明見到但係完全冇反應，要靠自己拍蚊。叫咗杏仁糊加芋圓，餐牌話係石磨，嚟到見到賣相已經麻麻哋，食落杏仁糊完全係開粉嘅味同帶酸，芋圓韌過擦子膠，兩者亦完全一啲都唔夾。另外屋企人嗌咗心太軟，食落勁似微波爐叮嗰啲心太軟，蛋糕嘅身體非常之粉同實，雪糕都係好行嘅質素。四個人食兩個甜品都食唔哂，一致認為難食。真係好耐冇試過食一間舖頭可以由頭伏到尾。

Fresh mangos and ice-cream are fair. The jelly balls are cute and chewy. Mango pudding on the other hand is nearly tasteless.

我本身個人鍾意食紫薯同芋圓，所以叫咗餐牌上面嘅「有丸相聚」。點知佢嗰舊紫薯嘅物體勁難食，好似變咗味咁，湯底又冇味。本身芋圓呢類甜品好靠個糖水底吊味，我見到張相好似冇乜「液體」，乾爭爭咁。所以我落單之前咪問清楚店員，問吓呢款糖水係咪真係好似張圖咁乾爭爭。個店員即刻勁大反應🗣「唔會冇液體㗎！」一句撻落嚟語氣同態度都麻麻態度差都算，黎到仲要難食，真係食到背脊骨落，食咗兩啖就走，我都懶得同個店員反映，佢態度咁差，我驚忍唔住同佢開火。最搞笑係個店員自己傾偈就笑到好開心咁，對住啲客就勁西，趕客成功。恭喜晒！No next time

賣單走人諗住問一問洗手間喺邊！店員: 🗣後巷我: 咁即係邊度店員: 🗣後巷呀！我係覺得自己笨左，應該未賣單前問！比左$ ，d人服務態度一定無咁好！真係沒有最差只有更差！

🍧宇治金時 $42係日本嘅傳統刨冰 主要材料係刨冰 糖漬紅豆同埋小丸子雪糕揀咗朱古力味 唔太濃味但有大量朱古力碎撘夠之前食過配抹茶雪糕 可以話係抹茶味嘅主要來源 茶味濃帶微甘相反抹茶刨冰就無咩味 都係靠上面嘅煉奶吊味小丸子細細粒頗煙韌而且唔會話粉感太重紅豆煮到淋身但依然粒粒分明不過都偏甜所以撈埋其他食就啱啱好🥛北海道牛奶燉蛋白 $22我一鍾意嗌佢哋嘅原盅椰皇燉3.6牛奶蛋白 但今次比較飽就試咗呢款一如既往嗌咗熱嘅 燉蛋白一嚟到好香奶味 食落都係！雖然睇落唔係好多煙但每一啖都好熱蛋白滑捋捋 濃稠度都啱啱好而且唔會過甜下午茶套餐 $40Oreo雪糕雞蛋仔賣相超級靚 係朱古力雪糕加雞蛋仔配兩三塊切咗半嘅oreo餅同埋2條朱古力棒雖然雞蛋仔係即叫即焗但都唔太熱 扣咗少少分。不過咁樣啲雪糕會融得比較慢😄朱古力雪糕雖然唔太濃但同樣有大量朱古力碎最得意係oreo餅竟然係一半雲尼拿一半朱古力味百香果特製飲品其實係梳打水加百香果糖漿加彩色啫喱成件事好小朋友 色彩繽紛細路飲第一啖覺得酸酸甜甜唔錯 但飲咗3分1開始覺得有啲過甜跟住加咗啲水中和翻就好好多 總結係抵飲！

係隔離街吃完晚飯，梗係搵甜品食啦！上次吃了芋X（要輪候），今次又試下這間不用排隊的貴族甜品，有三間分店架！應該吾差的。一行6人，點了8款甜品，我當然不可能全部試晒啦！只試了以下幾款啫！部份是分甘同味，Share泥食。椰皇燉蛋白：夠熱，吾太甜，蛋白火候吾差，吾會太老，份量大，滿意嘅！榴槤銷魂：即係榴槤芋圓西米露之類啦！老婆話榴槤幾香滑，芋圓吾合格，太硬。湯丸：餡吾夠，糖水吾夠熱，但薑味夠濃。白雪黃金卷：即係芒果粉卷，有驚喜，芒果新鮮，粉卷夠凍。整體上，甜品款式都多，有冷有熱，店面乾淨企理，價錢適中，可以翻桌。

食完個伏伏伏伏韓菜。當然唔夠飽。女人要食番甜嘢。調節下心情另一朋友就直奔呢度朋友知我係綠茶控。主動叫呢個。等我可以食食食。留個quota叫其他綠茶金時（好似）丸子夠in un 雪糕係（雀雀牌）不了紅豆冇食冰冇食冇comments本人今日想養生。整個合桃糊先唔係開水既。好在但當然同海記比。差條鴻溝呀喂！不甜。不滑。不夠熱。俾面朋友食咗一半就收皮坐得舒適。靚卡本身叫心太軟。因為應該係不死之選。又好難失敗。但一問。雪糕又係雀雀牌。咁就唔好啦。忍得住口。成功在手減肥啦

椰王產品大家食唔少，呢一家嘅椰王產品連續試咗兩次，失望，失色，失敗！！！好難食！！！！！！第一次試椰王雪燕，雪燕同椰王根本無融合嘅感覺，白色果pet嘢味道根本唔掂。第二次試椰皇雪鴿膏，以為95蚊會有好野，點知，一樣咁難食！！！不知所謂，奶冇奶味，只有一股苦澀味。 叫佢俾紙巾，佢俾得果一張超薄紙巾我，結果我連鼻涕都抹唔到，叻！大家冇咩事真係唔好黎，真係好過份成件事，點解可以咁難食。我絕對唔會再幫襯！！！