貴族蛋糕

營業中

休息中

今天去花墟買盤栽。  想起朋友提及一間她經常光顧的蛋糕店就在附近, 今天又有親友到我家聚會, 可順道去買些回家跟親友分享呀。店舖內售賣的食品頗多呢。  除了蛋糕丶蛋撻/椰撻/小蛋糕和曲奇餅, 還有鳳梨酥丶士多啤梨雪苺娘丶木糠布甸丶芒果布甸丶南瓜仔脆脆丶杏仁脆脆丶鮮忌廉芒果瑞士卷丶手工朱古力……  我一時難以抉擇買些什麼。因親友不愛太甜的食品, 我便請店員介紹一下。 店員非常友善和健談, 閒聊間透露此店已開業二十年, 街坊均是熟客。  店舖現時有父親節優惠, 凡於六月期間訂購一磅裝或以上蛋糕, 均可以優惠價$100換購原價$156的曲奇禮盒一份, 全是香港手工製造。 父親節有蛋糕吃, 又可兼嚐香港手工曲奇, 是不錯的選擇。 平日曲奇禮盒也有折扣優惠, 多買多優惠呢。  在店員的介紹下, 我買了以下食物:  日本芝士蛋糕 : 芝士蛋糕少甜不膩。 口感柔軟得來密度高, 入口香滑。 鮮忌廉芒果瑞士卷 : 忌廉新鮮香滑, 芒果清甜。 曲奇禮盒 : 內有八種口味 (心型曲奇丶夏威夷果仁曲奇丶黑白芝麻夏威夷果仁曲奇丶朱古力果仁曲奇丶提子曲奇丶咖啡核桃曲奇丶核桃曲奇和腰果曲奇) 。 曲奇鬆脆可口。

呢間位於太子近花墟的老字號餅店，已經幫襯了很多年，屋企人喜愛這裡的蛋糕夠傳統及美味。今年提早慶祝父親節，所以一早已經訂好父親節蛋糕。這裡有各式各樣不同蛋糕，亦有手工朱古力，最鐘意食朱古力嘅我一定要試嚇，朱古力嘅款色有好多款，最愛夏威夷果仁食落朱古力味道好香濃，果仁食落爽口，食吾停口😋鮮芒果忌廉卷-芒果肉新鮮鮮甜，忌廉好香好滑不會過多，蛋糕軟熟好味呢度嘅蛋糕款式有過千款，父親節當然揀番個超人圖案俾爸爸啦圖案做得好逼真，好靚蛋糕食落軟綿綿，啖啖什果好新鮮好fresh,忌廉好滑😋😋😋六月份訂購蛋糕一磅裝可以以優惠價$100換購原價$156的曲奇禮盒一份👍👍👍

臨近父親節，想話買個蛋糕同老豆慶祝。問佢鍾意食邊間餅店，佢話佢以前係太子返工成日食呢間貴族蛋糕既麵包同曲奇，啲料好靚又唔貴。於是我就決定整個驚喜過佢，預先黎呢度訂蛋糕，佢呢排又興起食雞game, 就順勢整個食雞蛋糕氹下佢歡喜。個蛋糕真係好得意，足兩磅入面係水果蛋糕。海綿質地既蛋糕食到超香蛋香味，而且好軟熟。比起出面潮牌餅店，呢度一磅都係$270，我訂呢個足兩磅水果海綿造型蛋糕$540，出面一定唔止，覺得老牌蛋糕店都有佢好處。我見到日本芝士蛋糕$24一個咁平，而且得返最後一個，就要埋佢。一食落口味道好驚喜，係真！係！好！好！味！淡淡芝士味同鬆軟蛋香味配合得超好，重點係佢仲好有水分，唔係焗到乾身晒既焗蛋糕。唔怪得之得返一個，$24咁平我下次要掃多兩個請埋同事食！老闆娘推介我食埋呢個日本士多啤梨雪莓娘，佢入面有一粒士多啤梨，加上cream 同一層薄薄既海綿蛋糕，上面鋪上一塊糯米皮，口感好似食緊雪米糍蛋糕咁，好好味。老豆無介紹錯，決定下年母親節再係度訂。

