貴族甜品 (埃華街)

營業中

休息中

這家甜品小牛牛跟小小馬經過好多次常常高朋滿座生意超好元宵節應景一下來吃湯圓囉甜品的選擇很多 熱的冷的 湯水果汁鬆餅雪糕燉品都有先來看看冰品抹茶紅豆刨冰宇治金時～超大一球抹茶雪糕配上甜甜飽滿的紅豆 一旁還有白色的小湯圓 整個好吃酒釀黑芝麻湯圓湯圓皮很薄芝麻味濃郁 酒釀的味道跟口感都還不錯👍蓮子紅豆沙紅豆很飽滿 配上蓮子吃起來不會太甜不會太膩 暖暖的吃下去肚子很舒服呢薑汁黑芝麻湯圓跟酒釀的放的是一樣的芝麻湯圓 薑汁非常濃郁 天起冷吃這個最適合了整體而言甜品表現都不錯是飯後吃甜點談天的好地方

突登由旺角行去大角咀諗住食甜品，點知勁難食，真係未食過咁難食嘅芋圓! $38一碗「九份芋圓」，啲芋圓係冇乜味嘅，但其他配料就好好好甜（又假又死嘅甜嘅味）。食芋圓又無啦啦加啲益力多味嘅爆珠入去，完全唔夾！問佢有冇奶諗住溝淡佢，想話冇咁甜應該食得落口啦，點知佢話冇！最後食咗兩啖就冇食！同枱有三個朋友都有叫，大家都食到媽媽聲！其他嘅甜品都唔多好食，好似個燉蛋白咁，唔明點解可以整到半水半杰咁！如果唔係岩岩有位，都唔會入黎食。中晒伏！

不知何故，大角咀這個美食天地，甜品店好像愈來愈少，搬遷的搬遷，結業的結業，有些甜品店又不好吃。幸好，這晚在這間在大角咀開業經年的「貴族甜品」吃的「白雪公主」，總算讓我十分滿意。 改了一個漂亮童話名字的「白雪公主」，材料其實很簡單，無非是新鮮芒果肉、芒果味雪糕、椰汁味的假河粉和藏於各款材料底下的冰凍沙冰而已，但芒果清甜，芒果味雪糕也甜，椰汁河粉又是我喜愛的味道，這透心涼的甜品，不需太多花巧，簡簡單單的，已可讓我大大滿足，讓飯後一點甜給予我多多的喜悅。

本身想去隔離食芋圓點知無開，好想食甜品見到附近有間貴族甜品就入去試下。叫左個桂花酒釀丸子，桂花味同酒味都幾濃郁，但糖水調較得麻麻地，酸味太重，丸子亦太淋。我會俾5/10分，剛剛合格。

去完隔離既「骨煲皇」打完邊爐就順手食個甜品，見附近有間糖水鋪就一行四人入左去幫襯。餐牌款式不算多，鐘意食榴槤既我梗係叫左榴槤公主，而朋友就叫左芒芒小丸子、椰王燉 3.6 牛奶蛋白、香蕉士多啤梨雪糕窩夫。榴槤公主 ($48) : 面頭係榴槤肉同布甸啫喱，而下層就係奶凍 ; 味道正正常常，不過榴槤肉再多啲就更好。而叫左椰王燉 3.6 牛奶蛋白既朋友仔，佢話好難食，所以食咗一半就放低咗 ; 而我就試左幾啖芒芒小丸子，芒芒小丸子睇落色水好深色，深色到係橙色咁濟，唸住都會幾濃味吓，點知一食只食到係一啲接近無味既沙冰，真係超失敗同失望。如果單計自己個糖水，味道我都會比兩星，但整體黎講試埋朋友果啲之後，都係比返一星會更貼切。

甜品經常食， 但最經典的香蕉船卻沒有吃過，這裡的 香蕉船是最標準有香蕉的， 不是菠蘿包沒有菠蘿，雞仔餅沒有雞仔的款式 ， 而且只是33,仲有3球雪糕！！到來的甜品非常精緻，而且價錢相宜， 見到很多款都很想試。香蕉船有香蕉， 吃雪糕時會有香蕉的香味， 不是超級市場買的沒味香蕉。而且三球雪糕都有碎粒，好好味!老公叫的酒釀丸子太有酒味，冇食，驚醉找到呢間甜品屋，相比許x山，這裡更高質，價錢又相宜，款式又多，一定會再來吃!