又來到一年一度為爸爸送上一件甜蜜心意的日子了,蛋糕也想買個有心思的呢~$640 兩磅的足球蛋糕。這是送給愛欣賞足球的爸爸，一家人一起吃的。一起慶祝開心一下共渡好時光~綠油油的草地是忌廉來的,也有些巧克力粒粒伴蛋糕,巧克力粒粒有濃郁的椰味呢~而足球造型很帥,也很用心,切開見夾層間蘊藏有蛋糕和忌廉及多款唔同嘅新鮮生果粒，例如芒果~忌廉入口質感幼滑口感,而每一口都滲透着絲絲果香，總體份量及材料充足,甜度適中,吃完也不會油膩~適合多人分享品嚐。.蛋糕店說訂蛋糕嘅同時，有個愛爸爸100分的活動,6月期間訂1磅或以上蛋糕,都可以以優惠價$100換購原價$156的曲奇禮盒~本地情懷的全手製曲奇,好像不錯呢~.$18 士多啤梨雪莓娘也順道買了個士多啤梨雪莓娘,日本水晶皮晶瑩剔透而且口感煙韌,士多啤梨味道清甜、感覺清新,忌廉幼滑,最底層是蛋糕,具多層次感~.$24 日本芝士蛋糕日本芝士蛋糕5吋左右大,綿密鬆軟而濕潤,芝士濃度較清新輕盈,一口吃完不禁有再吃多口的衝動~

今個父親節預早一星期做節、特意到太子貴族餅店訂個大蛋糕跟父親大人慶祝一番。這裡的蛋糕有多款造型、為愛車的爸爸訂了這款$520兩磅汽車蛋糕、好型而且份量十足！！完全足夠我們八人吃、這傳統的忌廉蛋糕好軟熟啊！裡面有不少生果粒、吃下去不會太膩😘另外再買了這款$44 芒果卷。芒果瑞士卷與市面買到的size相若，蛋糕密度明顯較高。忌廉夾雜了芒果粒，吃下多了份清新感；忌廉入口頗滑溜。見蛋撻買五送一、又買了幾個蛋撻、椰撻回去給家人。第二天早上用焗爐翻熱一下也很好吃呢、椰撻也沒有很甜～

今日去旺角買花,順便去貴族蛋糕店鋪。貴族蛋糕聽名字就是賣蛋糕。蛋糕款式有多種選擇。有造型蛋糕,日本芝士蛋糕,菠蘿蛋糕,鮮忌廉芒果瑞士卷。就快父親節,一磅裝蛋糕每個$228,現在馬上訂一個。於六月期間訂購一磅裝或以上蛋糕還可以以優惠價$100換購原價$156的曲禮盒一份。鮮忌廉芒果瑞士卷$44店鋪用上新鮮清甜的芒果肉來做,蛋糕軟熟,忌廉綿滑。日本芝士蛋糕$24這個蛋糕是人氣蛋糕,都好多人買。蛋糕少甜，好適合爸媽吃,因較健康。店鋪除了蛋糕,還有其它如曲奇蛋撻,手工朱古力,鳯梨酥,布甸等等。要了半磅曲奇$52曲奇是香港手工製造。選擇非常多,有士多啤梨曲奇，咖啡曲奇，夏威夷果仁曲奇，芝麻夏威夷杏仁曲奇，牛油曲奇等等。曲奇酥脆可口。

提早慶祝父親節😊，平日買的連鎖式餅店蛋糕，一式一樣沒什麼特別，所以今年特意花心思去訂製！朋友介紹太子有間叫(貴族蛋糕)，兩三天前通知就可預訂，因為爸爸鐘意打麻雀，所以就以麻雀作製作，沒有特別構思，但今天收到，十分驚喜，因為好靚，而且兩磅蛋糕來說，比想像中大個！😅😅訂製蛋糕$540（兩磅)傳統蛋糕，製作新鮮材料充足，內裏充滿水果而且一D都唔膩😍😍！(日本芝士蛋糕)＄24即製香味撲鼻，樣子很鬆軟，順道買了一個明天做早餐😋！店內亦有好多選擇，樣樣都好吸引，手工曲奇餅，朱古力，鳳梨酥，蛋糕仔，全部新鮮製造，人流亦好旺👍🏻👍🏻！父親節亦有優惠，買蛋糕之餘，仲可以以$100換購手製曲奇一盒😀！

貴族蛋糕係我光顧多年既餅舖 無論屋企邊個生日都好 我哋都會選擇喺呢度訂蛋糕 因為個人比較傳統 鍾意一啲懷舊嘅蛋糕 加上佢做嘅蛋糕款式又夠靚父親節蛋糕最好三天前預訂 $228一磅 $456兩磅父親節將至 作為一個孝順女當然要訂番個蛋糕同老豆慶祝啦 我揀咗而家大熱非常人氣嘅雲石蛋糕 非常大方得體又高貴 款式簡單但充滿意義外面忌廉非常細滑又厚身，味道唔會太甜， 切開入面係雜果餡，有多款唔同嘅新鮮生果， 蛋糕非常軟熟無論係大時大節或者屋企人生日 訂個蛋糕一齊慶祝真係好開心 鮮芒果忌廉卷 $44/1條傳統嘅忌廉卷 充滿蛋香味道 一層蛋糕一層忌廉 真是讓人停不下口夏天是芒果嘅當造季節 芒果非常甜而且香 非常推介菠蘿蛋糕$7/1件 現在做緊個優惠 買五可送一 蛋糕表面有新鮮菠蘿片 味道酸酸甜甜 好香菠蘿味道 下面係新鮮又軟熟嘅蛋糕 入口好鬆軟這裏還有新鮮出爐嘅蛋撻，椰撻…… 熱辣辣 唔買真係對唔住自己 全部都係自家製充滿香港特色迷你蛋糕仔$36/半磅 一啖一口的小蔔糕 好香牛油味 最啱買袋嚟做小食或者做早餐這裏還有各款朱古力 款式非常多樣化 即買即食呢個壽桃蛋糕夠曬吸睛 我下次都要訂呢個 壽桃寓意長

假期經過花墟見到朋友曾向我推介的港式懷舊蛋糕店。店舖主打造型蛋糕、手工曲奇及手工朱古力。一於入內買番去與家人分享。店舖外面除左有部大電視介紹店內的招牌之外，還見到壽桃造型及立體玫瑰花造型蛋糕。睇中左盒罐裝禮盒曲奇！$156共8種口味。手工朱古力 $78/100g 一包有齊10多款口味嘅手工朱古力。牛奶朱古力夏威夷果仁 每粒朱奶朱古力都有3粒果仁，朱古力順滑配埋香脆可口嘅果仁甜而不膩。白朱古力夏威夷果仁比想像中無甘甜，食落口感更加順滑。而最得我歡心嘅就梗係酒心朱古力及軟心朱古力，味道質感似有名L牌朱古力。全香港製造罐裝手工曲奇 $156/盒買兩罐以上有優惠之外，原來每盒賣出嘅曲奇同蛋糕貴族都會捐出港幣3元做善事。總共有8款口味曲奇。分別係心型曲奇、夏威夷果仁曲奇、黑白芝麻夏威夷果仁曲奇、朱古力果仁曲奇、提子曲奇、咖啡核桃曲奇、核桃曲奇、腰果曲奇。最愛朱古力果仁曲奇，朱古力香氣夠而不甜，果仁令曲奇增加香脆層次口感。鮮芒果忌廉卷 $44海綿蛋糕鬆軟有空氣感，用上新鮮材料芒果，粒粒清甜。淡忌廉順口綿滑，清香不膩。家人對呢個芒果忌廉卷都好滿意。