食完晚飯食甜品，香港人既第二個肚😂幾個人，叫左幾個甜品，share一齊食，其中我最欣賞係呢個:@椰王雪蛤櫈鮮奶（熱）成個面都係雪蛤，用匙羹不起鮮奶食，入口仲熱辣辣，正，最中意熱食既甜品真係熱辣辣先啱，呢到呢個椰王就有呢個效果啦😈(因為曾經食過有D舖頭熱椰王，面頭暖，不落口吳熱吳凍又吳暖，吳知用咩溫度黎形容）😈@雪糕紅豆冰——-足料好味@燕窩櫈奶———-不過不失@芒果pan cake—-味道ok，不過塊皮厚左D總括來講不是太差，但又不是特別太出色都可以再去食既🤗

人人都食榴槤公主唔通人人都係榴槤公主？👸🏻榴槤控真係冇辦法😂😂朋友約聚會永遠有吹唔完嘅話題所以最好搵個地方食下糖水慢慢傾 今次我哋揀咗出邊坐之前已經聽過呢度嘅榴槤系列好正今次經過唔使等位終於都可以試下啦🤤口感唔錯Q 彈Q彈榴槤味濃郁 不錯不錯成碗嘢好有好多唔同嘅口感如果$48來講有呢個質素都算係唔錯嘅選擇不枉我山長水遠嚟到試佢一下其實如果唔鍾意食榴槤嘅朋友都可以有其他選擇嘅我見到佢嘅鮮果系列都好多人食🍉🍓🍈🥝賣相都好吸引🤤

放工5點幾6點有點肚餓好想食個下午茶，想起之前飯後食過呢間嘅甜品，白雪公主、榴槤公主、紫薯金磚等都好好味。因為仲要食晚飯唔想食太甜所以揀咗食返紫薯金磚。記憶中厚厚的麵包充滿牛油香味，咬落香甜鬆脆，再配以冰凍雲呢嗱雪糕，簡直係味覺一大享受；但今次再食竟然由天堂跌落地獄。首先我揀錯雪糕，紫薯唔應該配綠茶，成件事錯晒，加上舊雪糕仲有一塊塊冰面，一路食一路溶成水浸濕咗每塊麵包，而麵包都無之前咁多牛油咁香脆。結果痴住冰嘅雪糕好難食，浸濕咗嘅發水麵包仲難食，今次同樣有味覺刺激但呢種剌激真係令人作嘔無下次！

幾年前吃過一次，印象還不錯，所以在附近吃完晚飯又想食甜品，就去幫襯多次。蓮子紅豆沙湯丸 - 湯丸只有黑芝麻選擇......我很喜歡吃湯圓，所有口味都喜歡吃唯獨是不喜歡黑芝麻......但還是點了，吃下湯圓皮都好過無......紅豆沙不過不失，加了蓮子加多點滿足。木桶豆腐花 - 好苦😱......從來都沒有吃過苦的豆腐花.....雖然好滑，但真係食唔落口......我平時只會跟大家分享一下我喜歡的餐廳，不會花時間寫負評😔，但人生中第一次吃到苦的豆腐花，仲要苦過苦瓜咁神奇😱，真係忍唔住要花時間分享一下。

同朋友在奧海城吃過晚飯, 其實都好飽飽, 但佢仲想食甜品, 就提議行左去大角咀!沿路都見吾到D咩甜品店, 最後經過這間, 就進去了!店鋪好夠光, 比人一種潔淨感覺!因為我太飽吃不下, 叫了一個西瓜汁走甜, 我第一次試不加糖的果汁, 最初還擔心會淡口, 但佢有著西瓜既清甜, 就好似食住雪櫃剛攞出來一棣甘              FRESH!朋友叫左個綠豆沙湯丸, 都很好, 吾會過甜!食都要食得精明啊!