知道太子有一間餅店，可以為顧客度身訂造各種造型蛋糕，由於我畫工差， 而佢的網站又有好多款蛋糕造型，我當然揀返佢地"喜慶壽宴造型蛋糕"中的其中一款。我攞餅的時候，見到餅櫃擺滿各式各樣的蛋糕，好新鮮。當我打開的時候，真係嚇咗一跳。個蛋糕好精美，造型維肖維妙，好感動呀！媽媽打開呢個蛋糕的時候，超級開心，側邊的生果好新鮮好甜美， 媽媽仲話靚到唔捨得切呀！切開蛋糕，唔會散開，一層蛋糕一層鮮果加忌廉，好分明，蛋糕鬆軟香濃， 食得出做蛋糕的師傅個份心思。左: 杏仁南瓜籽脆脆長假期有呢一啲脆脆做小食都唔錯㗎！南瓜籽同杏仁脆脆好香，咬落去好脆。右: 鮮忌廉芒果瑞士卷蛋糕軟熟，芒果新鮮，忌廉唔會太膩。

適逢就快母親節，相信大家都跟我一樣，周圍上網搜尋有哪一間餐廳的食物質素比較好，而且坐得又舒適，可以和母親一起去慶祝母親節。今日因為要去買鮮花 ，所以機緣巧合去了太子，才知道原來太子有一間叫做貴族蛋糕。看見門口有發哥，和肥波等的照片，忍不住周圍看看到底貴族蛋糕有什麼東西。原來貴族蛋糕不但有售買蛋糕，而且有售賣朱古力和曲奇等。朱古力賣相吸引，看似高級酒店模樣，例如是香檳軟心朱古力，酒心朱古力，白朱古力夏威夷果仁等等。再看多兩看，我就見到有一個蟠桃蛋糕， 即刻令我聯想到母親節。心血來潮就想買一個給母親。即興當然就要行動。我立即入去叫阿姨幫我準備一個送給母親大人。在等候的時候，我見到士多啤梨雪莓娘賣相都吸引，順手便取了一個準備埋單。臨走的時候醒起明天上班前可以食蛋糕做早餐，於是再買多一個日本芝士蛋糕 。雙手拿着一個大蛋糕、一個小蛋糕，再加一個小甜品，份量真的不小，哈哈，有重量。$24 日本芝士蛋糕。size 份量不少。而且低糖，食下去感覺較健康，哈哈，可能因為比其他芝士蛋糕少了糖份。芝士蛋糕咬口鬆軟，上表皮微微的脆感。整體滿意。$18 士多啤梨雪莓娘。外皮是水晶皮，裡面有海棉蛋糕和甜忌廉。當然

每次坐車經過花墟，都會看到這間餅店，今晚在附近吃飯，就買些曲奇餅和蛋糕回家吃。在店鋪面看到很多明星都光顧過，和老闆娘合照，應該質素有一定保証。店內有多款商品，如巧克力、馬卡龍、生日蛋糕、曲奇餅🍪、鳳梨酥。曲奇半磅$52，是散賣的，味道有十幾款，半磅可以㨂兩款，牛油味道濃郁，非常鬆脆。鳳梨酥$7，買五送一，外皮酥脆，牛油味十足，饀料帶點甜和菠蘿味道。日本芝士蛋糕少甜$24，芝士味道適中，甜度不高，蛋糕十分鬆軟。