因為係七夕情人節，同左男朋友食完晚飯行咗一陣散步之後，過咗大角咀食湯圓！ 我哋好耐冇食甜品，可能年紀大，對甜野冇乜追求感~今日應節，所以去食下！呢間noble算係幾大間，我之前就幫襯深水埗嗰間，但係大角咀近少少，所以嚟咗 外面睇Menu已經好多好嘢食！所以二話不說，入咗去！ 裏面已經有幾多人，但係就冇服務員招呼我哋入嚟，所以我哋就隨便揀咗個位坐睇住個Menu，好吸引，我差啲想叫飛雪~ 因為好靚！但係我男朋友提我：我哋今日係咪食湯圓🤣🤣🤣於是就揀咗薑汁芝麻湯圓，再加腐竹蓮子薏米蛋 感覺好中式！5分鐘都唔使，就已經嚟到～ 不過我哋就打咗個突腐竹蓮子薏米蛋，蛋就大大個，但係完全冇腐竹，我男朋友身先士卒，飲左一啖之後就同我講成碗糖水，叫我唔好飲，會有排都瞓唔到覺，我哋淨係食隻蛋，同普通嘅雞蛋冇乜分別～ 薏米都好少，但係我哋就食咗兩啖就冇再食。至於芝麻湯圓，薑汁好好味！但係芝麻湯圓明顯細粒左好多，可能比較平！湯圓皮就硬左少少，但係芝麻就好好味，咬開都係流出嚟價錢方面，唔算好貴，但係因為味道麻麻地，所以性價比唔高

上次見朋友要專登搭車黎食甜品當晚餐，成日盤算住幾時黎試下個心太軟點好食法，今晚黎開奧海城買戲票，趁機帶老公黎食。等咗好耐...算唔算值得呢? 上半好食過下半😅上半真係好好食，下半部有點蛋味...係未熟哂定係雪完翻熱嘅效果? 我第一次試，唔知佢本身係咁，定係今次失咗水準?馬卡龍就...個質感同味道同我食過嘅差好遠，我諗唔應該同名牌比較嘅...可能只係呢款唔啱我口味...至於一路好想食芝麻糊嘅老公，唔...呢間甜品店應該唔擅長整中式甜品。

約咗朋友食飯，晚餐未食完佢就突然話要食呢間甜品店嘅心太軟和真.生果沙冰當晚餐...仲要去嘅途中先知原來佢講嘅甜品店係要專登搭車去...坐低望menu，唔食得凍嘢，又啱啱食飽飯，唔知點咩好...見到好少地方有酒釀小丸子，就試試~結果唔錯既然佢講到咁好食，下次我都試下心太軟先~

「牛油果牛乳飛雪」 ($55)評分：6.5/10.其實除左日式冰好食嘅台式綿冰相信都好多人鍾意食😀第一次見有唔系日式刨冰嘅牛油果冰覺得幾新奇。頭個幾啖食落係真係幾濃嘅牛油果味的，所以肯定佢有真係落真材實料。不過慢慢食到底又逃唔過變得越嚟越淡嘅命運～😔 而且成個冰連同配料嘅配搭好似有啲亂嚟。紅豆加咗嚮底，而唔晒講都知牛油果同紅豆真係稱唔上好夾。😅 (莫非店家覺得凡係綠色嘅嘢都可以參考宇治金時嘅配搭😂) 白玉俾咗好多粒大大粒但同時一啲都唔軟熟，都系俾啲冰整到硬晒。再最後上面個一球雪糕，如果你話係雲尼拿味咁都過得去啲呀(?) 但實情係佢好有諗頭咁放咗粒芋頭味雪糕糯米糍系頂.......呢吓我真係無語了。只能夠話設計甜品嘅人係用心良苦，但做得太太多。