去花墟買花給母親大人時經過這間蛋糕店，店內傳出陣陣傳統餅家香味，就進內看看，剛巧有新鮮出爐的蛋糕仔，入了膠袋未封口待放涼中，就買了一包，又看到有很吸引的曲奇，有我喜愛的款式，如腰果丶杏仁丶合桃丶芝麻等，於是又買了半磅試試。之後又聽到有其他客要芝士蛋糕，又是我的最愛，必買！ 店內還有很多其他美食如菠蘿蛋糕丶南瓜脆脆，還有造型精美的蛋糕，下次訂蛋糕一定來這裡~後來得知原來這間蛋糕店非常出名，除了蛋糕，還有曲奇丶蛋撻等本土美食，是由一些經驗十足的師傅全人手製作的呢！日式芝士蛋糕 $24 - 質感厚實又順滑，不會有吃下去一陣風，濕潤得來又不會有水汪汪的感覺，芝士味香濃得來又不會太甜👍👍👍😋迷你蛋糕仔 $36 - 鬆軟味美貴族什錦曲奇 $52半磅 - 鬆化香濃味美，配料健康

母親節就快到，唔知大家諗好咗送咩禮物未呢﹖其實簡簡單單送上一個美味的蛋糕，一家人齊齊溫馨合照，已經可以令媽媽甜在心頭。講真，每次選購蛋糕，大多數都會揀連鎖品牌嘅出品，不過今年就決定搞搞新意思。其實早兩個星期已經不斷上網搵心水目標，最後找到了這家位於太子的人氣餅店「貴族蛋糕」。瀏覽過該店網頁，原來店舖有成超過二千款自製蛋糕，可以用來配合不同主題，另外客人亦可以自己來圖，自創蛋糕款式。店址位於太子道西176號地下，遊完花墟，買紮花，再過嚟攞蛋糕，時間啱啱好。其實來到時已經見自己訂嘅蛋糕放咗喺雪櫃入面，不過見店員非常忙碌，正在替其他客人落單，所以先在店內逛逛。餅店除咗售賣蛋糕外，原來還有其他產品供應，如鮮芒果布甸、木糠布甸、蛋撻、椰奶撻、什錦曲奇、手工朱古力，甚至連鳳梨酥同零食等都有，而且各款曲奇仲可以即場試食，揀啱先買。很久沒吃過鳳梨酥，另外杏仁同南瓜籽脆脆看來亦很吸引，就一於買些回家品嚐。先講下這個母親節蛋糕 ($476/兩磅)，沒想到原來一個兩磅重嘅蛋糕是如此有份量，非常「墜手」，肯定用料十足。面頭火紅色的心形竟然是用上真嘅玫瑰花瓣砌成，配上旁邊色彩繽紛的馬卡龍，賣相簡直靚絕，加上由呂

年少時，每次到親戚家，總會經過旺角花墟。今天有朋自遠方來，當然要帶他走走，見識下香港傳統的一面。剛好走到「貴族蛋糕」，可算是一家我小時候常常光顧的港式餅店，沒有華麗裝修，卻有一份人情味，及對出品的一種堅持。店內主要以新鮮、手造的曲奇蛋糕為主，也有一些甜點、朱古力等等。友人買了些作伴手禮，我也買一些曲奇之類回家吃吃，重拾兒時味道。鳳梨酥 ($7/個)手作鳳梨酥口感鬆化，牛油味濃，好香。名乎其實皮薄餡靚，餡料非常足，不會太甜，而且吃到一絲絲菠蘿，真材實料，值得一試。現在還有優惠買5送1。杏仁脆脆、南瓜籽脆脆 ($52/半磅)兩款都是令人停不了口的小吃，脆脆的，很香口。利用少量糖膠，沾滿南瓜籽和杏仁，中間有少量花生，一口一顆，非常方便可口，個人比較喜歡南瓜籽。罐裝曲奇（紅）（$156/盒）整盒曲奇一共有8種口味，包括咖啡合桃曲奇、朱古力果仁曲奇、夏威夷果仁曲奇、芝麻夏威夷曲奇、心型杏仁曲奇、合桃曲奇、腰果曲奇和提子果仁曲奇，非常豐富。曲奇焗得非常鬆化香口，可是牛油味不會太重，反而果仁杏仁味突出，好好吃。咖啡合桃曲奇也很出色，帶有炭燒咖啡的香味，吃了停不下來。曲奇為店內全人手製作，令人吃得安心